هوس أركي (مكتملة )

البارت 37

بعدما ماشا أركي بحالو 

وخلاني واااقفة في بلاصتي بقا فيا الحااال بزاااف بزاااف معرفتش ماالي هااد الأياام وخاا كيعصبني ولاكن مني كنشووف الحالة ديالو وهواا مضمر كيبقاا فيااا وعااد زااد كملهاا بهااد البوسة لي عطااني خلات الفرااشاات كيطلعوو وبهبطوو في كرشي لدرجة مصارني ولاو كيتعصروو معا بعضياتهم  ،تفووو  ولا كيعصبني التصرف لي كيدير معايا بدون مبرر وبدون سبب مقنع
جلست فووق الصدااري مضمرة لحت لمخااد برجلي وهزيت وااحد حطيتوو قداامي وبركت نخمم علاش كيتعامل معايا هكاا ديما كينخلني  واقفة بلاكة مفهمتش أشنوو بغا مني هااد السيد، بقيت جالسة  في بلاصتي  كنخمم نخمم واحد العدااد وأنا كنخصر في صيفتي شوية مشيت جلست في لبلاصة لي كان ناعس فيها وبدون شعووور مني حطيت مسند لي كنت هاازة  في بلاصتوو وتمغطت فيها كاان البرفاان ديالوو مزال طااغي على المكاان ريحتوو كااينة في كل قنت في الصاالوون كاانت ريحة زووينة بزااف كدخل نيشاان لقلب بقيت كنستنشق فيهاا شوية حطيت أيدياا تحت رااسي بديت كنشوف لفوووق في السطح وكنهدر غير بحدي بحال الحمقة

أنا : (كنهدر معا راااسي ) ياااك كيقول ليا بلي كيبغيني وكيقول ليا بلي ميقدرش يعيش بلا بيااااااااا قسم واحد ،وعلاش كيتعامل معايا بحال هكاااااااا هاااا  ؟علااااااش مني مكيحملنيش يطلقني علاش يبقاااااا مزوج بيا صحاااااا ؟ لاش مخاليني عايشة معاه بحال هكاااااا ؟ يطلقني ويمشي يتزوج ليه بشي بنت زوينة وأنيقة ولاباس عليها تناسبو ويخاليني عليه في التيقار هواا رااه أي بنت تمنااا تعيش معااه نهاار وااحد في حيااتهاا ولاكن علاش خلا گااع لبنات ديال العاالم كاامل لي كلهم زين وأنااقة وشيااكة غير وحدة تنسيك في وحدة ويلصق. فياا أنا لي لا علاقة لا في لبس لا زين لا ضراافة لا حدااگة لا عمل زين لا قراياا لا مستقبل زااهر لا والدياا مرفحين كوولشي عندي طايح ليه مورال شي ينسيك في شي ،نضت بركت على ترمتي وزيرت على رااسي لي قتلني بالأفكاار وقلت

هاااد الشي عندو راااه بدى كيعصبني صااافي صبري تقدا معاااه ومبقيت لقيت ليه حل ؟ يااك كيقولوو الحب زووين البطل كيضحي على وض البطلة والبطلة كضحي على وض البطل هااد الشي لي كنشوف في مسلسلات والقصص ؟ ولاكن أنا ويااه كيبان لياا حياتناا بحال ماا والناار ولا بحال الثلج والعاافية شي كيشرق وأنا كنغرب مبقيت فهمت واالووو باان لياا هااد السيد غاادي يبقاا حتاا يصطيني معااه مفيهااش الشك

بقيت كنهدر كنهدر غير بحدي بحال لمصطية ونعبر بأيديا ،شوية مشيت هزيت المانطة لي كنت جبت ليه باش يتغطا بيها هزيتها ورجعت  نعست تاني في بلاصتو وتغطيت بالمانطة وبديت كنستنشق الريحة ديالو لي كانت غااالبة على المكان وقلبي كيدرب  100 في الدقيقة 💓حلف النعاس الى جاني غير كنسد عينيا كنتفكرو وهوا ناعس قدااامي قبيلة وكنتفكر عينيه لي فيهم واااحد البلسم زوووين واااحد الرونق خاااص معمرني شفتو عند شي واحد أخر من غيرو  كولشي فيه خااااص كولشي زوين ،گااع دااك الجمال لي مكااينش عااد شي رااجل خاادووو هواا ولاكن خصاارة الجمال ديالو ضاايع في الشخصية الهمجية لي عطااه الله