ضي حياتي (مكتملة)

البارت الرابع والأربعون

بالحب و الكره
والصلح والزعلات
بس انت حبيبي وماگلت بذات

عريان السيد خلف 💜🍂

ريتال العهد ❤️❤️

البارت الرابع والأربعون
__________________

حجيت مترددة
ننوار

خزرني

رفع ايدة يأشرر

...اشش ما اسمع صوت لا تخليني أطگ روحي طلقة وأخلص منكم

سكتت ما حجيت خفت منة اول مرة اشوفه هيج أعصاب ولا عبالك هوو
گعدت الجرباية أطكط بأصابعي من الخوف عيني علي لبس برمودة
أخذة باكيتة وطلع بقيت مكاني ما اعرف شسوي گمت أبجي انقهرت كلش
من تصرف عمي يعني للهدرجة لوو جايبلي غير شي شسووة حقة نوار بسالفة الموبايل يمكن لو جايبلي غالي هم يعصب ويأخذة

مسحت دموعي گلبي علنوار من شايف وين راح طلعت
للصالة لمحت صابرين طبت للمطبخ ركضت بساع الهه لكيتهه تغسل للبتهه

صابرين فدوة نوار مدري وين راح

التفتت الي

...هاا خية عادي لا تخافين هوو دوم من يضوج يگعد عللبزل شوية ويطب

هاا صدگ وين هو بس هسة ظلمة يخوف وأكيد بي ماي هوواي موو ??

ضحكت
...ياا خية منيلة ماي يابس بس گصب لا تخافين علية منا للساعه عمي يقفل البيان ما يخلي بررة

صدگ يلا راح انتظرة بالغرفة

...يي خية اللة يبرد گلبج

عفتة رجعت للغرفة مأيسة شوية وسمعت صوت عمي باوعت من ورة البردة شفتة بيدة توثية وطلع من باب الحووش لزمت گلبي خايفة
شوية وطب يسولف ووراة نوار اخذت نفس افف ارتاحيت من شفته
طبب للصالة وعمي ضل يقفل بالبيبان

رجعت للمكاني متوترة نفسي يركض ركض نزعت الحجاب فتح الباب رفعت راسي اباوعلة انقهرت كلش شفايفة بيض ووجههة أصفرر گعد علجرباية لزم رأسة مبين يوجعه

...گومي سويلي جاي بسرعه وصبي بگلاص

هزيت راسي يي دنيت بصفة باوعلي بتعب بلع ريگة يابس
تقربت أكثرر بستة بشفته خفيف غمض عيونة أبتسم

گمت من يمة طلعت للمطبخ گلبي يركض اول مرة اسويه دوم هوو اليبدي
ما عندي جرئة ابدد هووو يحركني بمزاجة ما اعارضة
سويتلة چاي بقيت بالطبخ انتظرة يتهدر أجة ببالي اسويلة أكلة مبين جوعان مشيت للثلاجة أفتحهه ما انفتحت مقفولة شعجب اليوم عمي من وكت قافلهه رجعت ضايجة صبيت الجاي ومشيت للغرفة
اول طبيت لگيتة مرتچي علجرباية يدخن خليت الصينية بصفه

رجعت قفلت الباب شغلت المبردة جرشت الغرفة بسرعه
ما حجة أبدد ظل يرگع جگايرر ويرد للورة نزعت ملابسي
لبست دشداشة ربع ردن قصيرة لونه احمرر اشتريتهه بجهازي
ادنيت يمة شلت الصينة ورجعت شلت الغطة دحست روحي بحظنة
دفعني خفيف