ضي حياتي (مكتملة)

البارت العاشر

ِ

حتى المشاعر في بعض الاحيان لها خيارات يا انها تنعدم فجأة او تتحول لشيء يخليك تكتفي بنفسك".

ِريتال العهد
                                          _________
                                         البارت العاشر
                                         =========

هههخ ومنو گل ترد علينة أسمعي لعد بمناسبة هذا الخبر الحلوو
تررة أني ومريتي مقررين نشوف حياتنة

ياا چا هسة ما شافين حياتكم شني عميان خوو ما عميان ?

هههههه لا قصدي نطلع بيت وحدنة ونستقرر

شني ولك شمالك تسودنت يالأغبر وين تريد تأخذك فريحة المسموسة هاا ??

يمة رجائا لا تحچين علة فروحتي بعدين أذا فرح مسموسة لعدد بناتج شنوو ??? أصلا فرح مالهه دخل أني قررت نطلع من البيت ونرتاح
من المشردين حچاه وباوعلي

أكل خرررة هذولة التحچي عليهم يسوونك أنتة وگح.....ك
يلا نگلع من وشي ورروح يمة صخيلتك لا تبطي عليههه وتكتلك

ماشي ماشي وتلوميني چا أريد أطلع غير من ورة أسلوبج حته البيت كرهته

ضحكت بيبي
هاا هيج صار الحچي ....زين أحلفك بعافية مرتك مووش بعافيتك

وين تردون تجعدون ?شني أشتريتوو بويت تأجرون گلي أني أمك?

أرتبك  دنك بموبايلة  ما جاوبة

ضحكت يا خايب شمالك صوفرت مدري حومرت ?
ترةة أنه ما ينظم علي شي يبعد أمك

وأدريكم تردون تجعدون يم نسابتك الچلاب عبنك أنتي ومرتك مچلوبين وما راهمة گعدتگم عدنة

عززة باوعتلهه لزمتني الضحكة حته أختنكت

ما حاچاههه گام من  مكانة بسرعه صعد فوك ركض

حاجيتهه مترددة ...أكلج بيبي شمدريج خالوو حيكعد يم بيت عمة ???

باوعتلي بطرف عينهه

خايبة بالأول طلعلي ضحچتچ عبنج ما أضحچين غير بين حول وحول

أستحيت منههه كمت ألعب بأظافري توترت صدك أني نادرة ما أضحك من كل گلبي
ردت أكوم ......

سمعي ضوية ترة السالفه ما يرادلهه علم

رجعت للمكاني أسمعهه .....شون يعني مفهمت ???

خايبة هذا حمااي نغيش المسوي أبوو فريحة المسوية
أكيد ما تعرفينة .ما علينة
التالي هووو عده أربع بنات وثنين ويلاد
الجبير أيهاب وجرتهم رسمة الحية أربع حياية وراة أصصد بنات
گبل لا تسألين ووراهن بزر الگعدة جابت جعيفر

أبنة الجبير أيهاب صادج وحيدة متعلمة موووش مثل نسوانة
خذتهه وسافرت بدون أدرة أهله
عود گالوو ماشين مدري شني شهرر عسل مدري حلاة المهم ما علينة
تالي راحوو وبعد ما ردوو من نشدوو وراهم أهلهم طلعوو هناك ظالين وما يردون ورة چم شهرر أهل البت مشوو وراهه للخارج