بقيت جالسة فوق الناموسية مخرجة عينيا في الباب كيف داك الشخص( لي كيمشي لشي وليمة ولا عراضة ولا عرس ولا زردة ومكيعرف حتا حد مكيرحب بيه حد حيت من لاخر ممعروووودش ) بانت ليا واحد نص شقفة ديال لمري حدا رجليا مهرسة هزيتها بشوية وشفت فيها وجهي لي خلعني مني شفت فيه ، ولات حااااااالتو حالة كلو حمر وشي دربات ديال صباعنو باقين مطراسين في حنكي وبداو كيزراگو ونيفي يرشرش بالدم وشعري مشعكك وواحد ضربة بحال قمشة في جبهتي ،الصرااحة وليت حاالتي حاالة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الدم هبط معاا فمي والتيشورط لي كنت لابسة بيض ولا حمر
بقيت جاالسة كنتألم وكنفكر وحتاا فكرة مطااحت عليااا الحل الوحيد عندي هواا نخرج من هنااا قبل ميرتاااكبوو فياا هااد الجووج شي جريمة مفيهااش الشك
قزدت الباب ديال البيت وأنا كنصوط نصوط بحال التور الهايج حليتو أول حاجة ضرت هيا خرجت راسي شفت هك وطليت هك خاايفة لانتصاادف معاا شي وااحد فيهم مبان ليا حد ، كيبان ليا غير قوت البيبان ولاكن مصدودين وكاين واحد الضو خافت هوا لي مضوي على لقصر كامل وحس الدبانة تزنزن ضوووور
أنا غير مبان ليا حد وأنا نلوح البانطوفة من رجيلاتي وطلقتهم لريح هبطت كنضه في الدروج وأنا حفيانة حتا وصلت للتحت ، هبطت بان ليا واحد الباب ديال الجاج كبير ،وكاينين شي خدامات وشي حراس مزال فايقين غير شافوني بقاو كيشوفو فيا بالحق مقالو ليا والو حل ليا واحد فيهم الباب بلاما نقولها ليه غير حل ليا الحارس الباب وأنا نطلق رجليا تاني لريح بقيت كنزرب في المشية ونشووف وريااا ركبووني الرعب في عضاامي ، أش غادي نقول ليكم حتا نيوفي حرگوني ومعا سخنت نيفي عاد مزاد بدا كيبخ الدم كتر ومعا دالك محبستش ومستسلمتش الفكرة لي في راسي هيا نخرج من هنا ولاباس حيت حسيت براسي تخنقت هنا ولا زدت شي قسم غادي نقتل راسي ممنهاش بديت كنجري كنجري كنجري والبرد كيدرب ليا في وجهي ورجليا كل مرة تخشا فيهم شي حجرة ولا شي حاجة معا حفيانة ومعا الضلمة كاين غير ضو باهت موقفت حتا وقفت حدا البوابة لكبيرة ديال لقصر لي دخلنا منها مني جينا، غير وصلت الباب تحدرت وحطيت أيديا على ركبيا وبقيت ننهج ننهج ننهج ونتنفس حتا حسيت براسي وليت هيا هاديك عاد هزيت راسي فيهم وقلت لدوك العرمة ديال الحراس لي واقفين تاني في الباب وأنا شبعانة عصاب وقهرة
