مشاعر💔 ( روايات ليبية )

حلقة 2🔥

رواية #مشاعر 🌷
( خيال ممزوج بلواقع )
للكاتبة : #حنو
الرواية بلهجة الليبية
حلقة. 2 🔥
.
.
🌷الـحـلـقـة #الـثـانـية🌷
.
.
.
.
لبسـت وشـاحي وطلـعت من البـاب يـلاقـيني أيـوب فـي جـنان
أيـوب بغـضب..ويـنن مـاشييية
انـي..لجهـنم
أيـوب خـنقـني مـن رقـبتي..انتِ قـداش لـيك مـعاش ضـربتك اسبـوع ولـه شـكله خـاطرك فـي طرـيحة
انـي فـكيـت يـده بقـوة..هه هـداكـا زمـان
أيـوب..ولـي لـي دارگ تـواا
انـي..مانـيش مـولية والـي بـديره ديـره مـش خـايفة منـك
جـي أيـوب بيـمد يـده علـيا شديـتهـاله..تـحلم انـك تـمدهـا مـن جـديـد
ودفـيتـه وطلـعت مشـيت لحـوش جـدي كـان جـنبـنا طقيـت الـباب فتـحلي عـمي خـششنـي طـول تغمـرته وقـعدت نبـكي
هـيثم يمـسح عـ راسـي وهـو مـضايق مـن الـي حـني فـيه..وراسـك وراسـ عـوينـاتك انـي روحـتله مـعاد يـقدر يـقربـك وانتِ مـن هـني مـعاش لـيك طـلعـة
انـي..قـهرنـا يـاعـمي لـيا سـنة وانـي غـامـة فـي قـلبي وفـات بـابـا وزاد عـليهـا وفـات عـبدو الغـاليـين راحـو مـني بـسرعـة البـرق يـاعمـي
هيـثم غمـض عيـونه..والله مـاعـاد قـاربك انـي مش حـنخليـه
انـي..يبـو يـخربـو عـ ثـمارة يـاعمـي
هيـثم..مـش حيـخربو مـاتـخافـيش انـي حنـوقفلـهم انـي مـش حـنخليـهم يـديرو شـي وانـي الـي حـنديـرلـهـا عـرسـها
انـي تنحيـت من حـضنه..انـت بـوي التـاني واخـيرا رجـعتلـنا ونـورت حيـاتنا ومـش حتخلـيهم يـظلمونـا
هيـثم..انـي رجعـت ومـش حنخلـيهم يديـرو شـي مـاكنتش مـتوقع حتـى امـك معـاه
انـي..لانـه راس ولـد تـحبه اكـتر مننـا
هيـثم تـنهد..الله غـالب هـي خشـي حـناك عـندها مراء
انـي..به تـ نـعاونـها
خشـيت لحناي لـقيـت عنـدها وحـدة مـن الـجارات
انـي..السـلام علـيكم
حـناي و الـجارة..وعلـيكم السـلام
الجارة..مـن هـدي يـاحاجـة
حـناي..هدي ميـس بـنت المـرحوم
الجـارة ابتسمت..يـا اهلـين كيـف حالك بنـيتي
انـي طبست وسلـمت عليـها..الحمدلله بخير كيّف حالك
الجارة..الحمدلله
انـي..كيـف حالك حـناي
حنـاي ابـتسمت..مـدامك بخير يـابنـيتي انـي بـخير
انـي ضـحكت..ربـي يحـفظك ليـنا
طلـعت وصبـيتلهم عـصير حطيـته وبعدين درت الشـاهي بـالعـالة عـ خـشة مرت عمـي فيـصل
مرت عمي..ميـس كيـف حـالك
انـي ونـدير فـي شـاهي..الحمـدولله وانتِ
مرت عمـي..الحمدلله بخـير
وقعـدو يـهدرزو
.
.
أيـوب..والله لـما نجيـبها مـن شفـاشيفـها
مـامـا..ايـه بـس مش تـوا خـلي يـطلع عمـك قـبل بنـت الأجنـبيـة هـدي ماتـحكمش فـينا أيواه
أيـوب وهـوا يدور فـي مـكانه..انـي نوريـها انـي هـدي بـوي مـدلعـها وربـي لمـا نـوريـها كـيف تـكسر كلمتـي انـيي
عـند البـنات
وسـن..تـي احسـن مـادارت ميـس يـاريـتني بـشجـاعتـها
ثـمارة..مـيس الـكبيـرة فيـنا وهـيا مـدلـلة بـابـا وهـي اكـتر وحـدة كـانت قـريبة مـن بـابـا والـبنت الـي تـكون قـريبـة مـن بـوها تـكون اقـوى وحـدة ومـايقـدر حـد يـكسرها
وسـن..صح بـابـا كـان يـحبها هلـبااااا الله يـرحمه
ميـسم..هـي تـعالـو نقعمـزو نـهدرزو شـوية خـالد قـريب يـجيني
طلعو البنات وقعدو يهدرزو ومـكسدين ومنـكديـن منـغيري
.
.
ـعندي انـي..حـناي هـي نـطلعو للـجنان الجـو حلـو
حـناي..هي يـابنـتي اطـلعي وهـاني لاحقـاتك
انـي..اوك
طلـعت طق الـباب فـتحـت خـش أيـوب طـول وشـدني مـن شـعري
طلـعت حـناي بـرداهـا تجـري..كـسري يـاولد المـغضوبة كـسري يـدك نـحيـها من وخـيتك
أيـوب..مـاليـكمش عـلاقة بيـا هـدي تبـي تربـاية
انـي نعـيط..ااااه حـرام علـيييك أطـلقها يـدك شـعررري😢
عـ خشـة عـمي هيـثم وشـافه شـادني ويضـرب فيـا وحـناي تفـك فيـا منـه وكـان مـش ع وعـيه
فكـني عـمي هيـثم منـه وضـربه كـف قـدامنا انـي كـنت وراء عـمي وشـادة فـيه
هيـثم ويتّحلف فيـه..لـو تـجي هـني مرة تـانيـة مـش حيـصير طـيب
طلـع أيـوب وهـو يـهدد ويـتوعد
انـي قعـمزت نبـكي وحـناي جـابتلـي اميـا..اني مـش عـارفة عـلاش يـديرو فـيا هـكي مـعقولة امـي راضيـة بيـه هـكي معقـولة خـوي سنـدي يـديرلـي هكـي😭
هـيثم حاضني ويـمسح ع راسـي..الله غـالب هـدا نصـيبك
بعـد فتـرة أيـوب مـعش قـدر يـخشلـي بكـل وحـناي شرطـت ان عـرس ثـمارة يـكون فـي حـوش جـدي
بـدينا نـوتو ونـجـهزو كـل يوم
وفرحانين ان في حد مننا بيكون فرحان وسعيد في حياته درنالها اللازم وجي يوم الحفلة
كانت لابسة الفيلو خشت ع اسماء الله الحسنى وبدت الحفلة بأجواء حلوة
انـي..ماتخافيش خليك واثقة من نفسك
ثمـارة ابتسـمتلي..ان شاءالله
انـي..هي قالو انه بيخش
نزلتلها الطرحة ونزلت لبست عبايتي شوية وخش سليم وكان متأنق ولحيته الخفافي وبيوضيته كانو الزوز تبارك الرحمن خش ع اغنية هلا بريحة هلي وصللها وقاملها الطرحة بهدوء وكان هااادي ومش متوتر
سليم باس ع راسها..الف مبروك علينا واخيرا وليتي حلالي😍
ثمارة تحشمت..الله يبارك فيك
قعمز سليم جنبها شوية وناضو قصو التورطة وكلو بعضهم وبعدين طلعو للدار صورتهـم المصورة صور شوية ووبعدها نادا علينا باش نلبسوها الكاب وبيطلع بيها
اني خشيتلها طول وحضنتها..ربي يهنيك ياررب وكوني قوية وردي بالك من روحك ومن راجلك وردي بالك تخليه يمد يده انتِ بس قوليلي وحتشوفي شن نديرله هههههه
ثمارة..ههههه
سليم..ماتخافيش توتو في عيوني
اني..ايواااه رد بالك منهااا والله نوريك كان درتلها حاجة
سليم ابتسم..حنحافض عليها وحنحبها حب الاب لبنته وحنخاف عليها خوف الاخ لي اخته وحنصونها زي ماصانتني وحنحبها حب الام لبنتها ونحن عليها حن الاخت لأختها ماتخافيش عليها
اني ابتسمت ودموعي ينزلو..ربي يحفظكم لبعض هدا وين تهنيت وقت شفتكم واقفين مع بعض في يوم عرسكم ربي مايفرقكم ويخليكم لبعض ونشوف صغاركم
ثمارة..امين يارب ونشوفك عروسة
اني نزلو دموعي وخليتهم يطلعو بعد ماودعتها ماما وخواتي واني قعمزت نبكي بعبرتي مش لانها طلعت او لانها صغيرتنا لا لانها قتلي نشوفك عروسة اااااخ يا عبدو شن درت فيا بسسس ياريت قاعد راه توا اني وياك في حوش واحد 😔الله غالب
نضت مسحت دموعي وسقدنا الناس لعند روحو كلهم وقعدنا احني بس العيلة
ماما..هيا روحي معانا للحوش وياسر دلع بنات
انـي..هه والله ماني مروحتها
ماما..مش عناد هيا نساوين عمك كلهم يسئلو علاش قاعدة في حوش حناك
اني..وخيرك ماقلتيش شن دايرين فيا وعلاش قاعدة عندهم والا خفتي وتحشمتي🙂
ماما..لسانك طول راه ومايمشيش معاي هكي هيا روحي معانا احني والا والله نوريك
اني..ماعندك كان التهديد والتوعيد زي انتِ زي ولدك وديرو الي تبوه اني من حوش حناي ماني متحركة الا على تابوت وهدا اخر كلامي وترا حولي عمي يستنى فينا اني وحناي
لبست حناي عبايتها وشاربتها ولبست اني وطلعنا ركبت حناي سيارة وكيف بنفتح باب سيارة عمي يشدني أيوب من مرفقي..تركبي معاي سيارة توا وبلاش دلع مفرخ ماعنديش بنات يرقدو برا
اني فلتت يدي منه ودفيته..تعرف لو تقرب مني مرة تانية مش حتعرف شن نديرلك
وركبت سيارة مع عمي وحناي
ومشينا للحوش
حناي..مداما ثمارة غدوا مسافرة معناها مافيش محضر خلي غدوا نمشو للإستراحة
اني..ايييه حلو😍اصلا الناس ماعندنا حد بايت كلهم روحو من امس
حناي..ايه خلوقي ضاقو يابنيتي
اني..والله حتى اني ياحنينة
حناي..خيرها امك تكلم فيك بكري
اني..تبيني نروح معاهم وقعدت تهدد فيا وتتوعد فيا واني مابيتش قتلها مش حنروح معاكم
حناي تنهدت..اااااه وخلاص الله غالب يابنيتي
اني..ايه من قال بعد غيبت بوي امي هكي ادير
هيثم..مكانتش هكي شن الي غيرها
اني..أيوب هو السبب
هيثم..ربي يهديهم
اني..يارب
وصلنا للحوش شفنا أيوب واصل قبلنا مقعمز ويشرب خشيت طول مع حناي وفتناه دوشت وبدلت بيجامتي وقعمزت لحناي نعطي فيها في دواها
حناي..ربي مايغيبك عليا يابنيتي
اني..ويحفظك ليا حنينتي
هيثم..شنو اجتماع منغيري😂
اني..ههههههه حقا حنينة امتى بنتهنو عليه هدا😐
هيثم..طلعتلك هدا صار
اني..تي عادي😂
حناي..والله لو يقول نبي بنت الحلال واتية غير يقول نبي بس لكن شن بديريله راس مسكر
هيثم..فكيني اني هكي مستريح
حناي..لا يابابا اني هكي مش مستريحة لأمتى بنقعدلك اني ولأمتى بنت خوك بتقعد سيورها تتزوج حتى هيا
اني..ياحناي نبيش نتزوج اني نبي نقعد معاك
حناي..طيح سعدك هدا بدال ماتقوليله ايه ياعمي تمشي تأيديه تعنسولي انتم الزووز
اني..وخيرك ياحناي ضايقتي مننا ههههههه
هيثم..ريتيها حناك معش تبينا
حناي..ايه نبي نزوجكم ونرتاح عليكم
اني..خلينا ياحناي
حناي..اني عاجبتني بنية ياهيثم ومتأكدة مش حتقول عليها لا
اني..منو حناي
هيثم..اياح علينا عاااد
حناي..اخت صاحبك يادرويش
اني..اما هيا
حناي..شفتيها هديكا الي لابسة قفطان بكمامه طويلة وعليك جسم فيها وبيوضية تبارك الرحمن عليها والعين الواسعة الي فيها وكيف سلمت عليا بأذب واحترام
اني..اهاااااا عرفتتتها ايه صح ياحناي والله ماعنده عمي مايقول فيها
حناي..اصلا يبي والا لا بناخدهاله وبعدين اخت صاحبه هيا يعني ياخد وعيونه مغمضات
هيثم زي الي خشت راسه..يصير خير
حناي ضحكو عيونها..شن يعني😍مش معارض
هيثم..انت خششتيها راسي لكن وربي يا يمى يصير شي انت المسؤؤلة عليه
اني..وانت خيرك تافه هكي مبردك ره حناي تبي تتهنى عليك من حقها
هيثم غمزلي..ونتهنو عليك بالمرة
اني..هيييثم انت عارف ان اني مزال مش قادرة وبعدين تشوف في خوي وامي كيف ماعندي علاش بنتزوج توا خلي الاوضاع ترتاح شوية
هيثم..امالا ماني شايفها ولا متزوجها لين ما انتِ توافقي
شبحتلي حناي وتبتسملي
اني..تي شن تبيني ياعمي نطلع ونقول من بيتزوج
هيثم شاف لأمه..لا هوا واتي كان تبي
اني..كيف يعني!!! من يكون
هيثم..صاحبي
اني..نفسه الي حكت حناي ع اخته؟
هيثم هـز راسـه بإيه
اني..ياعمي مش وقته توا ماتوقفهاش عليا انت عارف شن الي في راسي وقلبي غلط هكي بنظلم راجل معاي
حناي تتفرج وفاتتنا
هيثم..لأمتى تراه!! الراجل يبيك وشاريك وقداش ليه يكلم فيا عليك
اني..ياهيثم خيرنا عاااد سكر عليه الموضوع هوا معاش تفتحهولي
هيثم..امالا قعمزي لين يجيك هداكا يقولك جايبلك عريس وتحلفلك امك برضاها بعدها شن يسلكهاا؟؟؟
اني..افففف وااااااااك كرهتها عيشتي اني
نضت وخشيت للدار
حناي..خليها براحتها الا زواج مش غصب
هيثم حط يديه ع راسه..نبي نتهنى عليها يام صاحبي وواثق فيه عمره ماكلم ولا دار وجيج وعلاقات وهو عارفه شايفها معاي كذا مرة وحاسه يحبها يام وخايف عليها اني من خوها وامها يلفقولها واحد ماينفعش كيف تبيني نتصرف بعدها
حناي تنهدت..الله غالب ياوليدي انت نقولك حل خليها على ربي وتو نشوفو شن يصير وانت قولهم يتفضلو وهيا مرات تستريح واني نقولها جونا غفل شن رايك
هيثم..خايف ماتطلعلهمش
حناي..لالا غير دير الي قتلك عليه بس وفيه كل الخير عندنا حني مش ناقص شي
هيثم..تو نقوله يتفضلو به
بينما هما يهدرزو في موضوعي اني خشيت للدار اتكيت ع سرير وقعدت نبكي
اني..وينك ياعبدوو وينكك خليتني في دنيا مافيش حد مستحملني فيها وينك يابابااا😭وينك بسسس كان تشوف شن صاير في بنتك والله بنموت😭ياريت نموت ونلحقككم علاش الباهي مايقعدش في الدنيا علاش كل الي نحبوهم فيسع مايمشو مننا😭ياربي لأمتى بنقعد عايشة ع اطلال عبدو لأمتى بس🤕لعند رقدت ونحلم بعبدو جايني ويضحك ويقولي تزوجي وريحيني في قبري خليني نرتاح ونتهنى عليك اني نبكي وهوا يضحك ويقولي ارتاحي وريحيني معش تبكي عليا نضت مخلوعة ندور فيه ونبكي ونقول عبدو عبدو خش عليا هيثم طول لقاني مقعمزة ونبكي
هيثم..خيرك خييرك شن فيي
اني حضنته وقعدت نبكي
هيثم..سامحيني كان زعلتي مني بس والله العظيم لمصلحتك يا ميس نبي نريح بوك في قبره ونرتاح ان عطيتك لشخص يقدر يهنيني عليك وخاصة انه حيخليك تقري وتكملي حياتك من وين ما وقفتيها
اني..بالله عليك والله ماجاهزة نخش في موضوع جديد اني قاعدة متأثرة من الي صايرلي
هيثم قعد يفكر وحس بيا قعد يمسح ع راسي ويقولي الي تبيه حيصير تمام ولين رقدت واني نبكي
.
.
نضت على صوت حناي تقولي نوضي وقت ع قرايتك اني..شنوو
حناي مبتسمة..تي نوضي عمك سجلك باش تكملي من وين ماوقفتي
اني..😍😍
نضت نجري دوشت ولبست وطلعت لقيتهم يفطرو قعمزت نفطر..صباحووو
حناي و عمي..صباح الورد يا وردتنا
اني..😍حق ياعمي بنقرا!!
عمي ضحك..ايه صح محاضرتك اليوم ساعة 10
اني..الحمدلله😍😍
اتصلت بوسن وقعدت نهدرز عليها وباين انها مضايقة🖤مسكينة تفرقنا عن بعضنا وكل واحد فينا شاف حياته الا هيا حصلت بين امي وايوب
مشيت للكلية الي كنت نقرا فيها وبطلني ايوب منها وكان مزال 3سيمسترات ونكمل مشيت وبمعارف عمي خشيت وبديت طول
هيثم..ميس في امانتك يا دكتور
دكتور محمد دار يديه ع عيونه..في عيوني😊
هيثم غمزله ودارله اوك بيده👍🏻 ومشي وخلاني نخش مع دكتور
اني كنت مرتبكة خشيت وكانو هلبا طلبة قعمزت في كرسي فاضي وكان جنبي بنات بدت المحاضرة اول محاضرة ليا من بعد الايام الكئيبة الي ريتهم اااه واخيرا بترجعلي حياتي❣ومش مسامحة كل من ضيعلي حياتي💔
تمت محاضرتي وكنت مستمتعة بيها وناشطة فيها ونسئل في كل شي وحسيت ان الدكتور اغلب الاوقات عيونه فيا بس ماعدلتش اني المهم عندي نكمل الي بادية فيه وبس
بعد كملت محاضرتي طلعنا وكنت مقعمزة بروحي نستنى في عمي هيثم الى ان جاني وقف عليا هوا ودكتور متعي نفسه الي كان يعطي فينا في محاضرة
اني..عمي
هيثم..هي يا ميس شنو يا دكتور اليوم ميس كيف كانت؟كويسة والا ادير في شطانة؟
دكتور ضحك ضحكة ع جنب..بالعكس كانت قصقاصة
هيثم..وووه مابعدك منها تحب تعرف كل حاجة كيف اصلها ومن وين وشنو وكيف وعلاش وهم ع راسك
اني..صار هكي اني ياعمي حرام عليك هدا بدال ماتحسن صورتي قدام دكتور زدت لبزتها
دكتور..لالا نبصرو بالعكس كانت ميس اليوم ناشطة رغم الفترة الي نفصلت فيها هلبا طويلة ووممكن تكون حتى ناسية كل شي لكن ماشاءالله عليها واسئلتها ذكية
اني ابتسمت بغرور..نعرف روحي ذكية اني منغير ماتقوولو😌
هيثم..هي يا حميدا نتلاقو
اني ستغربت توا كان يقوله يا دكتور كيف صار حميدا نضت مشيت مع عمي للسيارة وتحركنا
اني..كان يقرا معاك الدكتور؟وبعدين باش كنت تقوله يادكتور كيف صار ياحميدا بدي وبعدين من وين تعرفو بعض شكلها صداقتكم قوية من منصحابك هدا ياعمي وووك خيرك سااااكت😑
هيثم..وحق ربي الا صدق فيك وقت قال قصقاصة
اني..😑باه ها سكتت خلاص معش نبي نعرف شي
هيثم شافلي بربع عين وابتسم ع جنب..احسن
اني..🙂
سكتنا لين وصلنا للحوش خشيت وكانت امي تستنى فيا عند حناي
حناي..روحتي بنيتي هي خشي بدلي الغدي واتي من بكري مابيت ندوقه الا معاك
اني كبيت ع راسها..ربي يحفظك يا حنينة
ماما بخبث..هيا بنتي ارجعي معاي للحوش اخي بلاك
اني..كنتو تفكرو فيها هدي قبل مااديرو عملتكم
ماما..احترمممي نفسسك واني امك وغصبا عنك تسمعي كلاااامي حناك وعمك صيعوك هدم توا تروحي للحوش معااي
اني..كرهتك وكرهتيني في حياتي كرهت كل شي في الحوش هداكا من يوم مامشي بوي واني في الذل والاهاااانااات ليييش هاااا قولييلييي انتِ مش ام ولا عمرك تكوني ام انتِ من يوم ماكنت صغيرة كنتي ماتحبينيش وتحبي أيوب ومستحيل ترضي فيه شي ليش احني بناتك ماعمرك عطيتينا حناااان ام اااه قولي؟؟؟!!!
حناي..احترميني يا ام ايوب عيب عليك الكلام هدا شن صيعناها هدي اني ميس زي بنيتي وخليتها تكمل قرايتها لانه هدا الصح وهيا ضمي فمك تراه خير ما تو تشوفي شي مايصلحش ليك ولا لولدك نسيتي ان مافيش شي ليك والا نزيد نذكرك يا انسة !!!
ماما..شن قصدك يعني بتلزيني من بيتي؟؟؟
حناي..والله افهمي كيف مابتفهمي كل شي بإسمي وليا اني ونتحكم في رزقي كيف مانبي وتراه لو ماتحلوش ع البنية هدي وبنتك التانية لو ماتخليها تكمل قرايتها تلقي روحك برا انتِ وولدك وياويلك لو شفت شي غلط او تعلاي صوت علينا
ماما..وهدا ممن امتى الكلام ياحاجة والا لما جي هيثم بديتو تتقوو علينا!!
حناي..ايه وليدي هيثم ربي يديمه فوق راسي يااااارب والكلام هدا من زمان بس ماكنتش متوقعة انك بالوحشية هدي ع قد مايحكولي بناتك ماكنتش نحسابهم حق هكي عايشين !! وبنتك التانية مش ناسيتها اني ويا تضمي فمك يا اما ناخدها حتى هيا منك وتعيش اهني زيها زي اختها لين يطلعو عرسان
طلعت ماما وهيا متعفلقة وتخطط لحجات تانية
اما اني بعد ماقلت كلامي خشيت للدار وسكرتها عليا وقعدت نبكي عمرها ما اتملي فرحة !💔
نسمع فيها تتناقش مع حناي لكن معش قدرت نسمع غير دقات قلبي و رعشتي وبكاي عمري ماريت أم ادير هكي لبنتها💔لدرجة شكيت انها امي
.
.
ع خشة هيثم..يمااا عندي صاحبي قولي لي ميس اديرلنا قهوة
حناي جاته..منو من صحابك
هيثم بهمس..نفسه الي يبي ميس
حناي..باهي ع سلامته برا خشلها هيا من روحت معش طلعت من دارها تعاركت مع امها
هيثم عقد حواجبه..امتى🤔
حناي..امبكري جت تعاركو وروحت
خشلي هيثم ولقاني نقرا
هيثم..قالت حناك راقدة
اني..مالياش هلبا نايضة انراجع
هيثم..باه مدامك تقري خلاص
اني شفتله..تبي حاجة عمي!
هيثم..لا خليك اقري
اني..باهي بندير قهوة راسي صداع نديرلك معاي
هيثم..ايه ياريت صاحبي معاي برا
اني بعدم اهتمام..اوك
طلعت طول خشيت مطبخ صبيت اميا في البكرج ودرتله سكر وحطيتها ع نار قعمزت نستنى فيها تطبخ شوية ودرت البُن و طابت درتله سفرة فيها حلويات و فيها قهوة وعطيتهاله واني درت مق وخشيت للدار كملت نقرا طول الوقت وماقمتش راسي بكل
.
.
صاحب هيثم اسمه محمد
محمد..الله قهيوة في حقها تعرف قداش ليا معاش شربت قهوة زي هدي سلم يدياتها خالتي
هيثم ضحك ع جنب..الله يسلمك
محمد..ايه شن اخبارك
هيثم..اهو ماشية
محمد..بكري لما ريتك في الكلية قلت لازم نتلاقو ونهدرزو نقعمزو تقعميزة باهية هكي قداش ليا عليها القعدة هدي
هيثم..ايه والله ونحضرو في المبارة مع بعض😂وامي اديرلنا هديكا شكشوكة الدحي بنة وصنة😍
محمد..والنبي قولها اديرهالنا جاية النية فيها نفاصها عمري ماكليت زيهم
هيثم..توا اديرلنا بدون مانطلبو
وقعدو يهدرزو ع الحال والاحوال لين ماجتني حناي عطتني سفرة فيها ساندوتش و عصير وشاهي..كولي بنيتي من بكري وانتِ كابية ع هالورق
اني ابتسمت..جت في وقتها😍علاش متعبة روحك حنينة
حناي..لا تعب ولا شي هدا صاحب هيثم متعود لما يجي ضروري نديرلهم فيها قلت خلي نحسبك معاهم
اني..ربي يحفظك ليا😍
ع رنة فوني وكان رقم دولي
اني..الو
ثمارة..ميييييس😍😍
اني..ثماااارة😍
ثمارة..هههههههه شن جووو والله ستااااحشتككك
اني..الحمدلله وانتِ كيف حالك شن اخبااارك
حناي..اعطيني نكلمها
اني..لحظة بس حنينة ايه شن جوكم شن اخباركم😍😍وشن جو سليم
ثمارة شافتله وابتسمتله ورجعت تتكلم بالفون..الحمدلله تمااام بكل انتم شن جوكم
اني..الحمدلله مدامك انتِ بخير ومداما الفرحة هدي في صوتك معناها اني في افضل حاال
ثمارة..ياوخيتي ربي يحفظك ليا😍
اني..امييين اسمعي اهي حناي تبيك
ثمارة..اعطيهالي هيا😍
وقعدت حناي تهدرز مع ثمارة
ثمارة..حنينة امي ماتردش عليا ووسن حتى هيا في حاجة غادي؟
حناي..ااه لا مافي كان الخير يابنتي ووسن اكيد واخدين تلفونها زي العادة يا دادة وامك شن غابية فيها؟
ثمارة نزلت دمعتها..الله غالب وخلاص
حناي تنهدت..ايييه يابنتي هدي الدنيا
.
.
اني نضت من جنبها وخديت السفرة الي موتيتها حناي لِـ هيثم و محمد وطلعت بيها
اني طقيت الباب..عمي
هيثم..احم هيا جاي
فتح الباب فنص فيا..وين امي
اني..تتكلم في تلفون وقتلي ارفعيه انتِ
هيثم..به به صحيتي
خدي سفرة ومالحقتش نشوف من الي معاه سكر الباب طول
اني..تفف اني الفاضية الي جايبتلك السفرة عيلة مهبلة😐
خشيت لقيت حناي مقعمزة وقاعدة تهدرز مع ثمارة
اني..هييي هدا كله قاعدين تدوو
ثمارة..هههههه اعطيهالي ياحناي تراه
حناي..هاك اهي معاك
اني..ايوا
ثمارة..ايواان شن جو
اني..صقع ونو
ثمارة..🤣🤣ايه حقا شن قتلي حناي انك رافضة الي يبيك
اني شفت لحناي..وااااك ماتشديش شي ياحناي
ثمارة..تي خيرك غبية انتِ؟؟ والا غبية ؟؟ اكيد غبية صاحب عمك يعني اكيد كويس ويحبك ويبيك خير بلابيلك انتِ بتقعدي تستني لين امك ادورلك واحد من صحاب خوك ايوب وتلصقهولك ؟؟ شن الغباء الي يجري في راسك هدا
اني..غباء باهي ومية غباء اني مانبيش هكي دماغي قالي🙂ومافي حد يقدر يغصب عليا شي
ثمارة..تو غير نروح ونتفاهمو هيا توا سليم ينادي فيا تو نكلمك
اني..تمام
سكرت منها وقعدت نفكر اني
.
.
.
سليم..حبيبيي هيا تعاالي جابولنا الغدي
ثمارة..هي جيتك ياروحي
سليم..خيرها اختك نسمع فيك تتناقشي معاها
ثمارة..عمي هيثم صاحبه يبيها
سليم..وباهي؟
ثمارة..هيا رفضاته ماتبيش
سليم..علااش؟؟
ثمارة..قالت لا مزال تبي تكمل قرايتها قبل وجو هوا مسكرة راسها
سليم..ربي يسرلها ان شاءالله
ثمارة..امين يارب حاولت نقنعها لكن هدي وين تسكره راسها خلاص انسى
سليم..عندي وحدة طالعتلها هههههههههه
ثمارة..خزي عليك يابارد
سليم..هههههههههههه باه كولي هدي من يد البارد
ثمارة كلت منه البطاطة وعضتله صبعه..بش تعرف مرة تانية☺
سليم..احيييي خيرك يامتوحشة
ثمارة..ههههههههههه
كملو ياكلو مع بعضهم ويضحكو وفرحانين ببعضهم
.
.
.
عند وسن مقعمزة في دارها وتبكي انها قعدت وحيدة ومافيش حد عبرها لا عمها ولا اني و لا اي شخص
خش عليها ايوب لقاها تبكي
ايوب..نوضي بلا دموع تماسيح هدم في واحد يبي يشوفك
وسن توسعو عيونها..شن بيشوفني مفهمتش😳
ايوب..عندك مقابلة شرعية حالياً عندك ساعة توتي فيهم روحك وتنزلي الولد ع وصول هوا واماليه
وسن..مانبيييش
ايوب..تبي غصباً عليك والا والله توا نركك طريحة ونقرالك فاتحتك توووا
وسن..انت خيرك هكي خييييرك علااااش ماتحسش علاااااش افهم احني مش عبيد عندددك احني خواااااتك
ضربها ايوب كف جابها طايحة ع سرير قعدت تبكي من قهرتها ومن المصيبة الي جت فوق راسها خشت دوشت بالسيف وطلعت تشوف مكان الكف الي معلم ع وجهها لبست بدلة ودارت شعرها وجت للمراية ادير في لمساتها وحاولت تخفي مكان الكف نزلت لأمها لقتها موتية كل شي وفرحانة
وسن..انتم خيركم ماتحسوش والا كيف بعدين كيف ماتعطينيش علم ؟؟؟
ماما..وعلاش بنعطيك علم من امتى نعطو في علم للبنوت احني😏هيا سقديلي روحك الناس قريب يوصلو
وسن..وين ميس علاش ماجتش
ماما..من ميس ماعنديش بنت اسمها ميس اني
وسن..علاش تكرهيها هكي
ماما..لاني مانحبهاش
وسن..شن دارتلك هيا
ماما..مش ضروري نفتحو سيرة لازم تكون مسكرة وماتنفتحش بكل
وسن..وشن هيا السيرة
ماما..قلنا خلااااص اسكتي
وسن..ميس تكرهيها من صغرها علاش؟؟
ماما..لانه بوك يحبها ومفضلها علينا كلنا
وسن..لا معقولة هدا السبب!!!؟
ماما تغير وجهها..ضمي عليا فمك وماتعكريش مزاجي فاااهمة وتوا الناس ع وصولهم وبتطلعي حتى للولد تشوفيه ويشوفك
وسن حست ان مغلوب ع امرها..افففف باه منو هدم!!؟؟فهميني ع الاقل؟؟
ماما..واحد من صحاب خوك☺
وسن..نعممممم تبيني ناخد واحد يسكر ويحشش زيه؟؟؟
ماما..ضمي عليا فمك خير مانكمل عليك بكف زي كف خوك هيااا ماتدويش ع خوك هكي فاهمة والااا
وسن نقهرت ع حالها وع الدوامة الي طاحت فيها وتدعي ربها انه مايكونش زي مامتوقعة جو اهل العريس خشو وشوية وطلعتلهم وسن ووصلت ميسم وقعمزت معاهم
ام العريس..ماشاءالله تبارك الرحمن
وسن شبحتلها بقرف وابتسمت بتفنيصة من امها
اخته..والله احني البنية وعجبتنا وعاد شوفو روحكم انتم 😊
ماما..والله نتشرفو انكم تناسبونا😊
وسن تشوفلهم من لبسهم من شكلهم من كلامهم واضح عليهم عيلة عز وفلوس من هدية الي جابوها ومن ريحتهم الباين انها ماركة من ذهبهم الي لابسينه وفصلتهم وسن تفصيل وهي ساكتة
أيوب..يمااا يمااا
ماما..هيا هي
طلعتله ماما..نعم
أيوب..شن الامور مادارت شي الفرخة
ماما..لالا عاقلة
أيوب..باهي قوليلها تطلع للمربوعة هوا وصل
ماما..باهي
طلعت وسن وهي رافعة سفرة القهوة وترعش شبحت أيوب قدام الباب
وسن..طلب اول مرة نطلبه أيوب خودها مني سفرة بالطيح
أيوب تنهد وخداها..الصبر منك عيلة
وخش هوا وياها للمربوعة سلمت وسن وقعمزت جنب أيوب
أيوب..احم نستأذنكم اني شوية وجاي
هو ابتسم..خود راحتك
طلع أيوب في جنان يدخن
وسن زادت توترت اول ما خوها طلع
هو بصوته الرجولي الحنين..احم بنقعدو ساكتيين؟
وسن قامت راسها وجت عينها في عينه ودمعة في عينها وخايفة
هو..اسمي أسيد وانتِ
وسن بصوت يرجف..عاشة الاسامي واني اسمي وسن
أسيد..كم عمرك يا وسن
وسن رفعت حاجبها..كيف جاي تخطب وماتعرفش عمري؟؟!
أسيد ابتسم..ماقدرتش نسئله خوك صراحة مايتفاهمش معاه
وسن..امممم اني مواليد الـ 2000
أسيد..ماشاءالله العمر كله
وسن..وانت
أسيد..اني 84
وسن ادركت الموقف لما عرفت بينه وبينها 16سنة!! وزاد الخوف تملكها
أسيد..احم نخشو في الموضوع طول يا وسن شوفي اني نظامي مش زي خوك ابدا ولا تخافي مني ولا شي اني لا نسكر ولا شي ره
وسن ابتسمت وكأنه عرف الي في داخلها.. #يتبع
.
.
انـ شاءالله تنـال اعجـابكم😍وهيـا مـش حـنرضى الا بـتفاعـل كـبير زي مـامتعـودة علـيكم😍 #حـنـو