ضي حياتي (مكتملة)

البارت السابع عشر

‏حب التملك غالبني إبعدوا عن اشيائي تمام البعد

ريتال العهد ❤️❤️

البارت السابع عشر
______________

دگ الموبايل باوعت هديل تتصل خليته صامت ما رديت أبد مالي نفس للموبايل كرهته أحسه سبب المشاكل هووو بدونة راحة بال واللة

دخلت للغرفة بدلت ملابسي هيچ أتحرك بدون وعي
باوعت للمجد من الشباك يلعب وحدة بالطوبة ويضحك
أبتسمت علة ضحكته حبيبي ربي يحفظك ألي

طلعت للمطبخ أسوي غدة بيبي تأخرت ظل بالي يمهه

ظليت أفكر بالصار اليوم أنصدمت بنوار أسلوبة يختلف عن بالموبايل
وحتة صورهة اليشوفهن يگول هذا مثقف واعي لن ما تسوة المشكلة السواه بس علمود شافني مخلية مكياج

اففف يلا يضي هسة بقت علية يطلع يمثل ويسفط چذب
الحمد للة بين طبعه هسة أحسن من ما متطورة علاقتي وياة

سويت كبسة دجاج. علمود مجد يحبهه
خليتهه تتهدر أجة يركض
هاا ضي هاي شنوو الريحة واللة طيبة ??

ههههه حبيبي سويتلك غدة تحبة بمناسبة نجاحك يحلوو

اللة شكرا شكرا بس اني ما اتغدة يمن تجي بيبي

يي حبيبي نتانيهه لورة الصلاة أذا ما أجت معناه تتغدة يمهم

لا لا اني اعرفهه راح تجي يلا خل أبدل وانتظرهه بالباب

ماشي بكيفك

دخل للغرفة يغيرر ملابس ...ورة شوية طلع بيدة حجابي

هاچ هاچ هذا لبسي وتعاي وياي نباوع للبيبي بالباب

ههههه تدلل لبست حجابي وطلعت وياة
لازم النتيجة بيدة يريد يراويهه للبيبي

الجوو حارر الشارع يصفر محد بي حط طابوگة وگعد بل ال في

واني صرت بسد الباب أباوع وياة للشارع العام صاير برأس الفرع
كلما نشوف تكسي توكف نگمزز ثنينة عبالنة بيبي تالي تطلع موو هية

ورة نص ساعة أذن الاذان وبعدهه ما بينت

يلا مجد تعال طب أذن معناه بيبي تتغدة يمهم يلا حبيبي تعال

باوعلي يتوسل لا لا ضي بس بعد يجن سيارات ثنين اذا ما طلعت بيبي بيهن أطب عليچ اللة خل أضل

يلا بكيفك نشوف بس ترة كتلني الجوع
يي يي موو خاف نتغدة وتجي بيبي جوعانة خطية

واحنة نسولف طبگت سيارة نزلت منهه مرة من مشيتهه عرفناهه بيبي

مجد كيف ظل يضحك

هاا هاا شگلتج موو بيبي تجي أخذة نتيجتة وتلگاهه فرحان

ظليت أباوعلهه مبتسمة بيبي فرحتنة بهلدينا أكثر من أهلي

شفتهه دنگت علية وباستة بعدين مبين أنطته فلوس لن دخل للمحل