هوس أركي (مكتملة )

البارت 24

نرجعو عند عايشة

بقيت نبكي في داك الدوش حتا بردت گلبي مزيان بحر الشمتة لي تشمت وبحر لغدر لي تغدرت وأنا في دار غفلون ، ندت وقفت من الأرض وأنا محطمة نفسا ومعنويا وجسديا وجسمانيا بقا في غير الهايكل لي صحيح ، رجعت وقفت غير بزز غسلت وجهي بلما باااارد غير باش نخرج من هاد الصدمة لي مزال شداني ، هزيت عينيا في لمريا لي قدامي بانو ليا  عينيااا ولاو حمرين بحال الجمرات لون لبيض فيهم ولا حمر دم وجهي ولا حمر ومزنگ سخاانة طلعتني ،بقيت واقفة كنشوف في وجهي لي ولا غريب عليا ،حتا سمعت شي حد كيدق عليا في الباب ديال الدوش دقات خفاف ومن بعدها مشا

خديت نفس طويل وجريت رجليا وتميت غدا خارجة لمصدر الصوت غير حليت الباب وأنا نتصدم كان كيتصحاب ليا بلي شي وحدة من الخدمات لي جات لعندي ولاكن تحزيري طلع مش في محلو ،حيت لقيتو هوا بشحمو ولحمو لابس تيشوورط  في لكحل مزير على صدروو لعريض   وفوق منووو جيلي عندووو القبووو  حتا هوا في لكحل وسروال جينز نواااغ ،
كان جالس ليا فوق جنب ديال النموسية في البيت ديالي وهاز في أيدو سيجار كيكمي فيه وهوا معصب وفي أيدو التانية فردي كيدور فيه على صبعو ،غير شافني خرجت تم تم قال ليا بكل برودة ديال النفس وبدون مقدمات كيف ديمااا

أركي : ( مطلع حااجب ومهبط لاخر ومخنز فياااا ) تعطلتي خمسة ديال الدقايق في الحمام هاد الشي غادي نتحاسب معاك عليه من بعد دبا خالينا نهدرو في المهم وأسااسي

أنا : (بديت غاادة لجهتووو وأنا معصبة محملتش نشوفوو قداامي من بعد مااا سمعت دااك الشي لي قالت لياا خداامة عليه وزاايدهاا بالأواامر من لفووق قلت وأنا هازة صبعي السبابة جهتووو وكنحااول نكتم الغضب ديالي ونصيطر عليه بااش منقوولش دااك الشي لي عرفت ونتصبب لخداامة في مشكيل كبير   ) شوووف غادي نقول ليك جوج كلمات مغداي نزيد عليهم حتا حرف أولاااااا ياااا غادي تعطيني التيسااااع وشبر ديال الراحة ولاااااا لي غادي نديرو ليك مغادي نعاودو لحد ( بديت كنهدر بأمر وصوت مرفووع ⁦ ) هاد الشي علاش غادي نقول ليك خرج عليا من هنا أودبااااا وجهك محملااش نشووفووو قداامي  ،أنا وياااك مكتجمعناا حتااا علاقة  متبقاااش دخل لعندي بلا موجب شرع كلمااا تااحت ليك الفرصة  وتاانيااا أنااا مراات رااجل لهدااا أحتاارمني

أركي :( بدا كيتبسم ليا بالأستفزاز تام باش يعصبني قال  ) الصراحة ضحكتيني وأنا نيت كان خاصني من يضحكني دبا فوجتي عليا بعدا شي شوية أمرااات خوياااا

أنا :( بديت غدا قزداه وأنا جاعرة وكنغوت ) أنااا مااشي كلوون أبناادم بااش نضحكك  ، راني مكندحكش معاك من  لاخر يغادي تفوتني ولا مغادي يعجبك حااال الى كنتي مريض نفسيااا سير تضوى ،حمدوولله رااك بخيرك وبخميرك أي سبيطاار يضااويك ألمريض يااااالمكبووت لاخر

غير سمعني أش قلت تم تم ناد وقف وهوا جاعر وتم جاي قازدني حتا هوا بحال التور الهايج غير وصل لعندي تم تم لصقني معا الحيط وعينينه كيشعلو السطوبات بالحمر