هوس أركي (مكتملة )

البارت 16

بركت للارض وحيدت الصندالة ديالي من رجليا وتربعت ،الصوت لي كنسمعو دبا هوا الصداع الصداع الصداع والغوت لي جاي من عندهم ،صديت ودنياااا مزيان باش منبقاش نسمع الغووت والصداع ديالهم لي محملتوووش باتاتا ،بقيت على نفس الوضعية وأنا صدا ودنياااااا وأنا كلي كنترعد وهيا تمشي بيا الذاكرة لقبل 10 سنين  هادي فاش كانت في عمري 8 سنين تقريبا

                 فلاش بااااااااك

شمس بدر الدين هاكي ورقة النجاح ديالك مبروك عليك النجاح هاد العام جيتي متفوقة كيف ديما نتي لوولة في القسم ، نتمنا تبقاي هكااااا قالتها الأستادة ديالي في لاكلاس لي جالسين فيه

شمس هاد أسم هوا أسم ديالي الحقيقي

كنت مزال صغيرة ولاكن هداك النهار باقا عاقلة عليه بحال دبا معمرو يتنسا ليا حتا يهزوني ربعة ، وخا كنت صغيرة كنت دائما متفوقة وذكية ومطيورة
كنت كنقرى في القسم الثالت الأبتدائي حطني الطرنسبور ديال المدرسة لي كنقرى فيها حدا الباب ديال الڤيلا ديالنا ، هبطت كنجري وأنا فرحانة حيت ليوما خديت النتيجة وكنت أنا هيا لولة في المدرسة كاملة ،كنت لابسة واحد لغوب في لحمر زوينة كانت جابتها ليا طاطا هناء من فرنسا ، وشعري كنت مخلياه مطلوووووق ومحيدة جوج ديال السنات من فمي لتحت ويالله بداو كينودو ليااا سنات جداداات

هبطت كنجري حلات عليا الخدامة الباب ديال الڨيلا ديالنا هزاتني بين أيدها وخدات الورقة ديال النتيجة لي هازا في أيدي ، غير شافتها وقرتها وعرفاتني جيت أنا لولة في ليكول وهيا تبدااااا كتزغرت ،وهيا فرحانة وبدات كتبوس فيا وحتا أنا فرحانة حيت غادي ناخد شكلاط من عند ماامااا ،لي مواعديني بيه الى نجحت وغادي ندير ما بغيت كيف مكندير في أيام العطل الصيفية حيت كنلقا راحتي غير في العطل ،كان عندي واحد الأب صعيب وحازم في الشخصية ديالو يعني وقت الجد جد وقت اللعب لعب حتا حاجة مكيبغيها تكون ماشي هيا هاديك ولا يشوف شي حاجة متعجبوش وياويلك الى درتي ها ولا ها كان مربيني أحسن تربية
نرجعو فين كنا

بقات هزاني بين أيدها حتا دخلنا لداخل الدار ،لقينا ماما وخالتي جالسين في الصالون كيتفرجو وبابا هابط من الدروج غادي لخدمتو ،غير شافو الخدامة كتزغرت وهزا الورقة وتشير بيها في لهوى ،جاو لعندي حتا هوما وهوما فرحانين وبداو كيعنقو فيا وكيزغرتو وعاجبهم الحال بنجاح ديالى ومقداهم فرحة كلا وباش كان كيوعدني بالكادو ديالو كلا وأش قال ليا حيت معقلتش مزيان وبابا كيتبسم غير من ودنيه وفرحان ومباغيش يبين ليا

بقينا فرحانين وناشطين حتا دخل خويا شهاااب لي كان ماشي في الوعي ديالو يمكن ،صولاتو ماما وقالت ليه واش نجحتي ولا لا حيت كان كيقرى في الباك يمكن، قاليهم منجحتش وتم غادي طالع في الدروج للفوق ،تبعو بابا وهوا معصب وناد بيناتهم الحرب و الصداع بابا هز أيدو وضربو وماما كتفك فيهم هيا وخالتي ماما كتغوت وكتبكي وبداو كيعيرو فيه على الشي لي ولا كيتعطاه وأنا من بعيض كنشوف فيهم وكنبكي حيت كنت خايفة بزاف مقدرت ندير والو باش نفكهم من بعضياتهم كنسمع غير بابا لي كيعاير على حر جهدو وكيدرب فيه