ضي حياتي (مكتملة)

البارت السادس والثلاثون

يمتةة تگودنة الصدفةة ،،
ونرد عشاگ ،،♥ء

ريتال العهد ❤️❤️

البارت السادس والثلاثون
__________________

طلعت موبايلي مقفول فتحتة گعدت علة القنفة واثنيهن بيدي

اوووف بسم اللة يربي دخيلك ساعدني شسوي هسة
فتحتة  طلعت رقمة ساعة صافنة بي يمن حفظته علغيب
ردت افتح الشبكة بعدين طخت عندي شگد ثولة أني أكيد يشوفني متصلة
وتنكشف جذبتي رجعت قفلتة علسريع مدري ليش دوم اتخيلة يطلع منة

ظليت افكر بحچي اليوم معناه مراح يعوفني ويجوز لو گتلة ما أزوجك ذاك الوكت يكرهني ويـاذني لا لا خاف شو شيسوي للمجد
انكمش گلبي من ذكرت ابن ام سعيد وشلون أذاة معناه ما يخاف من شي

ظليت اقنع بروحي شبية اني ما يصير اخابرة من موبايل بيبي
ما اكدر اووصل للهدرجة غلط ضي واللة غلط سوايتج

احسن شي هسة اخابر هديل واشوف اخبارة عيب هيج كلفترة أكطع عنه وعود نوار اللة كريم خليهه ورة اللة البي صالح يصير

حسيت براحة أبتسمت بلكي اللة خلاني أوعه تالي وكت علة الغلط
شلوون ماجان حرام علاقتنة واذا ابتعدت عنه علفترة هيجي يربي ونتوفق

اووف امين يا رب لا تفشلني يا اللة عوضني
ظليت أدعي من كل گلبي أحساس حلوو
واحد من يعرف غلطة ويعترف بي حتة لو ما أگدر أفاركة أجبر روحي
واللة يصبرني

طلعت رقم هديل سجلتة بموبايل بيبي وحفظتة
اول شي ها اشوف الرصيد شگد سجلت الرمز طلع رصيدة قليل كلش
حتة ترميشة ما بي شسوي هسة يلا خل ارمش عليهه هديل ما تخلة من الرصيد وحتة لوو هلايام عروس تدخل

رمشت عليهه أول دگة گطعتة لا صيدني ظليت منتظرتة ما أتصلت
رجعت طگيتهه بترميشة هم ماكو لحيت بالعشر مرات واخيرا اتصلت
الموبايل راد يوكع من ايدي من الفرحة

رديت بسرعة

الووو ها شونج اني ضي
ردت گوة أسمعه هووسة يمه

.......خرب يومج هاي انتي صارلج ساعه ترمشين گبر يي واللة

هاا يي اني شبيج هديل موو شسمة موبايلي عطل وهذا موبايل بيبي
واهون عليج ورمشت وبعدين جا انتي ما فگدتني ما فاتحة نت

عاطت بالييمهه يسكتن شوية وصار هدوء مبين طلعت من يمهن

.......وووي ضي العوبة اني بيا حال واشوفج متصلة لوو لا
ما تدرين عرسي قرب والشغل فوگ راسي ومنا اهلي هم يحضرون بغراضهم

استحيت منهه رزلتني صدگ هي بيال حال واريدة تفگدني

هاا بالعافية يمتة انشا اللة ?

.......يي ولج الخميس يعني بعد خمس تيام واهلي السبت يطلعون

ها ها اللة يسهلهم ما كلتي شنوو هاي الهوسة يمج مساع ?