ضي حياتي (مكتملة)

البارت التاسع

❤️
❤️
غازليتج
ونگط التين العلى خدودج خجل
ودمعت وجناتج من كثر الغزل
❄❄❄
ريتال العهد
                                          _________
                                         البارت التاسع
                                         =========

تقرب من مجد يقيس حرارتة ...
صارر قريب كلش مني ....
همس مرتبك .....

شون أسيطر  ترة ضعيف گدام العسل حجاه عظ شفته

من الصدمة شهكت حيل
تفأجا رجع لورة

مجد من شافني بجة .ألتفت بيبي ألنة

هااا شمالكم يحبوبة أرهبتوو ?

مما أدري حجية أجيت أقيس حرارة الصغير شوو ثنيهم خافووو

خزرتني گرصتني حيل من أيدي هيج گرصه لوتهه ....متت وجع

أعذرني خالة بس ذوله أثنيهم فاهين ما بيهم خيرر

يلا يلا جيبي أخوج وكومي فشلتني .دارتلة يمة صفاء أدري عطلناك والعالم متانيتك. بس شسوي ووين المابي فايدة يوكع علية

جاوبهه لا لا شلقصة عادي كلهه  الجهال هيج يباوعلي من فوك للجوة

طلعنة من المكان للصالة كلهه تباوعلنة وتبسس النسوان لن تأخرنة جوة
لمحت نوار  هم موجود ......عبرت من يمة مدنگة شايلة مجد

بيبي تمشي وراي
ولج أمشي عدل لا تطحين ....وااخيج يتعور هو عايزز

يي يي..... مشيت گدامه حيل ظلت تصيح وراي ما وكفت أمشي وأتعثر لن شايله مجد هو أصلا خفيف عبالك عمرة أربع سنين بس من الخوف والتوتر گمت ما أعرف أمشي وصلت للبيت ...فتحت الباب ما باوعت وراي ما أريد اشوف اي أاحد

خليت مجد بفراشة غطيتة حبيبي لازم أيدي  ما يرضه يعوفه ظليت ادگلة يمن نام

دخلت  للغرفه ما حاجتني بس شكلهه مقهورة ...بدلت وطلعت
ظليت بمكاني گاعدة أجة ببالي الصار اليوم
اووف يضي هذا اليوم يختلف عن الباقي هواي صارت بي شغلات كون يكظي علخيرر

ذكرت حجي الولدد ...گمت بساع وكفت گدام المراية وصفنت بوجهي .عبالك أول مرة أشوف شكلي. والصدك هاي أول مرة أركز بملامحي طبعي مو من النوع المگابلة المراية حتة الشال ألفه بدون مراية وأطلع

ظليت أحجي وية نفسي معقولة أني حلوة ??
وجهي عبارة عن شامات هواي عندي
عيوني صغار وسود  رموشي طوال طاخات بحواجبي
حواجبي عراض وثخان  كلش أبد ما لاعبه بيهن شفايفي منفوخات وخاصة الجوة

باوعت لمكان شاماتي
حفظتهن عندي بخدودي  ثنين صغار يعني أربعه وبنص شفتي الفوك شامة صغيرة كلش هديل دوم  تگلي منين أجتج هاي يجوز بس أنتي بالكرة الارضية عده شامة بشفتهه
لجسمي  متروس شوية
أمي  دوم تعيب  علية تكلي سوي دايت ما أرد عليه أسكت لن ما اعرف الدايت شنوو وخاف اسألة وترزلتي

ظليت بالربع ساعه مگابلة المراية .حسيت  أنوو أني حلوة  ما أعرف ليش قبل ما جنت هيج أفكر أبد ولا ببالي بس هسة لا حسيت نفسي صدك بنية

هذا كلة من ورة حجاية الولد. شبيج ضي تخبلتي وحچايتة  مبينة عيب وشكلة موو راحة...أووو هسة راح أظل لازكة بي أسبوع مثل من شفت نوار

خل أشوف بيبي وين أحسلي .طلعت من الغرفه لگيته بالصالة گاعدة ويمه  خالي يتريك مبين أستوة گاعد

سلمت علية گعدت أصلا ما رد السلام ملتهي بموبايلة حاچيت بيبي ما ردت علية صافنة

ظليت أباوع علة التلفزيون .المكان هدوء وبس النفس ينسمع

زهير عندي حچاية وياك
خالوو مدنگ بفونة ويأكل ما أنتبه الهه

خايب زوهير وصمخ موو أحاجيك

أهووو ها يمة شبيج صيحين خيررر

منين يجي الخير وانته أبني حچته بأستهزاء

أنتي ليش ما تحترميني عبالك أبن الجيران موو أبنج
المثلج وعده بس واحد دللة دلال بحساب وحيده موو تفضل بناتهه على وحيده

ضحكت ياا يااا خايبة فريحة شمالج أنفعلتي

باوعنا ألهه ثنينة مستغربين

هاا يمة وينهه فرح حتة الفقيرة نايمة فوك بس موو بيدج تكرهينهه

يي يخايب شني خرفت وما أدري بيهه مگموعه فوك
بس أنا أگصد هاذ حچي فريحة موو حچيك هية تنگ برأسك
وانتة فوهي بساع صدگ يالأخبن گم من جدامي مو مال واحد يحجيلك عبنك أغم وطايح حظك

بس ما طولك محسوب علية ولد چدام الوادم .....ترة أخياتك راح يعرسن أثنيهن فرد يوم
موو تگول ما گتلك ???

وكالعادة ردة فعله صدمتني

گام بساع من مكانة بفرح وضحك
صدك هلحجي يمة ?

يي چا شني أجذب أنة شوو ما تعرف تحچي
أثكل فشلة أنت أخيهن مووش غريب ما عوزك بس ترگص

وليش ما أرگص وينهه لاگيهه أخلص من أثنين بنفس اليوم ???
ههخخخ واللة كون تسمع فروحة ألا تطيرر من الفرح خطية

زمخت بي ولك وعليمن أطير شمالكم نسيتوو ترة سهى التصرف على البيت موو أنتم
لازم المثلكم يضوج ويتكدر لن راح ترد عليكم المصاريف

هههخخ ومنو كال ترد علينة أسمعي لعد بمناسبة هذا الخبر الحلوو
تررة أني ومريتي مقررين .....

يتبع
......

اتمنى تصوتون وتعلقون 💜💜💜