هوس أركي (مكتملة )

البارت السابع

مصعب : (وهوا معصب فوق لقياس وعاد مخلوع من لفوق ومعا دالك حول يبين بلي متمالك أعصابو غير قدمها )،مال مك خرج لقحبة مك لعقل ولا مالك أش كنتي بغا ديري هااااا أش كنتي بغا ديري واش لهاد الدرجة رخيصة عليك حياتك واش كتفكري ولا لااااا واش عند مك لمخ ولا مكتكسابيهش غير گولي ليا هااد الرااس عندك فيه خرية أبنااااادمة

أما أنا وخا حسيت براسي بديت كنسخف ومعا دالك مسخفتش غير عينيا لي ضبو عليا ومبقيتش قدرت نحلهم لصقو معا بعداتهم ،وعاد دراعي ليمن لي لاحني عليه عطاني الصداع بزاف بزاف (بحالي لكلاب وتناهش فيه )وحنكي ليمن يمكن مشا ليا كامل معا الشانطي( قالك لالة زينة وزدها نور الحمام ) بالأختصار كلشي عضامي بداو كيصاديو عليا بحر الضربة لي ضربني معا الشنطي السيد صحيح بزاف بغا يعتقني صدق مفلعصني ولد لحراااااام

أنا :( بألم عطيتهاا لغوااات )أاااااااااااااااااااااي أااااااااااااااي مي كنموت أاااااااااااااااي مييمتي ميمتي غادي نموت واااااااااااااااااا مي غاادة نموووت أي أي أي أش هاااد ألم لي كنحس بيه دبااا أاااااااااااااااي (هزيت أيدي وحطيتها على نيفي لي مبقيتش كنحس بيه ) ناري مي نيفي مشا أااااااي نيفي نيفي نيفي

مصعب :(بالصدمة وهواا معصب )أشنوووووو , هاد الشي فاش فالحة غير في لغوااات هااد الشي فكري فيه قبل متوقفي قدام لكاميووو ، فين كان عقلك من للول أش كان كيتصحاب ليك لكاميو كان غادي يهرك ولا غادي غير يلعب معاك ،وتي حمدي الله غير مني راك بقا حية حتا لدبا ونقدتك في أخر للحضة ولا كونا لحمك لااااصق كفتة دبا في الشانطي الصراحة تستاهلي كونا غير خليتو لصق مك حيت هااد التبرهيش ديالك معيق أبنااااااادمة

معا ألم مسمعتووش أش كيقول ذرت على ضهري وبديت نتلوى في الشانطي ونغووت ، ونتوجع بحر الألم لي كنحس بيه حسيت براسي كنتألم كنتألم فوق لقياس صافي مبقا عندي الصبر حسا بي الموت داخلة معايا ،جريت دراعي لي تهرس يمكن بصعوبة من تحت مني وأنا كنغوت على حر جهدي في داك لخلا لي كاينين فيه وعاد كاين الضلام بزاف حيت الحال ولا كيبان مغمم كيبان ليا غير الضو ديال السيارة ديالو لي سانيا فينا وصافي

السيد مني شافني حميتها لغوات بالمعقول وعرفني بلي مكنتمازحش معاه ،تم تم بان ليا مشا يجري لطموبيلو لي كانت بعيدا علينا شي سنتيمات حيد الفيستا ديالو لحها في لأرض وحل الباب ديال السيارة لور وتم تاني جاي كيجري جا حتا لعندي وبزربة وبدون مقدمات هزني من الأرض بين أيديه بحال المشة خشا أيدو تحت راسي ولخرة تحت رجليا ووقف وتم غادي بيا وأنا كنغوت لربي لخلقني ودموعي شلال خشيت رااسي في صدري وكنحااول نكتم الصووت ديالي ولاكن معاامن أنااا وليت كلي كنترعد شديت فيه وزيرت بضفرااني ولاكن هوااا مسكين مداار حتاا شي رضت فعل ، وصلني لطوموبيلتو حطني في كرسي ومشا يجري جلس لقدام وتم غادي بواحد السرعة مفريطة مكتصورش رويض ولاو كيطراساوو في الطريق بحر السرعة وأنا حميها لغواااات مبقيتش قديت نصبر