اعيونچ الدنيا
الشفت من عدهه روحي
اشـ مالهه الدنيا حزينة ؟؟❤️
ريتال العهد ❤️❤️
البارت الخامس والأربعون
__________________
درت وجهي نوار بس متوتر كلش قفل الباب حيل
ما صدگت من شفته ركضت أحظنة دفعني رجعت للورة مصدومة
بحركة سريعه صعد علجرباية فتح سحاب بنطرونة
طلع علاگة سوودة ضمهه بالثريا
جمدت بمكاني صافنة علي رجع لبس بنطرونة ونزل أخذ نفس يلهث
شرب مااي رجع ركض فتح القفل طلع للبرة
ظليت بمكاني مثل الثولة ما اعرف شسوي وعيني علثريا
...ثواني وصارت هوسة الجهال بالصالة
اففف عدلت حجابي طلعت لگيتهم مجتمعين كلهم بصالة ظليت صافنة
عليهم متفاجئة أول مرة هيج الزلم والنسوان عمي گاعد بالركن وريكان مرتچي علي وبصفه عمتي والبنات وعدنان وصابرين وبناتهم
وبالجهه الثاني ضرغام ومرتة ظليت علوگفتي نسيت روحي
ما أحس غيرر زمخة عمي ...شعدج واگفة أكعدي يم زلمتج
بلعت ريگي هزيت رأسي يي مشيت يم نوار كعدت بصفة
متوترة من هلاجتماع مدري ليش وهم اول مرة اكعد يمه گدامهم
التفت الية عينة علرجلي
باوعلي أبتسم تك خد عرفت عليمن بس درت وجهي عنه
همزين لابسة حفاياتي ولو شضال بيهن ازرفن لن كليوم لازكة بيهن
رجع التفت للعمي والجگارة بيدة عادي يدخنون گدام ابوهم
شوية وحجة عمي بعد ما فحصنة بنظراتة ما خلاة واحد يعتب علية ومنة اني شلون ما اخاف من عيونة اخرط العافية واللة
...ياللة يلة بوية عدنان جيب محصولك مال هذا الشهرر
گام عدنان خطية گوة يمشي من السمن حط فلوس گدام
عمي باوعتلهن خمسات ألألاف ظل واكف گبالة
بدة عمي يحسب بيهن هزز راسة ما راضي
عاط بي
...ابن الكلب من گتلك خل يولي عرس زربان مو الة تحضرة
حجة يقلد بصوت عدنان باستهزاء
لا لا بوية عرس اخووي شلون ما أوكفلة
يلا گلي بيش فادك مگموعگ خسارة عن ذاك الشهرر عشرين الف
يا كلب يا ابن الكلب دعيدهه بعد وشوف لو تموت أمك هم تطلع ورجليك فوك راسك
رجع حسب ألاف أنطاة مصرف الة وصابرين هم اطاهه عشرة تگضي الشهرر كلهه بيهه مصرف هي وبناتهه وراهه هم ضرغام انطاة
شدة فلوس حمرر ظل يحسب بيهن ويضحك انطاة خمسة وعشرين ومرتة عشررة
عيني عليهم ما إكول مصدومة لن گمت كلشي أتوقع منهم
يعني شغل الولد وتعبهم نهاية كل شهرر ينطونة للعمي
التفت للنوار فتح محفظتة صااح بنرجس اخذت الفلوس للعمي
الاعرفة يوميتة عشرة بس يسلتمهن كل شهرر 300
طلع جگارة ثانية ورثهه عينة علابوو يحسب بالفلوس رفع راسه مخنزز
...شني هاي ولك ناقصات خمسة وين وديتهه ??
أنت تقرأ
ضي حياتي (مكتملة)
Fiksi Umumحب التملك غالبني إبعدوا عن اشيائي تمام البعد قصة حقيقة 💯 22/2/2020 2020/5/1 (مكتملة)
