هوس أركي (مكتملة )

البارت 32

مشا خرج وهوا جاااعر بحال البركان ⁦لي جات قدامو يهرسها ولا يضربها معا الأرض من  حر الغضب لي فيه دبا ،لي جات قدامو  مستحيل  تسلم من أيدو كيضرب وكيلعن بصووت مرتااااافع حتا مشاااا طيف ديالو من قدامي

  خلاني وااااقفة نتغدد غير وحدي وحدي حيت خلعني المنضر ديالو بهداك الشكل باينة جاتو حالة هسترية كيف نهار كان معانا خووه مصعب ،غير شفتووو خرج تم تم مشيت كنجري صديت عليا الباب بالساروووت والزكرووم وعاااد جلست  فوق الناموسية وأنا كلي نغزل مبغاتش يتصرط ليا لكلام لي قااال ليا ،والتهديدات ديالو لي مكيبشروووش بالخير لي كنت متأكدة منهم 100 في 100 بلي غادي يطبقهم بلاما يتردد قسم ،

بقيت ساعة ديال المگانة وأنا جالسة في بلاصتي حلف النعاس الى جاني ولا شفر تحط على شفر ،حتا  جاات عندي الخدامة كدق عليا ،قالت ليا رحنا وصلنا  اليابسة وبلي خاصني نمشي نرجع معاها للقصر حيت السيد أركي مشا سبقنا في السيارة لي جينا فيها، أما أنا خلا ليا عرمة ديال الحراس باااش يحرصووني وگتگوراات لكباار ،گول أنا  وليت شي شخصية مهمة في لبلااد ولا شي مجرمة ولا بريسلي غادي نهرب ليهم ومعاااارفش بلي غير حارس واحد يقدر يكفي الغراد ،الصحة عندي غير على قد الحال ممحتاجاااش هاد الكم هائل ديال الحراااس

تسريع الأحدااات 

مشيت معاهم القصر كيف ما أمرهم سيدهم أركي ورجعت تاني لعيشة ديال الذل والحبس والأهانة   ،غير شادا بيتي مكنخرج مكندرج لفطور في بيتي لغدا كدالك لعشا كدالك ،دازت تقريبااا شي أربعة ديال أيااام وأنا على نفس السيستااام حتا بديت كنمل من هاد الشي لي وصلت ليه حتا من داك الوحش لي حاسب راسو راجلي من نهار اليخت مبقيت شفت وجهو كيجي لقصر ولاكن عمرو جا لعندي ولا شافني ولا سول عليا ،ديما مخالي مسافة بيناتنا هاد الشي لي زااد عصبني كتر ما أنا معصبة دير فيها راسو فگعااان

نرجعو الحاضر

بركت فوق الناموسية واحد العداد وأنا كنفكر في الوضع لي وصلت ليه بسبابو  فكرة تجيبني وفكرة تديني ،ولاكن فكرة وحدة هيا لي مبغاتش تحيد من دماااغي  ،هوا أنو هاااد الشي لي كندير فيه وهاااد التعفار وهاااد هزان النيف مغدا نستافد من وراااه وااالو ،وفي أخير غادي  نطلع أنا الخاصرة وغادي نجيبها غير في عضامي ،هاد الشي علاش قلت معا راسي هوا نكمل هادك الشي لي كنت نويااا عليه قبل منمشي معاه اليخت  ،وهاد المرة  مخاسنيش نستسلم  ،وخا يطلب الأمر حياااتي

ياك قال ليا بلي كيبغيني وميقدرش يعيش بلا بيا ،ومغديش يخاليني نفكر في شي فكرة نخرج منها من هنا وأنا غادي نقول ليه هحنا غادين نشوفو واش أنا لي غادي نربح ولا نتا ،راااه مزال مكيعرفش  أش نقدر ندير مني كنتعصب ، تقريبااا كولشي خصرتووو "العائلة "العذرية" الكرامة" الغرووور" الكبرياااء "أدن مبقا عندي منخصر تاااني الى كان غير على عمري ،غادي نقول ليه ربح بيه مبقا عندي مندير بيه كيف حيت كيف مت