ضي حياتي (مكتملة)

البارت الثامن والثلاثون

ياشاغلني ابمحبتك يمته نتلاكه
ترى عيوني لعيونك حيل مشتاكه♥️🖤

ريتال العهد ❤️❤️

البارت الثامن والثلاثون
__________________

أنصدمت بحجية يعني شنو منين  طلعلي هذا دمعت عيوني

التفت للبيبي

ها ام زهير شتكولين اريدكم تردولي خبر بذني اليومين علمود اذا اللة راد  وصارت القسمة اكول للجماعة يستعجلون ونعقدلهم قبل لا اسافر

.....هاا هاا زين ابوو  حسوني ومنين هذا الولد انتة تعرفة لوو غريب ?

بطني لوتني صافنة علة حلگة اريدة ينطق احسة هلكلمة مصيرية
بحياتي لن كلما يخطبني نووار يطلع واحد صفح يوگف كلشي

ابتسم يهز براسة

.....شوفي ام زهير يعني اني اعرفة وبنفس الوقت ما اعرفه
اذا تعرفين ابوو افراح جيرانكم ولوو اكيد تعرفوو هوو حاجني
يريدة لابن اخته يشتغل وياة بالمجمع

فزز گلبي من جاب طاري مدري شلون ما طفرت من مكاني
من الفرحة ظليت اباوع  لبيبي أكل بشفايفي ما اريد ابتسم
لوو اضحك مدري شبيهه صايرة ما اسيطر علروحي
ارد استوعب شلوون رايح للعمي وخاطبني منة

.....هاا يخالة يي اعرفه وانة هم ما اضم عليك گبل مدة اجت ام افراح ووياهه مرة وخطبنهه بس بوكتهه البت مريضة وغلسنة عليهم

.....هاا يي هوو هم گلي دزينة النسوان يشوفنهه
شوفي حجية بعدة اشر علية بايدة
وانتي عموو اني العلية راح اسووي وبعد هية اضل يمج لن شلون ما جان هاي حياتج وانتي حررة بيهه بالنسبة للولد كلش عاجبني شخصيتة ينشد بية الضهرر بس العيب الوحيدد اهلهة بالريف و يجوز عدكم علم موو ?

اباوع للبيبي جرت حسرة طويلة

.....يي واللة يخالة اني هذا الوكف بعيني اكول خاف ما تحمل عيشتهم
وشلون بعدد

.....باوعي اني هم خطرت علبالي هلسالفة بس تررة اني اعرفة من زمان من جنة بيتنة القديم هوو مأجرر وحدهه  فمعناه هلحجي تاليتة يگعد
بالولاية لن شغلة واصادقائة كلهم هناا وهم هيج راح تسهل علية لن الماخذة منا لوو شنو رايج حجية ??

.....ما اددري يخالة العالم اللة بس ما كلتي سألت علة اهلة غاد يمهم
برووح ابوك تررة هاي  فقيرة مالهه احد وبعد يومين اللة لا يگولهه
لا طلعوو مدري شلونهم مني يفزع وراهه المسكينة ??

.....لا لا هاي ابد ما مقبولة منج واني وين رحت موو صارلي ساعة اكلج شاهد اللة معززة ضي ومجد بگلبي ما تفرق عن هديل وحسن

.....لا يخالة اعذر خويلتك بس من حرگة گلبي
ولاتنسى انتة موو هنا يعني لا هنا وهنية بغيرر دولة
ذيج الساعة يفسطوهه وتروح وبعدك ما واصل