ضي حياتي (مكتملة)

البارت الأول

- أنَا حُزني ، 
عُرآقيّ ، جدًا عُرآقي

Rytel AL Ahd

#البارت الأول
_________

الدنيا شتة والجووو باردد كلش
راح أكعدد .....دقايق وأكوم .......يربي واللة باردة
أهوو يلا ضي كومي ولج .....

خطية مجودي راح يتاخر على دوامه
وأمي تعصب أذا تأخر وتنكتلين فكومي براضتج أحسن

أهووو كمت كمت

جبتة عمرر هيج أكعد الصبح أضل اقنع بنفسي علمود اترك الفراش وأكوم

طلعت للطارمة أغسل و أسوي ريوك

عدنة ممرر برة نطبخ بي إني اسمي مطبخ بس هو ميشبة المطبخ بشي
السنك جينكوو الأرضية تراب بس فارشتة لايلون
طباخ عادي وهمين عندي سلات طابكتهن سوة مخيطة ألهن قماش مرتبة الأماعين بيهن أجيت أسوي چاي  بس كلبي مينطيني المي عبارة عن ثلج

سمعت صوت إمي
ضي وينج
هاا ماما
ليش أخوج لهسة ما كاعد هاااا
ههسة ررراح أكعدة

بنت الكلب ما صيرلج جارة مثل أبوج
صدك ذكرت  وينة أبوج ما بات هنا مووو ??

ممما أدري نمت من وكت
أمداة حظي ليش أنتي من شوكت تدرين يالفاهية

امي تحجي واني كوة واكفة من الخوف
رزلتني ودخلت للغرفتة .......أووف أخذت نفس براحة الحمد للة هاي ولا غيره

رحت بسرعه اكعد أخوي الصغير

مجد دودي ييلا كوم حبيبي تأخرت
ما ما وخري ضي نعسان

يلاا فددوة كووم
أحاجي همس لا تسمع ماما
مجودي فدوة كوم واللة تأخرت

يي يي كمت بس ضي النعوسة لهسة بية
يي هسة بس تغسل وتتريك تروح

كوة كام حميتلة مي وغسل
ما ينطيني كلبي يغسل بمي بارد

بدلتلة علة السريع  شغلت الصوبة خليت الخبز والجاي عليهه ريكت مجد راح للمدرسة.....مامارجعت نامت

كالعادة نفس روتين نظفت البيت. هوو صغير ما يتعب
بقة الغدة عود ب12 اكلي طماطة

بقيت افتر بالبيت أباوع الساعة عشرة ونص
من شايف هديل كعدت لا خل أصعد أشوفهه

أدنيت يم غرفة إمي ماكوو صوت أكيد نايمة عفتهه وصعدت علة كيف

وكفت يم شباك غرفتهه
بش بش ولج هدو العوبة وينج
كبرر تنبل ما نوم
أدك بشباك الغرفة وأحجي علة كيف

فتحت الشباك
هاا هااا خيرر خير  حرام واحد ينطمر براحتة
بس  العتب مو عليكم لا علة بابا الما يرضة يطلع من هلمهجوم  واللة شنوو أضل مجاور أخوي أحسن من الغريب  أمداة هلجورة أي واللة

هديل تحجي وأني صافنة عليهه كالعادة منتظرتهه تكمل

ورة ما كملت الموجزز مالتهه كلتلي راح انزل اغسل واجيج مو تنزلين ??