هوس أركي (مكتملة )

البارت 36

مشيت دخلت لعندهم لصااالون جلست لفين جالسين ومع أنا عندي الزهر يهرس لحجر ملقيت حتا بلاصة فارغة منغير لبلاصة لي كاينة في جنبو بالضبط ،غير جلست حداه وشفت فيه وهوا يهز عينيه وشاااف فيا بلاما يدير حتا شي ردت فعل بقا غير كيشوووف فيا بدون تعبير هااادي أول مرة في حياتي مكنفهمش النضرة ديالو ليا ،
باااينة فيه مقلق وبزاااااااف وباينة فيه حاير ومعاجبو حااال بقيت كنشوف فيه وهوا كيبادلني نفس الشوفات ديال اليأس وديال الألم وديال الغضب المهم كلشي تخلط في عينيه ، حتا أستسلمت وهبطت عينيااااا لتحت مني سمعت ماما حبيبة موجها كلامها ليا

حبيبة : ( كتهدر وهيا فرحانة ) كولو كولو مرحبااا بيكم نهار كبير هدا مني جيتي لعندنا وزرتينا ، الصراحة زارتنا براكة متصوروووش الفرحة لي في قلبي دبا مني شفتك أبنتي عاااايشة على خير وبخير

شفت فيها وأبتسمت ليها وشكرتها غير بعينيا بلاما نهدر حيت مني كنكون حداه فمي كيتلقوى حتا نقز خويا يووسف قال ليا

يوسف : علاش راجلك مصعب مجاااش معاااك وااااش مفارغش أعاايشة ؟

حبيبة : حگا نسيت الله ينسيك في الشهادة البراكة في راسك من جهت شيخك نسيت معزيتك أبنتي مضيريهاش مني قلت الصواب راااه معا هاااد لعمر ولا فيا زهايمر غير خاليها على الله وصافي ،مني شفتك على غفلة كوولشي تخلط عليااا أبنتي مديش عليااا ،بركاا في رااسك وكيف بقاا مصعب مسكين ،كون بقاا فيه المرحووم كان الله يعمرهاا داار مسكين صاحب درويش وصاحب لفقير الله يجعلها ليه في ميزان حسناتو كلهاا النااس تهاادي بيه

أنا : (شفت في أركي لي مداار حتاا شي رضت فعل ورجعت شفت فيها وقلت ) ممشا معاك بااااس الله يرحمو ويوسع عليه ديقت القبور

يوسف : الله يرحمو مسكين كان أنسان طيب الله يرحمووو ،بركاا في راسكم أختي

أناا :(كنشوف غير لتحت ) أمين

حبيبة : مشينا قبيلة نعازيو أنا وخوك في دار شيخك ملقينا حد لي نعرفوه ، وبغينا نعزيو راجلك هدا الساعة قالو لينا مفارغش تسنينا حتا عينا وجينا بلاما نشوفوه واااش مكانش في العزووو ،

شفت فيهم وأنا معارفة حتا أشنو غادي نقول ليهم وباش غادي نجاوبهم حرت حرت حرت بزااااف وبالخصووص النضرات ديال أركي عصبوني محيدش عينيه عليا وحاضيني أش غادي نقول وكيتسنت لكل حرف كنطق بيه وكل حرف خرجتو من فمي ،هاد الشي علاش ختاريت الطريقة الساهلة باااش نسكتهم وميبقاوش يسولو فيا على الأقلية غير حتا نكون معاهم غير بحدنااا راس في راس ونفهمهم

أنا : (طلقت سلوگية تسرح )مصعب كانت عندوو بزاف ديال الخدمة وعاد جاه مووت ديال بااه فجأة بحالي تصدم نفسيتوو دمرت شووية و مكانش فارغ معا الجنازة ديال الباه راكم عااارفين قوت سير وجي هدا علاش قال ليا نقول ليكم غير سمحو ليه ومقدر الضروف ديالكم بزااف بزااف كنعتادر ليكم بنيابة عليه مني يكمل من أجرأت ديال الدفن غاادي يجي يزوركم ضرووري