ضي حياتي (مكتملة)

البارت السابع والثلاثون

مساء الخير شلونكم
بارت طويل ضغطت على نفسي بصعوبة وكتبتة
لن شگد ما أحاول ألتزم بالقصة ما تظبط وياي
قرائة ممتعة 💙💙

الشاهد  الله....👆
لا هويت أخلاف..... عينك
ولا يرف  كلبي أعله غيرك...

ريتال العهد ❤️❤️

البارت السابع والثلاثون
__________________

بقيت ابجي بصوت مكتوم ما اريد بيبي تشك وتسألني لن هو اصلا الحلم مدري شلونة يخوف لهسة ريگي يابس و جسمي ميت من التعب

شفتهه دارت وجهه وطلعت ما سألت شكوو
اول ما طلعت طاحن دموعي عبالك شلال يجري

اباوع للمجد يبجي وياي وينشغ
شال أيدة يمسح بوجهي يبوس بية

.....ضي حبيبتي اني عرفت انتي ليش ضايجة وتبجين

قويت روحي اخذت نفس بتعب و ألعب بشعرة

شنوو حبيبي منو كلك ضايجة بس اني مريضة

عقج حواجبة مبرطم

.....لا بيبي گالت انتة صرت رجال وسولفتلي الشغلة الموضوجتج

شگد ما جنت ضايجة ضحكت يحجي بجدية معصب

اروح فدوة للرجال هم يجي يوم التدافع عني واصير سندي

.....يي اني احبج وما اخلي واحد يضوجج واللة

حظنتة حيل ابوس بي وخرر ايدية ظل يعدل بشعرة مزعوج

.....انتي شبيج خل اسولفج عيب الرجال يسولف وكلساع تبوسي

ابتعدت عنة مبتسمة .....يي حبيبي گلي شنوو ?

.....بيبي كالت هذا صديقي نوار يريد يخطبج ويعني اصيرين مرتة موو ??

اتفأجات ما توقعت بيبي اسولفلة الصدگ حسبالي غير شي

هاا دودي يي صدگ

ضحك

.....اللة اني احب نوار وعادي ازوجي اني ادري بيج ضايجة ما تردين تعوفيني موو?

بس اذا نوار ما اضوج لن احبة وهو يحبني بس اذا غيرر واحد لا مو عادي
يلا ضي ازوجي وصيري عروسة مثل هديل البسي بدلة وصيري حلووة

دمعت عيوني علة كلامة توقعته اذا سمع يبجي ويضوج

دودي يعني اذا ازوجت ما اضوج ??

ظل صافن بوجهي يفكرر رجع شبگني ختل بحظني

هاا دودي اضوج موو حجيته بصوت ناصي مخنوگة

.....لا لا اضووج شوية وادور تروح وعادي ابقى يم بيبي هية تحبني
وهم اگول للنوار كلما اشتاقلج تجون النة انتي وياا واذا هوواية مشتاقلج
باتوو عدنة مووو ??

اتغير مزاجي عشت اللحظة بخيالي نجي اني ويااة لاهلي احساس حلوو

ظلينة نسولف مجد سوالفة كلة بنوار وشلون من يروح يشتري يضل يسولف وياا يگلة من تكبر شوية اخذك تلعب طوبة وياي