ضي حياتي (مكتملة)

البارت الرابع والثلاثون

وأعاتِب وَجه المرايّه
وأگللها
الشيب مو عمري  ،🕊🕊
ريتال العهد ❤️❤️

البارت الرابع والثلاثون
__________________

صافن عليهم  لام شفايفة داخل حلگة زعلان
نزلت دمعتة علة خدة نشغ مسحهه بايدة 

حظنتة حيل لوو بيدي ادخلة بگلبي وما أشوفه متأذي لوو مقهور بس هيهيات هلشي اني وياة جبنة عمرر متعوبين خايفة من مستقبلنة
وشنوو راح نواجهه  معقولة كل البعمرنة هيج
هذا الحجي كلة أسالة روحي واجاوبهه
بالي ابد موو يمهم اسمع سوالفهم والضحك
بس ما اميزز شيحجون

فزيت من صفنتي

شلونج عموو ضي ??

ززينة الحمد للة

...........دوم انشا اللة
وإمجد البطل شلونة ??

نصيت علة مجد هزز راسة بدون صوت

التفت للبيبي مبتسم

...........يي حجية هسة اني اترخص لن عندي شغل ضروري
وانشا اللة اليوم تبقون يمنة نتغدة سوة ونتعرف علبعض اكثرر

...........لا يخالة ما تقصر شني قابل نريد نجربك ?
بس اعذرنة ما نكدر نتعطل جبت الجهال ايشوفون امهم
ونتوكل

...........لا لا هلحجي ميصير يعني اول يوم تنورنة
وترحون هيج هاي عيب بحقنة لو اني غلطان ??

صارت عيني عليهه وهو يسولف
تنفخ بضوجة معاجبهه

...........لا حشاك من الغلط بس وعلي ما نگدر من زمان واعدتهم
اخذهم للسوگ وناوية منا امررهم ونريد للبويتنة

هزز راسة اي ويباوعلي مبتسم

بلعت ريگ خايفة بس اريد نطلع همزين طلعت حجة السوگ
وهو اصلا جذب ما جايبين  طاري

...........ماشي حجية براحتكم بس هاا ترة نطلبكم
جية غير وقت وشرط غدة خاص نسويلكم ??

...........يي انشا اللة تدلل صدك جذب هذا من طيبك يخالة

...........اشكرج حجية لعد أني اترخص

...........اللة وياك يحرسك اللة

التفت الهه

...........هاا سومة حبيبي محتاجة شي ??

ضحكت رافعه حاجبهه

...........لا يعمري ما اريد غير سلامتك

راح للغرفتة واحنة عيونة وراة

...........هاا ولج يمة اخيتج شلونهه مساع ردنة نمر نشوفهه
بس استحيت

نشغت وايدهه علة صدرهة بصوت ناصي

...........عززة يمة وشعندج رايحتلهه

...........يااا خايبة كومي لطيني علة حلگي شني

رادت تحجي ...........طلع رجله من الغرفة مبدل
باوعتلة يمشي شلون ذولة بالافلام من يطلع البطل وجنطة الابتوب بيدة
يعدل بساعته لابس بنطرون أسود  وقميص أبيض  والعطرر من بعيد كفخني قوي كلش وحلوو