ضي حياتي (مكتملة)

البارت الثاني والعشرون

جاي أنباگ حاول تنفرد بية !!!

ريتال العهد ❤️❤️

البارت الثاني والعشرون
__________________

گمت من يم  بيبي صافنة الف فكرة اجت ببالي يعني يخطبوني وأنوب يطلعونة من البيت افففف يربي ليش هيج ما عندي حظ

أنثولت من التفكيرر ظليت ما اسيطر علي روحي ولا أنتبهه
الشغلة توگع من ايدي بدون ما ادري ايدية ترجف
شفتي يبست من الخوف أول تالي يجيني خطابة
بهاي الفترة أبدد ممستعدة للزواج

وحتة لوو فكرت وردت أگيد ما اعوف نوار
مستحيل أتقبل واحد غيرة لوو منوو ما چان

ظليت حايرة أسولفة لو لا

بعدين كلت خل اسولفلة احسن من ما تطلع من واحد غيري
تالي خاف جنت بوحدة اصير بثنين أطلع ظامة علية يلعب جولة بية

كلساع أجي يم الموبايل قبل لا الزمة تراجع واظل أتحجج بغيرر شي
ما أجرئ أسولفلة ما اعرف منين أبدي وشلون افتح الموضوع

بيبي ساكتة عني  اابدد ما حجت بس مبينة من تصرفاتهه كلش قانعه
كلساع وصاحت علة مجد لا يوصخ تگلة عيب خاف يجونة خطار ويعيبون

من اسمع حجيهه اتوتر أكثرر أمداة حظي
ما لگوو غير هذا الوقت يجون بي يعني هاي
بس مرة وحدة حجينة ثاني يوم اجاني خطابة

أوفف أووف يضي مبينة سالفتنة طويلة بس اللة يحلهه

.........
گاعدة بالمطبخ علطبلة حاطة أيدي خل خدي وصافنة
اليشوفني يگول هاي مأيسة من الحياة
وهوو أني فعلا مأيسة من حظي الكلساع موگعني بسالفة شكل

فززني مجد شمرر علية الموبايل وركض للصالة يكمل لعب

أخذتة شفت هديل تتصل

تأخرت ما رديت مالي خلگ أحجي دايخة
واكيد تعرفيني من صوتي أكوو شي
و اذا لزمتني أطلع روحي تريدني أسولفهه

غلست عليهه رجعت اتصلت مرة ثانية هم ما رديت
اتصلت ثالثة أيست منهه بعد هديل وخلتني ببالهه الا تحجاني

رديت عليهه بممل

ألووو

.........ألوو ألوو بعد وكت يحلوو

هلوو هديل شونج ??

.........أمم بخير اذا أنتي بخير
ولج شوو صايرة من الثگال متردين

زيينة بس جنت مريضة شوية مالي خلگ

.........ياا خيررج ولج شبيج ??

هيج عادية صخونة وراسي

.........ها ها عندج العافية أنشا اللة

تنهدت ........اللة يعافيج

.........يااا ولج هاي صدك مسكربة أنتي شوو صايرة
جنج عجيزز ومبين ما تصحين ألا أزوجج ههههخخخ