محسيت براسي حتا مشيت كنجري لجهتو بحال لهبيلة ، متسوقت لا يشوفنا أركي ولا يشوفنا شي حد من العزياااا ولا ماماه لي واااقفة قبالتنا كتشووف فيناا و هيا مصدووومة من الفعلة لي ضرت ،وحتاا أنا أصلاا مبقيت كنتسوق لحتاا وااحد وفين بغاات توصل توصل
المهم حسيت براسي بغا نعنقوووو أو لاباااس ولو يطلب الأمر حياااااتي المهم نطلب منو السااامحة والمغفرة لگاااع داك الشي لي درت فيه حتا لدبااا ،غير وصلت لجهتو تم تم جريتو من أيدوو شماال وضورتو لعندي بزربة شااف فيا بالصدمة ممتيقش أش كندير خنزر فيااا وحسيت بيه بحالي بغاا يدفعني ، بلاما نخاليه يستوعب شنوو باغي يدير وعنقتو على حر ما في جهدي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
خشيت رااااسي في صدور لعريض ولحنين الصدر لي كاان حنين فيااا بزااف لدرجة شحال من مرى عفط على الكراامة ديالوو باش يرديني وميخاليش دمووعي يطيحوو ،ولاكن لاأسف أنا كنت سباب في العدااب ديالو بسباب الأنتقاام ديالي ضيعتووو كرزت عليه بأيدياا بجووج بديت كنبكي كيف الحمقة لي تفرقاااات على حب حياااتها بز منها هاااادي شحااال وعلى الحب والأمااان لي كنت كنحس بيه من جهتووو وتبخر ومشاااااا بلا رجعة
بديت كنبكي وكنتنخصص وصط صدرو وكاارزة عليه ممخلياااهش يتفلفس ولا يقاااومني, أما هوا حسيت بيه مزير ومباغيش يقرب ليا ومترذض بااااش يعنقني ،أيديه مزاااال طالقهم لتحت وكيحاااول بااااش يبعدني منو ومبااغيش يبين قداام الناس لي كيشووفو فيناا
أنا : (كنهدر وبزز باش كنخرج الكلمااات مقطعين من فمي حيت مقفووولة بلبكااااا قلت ) سم....ح. لياااااا عفااااا.....ك سم....ح لي.....اااااا عف.....ا...ك أمصعب سمح ليااا
مصعب : (وهوا معصب كيهضر وكيضغط على كل كلمة قالها وبدى كيدفع فيا بعصبية مبقااش مصوق لناس ولا لشووهة ليذايرين قال وهوا كيضغط على سناانووو وعينيه حمرات دم )متخالينيش ندير فك شي حااااااجة مغاديش تعجبك أزمرة ، حيدي عليا مكاافشك وسيري بحالك من قدااامي دباااااا ولا مغادي يعجبك حاااااال
أنا : (من بعد ما سمعتووو هزيت راسي من على صدرو وبعدت عليه ولاكن مزال شادا ليه في فيست ديالو بأيديا بجووج ومزيرة عليهم ، هزيت عيني الباكين وشفت في عيووونو لي ولاو حمرين ومعرقين كتر مني وقلت ) مصعب أنا ن......اااا...د..مة على ...كوولشي مصعب.. بااقي مكملت كلامي حتا سكتني بالتصرفيقة طيرت الدهشة من عينيااا
