ضي حياتي (مكتملة)

البارت الثاني والخمسون

والله خنكة روحي ملت من وضعه
وبالنفس مابعد شهكة والله خنكة
الضيم ذب روحه بشليلي والحزن لازكلي لزكة
وماكو بين الناس واحد من اجي يفتحلي خلكه
صارت نار كبره وكلبي كل ساعة تحركه
الدنيا صارت بس وداع وبعد مابيه ملگة
الدنيا صارت ليل هندس والوكت فاتحلي حلكه
الدنيا صارتلي جهنم واني شجرة وكمت اطيحن وركة وركة 
والله اذاني زماني والفرح اركض وراه وماالحكه والله خنكة
والله كمت ابجي على حالي واذا اصفن فوك جتفي تراب تلگة
بس بواجي ونوح ثكلى وما سمعت بيوم صفگة
وحتى باب الصبر عزل لان كل لحظه ادكه والله خنگة

ريتال العهد ❤️❤️

البارت. الثاني والخمسون
__________________

مشت أيامي عادية كلش بس الفرق ألتهيت أكثر بالگروب يعني مو قبل من ادخل للغرفتي اضل أصفنن لا انشغلت أكثر اني و صگر انيمة بحظني ونظل نتصفح بالمنشورات بس شغلة وحدة ضوجتني كلما  يشوف شي يريدة ويضل يبجي وتعاي راضي يضي

..... علاقتي بالبنية قوت من تنشر گمت أعلقه بس هية وترد علة تعليقي شوية شوية اطورت علاقتنة مرات نحجي بلخاص بدون ما أحس علروحي گمت اسولفهه علة حياتي وشلون تعرفت علنوار وهية هم نفس الشي حبيته كلش،حسيته صدگ صديقتي صح فرق بالعمر بينة بس واللة سوالفهه مال كبار لو ما اعرف عمرهه جا گلت هاي مزوجة وعدهه جهال لن دوم تعلق وتنصح بالبنات وهنة أكبر منهه

كاعدة أكنك بالموبايل و صگر ملتهي بمحلة مدري منين طلعلي بهسالفة
عدة سلة مال مخضرر يوگفهه علنص وشكو شي بالغرفة يحطه بيهه ما مخلي علية لا مشط لا جوزدان  ومحفظة نوار  قديمة هم ما سلمت منهه مشكگ أوراق وحاطهن بيهه عود فلوس يلا همزين اللة هادي احسن من ما يطلع للبرة وأضل أركض وراه

فرشت النة وتمددت تعبانة أتصلت علبيبي علفايبر طلعي مجد

الوو هاا ضي شلونج

اول ما سمع صوتة اجة ركض تمدد بحظني

هلا يروحي بعد اختك شلونك؟

زين الحمد للة هذا  صگر شلونك ولك

هلاو هلاو اني ما احبك يلا للوو

صميت حلكة مفضوح هلولد
ياا ولك عيب اسكت

ههههه ليش ما تحبني ولك غير أني خالك وصديقك

يي بس انتة ما تخليني ابشط الولد اليشترون منكو

هاا يلا من تجونة المرة الجاية ابسطهم

اللة كول ومكة؟

اگلك صگر ابوك شلونة زين

يي يي زين انتة شلب ما تحلف

ولك يمة شبيك خل احجي وية خالوو .....مجد حبيبي جا  بيبي وين

بيبي تغسل بالماعين هسة تجي