Ta'aruf Ainul Mardhiah

SEKUEL

NANI ANAK GANG MELATI
-----------------------------

"NANIII ...!"

"Iye, Maaakk ... bentaaarrr ... huhuhu ...." Nani menarik kaosnya bagian kerah, mengelap air mata dan membersit ingus di situ.

"Elu tuh ye, kalo disuruh, tar sok tar sok muluuukk ...!" Tangan Mpok Siti menarik telinga anak semata wayangnya, Nani. Geregetan.

"Lagi nanggung ini, mau nikah si Bella akhirnya ama majikannya, Mak. Padahal dia cuma pembantu tau, Mak. Tapi nikahnya bisa ama Tuan Muda." Nani mengusap-usap kuping yang jadi sama merahnya dengan hidung dan matanya. Gadis berumur sembilas belas tahun itu habis menangis, baper dibohongi sinetron.

"Kagak pentiiiing ... NANIIII ...! Mau Bela kek, Belo, Bola, Bolu! Kagak ada hubungannya ama elu! Noh, ladenin orang BELI di warung! Kerjaan elu nonton sinetroon aje ...!

"Emang Emak mau ke mane, sih?"

"Emak mau liat si Inul Nikah di JIC!"

"Hah? Inul mau nikah lagi, Mak?? Ama tuan muda lagi?"

"Emak kagak tau!" Mpok Siti segera masuk kamar, ganti baju. Nani mengikutinya, ditinggalkannya FTV yang sedang iklan.

"Mak, Nani juga bisa kali yak, dapetin suami tajir, ganteng, kaya suaminya si Inul dulu."

"Eh. Ngayal aje bisanya lu. Kebanyakan nonton jadi begitu akibatnye. Kagak ada di dunia nyata, Naniii...! Tolong restletingin gamis Emak, ini." Mpok Siti memakai gamis dengan resleting sangat panjang di bagian punggung.

"Lah ntu buktinya si Inul bisa nikahin orang kaya, tajir melintir. Padahal Inul kan dari keluarga biasa aje. Bisa juga kali Mak, aye punya nasib kaya Inul."

"Ngimpi lu, ngimpiii ...! Punya modal ape lu, cakep aje kagak!"

"Dih, Emak. Gitu amat ama anak sendiri. Jangan salah Mak, Nani punya modal iman ama hati yang baek," ujar Nani nyengir, dia hempaskan dirinya di kasur sang Emak.

"Iman? Iman lu paling seberape, sih ...? Elu aje disuru pake jilbab ogah-ogahan!" Mpok Siti memakai pashmina instannya.

"Ih, Emak. Kata ustadz, pake jilbab itu gak wajib, Mak!"

"HAH? USTADZ SAPE? Elu ngaji di mane coba? Astagfirullah ...."

"Nani baca-baca Mak, di FB. Lagi viral tau, Mak! Ah, Emak mane tau bgituan. Hihihi ...!"

"Ngaji kok, di FB? Ngaji tuh di masjid kaya Emak! Mane dapet berkahnye elu ngaji modal baca doang, heh? Wah, bahaya nih anak! Ya Allah ... Eh, Nani! Dengerin Emak! PAKE JILBAB TUH WAJIB. WAJIB! Denger kagak lu! JELAS-JELAS ADE ATURANNYE DALEM AL-QURAN!"

"Yee ... Emak. Itu kan cuma budaya Arab, Mak! Soalnye Nabi Muhammad ntu tinggalnya di sono dulu. Kita kan orang Indonesia, Mak. Jangan sampe ilang dong budaya kite. Nani itu Indonesia, Mak. Indonesia, Pancasila!"

"Seeettt ... daahh ... ni bocah! Ckckck ... hapal Pancasila kagak sih, elu? Sila pertamanya aje KETUHANAN YANG MAHA ESA, Nanii ...! Emak tanye. Agame elu ape emangnye? Agame elu ape??" Emak menunjuk-nunjuk anaknya, emosi.

"Islam lah, Nani sholat, kok. Kadang ade bolongnye juga, sih. Hehe ...."

"YA ALLAH NANIII ...! Nih, orang kayak elu nih, sholat sih sholat, tapi kagak ngebekas tu sholat! Kagak ade khusyuk-khusyuknye! Asal jedag-jedug aje tuh kepale, sampe geser otak elu kali, ye. Astagfirullah, Naniii ...!" Mpok Siti memukuli kepala bagian depannya yang mendadak migrain.

"Sedih Emak, Nan, sedih ... gimana nasib Baba elu di alam kubur coba. Cuma elu harapan atu-atunye yang bisa buat Baba elu selamet di sono, Nani ...." Mpok Siti terduduk lemas di atas kursi meja riasnya yang sudah lapuk. Dia memegangi dadanya.

"Emak ... kok, bawa-bawa Baba. Nani jadi keingetan kan, sedih Mak." Mata Nani berkaca-kaca.

"Kalo Emak juge mati besok pegimane? Cuma elu yang Emak harepin doanye. Kalo elu kagak jadi anak solehah, gimana nasib Emak sama Baba lu di akherat coba?"

Nani terenyuh, dia mendatangi Emaknya. Bersimpuh di bawah, meletakkan kepalanya di paha sang ibu.

"Dengerin Emak. Elu masih ngaku jadi anak Emak pan? Artinye elu harus ikutin aturan dari Emak. Kalo ngelayap, kudu tau waktu, jangan ampe Maghrib misalnya. Nah, kalo elu masih ngaku orang Islam, ya artinye elu harus ikutin semua aturannye. Apa yang diperintahin Allah ke elu, ya elu lakuin. Aturan itu dibuat supaya kita selamet dunia akhirat, Nanii ... Ngarti kagak?

Coba lu liat, di jalanan aje ada aturannye, semua dibikin biar orang pade selamet. Itu aturan yang buat manusia aje kudu dipatuhin! Yang ngelanggar bakal kena hukuman! Ditilang, disidang! Apalagi kite idup di duniaaa ... Nanii ... Aturan dibuat langsung ama Tuhannye manusie, Tuhan kite semuee ... Allah ...." Suara Emak bergetar, mencoba menahan tangis yang mendesak-desak keluar.

"Masa elu patuh ame aturan manusie, tapi kagak patuh ame aturan Allah?" Akhirnya meleleh juga bening itu.

Nani tersentak. "Udeh, Mak. Udeh ... Iya, Nani janji mau jadi anak sholehah. Jangan nangis, Mak ...." Nani mengguncang kedua kaki sang ibu.

"Emang bener ada aturannye dalem Al-Quran ye, Mak?"

"Iya ade. Di surat Al-Ahzab ayat 59, sama di An-Nur ayat 31. Mangkenye elu ngaji Nani. Quran tuh dibaca, bukan dipajang aje." Emak mengelap air matanya dengan ujung jilbabnya.

"Emak keren bisa ngarti begituan." Nani nyengir kuda.

"Ngaji mangekenye ngajii ... jangan ngeremehin pengajian ibu-ibu majelis taklim lu. Udeh, udeh. Sekarang elu juga siap-siap. Ikut Emak ke Masjid Islamic. Kali aje, elu dapet hidayah di sono. Kagak pernah ke masjid kan lu?"

"Ke Islamic mah sering, Mak. Tapi ke pasar malemnye, jajan. Hehe ...."

Emak tepok jidat.

"Mak, Nani kudu pake kerudung, ye?"

"Terserah."

"Malu kali Mak, kalo gak pake."

"Nah, ntu tau rasa malu. Gi dah, pake cepet. Ntar ditinggal rombongan kite! Emak tutup warung dulu!"

"Mpok Sitiiiii .... Ayooo ...!" koor emak-emak gang melati kompak dari depan.

"Tuh, Emak udah disamperin. Cepetan! Kagak usah pake dandan!

***

Nani duduk di atas karpet tebal bersama emak-emak gang melati dan ibu-ibu lainnya. Dia melongok dari balik hijab kayu rendah di dalam masjid Jakarta Islamic Centre yang sangat luas, dia mencari keberadaan kedua pasangan itu.

"Mak. Ya ampun ... Ganteng bangeeett suaminya si Inul! Itu dia yang baca Al-Quran, Mak. Suaranya bagus bangeett ... Ya Allah, Inul beruntung bangeett ...! Surga dunia dah punya suami model begitu. Nani juga mau Maaakk ...!"

"Sssttt ... diem. Jangan berisik!" Emak menarik bahu Nani supaya kembali duduk. "Elu harus ngukur diri, Naniii ...! Jodoh kita itu kaya cerminnye kite. Kalo elu mau liat gimana jodoh lu sekarang, liat diri lu. Ngaca dulu. Kalo elunya aja sholat masih bolong-bolong, bisa jadi suami elu juga begitu ntar."

"Yah, Emak. Doanya jelek banget ke anak sendiri."

"Emak cuma kasih tau kata-kata guru ngaji Emak. Makanya elu perbaikin diri elu dulu, supaya bisa ketemu jodoh yang baek-baek juga."

"Oh, gitu ya, Mak?"

Hari ini Nani seperti baru mendapat siraman rohani yang sangat menyentuh kalbunya. Biasanya nasihat yang ia terima cuma masuk kuping kanan, terus terpental lagi. Boro-boro masuk sebentar terus keluar di kuping kiri. Semuanya langsung mental, keluar dari kuping kanan lagi.

"Nani. Hidayah itu dicari. Bukan ditunggu." Lagi-lagi kata-kata Emak membuatnya tertohok.

Semoga ini menjadi awalan baginya untuk lebih baik menjalani kehidupan di dunia yang cuma sementara. Surga lah kampung halaman manusia yang sesungguhnya. Raih kuncinya dengan memperbanyak amal ibadah.
______________________

Terima kasih sudah terus membersamai 😘❤️