محسيت براسي أمتا داني النعاس لحد الأن لي عاقلة عليه بقيت فايقة حتا لفجر أمتا نعست وأمتا دازتني عيني الله وعلم
فقت على الشمس لي سانية لي في وجهي حااارة حيت الشرجم كان مصدود ليه غير الجاج ولفدريش كان محلوول ، ندت جمعت النوضة وأنا خاسرة وراس عندي غادي ينفاجر عليا بحال البيضة مقدا حتا نهزو من فوق المسند تگلبت على جنبي ليمين وبديت كندور في الكاسيطة وأنا نتفكر التيليفون ديال خويا يوسف غير تفكرتو وأنا نود قافزة بحال الجنية راسي واقف بحال الشطبة وعين مسدودة وعين محلولة وبديت نقلب عليه حتا لقيتو غير لقيتو وأنا نشعلو بزربة وأنا كلي كنترعد قول غادي نفجر صاروخ،
مشيت دريكت لوجسيال ديال لوتساب دخلت الميسجات ونيشان مشيت لنمرة ديالو دخلت لقيتو قرى الميسجات ديالي حيت طالع ليا ڨي ولاكن مجاوبني موالو هاد الشي لي زاد عصبني وطلع ليا القردة الراس على الصباح ولد الكلب شكون هوا في منام الله باش يتجاهل الميسجات ديالي ولد......
ندت وقفت وبديت نمشي ونجيب في داك البيت نمشي ونجي حتا كنبغي نتصطح معا الحيط ونرجع ندرب الدورة وهيا طيح عليا واحد الفكرة جهنمية ،
تم تم رجعت بركت على السداري لي كنت ناعسة عليه وشديت التيليفون ديالي وصط أيديا وبدون منتردد قسم دوزت النمرة ديالو بقا كيسوني كيسوني حتا تقطع الخط غير التقطع الخط تم تم رجعت وركت تاني على النمرة وبدا كيسوني التيليفون كيسوني كيسوني حتا تقطع الخط عرفتو كيقطع عليا غير تاني تقطع وأنا نعاود نورك على الصونيط وبديت تاني كنسوني
أنا : والله بوك منتفاك معاك ألما هضرتي باغي درب ليا بوك كولشي في الزيرو ينعل بوك الكلب ألمفشش وألد لفشوش
مصعب : (ورى الخط وهوا معصب )وزمر مالك مصدعنا ياك لاباس مكتعرفش لي مشغول قطعت حبسي أبيييل متبقيش تصووني أزمر
أنا : (عايرني ولا كدبت )
مصعب: وهدر دبااا شنووو بغيت ولا سير قود عليا گاااااع
أنا :( حاولت نبدل النبرة ديال صوتي وخا معصبة حاولت نتكلما ) سلام مصعب معاك عايشة واش باقي عاقل عليا أنا هياا ديك بن......
مصعب : ومنبعد
أنا :( تلفني ولد لحرام وحاولت نكمل كلام تفوووو ) بغيتك غير نسولك ...
مصعب : (بالغوات )واش معيطة على وض طوموبيلتك صافي غادي نعيط لميكانيكي باش يصيفطها ليك غير بلاما تبقاي مبرزطاني راه عندي شغلات مهمين متبعهم وحسن ليك متبقايش تعيطي على هاد النمرة بلوكيني وقطع الخط طيط طيط طيط .......
أنا : گوووووووووووووووووووول 10 - 0 وااااااااه على بيلانتي عطاني مكنتش مكنتش مديراه في الحسبان خلتها الدودية الله يدكرها بلخير ( نتيا واااااعر واااااعر نتيااااا دونجي هاد النمرة لي كتعرف غادي نشونجي نتيا وااااااعر واعر نتيا دونجي هاد النمرة لي كتعرف غادي نشونجي ) محسيت براسي حتا دربت التيليفون معا الحيط حتا كولو تشتت ضفة مشات في جيه ولباتري مشا في جيه وكارطة في جيه
أنت تقرأ
هوس أركي (مكتملة )
Fiction générale💞بقلمي أنا الكاتبة ميرااااال 💞 ⛔⛔لا أحلل النشر بدووون ذكر أسمي ⛔⛔ #تسريب من قصة هوسية بإمتياز 🔥🔥 .....: بالرررب لا عتبتييي هاااد الداااااار أعايشة .... غتبقااااي هنااااا.... وغاااتساااامحيليييي وغنرجعوووو كيييف كناااا.... (بنظرات قاصحة وصوت رجول...
