ضي حياتي (مكتملة)

البارت التاسع والثلاثون

وتغيرت الأمنيات …

ريتال العهد ❤️❤️

البارت التاسع والثلاثون
__________________

شوية وحجة ابوو بصوت عالي مدري هو هذا طبعه بس صوتة يرررن

.....شوف خووية ابوو حسن انة  اليوم جاي اخطب بتكم لابني
واذا قبلتوو نملج اليوم ولاسبوع الجااي العرس هاا شتكول وهم اذا عدكم شروط طلعوهن هسة گبالي ?

حجاه بسرعة جررة وحدة

ظلينة صافنين علية كلنة المكان هدوء بس صوت النفس ينسمع
شوية وكسرر الجوو البصفة ظل يضحك بهدوء يباوعلة

.....ههه يمعود ابو عدنان بعدك علنفس الطبع تريد كلشي بسرعه ?
تررة هسة الوكت يختلف عن وكتنة وحتة عن وكت عدنان كل سنة تتطور الوادم موو مثل گبل

حجة بزمخة مبين عصب

.....اكلك انتة شني ما تفهم اني جم مرة كايلك لا اجيبلي طااري الوادم
وذاك سوة وذاك هجي شني الوادم لا گود....هم تگود مثلهم ??

التفتت لبيبي مستحية من حچية اول مرة واحد يفشرر گدامي
شفتهه فاكة حلكهه علية وادور باوعت للنوار بعصبية
لزمت گلبي لا تخرب السالفة لوو  تبطل لن مبين جااي حامي علينة ويزمخ

التفت للعموو عاقج حواجبة مزعوج حجة وياة

.....يمعود گول ياللة شلقصة ترة السالفة موو هيج لو شتكول ابو افراح 

الرجال مبين خجل يعني بضبط نفس موقف مرتة هذيج المرة
ظل يضحك جذب ويشاقة يريد يلطف الجوو وفوگ كل هذا اني عيني علنوار منصي راسة بدون حرركة  اشكال الافكار اجت ببالي من الصدمة حتة گلت خاف مبدلي لو جايبن اخوو ويشبهه هيج دمعت عيوني واني اتخيل المووقف

.....لا يابة شبيك ابوو حسن بس هذا طبع اخوك بعد واتحملني يعني اني ما احب الخطوبة اطوول واصيرر جرر وعرر حلاتهه السالفة حار بحار
هاا شتكول توافق اخيك ابو عدنان لو لا ??

.....يي حجي حقك بس مو للهدرجة يعني احنة بالبداية والمفروض الولد يتعرفون علبعض يسولفون سووة يجوز ما يتوافقون وذيج الساعة يصيرر خيرر

اباوع لابوو مثل الماعجبة خززر نوار دنگ بساع عبالك طفل اتوتر يدير وجهه منا ومنا ابد ما حط عينة بعين أبوو

.....ها نوار يابة شتگول هااي البت  گبالك باوعلهه زين وشوفهه
موو بعدين تكول ورطني وما عجبتني تررة تدري ذيج الساعه شيصير ?

ظليت صافنة علاسلوبه ما حسيت غيرر علة گرصة بيبي تخززر بية
ادنت شاورتني همس

.....ولج ضوية شتكولين اطي باص للعمج ونبطل خايبة اني خرطت العافية من ورة هذا الزلمة مبين شراني ما ينجرررع