هوس أركي (مكتملة )

البارت 10

وصلنا للمطار لي كان بعيد علينا شي نص ساعة تقريبا الطريق كاملة وحنا ساكتين مصعب كيسوگ ومدير ليزيات في ودنو و كيهدر في التيليفون على ود الخدمة مهمة خلاها لشي حد باش يتكلف بيها في بلاصتو ،وأنا نخمم في عائلتي لي مبيقيتش غادي نشوهم مرى خرى يمكن على واحد العداد ،وفي دارنا لي خليت وفي المشاكيل لي وحلت فيها راسي ومبقيت لقيت ليها حتا حل وزيد وزيد وزيد الراس عندي ولاو كيدربو فيه شلا مطارق مطرقة تابعة مطرقة

غير وصلنا هبط هوا لول وجا لعندي حل ليا الباب حتا هبطت وشد ليا في أيدي وهوا معفر كيف ديما يشوف غير لفوق الصراحة الى شفتو شي نهار ضااااحك غادي تكون معجيزة كبيرة وقعات ليا ،معلانا تمينا غادين داخلين بجوج بديت كندور في عينيا بان ليا الناس وأمن ديال المطار ورجال الدرك والشرطة تقريبا كلهم كيعرفوه أستغربت فيه وااااااااااه كلشي عاطيه قيمة كولشي محتارمو شي كيگردفو ليه شي يسلم عليه شي يصبقو هوا لول وهوا غادي گعما مسوق ليهم بحالي مشافهومش غير غادي وجارني من أيدي وأنا تبعاه بحال بنيتو غير الطول ديالي معا الطول ديالو واااااضح وباين وخا نلبس الطالون في 10 ميترو يالله نوصل جهت كتفو

المهم بعد بزاف ديال الأجراءت المهمة والضرورية ركبنا في الطيارة وبالضبط في جناح خاص بعيد على الصداع والضوضاء دخلنا شار ليا بأيدو باش نركب حدا الشرجم ،بركت وبرك حديا مكتفرقناش بزاف ديال المسافة يعني جنبي ملاصق معا جنبو ا
أنا غير بركت تم تم بديت كندور في عينيا ونصرط في الريق ديالي بالخلعة حيت ممولفاش نركب في الطيارة گاع الأفكار الخايبة طاحو عليا حتا كنت غادي نسخف ليهم تماك غير جاب الله تمالكت أعصابي وحاولت منبينش بلي راني خايفة وندير في راسي الضحك قدام العديان ههههه

أما مصعب مني شافني وجهي صفر وشافني خايفة عاد تواضع وتنزال على الغرور والعجرة ديالو وجرني لعندو وتكاني عليه حتا ولا راسي وصط صدرووو وبدا كيهدن فيا وكيمسد حركات دائرية على ضهري باش نتهدن تقريبا بقينا عداد على نفس الوضعية حتا تهدنت أيده قول فيهم مسكن رتاحيت ليهم

الأستغرقات الرحلة شي 4 سويع ولا كتر حتا صافي مبقا ليا جهد مرة ننعس مرة نفيق مرة نبدى نطل من الشريجم ونشوف أش كايبان لتحت وكل مرة يجيبو لينا ماكلة في شي شكل كولشي موجود في الطائرة ، أما سيدهم مصعب فينما نطل عليه يبان ليا خاشي راسو في البيسي وسيري يكتب ولا معرت أش سيري يدير المهم لي يشوفنا يقول بلي حنا ماشي غير عرسان جداد وغادين يديرو شهر العسال وحتا أنا الغضبة ديالو جاتني من الجنات والناس هكا حسن ميبقا يتفلفس عليا ويتمعشق ليا في لكلام لمعسل بلا عسل وأنا معنديش معاه أصلاااا وفصلاااااا

دازتني عيني مفقت من النعاس حتا حسيت بيه كيحرك فيا باش نفيق ندت وأنا خاسرة ، أنا أصلا نعاسة ومكنحملش لي يفيقني نسيت راسي راني ناعسة حدا مصعب ونسيت راني غادا لشهر لعسال كان كيتصحاب ليا راني ناعسة في داارنااا