ضي حياتي (مكتملة)

البارت السابع والأربعون

ممنوُن منَك حيل يـ مّتعب الحيل ..
يَمگصّر الضحكِات ومطَۈل الليّل !

ياسر فليح🎈

ريتال العهد ❤️❤️

البارت السابع والأربعون
__________________

شنو مبينة اول ما عرفت اجيت لاهلي ورفعت علية دعوة طلاگ

يا صدك تحجين ولج ما صارلج شهرين وتتطلگين ?

ضحكت بغرور

يي  ضي شنو يعني ترديني اسكت ما مجبورة اتحمل هيج خيسة

وازيدج  من الشعر بيت أميرر اول ما عرف بية رجع للعراق وخطبني

اباوعلهه تحجي عادي للحظة تخيلت نفسي بمكانهه شسوي يجوز أتحمل وأسكت مستحيل بيوم اجرئ وأخذ هيج قرار ما ادري ليش هيج افكرر
ضحكت علروحي

هاا وانتي موافقة بأميرر ??

...يي ليش ما أوافق وبعدين تردين الصدگ أول مرة أقنع بحجي أمي
من تگول الگريب أحسن من الغريب علاقل تعرفين شبي ما بي
وخاصة خالتي تحبني واخواتة صديقاتي موو مثل ذنيج الحقيرات مانات علية واذا علفوس عادي يجي يوم ويصير عندة

هاا يي اللة يسهلج وانشا اللة يصير البي صالح بس ما كلتي همة يدرون بيج ???

ضحكت
ولج عوبة اصلا اني من كشفته عمدا خابرت خالتي وصدگ ربع ساعه واجوني هية وصفاء اخخ ولج تمنيتج اشوفين وجه هاشم وعمي
شلون من فضحتهم گدام صفاء

يااا ولج جا ما خابرتي عمي شمعنه همة ?

هههخ ثولة مو بيدج حبيبتي اذا درو بعدين السالفه ما تصرفلي
عكس لا بعدهه حار بحار العشيرة كلهه عرفت  وبنفس اليلة خابرني أميرر
مخبوص ما يريد أضيع من إيده مرة ثانية

هاا ويمتة تطلگين ?

ما أدري بس اني تنازلت عن كلشي ما اريد منة حقوق ولا شي
فمعناه بسرعه أطلك ونزوج اني واميرر

ياا عززة ولج غير اني سامعه عدة مدري شنو ?

غمتني علوجهي
اووف امداج صار ساعه  الغي غير ولج ثولة ما طول ما اخذني وبعدني بنية عادي ما لازم اسوي عدة وهاي الكلاوات

ها ايي انتي اعرف بعد

ههههه ولج هو انتي يا يوم عرفتي بشي هسة صدگ سولفيلي علة عرسج
عيالج شلونج مرتاحة ولو ما اضنهم علمرام وياج موو ?
شو أحسج متعوبة موو مثل قبل

حرت شگلهه
لا ليش الحمد للة زينين وياي بس  همة عائلة چبيرة وتدرين يراد شغل ما ترهم أصفط وأكعد حالي حال الچنايين

هههه خرب ولج انتي وينج وين الجنايين وتعيشين وياهن لن أدري بيج فاهية اليغلط عليج تگليلة رحمة والديك

اني هيج ? لا غلطانة بس طبعي ما أحب المشاكل

يي ورجلج شلونة وياج بس كون گعد وياج الحب مو مثل حظي ?