ضي حياتي (مكتملة)

البارت الواحد والأربعون

-يگللها
-الله هَـواي خـالق نـآس
-بـس قافل عَليـچ انتـي💚

ريتال العهد ❤️❤️

البارت الواحد والاربعون
__________________

واگفة گدام المراية صافنة علنفسي رحت بتفكير عميق أجت عبالي ذكرياتي وي بابا وماما ومجد وفجأة صار النصيب ما توقعت بيوم من الايام أمر بهلمرحلة بحياتي ما حلمت بيوم أصير عروس وألبس البدلة البيضة ولا يوگف يمي زوجي لو أكون عائلة وأضطرر أعوف أخوي وبأرداتي هم ?
هووواي أشياء جنت شايلتهه من بالي بس سبحان اللة صارت بدون تخطيط .....دمعت عيني واني أشوف نفسي بالهشكل كلهه چم ساعة وأنزف للحبيبي الاختاريتة. لاول رجال وعيت علية وحبني وصدق بوعدة نوار هلمررة حياتي بايدك وتعوضني عن الشفته بحياتي وما تخيب ضني بيك

رجعت رفعت رأسي أباوع علشكلي بالمراية صارر وراي مجد وأكف بالباب لابس ملابسة الجدد أيدة بحلگة زعلان ألتف وراي أقوي بنفسي لا أضعف گدامة مشيت للجهته واني أجرر ببدلتي وصلت يمة دنگت صرت بطولة
عيونة مدمعه ظليت أمسح بوجهة خفيف ظل ينشغ ما أتحملت نزل دموعي بقووة حظنتة حيل وأبجي كرهت نفسي باللهلحظة شگد أنانية شلون أنطاني گلبي أعوف أخوي وهوو طفل البعمرة ما يتحمل فراگ ولايستاهل ينظلم حظني حيل يبجي واني موو أقل منة يمكن دموعه باللحظة لان راح أبتعد عنه بس أني لا دموعي دموع قهرر وحقد علنفسي وأهلي اللخلوني بهل الوضع وما فكرو بينة وارجع وأكول شتفرقين عنهم ضي ??

وررة مدة تعبنة من البچي بقينة واحد حاظن الثاني
أجت بيبي فجأة ما قبلت من عدنة ظلت تحجي علية بس مخنوگة أذا واخد يبزهه تبجي بس گوة مصبرة روحهه جرتني من أيدي

.....يمة ضوية ما يصلح اليوم عرسج وتبجين جم مرة أكلج هاي سنة الحياة وكل بنية تمرر بهليوم وتفارگ أهلهه ما يصلح يروحي هسة اليشوفج ما يصدگ عروس شسويتي بحالج ?

باوعت للروحي بالمراية صدگ تخربطت كل أحوالي ماكوو شي بالهموقف يثبت أني عروس غيرر فستاني لا بقة مكياج ولا تسريحة لن من البداية أختاريت شي هادئ كلش ما عندي جرئة حتة بهلاشياء واختياري خلة بيبي تعصب وتتعارك وياي بحيث أم الصالون عافتنة وراحت علصفحة تريدنة نثبت علرأي وبالاخيرر سوت مثل ما أريد مكياج هادئ كلش وشعري خليتة مفتوح وتاج ناعم بس فرحت بي كلش واقتنعت

.....يلا يروحي عدلي روحيتج وگعدي بالبراني عمج خابرني علة جية
والزفة ساعه وتجي أرتاحيلج شوية وراج طريق تعبين

سويت مثل ما گالت گعدت بمكاني علقنفة وحدي عيني علباب بيبي كلساع تجي تلمحني وتروح تحظر بروحهه لان لازم تمشي وياي وتبات هم هاي عادتنة مجد يگعد شوية يمي نظل واحد صافن بوجهه الثاني ما يتحمل يركض للبرة دقايق ويجي غاسل وجهه ويمسح بي بأيدة أعرفة يبجي ويغسل علموود ما أكشفة غلست ما سألتة أدري بروحي أرجع أنوح من جديد وأتخربط ظليت أصبر بروحي وأذكر كلام بيبتي ونوار