مشاعر💔 ( روايات ليبية )

حلقة 7🔥

رواية #مشاعر 🌷
( خيال ممزوج بلواقع )
للكاتبة : #حنو
الرواية بلهجة الليبية
حلقة  7🔥
.
.
حناي..ايه ان شاءالله ربي يجيبلها ولد الحلال الي يحبها ويصونها والا يهديه ربي راجلها ويعقل ويرجعها
اني..امييين
طلعنا لي جنان قعمزنا نفطرو ولاحظت ان ميسم متنكدة شوية وتلعب بالماكلة وخلاص
اني نخصت ثمارة واشرتلها ع ميسم
ثمارة..ميسسو
ميسم ماعدلتش تحسابها تنادي فيا
ثمارة..بست ياميسم خيرك نكلم فيك
ميسم..ااه شن
اني..شن في
ميسم..خيركم😣
ثمارة..انتِ الي خيرك ماتاكليش وواضح عليك الزعل وتعب
ميسم..شي عادي غير تعبانة من امس بس والحمل زايدها عليا
اني حطيت يدي ع يدها..ماتخافيش توا تجيبي البيبي وتطلقي وتفتكي منه وتعيشي حياتك❤
ميسم حطت يدها تحت خدها..اني نويت ان نرجع😓
حناي حطت الكاشيك وشافتلها واحني شفنالها بصدمة وهيثم كان كيف جاي وقف في مكانه
فدوة..خيركم مصدومين هدا صح عندها 3صغار ورابع في طريق وين بتقدرهم هدم كلهم😒
ميسم..ايه خيركم
اني..من عقلك يا ميسم خيرك؟؟😳
ميسم..المراء ماليها الا بحوش راجلها واني بعد اربعة صغار وين بنمشي يعني مفكرة ان في حد بيطق بابي وبيتزوجني وبيقبلني بي اربعة صغااار!! ع الاقل الصغار بيتربو في حوش بوهم ومع بوهم خير من حوش غريب 💔
اني..بس يا ميسم توا معش زي قبل هوا تزوج عليك وعايش حياته في العسل وانتِ تبي توا ترجعي كيفف😣!!
فدوة..انتِ هي الي تعبيلها في راسها وبتخلي صغار بدون اب في رقبتك يابنت الاجنبية
هيثم بعصبية..فدددوة لو سمحتي تخشي دارك مانبيش نشوف وجهككك
خشت فدوة وهي متغايضة
ميسم..لاحظت صغاري فرحانين ان بوهم معاهم وهوا فرحان بصغاره واني صغاري لازم نضحي ع خاطرهم الطلاق صعب ومسؤلية كبيرة😔واني بدون شهادة كيف تبو ندير الاحسن نرجع لحوشي واني حنغيره ونعرف كيف نتصرف معاه مش حنكون انانية
هيثم حط يده ع كتفها..واني معاك
ميسم ضغطت ع يده..بعد مابدي عندي سند معش نخاف لا منه ولا من غيره وهو حيديرلي قدر بالسيف عليه
حناي..بس يا هيثم حيولي يضربها من جديد
هيثم..مستحيل يقدر يمسها من جدييد
حناي..بس عندها ضرة توا كيف بتتحمليها يا ميسم
ميسم..اني راجعة ع خاطر صغاري وبس ومش ع خاطره بكل ولا نبيه يجيني ولا يقرب مني كل الي نبيه صغاري يتربو مع بوهم مانبيش حد يشوفلهم بشفقة زي ماكانو يشوفولنا😔
ثمارة..راجعي روحك يا ميسم
ميسم..راجعت روحي زين وماليا الا بحوشي عمي سيوره اهو بيتزوج وحناي يالله تصرف ع روحها ودواها لمن بنلقالهم مصروفهم واني حتى شهادة ماعنديش وين بنخدم وشن بندير وكيف بنصرف عليهم للأسف لازم نتحمل اني هدا نصيبي وراضية بيه بعدين لما يجيبهم حنقوله بنولي
اني..بس خليه ع الاقل يقولك هوا ولي
ميسم..امس قالي ولي ونديرلك الي تبيه
ثمارة..ديما هكي هوا
ميسم..خلاص عاد خلوني هدي حياتي واني حرة فيها انتِ شن طاق فيك متزوجة وحياتك ماشية وانتِ تقري وحياتك ماشية وامس نخطبتي وبعد 3 شهور زواجك وسن كذالك اني مش حنخرب حيات صغاري بسبب راحتي وانانيتي حنتحمل عليهم كل شي بس في سبيل انهم يعيشو تحت ظل بوهم
سكتنا كلنا وشوية وقمنا الفطور وكان حاصل في رقبة
ثمارة..ايوا سليم
سليم..هيا اطلعي اني برا
ثمارة..تمام
سكرت منه ثمارة وخدت حجاتها وسلمت علينا وطلعت
هيثم..دير بالك عليها ايواه
سليم ضحك..عيب عاد توصيني ع روحي!
ثمارة تحشمت ونزلت راسها خدودها توردو وركبت السيارة ❤
هيثم..ربي يحفظكم ان شاءالله
سليم..امين يارب عقبالك
هيثم ابتسم وحط يده ع لحيته..ان شاءالله
طلعو سليم وثمارة وهيثم خش للحوش وهو يفكر في ميسم لقاها ضامة كل حجاتها في شناطي
هيثم..متأكدة من قرارك يا ميسم
ميسم..ايه ياعمي خلاص
هيثم..ان شاءالله ربي يفرجها عليك ويسعدك يارب شن نتمنالك اني غير الراحة لكن خليك اني بنكلمه ومش حترجعي اليوم خليني الي في راسي نديره بعدها ترجعي
ميسم..ان شاءالله
شوية وجي خالد راجل ميسم
طبعا هيا ماطلقتش رسمي لانها حامل
طلعله هيثم نزلو الصغار فرحانين كان بوهم شاريلهم حجات شكاليط وحلوات وكل شي
هيثم..شنجو يا خالد
خالد..من ربي بخير
هيثم..باه شن تنزل نتفاهمو
خالد.. في شن بنتفاهمو؟
هيثم..تبي مرتك ترجعلك او لا
خالد بلهفة..ايه نبيها ترجع ويفضل اليوم وتوا
هيثم..تم انزل نتفاهمو في المربوعة
نزل خالد من السيارة خشو للمربوعة وقعدو يهدرزو
هيثم..اني ميسم ولي امرها من بعد بوها واني بنقولك يا خالد والله العظيم قسما بالله يا خالد تجيني يوم ميسم فيه مضروبة او متنكدة منك والله ماعاد شايف ظفر منها
خالد..اكيد
هيثم..اسمعني زين بنتنا مش حنرجعوهالك الا بشروط وهالشروط هدم لو تنفدت ميسم ترجع معاك واني راضي وهيا راضية غير هكي مافيش
خالد بلع ريقه..وشن الشروط!
هيثم..تاكم ذهب ع خاطر الضرب الي ضربته ليها وتجيب معاك رجالة من عيلتك تحلف قدامهم انك مش حتمد يدك عليها ولا عاد ترجعلنا مكسورة وهكي نكونو تصافينا😊
خالد..بس اني
هيثم وقف..اوك ماتقدرش ادير هدا كله الباب يفوت جمل وبعد ماتجيب تقدر اطلقها هي بالسلامة
خالد..لالا تمام مية مية الليلة الرجالة يكونو عندكم
هيثم..تم نستنى فيهم
طلع خالد وولع سيارته ومشي لحوشهم كلم بوه خوته وعمامه وحكالهم الي صاير وجاب معاه شيابين كبار وناس
اما هيثم كلم خوته وناس يعرفهم وكانو حاضرين وقتي💕
كان الوقت مغرب وكنا مقعمزين فجأة جي هيثم وحكالنا الي صار ميسم فرحت هلبا باللي صار وحست ان عندها حد تتكى عليه من بعد ما توفى بوها💔
جو رجالة وكانت المربوعة معبية
مشي الوقت وطلع كل واحد فيهم راضي ع تاني روحو الناس وقعد خالد راجل ميسم
هيثم..ميسمم تعالي راجلك في المربوعة يبي يتكلم معاك قبل قال
ميسم..به حاضر
ناضت ميسم ومشت للمربوعة خشت وشافاته قلبها دق طول حنت لأيام كانت فيهم فرحانة لكن وقت اذكرت ايام الضرب والعنف وكل شي اختفت الابتسامة و شبحتله شبحة كره
خالد ابتسملها..اهلا ميوستي ستاحشتكك
ميسم وقفت قدامه بثقة..اي وبعدين!؟
خالد شدلها يدها..نوعدك نعيشك كيف ماتبي والله عذبتيني فراقك تعبننني تخيلي الي خديتها لا تعرف اطيب لا تضم لا مهتمة بيا لا وبنظافتها بجديات قرف في قرف معش قادر نتحمل يا ميسم ارجعيلي
ميسم ضحكت بهزوة وجبدت يدها منه..ههههه بالدليل انك جبت ضرة عليا😏الي جبتها تتحمل بيها ماعندي مانديرلك اني راجعة بس ع خاطر صغاري
خالد..شرع ربي هدا
ميسم..شرع ربي الشرع حلل اربعة وووو الخ هدا ماحافظين انتم اااه هدااا ما حاافظين!!!؟؟؟
خالد هز راسه..هدي روحك شوية وخلينا نتفاهمو ايه حقا جبتلك هدية
فتح الباكو وطلع منه تاكم ذهب كان واضح انه غالي وحلو بكل❤
ميسم..لبسه لمرتك التانية يا استاذ
خالد..هدا ليك انتِ ع كل شي درتهولك
ميسم..وكسرة قلبي !؟؟
خالد..شن تبي ندير واني حاضر
ميسم..مش حتقدر ادير شي يا خالد اني وافقت نرجعلك بس ع خاطر شي واحد الي في بطني ووصغارنا بسسس لاني نشوف فيهم فرحانين بيك وبشوفتك مانبيش نكون انانية ع خاطرهم واسمعني من اليوم وغادي لا ننزل لي اماليك ولا يركبولي تانيا مستتتحيل تلمس شعرة مني مرتك هديكا مانبيش نشوف خليقتها اي شي نطلبه يتلبى والي نبيه ناخده عجبك اوك ماعجبكش الباب وورينا عرض كتافك
خالد قعد يشوفلها ويفكر..تمام هيا وتي روحك 🤗
ميسم..اوك
طلعت ميسم وسكرت باب المربوعة وابتسمت..لما نوريك مش اني الي ينضحك عليا يا خالد يا اني يا انت الرابح🙂وبالطبع اني انتِ قدها ميسم واضح من عيونه انه نادم ومستاحشني بس هه نجوم الليل اقربلك👌🏻
اني..شن صار
ميسم..خلاص حنروح معاه اتفقنا
اني تنهدت..ربي يهديك وخلاص
ميسم رفعت حاجبها..ميس هدي حياتي واني ادرى بيها😊
اني..براحتك🙂
خليتها وخشيت دار قعدت نبكي مانبيهاش تفارقني بعد تعودت عليها
ميسم سمعتني نبكي تنهدت وخدت حجاتها الخفيفة وطلعتها وقربت حجاتها الرزينة شبحت لي خالد ببرود..قيم الحجات مانقدرهمش😑
نزل خالد من سيارة وقامهم وحطهم في السيارة وركب الصغار وطلع بيهم
ميسم..وين بنقعدو!؟
خالد..اجرت شقة
ميسم..وامتى بني الحوش بيتم
خالد..مزال حبيبتي
ميسم شافتله بقرف وسكتت شوية ووصلو للشقة كانت بسيطة وحلوة وعجبتها ميسم وخشت فيها
خالد..جبتلك كل حجاتك هونا في دولاب
ميسم..اكيد هيا لبستهم برا ردهملها اني نبي نشري جديد واصلا معش يجو عليا
خالد..باهي حاضر امممم شن رايك في شقة
ميسم..باهية ماشي حالها😏
خالد..ااا ايه
ميسم..من بيقعد معاي وقت انت عندها
خالد..ءء مش حنمشي غادي
ميسم..علاش!! اني قتلك مانبيكش صح وراجعة ع خاطر صغاري وبسس
خالد..هيا عند حوش اماليها حرجانة
ميسم..اهااا وعلاش ع خاطر رديتني😂
خالد..ءء ايه هكي
ميسم..باه كويس اخبار تفرح شوية اوك اني بنخش نرقد وانت دابك وسط الحوش هدا باي باااي
خشت ميسم وهي تمشي بكل قوة وفرحانة قريب ترقص انها خلاته يقول حاضر وبسس وعرفت ان هوا عرف قدرها في غيابها خشت سكرت الباب بالمفتاح بدلت حوايجها وواست روحها وطلعت شافت صغارها لقتهم راقدين في ديارهم ولت خشت للدار وطفت الضي ورقدت وهي مرتاحة
اما خالد اتكا في صالون اتصلت بيه مرته التانية
خالد..نعم شن تبي!؟
مرته..وين انتتت
خالد..في حوشي
مرته..مع هديكا وله
خالد..مرتي
مرته..خزي يا تافه كدبت عليا وقتلي بنطلقهااا
خالد..قتلك بنطلقها ماطلقتهاش اني
مرته..توا تختاااار يا اني يا هيااا
خالد..انت ع شن شايفة روحك وتقارني في روحك بيها انت عارفة نفسك شن مدايرة والا مش عارفة !! يا باااايرة
مرته..برا امشي تحشم ع وجهك امشييي خزي يا حيوان والله ماتستاهل ربع الي درتهولك انت واماليك
خالد..شن درتي يا بعدي تراه تي هدي الي تقارني في روحك بيها ماتقدريش في حياتك تجي زيها لانها بنت اصول و ام عيااالي و انظف منك بمليون مرة يا خويمرة بري تراه من عليا ناقصني وحدة زيك ماهو خليك في حوش بوك تو تعفني فيه وورقتك توصلك لعندك تشاااو
وسكر عليها ودارها في الحظر كان فرصة يدور فيها ولقاها واول ماحط راسه رقد طول
.
.
.
اني..يا حناي مانبيش نكلمه اطلعي من راسي
حناي..يا بنت الراجل خلاص ايام ويولي راجلك راهو ردي عليه سلم بنتي حتى تتعرفو
اني..انلااا
حناي..الله يهديك يا بنيتي كلميه
اني..انسسسي لاااا والف لااا
حناي..وراس بنيتي
اني..يا حناي مانقدرش نتحشم
حناي..غير هيا بالله عليك
اني قلبت عيوني..افففففف بههه تو نرد
حناي..دهشتيني ويبستيلي ريقي هي خلي انوض تو يتصل تاني ورددي
اني..حاضر
طلعت حناي واني نفكر كيف بنرد عليه بعد الي صار قبل بيننا والكف الي عاطيتهوله😂يملللح ندير روحي ماسمعتاش الفون ونسيته 😒
.
.
.
عند محمد..اني يا ميس اني ماترديش عليا باه باه تو كان مزال شفتي رقمي عندك انت غبي يا محمممد غبببي كيف تتصل بيها بسس وانت مواعد روحك ماتكلمهاش لين تولي حلالك افففف قلبي يبيها ويحبها ومستاحش يسمع كلمة منها الله غالب معش نتصل وتو تشوف المعاملة هدا الي بيصير توا
قعد يدوي مع روحه لين خداه النوم
امه في وسط الحوش تهدرز هيا وبناتها
امه..ماشاءالله عليها البنية لكن مافهمتش شن قصة امها الي ماحضرت شي
سرور..ممكن متعاركين
سلافة..سمعت من بنت عمها ماهي صاحبتي قتلي انها مرت بوها مش امها ره
امه..هيييي كيف شن تقولي بنت من امالا😦😳
سرور..سئلت اختها الكبيرة يومها وفهمتني كل شي البنت الحمدلله يعني زينا زيها بنت حلال غير وقت بوها سافر تزوج اجنبية ومسلمة وهي تجيب فيها توفت يا روحي روح بيها صغيرة وربتها حناها فترة وبعدها تزوج تاني ليبية وعاش هني وخدتها مرت بوها وربتها وهدا لي صار
امه..خلعتوني وجهي لين اصتصفر
سلافة..لالا تخافيش يام وبعدين حتى وكان البنية شن ذنبها
امها..مانعرفش المهم انتم متأكددينن
سرور..ايه يام والله متأكدين
امها..به
وقعدو يهدرزو كل مرة في حاجة
.
.
وبعد فترة خطب هيثم سارة اخت محمد ومحمد فرح هلبااااااااا
محمد..تشرفني والله😍
هيثم..به امالا قول للعيلة ان غدوا اهلي جايين
محمد..تفضلو مرحبتين بيكم في اي وقتت
هيثم..تسلم ياغاالي
محمد ابتسم وفرح ان اخته بتاخد صاحبه الي متأكد انه حيصونها و مستحيل يزعلها ❤
خش محمد وهيثم طلع
محمد..حناي يما غدوا في ناس جايين ره
امه..من الناس هدم
حناه..منو ياولدي
محمد..صاحبي هيثم غدوا جايب اماليه باش يخطبو سارة
حناه..ماشاءاالله ماشاءالله هدا اليوم المبارك😍ربي يقدم الي فيه الخير
امه..بالحقا! حي خلي نطلعو ناخدو حجات للضيافة
محمد..والله العظيم توا كان عندي.. هيا باه
ركبت امه لبست ونزلت ركبت معاه سيارة ومشو
امه..زعمك توافق سرو
محمد..ان شاءالله
امه..ايه
خدت الحجات الي ناقصتها وروحت للحوش
.
.
عيلة محمد
حناه بدرية تحب محمد هلباااا و ديما هوا معاها وهو الي يرفع فيها ويجيب فيها ومفضلاته ع الكل 💙