ضي حياتي (مكتملة)

البارت التاسع والعشرون

‏أن تفتح مُحادثة شخص كان يعني لك كُل شيء ..
تتأمل إسمه لساعات طويله ..

تريد التحدث لكن تعجز عن كتابه حرفاً وأحد ...!!

شعور يحرق القلب ...بـشدة

ريتال العهد ❤️❤️

البارت التاسع والعشرون
__________________

باوعت من الشباك شفت سيارة حديثة طبكت يم الباب
نزلت هديل لابسة البدلة واربعة شايلاتهه وياه

لبست صايتي بساع ذبيت الحجاب فوگ راسي
أخذت موبايلي قفلت الباب ونزلت متوترة
علة الدرج أمشي علكيف

كلهه ركضت للباب تستقبلهه والهلاهل عالگة محد بحال واحد كلمن لزمت  موبايلهه وأصور أشكال عجيبة غريبة اول مرة أشوفهن

گعدن  هديل بالكوشة جانت مرتبة كلش بوكتهه محد هيج مسوي
وخرت البرگع صرت گبالهه غمزتلي تضحك

أبتسمت علة جمالههه طالعة ملكة

البدلة بنفسجي طوخ صلوخ كلش مفضوحة
الشعر مفتوح علة طول ظهرهه ومكياج يجنن
وعدسات بوكتهه راحت لصالون راقي

يعني بإختصار الحفلة كلش راقية كلهه أنبهرت بالتحضيرات وخاصة گرايبنة وخوالهه وهلشي خلة عمتي تصعد للسگف من التباهي
ومنة بأهل الولد ما عايززين امة واخواتة  محملات من فوگ للجوة ذهب اول مرة هيج أشوف نسوان لابسة ذهب شلون الأكراد وشايلات جمال محد شايتلهه

شفتهه كلهه نزعت وظلت ترگص حرت وين ابدل دخلت للحمام نزعت الصاية عدلت نفسي خليتهن بعلاگة وطلعت اكوو بنات وأكفات يم الحمام
ظلن صافنات علية فحصني من فوگ للجوة ويشاورن بينهن ما عرفني

غلست رحت للصالة يم هديل
جانت كاعدة يمهه إخت صفاء ظلت تباوعلي باستهزاء تضحك

باوست للهديل وباركتلهه مبينة فرحانة كلش

گمزت بت خالتة دفعت  أيدي

........أكلج عيني ها شنوو ممنوع البوس يخرب مكياجهه

جرتني هديل تضحك گعدتني يمهه
شاورتني

........معليج بيهه هاي تمظرط وحدهه ........
فديتج ولج شوف شلون كلهه تتصفن بيهه حتة كسرتني بجمالج

باوعتلهه اضحك متفاجئة

لا واللة هدو طالعة تخبلين ربي يسعدج حبي

گعدت شوية يمهه خجلت من نظرات بنات خالته وامهه
يردن يفترسني ردت اگوم سحلتني

........ولج ارگدي شبيج كرصتني
حجت همس

........ولج الدودة اكرصيه وأكعدي بس تگومين
تجي التسوة والماتسوة تلزك يمي اطلع عده عزيزة

رجعت شاورتة متوجعة من الكرصة

ولج اذا انتي تكرهيه شعدج عازمتهن