مشاعر💔 ( روايات ليبية )

حلقة 20 🔥 النهاية 🔥

🌷الـحـلقـة #عـشـرون والأخـيـرررة🌷
.
.
.
مـن رواـية #مـشـاعـر🔥
.
.
.
فدوة قعمزت جنبي وسندتني عليها..ردي بالك بنتي تتنازلي عن حقوقك وردي بالك تتخلي عن شي تبيه وتحبيه احكيلي شنو صاير
قعدت نحكيلها ونبكي لعند وصلت لأخير شي صار اليوم
فدوة..اسمعي مني معش تبكي وانتِ اللي اديري فيه صح الصح وخليك هكي بلاش منه كنهدا اطلقي في شن بينفعك تراه خدمتك اهم منه اني هكي نقول مش مهم الحب المهم انك انتِ اديري اللي تبيه
اني..مشعارفة مش قادرة نتخلى عليه ونسيبه مستحيللل نحبببه والله نحبببه😭
فدوة..بس خلاص استريحي توا وبعدين نهدرزو
طلعت فدوة وسكرت الباب وهي تبتسم ابتسامة خبث ومشت قعمزت مع جيران وهي تخطط في بالها شن لازم ادير باش تفرق بيني وبين محمد وتزيد تشعل النار💔
.
.
.
روحو خواتي كل وحدة حوشها اما ميسم ف قعدت معانا
حناي..خيرك ماروحتيش وشفتي راجلك وحوشك يا ميس❤
اني شفت لهيثم طول واني مرتبكة..اااه مزال حنينة تو نروح
سارة..كان بتمشي معانا توا نحطوك اني بنمشي حوش اماليا
اني..لا تو كان بنروح يجيني محمد صحيتي سرو😘
سارة..سلمها اوك معناها احني طالعين
حناي..بالسليمة بنيتي في الحفظ
هيثم وقف قدامي..نحطها ونجي عندي معاك دوة
اني..باه
طلعو وقعدت اني وحناي وعمتي
حناي..امالا اني بنخش نقيل وين ميسم
اني..في دار قالت بتغير لولدها وبتقري عبدو والبنات
حناي..اهاا باهي
خشت حناي بتقيل واني خديت ريموت ونتفرج ونشوف في فوني مرة مرة بالك نلقا شي منه😔
فدوة..شن صار
اني..ولا شي احني زوز قاعدين مصممين ع قراراتنا
فدوة..ايواه خليك هكي يايتنااازل يا اما بالناااقص منه اطلقي منه وعيشي واخدمي
اني..لا ان شاءالله حتنحل الامور ومش حتوصل لطلاق بإذن الله
فدوة..ان شاءالله😒
.
.
.
عند وسن
أسيد..بطوطتي شن ادير
وسن..اسيييييد مليون مرة قتلك الاسم هدا معش تقوله🙂
أسيد..شن بنديرلك مولية زي الفيلة
وسن..اللي مخليتي فيلة هكي ولدك
أسيد..كيف قررتي انه ولد بالله! مرات بنوتي😍
وسن..😒خرف خليني نقضي على حالي تراه مش ناقصاتك
أسيد..مبردك باهي غير بنقولك شن يصير في سفرتنا يا لِلا🙂
وسن..والله ديرها امتى ماتبي عادي والمرة هدي يموت من يموت لما نمشي🙂عييت وفديييت
أسيد..😂😂باه حاضر تو نحجز من جديد السبوع الجاي
وسن..ايواااه
قعمزت وسن وهي شادة فونها وتلعب بيه
أسيد جبد منها الفون وحطه ع طاولة..مش كأنك بديتي تلهي عليا ومعش زي قبل
وسن..عينك اسودي غير انت عارف شن صار واليوم بس روحت
أسيد وهو يشوف لعيونها..باه نحبك
وسن..نمووت فيييك انـييي😍❤
أسيد حضنها..يافررح عمرري وهناي ربي يحفظك ليااااااا وتسامحيني ع كل شي درته فيك
وسن..مسامحاتك والحمدلله مع بعض بس اوعدني انك معش تتسرع وتتصرف من راسك بس
أسيد..ان شاءالله ربي يقدرني ونسعدك يااارب
.
.
.
عنـد محمد شاف سارة خاشة كان متأمل ان اني نكون معاها لكن خاب امله وقت لقي اخته بس وشاف هيثم هدرز عليه شوية ومشي وقعد محمد مقعمز ومضايق
قيس..حمااادينا شن جو
محمد وهو يدخن..ماشية
قيس..وين شنو امالا ميس ماروحتش
محمد..لالا
قيس..مزال ناوية ع اللي تبيه؟
محمد..بزبط
قيس..باه خليها تخدم شن خاسر انت دير زي ماقالك ابراهيم
محمد..مش مخليها لو كان اشبح شن يصير
قيس..والحل؟؟؟
محمد..لو نعرف حل راهو توا مش مقعمز جنبك😏قال هيثم بيكلمها وبيتفاهم معاها اشبح توا لكن لو هيا قالت كلمة خلاص هيثم مستحيل يغصبها ع شي
قيس..وانت بتغصبها والا كيف؟
محمد..لو اطر الامر نخطفها ونرفعها لمكان مايعرفه حد المهم تقعد معاي وليا
.
.
.
لـتسـريع الأحـداث فـاتـو أشـهر واني ومحمد مزال عناد راكب راسنا وكـانت عـمتي فـدوة معاي خـطوة بخـطوة وهـيا الـوحيدة اللـي مشـجعتني وكنت مستغررربة فـيها بـس وقتـها كـنت مـش مفكـرة الا انـ فـي حـد جـاي مـعاي وبـس
كـنت راقـدة فـي لـيل وفـوني يـشرين
فـدوة..الو
محمد بـشوق..ميس
فدوة..اني فدوة عمت ميس يا محمد
محمد..اها ميس جنبك قوليلها تكلمني
فدوة طلعت من دار وسكرتها بشوية..ميس ماتبيش تكلمك يا محمد خلاص اعتقها البنت عذبتها راه
محمد انصدم..شششنوو
فدوة..ايه وهيا قتلي ردي عليه وقتلي قوليله خلاص معش نبيك و نبي نطلق ورقتها توصلها في اقرب وقت ولو سمحت معش في كلام بينك وبينها خلاص تم الأمر
محمد معش عرف شن يقول سكر طول وقعد مقعمز في سيارته عيط بأعلا صوت عنده كان مفكر انه حيوافق مبدئياً ويقوللها خلاص روحي واني موافق بس صار العكس ان ميس تخلت عليه بسبب شي تافه زي هدا💔
وهـدي حـاجـة لازم تتـعلمـو مـنها عـمركم ماتخلـو حـد يخـش بيـنكم ديـما الطـرف التـالت فـي أي مـوضوع يـسبب فـتنة وفـراق💔
عـمركم مـاتخـلو الـشخص اللـي مايحـبكمش يتقـرب منـكم اوقـات ضعـفكم لأنـه فـرصتـه انـ يطيـحـك فـي أكبـر فـخ👌🏻
تـاني يـوم الـصبـح
نـاضت ميـس وهـيا مضـايقة وحـاسـة انـ فـي شـي صـاير💔 فتحت فونها وشافت مكالمات مالقت شي خاب املها وخشت الحمام دوشت وطلعت صلت وقعمزت تقرا في القرآن خشت عليها فدوة بوجـه برئ مـزيف..ميووس كيف حالك اليوم
اني..الحمدلله احسن
فدوة..اممم بنقولك شي لازم تعرفيه
اني..شنوو
فدوة..سامحيني بس ماقدرتش ندرق عليك مهم هلبا
اني..شنو في خيرك
فتحت فدوة فونها وطلعت صور كانت لمحمد واقف ع بنت وشاد يدها وقريب منها
نصدمت وقعدت نبكي ومش مصدقة اللي يشوفو فيه عيوني..كييييف ؟؟ وين ريتيييه ومنييين صووور😭😭
فدوة..مش مهم هدا كله المهم ان طلع واحد حيوان وخاين وياما بلاوي وصلوني بس مستحيل نوريهملك يا ميس مستحيل وتوااا تشدييي تلفونك وتتصلي وتطلبي منه طلاق وتهزبيه
اني هزيت براسي لا..مستحيييل لالالا
فدوة..ياغبية خااانك خااانك شن مزال تبببي فيييه
اني..اكيد في سوء تفاااهم مستحيل يكون هكي محمد عمره ماعطي وجه لبنت لالالا مستحيييل😭😭
فدوة..انتِ باش تفهمي يابنتي خاااانك انتِ لازم ماديري حد للمهزلة هدي والحمدلله ان ماعندكمش بيبي يعني تقدرو تنهوها بسرعة علاش اطولي فيها اهو حتى دلائل عننندك
طلعت عمتي واني قعمزت نفكر ومش مصدقة اللي صاير💔
خشت عمتي لدارها..الو محمد!
محمد..ايوا من
فدوة..اني فدوة كيف حالك
محمد..شن تبي
فدوة..بنقولك شن صار في اللي قلتهولك امس انت لازم ما اطلقها من الأخير هكي ميس ماتستاهلكش انت تستاهل وحدة خير منها بجد وحدة زي ميس مستحيل تقعد مرتك
محمد..شن تقولي انتِ عارفة نفسك شن تقولي صحح؟؟؟
فدوة..ايه عارفة نفسي كويييس شن نقول اسمعني محمد لو اتصلت وطلبت منك الطلاق معناها شكي في محله
محمد..كيف!!
فدوة..ميس تخون فيك واني متأكدة بس مزال ماشديتش دليل قاطع
محمد..تي بري ارقدي بالله عليك ميس بتخوني اني!؟؟ اللي بيني وبينها ماليشي علاقة لا بخيانة ولا شي ولا حد ليه علاقة اللي بيني وبينها نحله بيني وبينها وبلاش فتنة وهي تشااو
لوح محمد الفون ع الكنبة جنبه واتكا عليها وهو يفكر
.
.
عند ميسم بعد روحت لحوشها
ميسم..اسمعني يا خالد اني وانت اطلقنا وخلاااص معش في شي يربطنا ببعض الا صغار تبي تشوفهم اني نرفعهم لحوشكم وشوفهم غير هكي لا جو تجي اهني لا راهو مانسمحلكش
وسكرت ميسم عليه الباب
عبدو..يما مانبيش نشوفه اني هدا مش بوي😓
ميسم..معش تقول هكي حبيبي هدا بوك باهي!
عبدو..افف باه
ميسم..شن قلنا ع الأف هدي
عبدو..اسف خلاص
ميسم..به وين خواتك
عبدو..يقرو
ميسم..باه ارفعلهم سفرة هدي فيها عصير وبريوشات وتعالى كول معاي😘
عبدو..حاضر
ميسم..ياوخيتي سلمه وليدي كبر وبدير يعاون في امه
.
.
.
خشت فدوة لداري وجت قعمزت جنبي
فدوة..حصلتلك خدمة😍
اني..مش وقتها توا لين نحل موضوعي مع محمد
فدوة..ساغبية بعد ريتي صور قدااامك شن مزال تبي تحلي باش هوا مسكر راسه ومايبيش لا يطلقك ولا يوافق ولا شي خلاص فوتيه وديري اللي في راسك حتى انتِ🙂
اني..كيف بنخدم عمي هيثم مش حيخليني مدامني مزال ماخديتش الموافقة من محمد
فدوة..تي طز فيه من يكون هوا تي عيشي حياااتك لاحقة عليه زواج وكل شي بعدين انتِ غبية تسرعتي وتزوجتي وخليتي حياتك شوفي روحك كيف مولية اعيييي تقول اكبر حتى مني شوفيني اني اهو هياجة وخدمة وكل اللي نبيه ندير فيه تي ديري زيني وعيييشي
وبدت محاولات فدوة في اقناع ميس ع اللي في راسها وكانت كل مرة تخشلها و تلح عليها وتقنع فيها اما ميس كانت في صراع مع نفسها ومع حبها لي محمد💔 كانت تستنى حد يقوللها عيب اللي اديري فيه وغلط وارجعي لحبيبك وراجلك بس مالقتش كان اللي تحرض فيها كل ناس نصحتها مرة وفاتتها
بـعـد أسـبوعـين بالتـمام👌🏻 اقتنـعت ان نخـدم وهـدا أكـبر غـلط درتـه💔
فـي سـرعة كبيـرة حـصلت عـمتي مـكان نخـدم فـيه تـعاركـت مع هـيثـم ومـعش نـكلم فـيه كـانت فـدوة هـيا اللـي تـرفع فـيا وتـجيب
.
.
محمد..الو سارة كيف حالك
سارة..الحمدلله وخيي وانت كيف حالك وشن اخبار ماما وبابا وخواتي
محمد..كويسين الحمدلله سارة
سارة..نعم
محمد..بنسئلك سؤال وتجاوبيني عليه بصدق
سارة..تفضل شنو
محمد..بالحق ميس بدت تخدم!!؟ والا عمتها تكدب عليا
سارة..ءء محمد والله حتى هيثم تعارك معاها وحناها تعاركت معاها هيا سكرت راسها ومشت خدمت لكن نقولك حميدا راهو ميس في من يعبيلها في راسها ف ماتحطش اللوم كله عليها
محمد ضاغط ع يده وكان واقف قدام المكتب اللي نخدم فيه ويشوفلي..مية مية سارة صحيتي
سكرت منه سارة وهي حزينة ع خوها و عليا
.
.
كنت اني في المكتب ومش بروحي كانو معاي زوز مرا وراجل وكنا نخدمو ونهدرزو ونضحكو وجونا جميل بس كنت مش مرتاحة وكانت في حاجة ناقصتني وكان في شي غام على قلبي هكي
خش محمد..السلام عليكم
انـي قلبي قعد يدق ريحته وصلت قبله صوته ستاحشته💔..وو وعليكم السسسلام
الراجل..وعليكم السلام تفضل خوي كيف نخدمك
محمد شافلي وشفت نظ ة في عيونه عمري ماننساها..درتيها!؟كسرتي كلمتي ودرتيها!؟ مش راجل اني قدامك والا شني!!؟؟؟
اني وقفت بتحدي..انت خنتني واني اخترت طريقي
محمد..توا بدرقي عملتك اللي درتيها خيانة شنو اللي تقولي عليها!!؟
اني..شفت صورك بعيوني ياخاين خنتني انت وشن مزال تراجي مني!!؟
محمد..صور شنو يابنت الناس صور شنووو والا خلاص مالقيتيش باش تتكلمي تبليتي عليا بالخيانة لعلمك مافيش حد مننا خان الا انتِ ومافيش حد مننا خسر ثقة الا انتِ ومافيش حد مننا ماوفاش بوعده الا انتِ انتِ هدمتي كل شي بيننا بقلة تفكيرك وعقلك كنت نحسابك عاقلة ورزينة وتوزني كل حركة اديريها بس ياحيف وخلاص ولعلللمك بس عمتك اللي شادة بيها ظهرك كانت تتصل بيا وماتخلي ماتقول عليك واهو تسجيل مكالمات اسمعيه كله وطلعاتك قدامي خاينة وماصدقتهاااش دارت صور دارت كل شي وبرضو ماصدقتهااا لانة حبي ليك عمره مايتحول وثقتي فيك فوق كل شي بس انتِ هكي خلاص خسرتيني وخسرتي كل شيي تلفت محمد وعطاني بظهره كنت مقعمزة ونبكي وقف وتلفتلي وبصوت مخنوق انتِ طااالق
راجل..لا ياراجل غير صلي ع النبي مشاكل وتنحل لا حول ولا قوة الا بالله غلط والله غلط تصرفك هدا مهما يصير ماتوصلش لطلاق
محمد..هيا هكي تبي وهدا مرادها انها تطلق ف اهو كلمتها عطيتهالها بيننا ورقة تو توصلك وربي يسعدك في حياتك ويهنيك
زدت نبكي من كلمته نزلت عليا زي الصاعقة عرفت روحي طحت في فخ عمتي بس بعد شنو بعد ما خلاص تم كل شي!!؟ قعدت البنت تهدي فيا ومصدومة من اللي صار جي عمي هيثم وروح بيا وهو طول الوقت يعيط ويكشخ عليا واني نبكي
روحت خشيت للدار طول مهما يقولو كلهم معاهم الحق ياما حذروني بس اني عندت راسي ونحساب روحي اللي درته هوا صح بس كنت طايحة في فخ مش حنطلع منه
حناي..قتلك يابنتي قتلك حتوديك في داهية قتلك بس انتِ ماسمعتيش وعندتي راسك ريتي نتيجة اللي درتيه ولا راطل يقبل باللي درتيه هدا وصراحة والا ! تزعليش مني بنيتي تستاهلي هكي باش تعرفي غلطك توا دوري كيف ترقعيها
قعدت نبكي اكتر ومعش قدرت نطلع من دار من كتر ما نادمة وحاسة روحي في دوامة معش قدرت نطلع منها رقدت وحلمت بي بوي يقولي حيرتيني في قبري صلحي غلطك وخليني مرتاح نضت مخلوعة
اني..😭😭😭يااااربي كيف نددير ياربببي ساااعدددني
.
.
.
عند محمد..قلتهالها يا ابراهيم مشعارف كيف قلتها كيف قدرت نقولها والله ماعااارف😔
ابراهيم..نقولك حاجة احسن مادرت راه قصدي معقولة توصل بيها هكي!!! تكسر كلامك وتطلع وتخددم!!؟ بس حتى انت غلطت يا محمد الضغط يولد الانفجار وانت ضغطت هلبا قتلك اني دير اللي نقولك عليه كنت ربحت بس شوف نتيجة اللي درتوه انتم زوز خششتوها في بعضها وطلعتوها👏🏻
محمد..طلقتها راه يعني خلاص معش بنشوفها زي قبل معش بنكلمها كيف مانبي معش نلقاها بكل!! ابراهيم اني ماصدقت خديتها بجديات نحس في روحي طلعت مني يا ابراهيم قولي قولي شن انندددير ماتحممملتش ماتحمملتش وقت ريتها تضحك معاه ومع تانيين وجوها مليح واني نتحسر بروحي ماتحملتهاااش واااعرة علياااا وااااعرة كسرت كلامي وطلعت منغير شوري وزيد فوقها خدمت!!! تي وربي وااااعرة
ابراهيم..هدي روحك بس ونوض صلي ركعتين توا وترتاح ونشوفو شن نديرو
ناض محمد يصلي
جي يوسف خش لقي محمد يصلي وابراهيم مالقاشي قعمز يوسف وكان متعفلق
محمد كمل صلاته وقعمز يدعي وبعدين ناض جي قعمز جنب يوسف
محمد..خيرك قارنهم حتى انت
يوسف..اسمع من الاخير هكي فقش بنجيب امي تخطب اختك🙂
محمد عدل تقعميزته وشافله بإستغراب..تي غر خيرك انت بشوية عليا وخيي مفهمتش كيف بتخطب اختي
يوسف..شن كيف يعني بنجيب امي تخطبهالي يعني شنو!؟
محمد..ليك انت؟ انت بتخطب اختي!؟
يوسف..ايه خيرني🙂
محمد يهز في راسه وبيضحك..لا صراحة تمشو مع بعض زوز تافهين عموما ماقتليش منو من خواتي !؟
يوسف..مانعرفش كم اخت عندك انت
محمد..زوز مش متزوجات حدد اما وحدة فيهم؟؟
يوسف..نقولك الحق يوم تعشينا عندك
محمد..اي بااه!
يوسف..ريت بنت كيف طلعت من حوشك وعرفت انها اختك تشبهلك😍المهم هيا هديكا قداش ليا مأجل الموضووع باش نتمم اموري وتوا بنقولك وكل مابنقولك نلقا فيك مضايق والصراحة معش نقدر نأجله الموضووع
خش ابراهيم..اوووه جيت وسيفة تفضل هي
عطاه عصير وعطي لمحمد عصير وقعمز
محمد..والله شن بنقولك عرفتها اللي تبيها مني لكن البنت قاعدة تقرا😅فهمتني ف مشعارف وتعرف بوي انت مايعطيش لين ياخدو شهادة
ابراهيم..غير شني مني كيف صار بنت منو عاودو من جديد
يوسف..موضوع مش للصغار عموما ديرني في بالك واتصل بيا كان وافقو
ابراهيم..وافقو !؟ وبوك وبنت اها يعني يوسف طلب اختك!؟
محمد..انت ديما تعرف تربط الامور كيف!؟
ابراهيم..خبرة🙂عموما ان شاءالله كل شي بالبركة
محمد..ان شاءالله ومني اني مانلقاش زي وخيي يوسف وان شاءالله خير نحكي لبوي وامي والبنت ونشوفو بعدين
يوسف..تي باه شن اسمها باش نقول عليها لأمي 🙂
محمد..مش شورك اطلع من راسي تو تعرفها امك
ابراهيم..شهادة من دينك ماتقولاش اسمها😂😂شحطه هكي
يوسف..ياعيل باهي ضم عليا فمك
محمد..مش حنقولك اقلب وجهك خلاص خديت فرصة اكتر من فرصتك
يوسف..ايه شن صاير معاك انت!؟
محمد..والله اهو عطيتها كلمتها وقعدت نادم🙂
يوسف..بجدياااااات
ابراهيم..البرود اللي راكبك زفت وتقول فيها هكي
محمد..شن تبي ندير والله صليت واستريحت نوعا ما وانطفي الغل اللي في داخلي تو نندبر حل خليها قرصة ودن
يوسف..ولو هيثم ماخلاكش ترجعها؟
محمد..هيثم مستحيل يقول كلمة لانة جاي معاي وهيا اللي غالطة ايييي حق ياولاد واني نتعارك معاها قالتلي انت خنتني وشفتك بعيوني وتخون فيا !! توا اذكرتها
يوسف..شن تقول شن خنتها انت والا كيف ؟
محمد..وعليا اليمين ماخنتها ولا ريت لغيرها بكككل ولا عندي فيه جو هوا اني
يوسف..امالا شن القصة هدي
ابراهيم..توااا فهمتتت هيا وصلتها دوة وجو فتنة هدي وهيا ع ضوء اللي وصلها ردتهالك بإنها تعفس ع كلامك وترميك وراها ع اساس زي مادرتلها وتمشي تخدم وتوجعك نفس الوجع بس بطريقة تانية
يوسف..هدا شنو ووووووووه شن اللي طايح فيها هدي
ابراهيم..امرأة قانونية يابابا مش حاجة ساهلة اللهم لك الحمد ينخاف منهم القانونيات عندهم تكنك غير طبيعي في رد الهجوم وعندهم برودة قلب ويعفسو ع قلبهم لو اطر الأمر المهم كلمتهم ماطيحش وهدا اللي صار لي محمد🙂
محمد..حليتلي اللغز انت بس في شي ناقص من اللي قاللها هكي !!
ابراهيم..انت مرة قلت ان كلماتك عمتها وقالتلك كللم عليها!! يبقا منو اللي دار هكي؟؟
محمد..عمتها
يوسف..اشي اللفعة عطيها دي عطيها سحوان عطيها مايرفعها ياربي🙌🏻سمسام وعشرة ايام في الحمام عطيها سحيقة ونار طليقة في دار ضيقة وصواريخ معيتيقة طيح والله سعدها
ابراهيم..خلاص ياراجل سادها🤣🤣
محمد..عممتها وولد عممتها اني متأكد مليون في المية
يوسف..عطيهم جدري
محمد..تي باهي خلاص ضم عليا فمك شن نديرو توا
يوسف..نصلي قيام ليل الليلة وحندعيلك عليهم
ابراهيم..ع اساس دعائك مستجاب يوصل الصقف هدا ويطيح😒
محمد..المهم توا كيف يصير النم
ابراهيم..درتها بيديك ياوخيي من قالك تعطيها كلمتها ولا زيادة قاللها ورقتك توصلك
محمد..لو واحد منكم في مكاني كان دار نفس شي
ابراهيم..باه كلمها هي اكيد توا نادمة تصالحو يا راجل والله غلط اللي قاعد يصير
محمد..نكلمها اني!!؟ من اللي غالط؟
ابراهيم..انتم زوز
يوسف..صراحة صراحة عمتها عطيها جدري هي اللي غالطة لو ماخشتش بينكم راهو تم موضوعكم بعدين انت مش اقتنعتت!؟ وقلت بتخليها تخدم شن صارلك
محمد..اتصلت وردت عليا عمتها وقتلي اصلا ميس ماتبيكش ومدابيها اطلقها اليوم قبل غدوة
يوسف..هدي تبي تخزريطة في طريق نخليها معاد تعرف حتى وين تمشي🙂
ابراهيم..عموما اهو جاي هيثم في طريق تو نتفاهمو
محمد..بالله عليك ياراجل في شن بنتفاهمو هيثم عارفني شن نبي وعارف بنت خوه شن تبي يعني شن الحل اللي بيديره !!
ابراهيم..مشعارف
.
.
.
عندي اني بعد بكي ودموع نضت ظوشت وصليت ودعيت لربي وقعمزت نقرا في قرآن وكل مايجي اللي صار قدام عيوني نزيد نبكي خشت ميسم للدار لقتني نبكي جت قعمزت جنبي وحضنتني
ميسم..خلاص حبيبتي معش تبكي
اني..ضاع كل شي يا ميسمم ضاااع كنت متأملة ان يحن عليا ويقتنع ونرجعو بس للأسف شوفي شن دار طلقني يا ميسمم😭😭والله ماتوقعتتها منه يا ميسسم كيف نديير توا كييف😭
ع خشة ثمارة وهي دموع ع وجهها..حق اللي سمعته ميييس حق محمد طلقك😦
اني هزيت راسي بي ايه..مصعععبها الكلللمة ياناااس مصعبببها😭والله مانقدر منغيره مصعبه فراقه والله صعب اللي مصبرني كان ان مستحيل يفرط فيا ويخليني وحاسة حيجي يوم ونجتمعو من جديد بس شوفو شن صار🙁😭
ثمارة..خلاص مييس معش تبكي خلاص
اني..كيف معش نبكي فهميني درتها بيديا😭
ميسم..قال عمي هيثم فترة اللي فاتت كيف اتفق هوا وياه ع اساس يخليك تخدمي واقنعه فجأة وقت اتصل بيك غير رايه
اني..امتى اتصل ماتصلش😓
ميسم..اتصل وردت عليه عمتك يا ماما وقتله ميس معش تبيك وتبي تطلق
اني نصدمت..كذذذب😭والله ماقلتلها هكي بكل نبيييه اني نبيييه غبية اننني غبببية😭😭كيف نصدقهااا كييييف وينهااا وينهااا
ميسم شدتني..لزوها عمامي وقت عرفو باللي داراته وجي ولدها خداها
اني..حقققيرررة حسبي الله ونعم الوكييل فييها الله لا تربحها لا دنيا ولا آخرة ياااااارب ياناس عمتي هدي معقولة توصل بيها هكي تغدر بيييا علاااش باااهي علااااش😭😭
فـاتـو الأيـام ومحمد معش جاني ولا سمعت عليه اي خبر اما عمي هيثم معش يكلم فيا وواخد مني موقف ع خاطر ماسمعتش كلامه💔 وخلاني نكمل نخدم ومرات يرفع فيا غصباً عني اما محمد معش سمعت عليه اي خبر حتى من سارة ونتصل بيه مقفل
انـي..عمي اسفة خلاص عاد
هيثم..هي انزلي لخدمتك
اني..والله اسفة خلاص مش متعودة عليك انت هكي انت بذااات كله يهون الا انت والله مانتحمل تكون معاي هكي
هيثم..اسمعيني ميس اني كنت اللي ندير فيه لمصلحتك وبسسس اللي مخليني مهبول انك كيف تصدقيها كيييف مش خاااشة عقللي هدددي بككل
اني..هي استغلت ضعفي واستغلت كل شي فيا ماخلتنيش لا ليل لا نهار كيف بندير والله نااادمة
هيثم..ع شن نادمة بزبط فهميني
اني..ع اللي درته و ع ان سمعت كلامها بس اني قاعدة مش نادمة ع موضوع خدمتي ومزال مستحيل نستغنى عليها نقدر توا نوقف بس نبي النهاية ان نكون نخدم عمي انت رجل متفتح وعارف وفاهم شن يعني وحدة تقرا سنين وتحط شهادة وترقد انت بروحك قلت لمرتك كان بتخدمي عادي هدي حياتك وهدا شي تحبيه وهدا شي تعبتي عليه علاش باهي جت فيا اني وقفتو ضدي علاش
هيثم..اااااه والله ماوقفت ضدك واقنعتهولك و ع اساس خلاص بتخدمي فجأة بتسكير راسك وعنادك وقلة فهمك وثقتك في عمتك خربت كلللللل شي وشوفي نهاية كيف بالله عليك انزلي توا بعدين نكملو دوتنا تراه
نزلت وكلي خيبة امل خشيت للمكتب لقيتهم قاعدين قعمزت وبديت في شغلي ونوعا ما نساني في اللي صار
قعدت هكي فترة شهر محمد مشعارفة عليه شي وهيثم مايبيش يقول شي ولا سارة حكتلي شي وحتى سلافة سرور وباقي الخوات مابوش يقولولي وفي اللي ماردش عليا😢 تعبت نفسيتي هلبا وتأكدت ان اني حبيته فوق الحب الف مرة بس فعلا مانحسوش بالشي الا لما نخسروه👌🏻
فـي يوم وانـي مقـعمـزة فـي المكـتب فـاتحة فـوني ونتفـرج عـ صـورنـا وكانت دمعـتي ع خـدي
خـش شـخص من البـاب كـنت مطبـسة ومش منتبـهة قعـمز قـدامـي
محمد..أستاذة مـيس ممـكن تنـتبهي معـاي شـوية😉
انـي قـمت راسـي طـول وتفـاجأت بـوجوده قـدامي😍..ءءء تفففضل
محمد..والله عنـدي قـضية لـيها هكـي جو شـهريـن او 3 مابـتشش تنـحل نبـي مسـاعدتك
انـي ابتسـمت وتكلمت بثقة..وانـي واثـقـة انـ مـافـيش غـيري يحلـهالك😎
محمـد..والله شـن بنـقول وحـدة هـكي معـندة راسـها لـدرجة خلـتها قـضيـة حيـاتي ومعـش عنـدي مـوضوع غيـرها ومعـش قـدرت نتقـدم ولا نـوخر لـين مـا نحـل الـقضيـة هـدي فـ كيـف الحـل
انـي..اممم ممـكن تسـمع منهـا وتتـفـهـمـها وتفـهـم شـن اللـي تبـيه هيـا وشـن اللـي علـيك اديـره وتـنقص انـت مـن عنـادك وهـيا وقتـها تنقـص يعـني شـوية مـنك وشـوية منـها تـمشي الأمـور😎
مـحمـد خـدي بـيرو وخـدي ورقـة وقف وكتـب فـيها عـ سـريع وطـلع
قـريت المـكتـوب لـين دمعـو عـيوني كـان كـاتب اللـيـلة حـنجـيب الـشـيخ واللـيـلة حـتروحـي معـاي يـامحـامـيتي❤
اتصـلت بـي عـمي طـول وجـي روح بـيا
هيـثم..شـن صـاير فـرحـانة !!؟
انـي..محمد جييي😍
هيـثم..جـي؟ ويـن وامـتى؟
انـي..للـمكتـب😍
هيـثم..وبااااه!؟؟
انـي..الـيوم قـال بـيجيب شـيخ عـ خـاطؤ الـكلمـة اللـي قالها ويـبـي يـروح بـيا الـيوم
هيـثم..طيب فـيكم حـتى الليـل معـش نرقـد فـيـه
انـي..الحمدلله
هيـثم..المعنـى تـوا يعـني وافـق ع خـدمتك!؟
انـي..ايـه اكـيد
روحدنا للـحوش
وجـاب هيـثم الخـضرة وكـل شـي للـحوش نـزلو نسـاوين عـمي ونـزلت سـارة وكـانت فـرحانة اكتـر منـي
فـات الـوقت ورجـعت لِـمحمد ووافـق عـ شـرطي بـس نـخـدم فـي مـكان تـانـي واللـي يبـيه هـوا👌🏻ووافـقت عـ شـرطـه و الأهـم إنـ نخـدم ونحـقق اللـي نبـيه❤
.
.
.
وسـن كـانـت قـاعـدة مـسافـرة وتـهيج💃🏼 مـن مكـان لـمكان وحـياتـها مـشت كـيف مـاتبـي وأحسن
أمـا ميـسم فـ اختـارت انـها تعـيش بـروحهـا هيـا وصغـارها وتكـون هـيا المسـؤلـة علـيهم💪🏻ومـستـحيل تقـبـل بالـخيـانة وشـخص مـش نـظيف وكـذاب
أمـا ثمـارة فـإختارت اللـي تبيه وكـان راجـل معـاهـا بـكل معنـى الكـلمة👌🏻 وكـانـو احـلا ثـنائي❤
.
.
عـنـد فـدوة ضـربتـها سـيارة
وولت مقـعدة💔 حـطهـا ولـدها فـي دار العـجزة وفـاتها💔 وطلع سافر لـي ويـن مـاكـان عـايش
.
.
فـاتت فـترة مـنى قـعدت محـبوسـة حـتى تنـازلت عـن شـكوتـي فـيها بـس الشـرطة مـابتـش تخـليـها تطـلع بـسبب قـصة الـشرب والمـخدرات اللـي كـانو يـبيـعو فـيهم
انـي..حبيبي حمادي
محمد..الله ياربـي قـداش ما اسـتاحشـتك وستاحـشت كـل شـي
انـي ابتـسمت..وانـي اكـتتتر نبـي نسئلك ويـن كـنت وقت اختفـيت فجـأة
محمد..فـي اسـتراحتـي قعمـزت فـيها فتـرة وسكـرت تلفونـي وقعـدت بـيني وبـين نفـسي لـعـند مـا وصـلت للـقرار هـدا ونفـس الـوقـت عقـاب لـيكـ اااااه يـاقلبـي فـي نهـاية المـحامـية قـدرت علـيا شن بنـدير الله غـااالب علـيا😅
انـي حضنته..ربـي يـحفـظك لـيا
محمـد..ويحـفظك لـيا يـاعيـون الغـزال❤
فـات يـوم وراء يـوم وشهر وراء شهر بـدت حيـاتي للـأحسـن وزادت احلا أكتـر ويـن طلـعت حـامل كـان محمـد والعيـلة الكـل فـرحان بـاول حفـيد مـن أول حفـيد ليـهم😍❤
ولـهنـي نـكون تمـيتلـكم الـروايـة بأسـرع وقـت كـنت نتـمناها أطـول بـس انـي قـرايـة وامتـحانات وانـتم نفـس شـي انـ شـاءالله تكـون نـالت اعجـابكم يـارب😍❤
كـلمـتي لـكل النـاس اتـأكـدو إنـ لـكـل ظـالـم جـزاء وإنـ مـهما طـااااال طـغيـانـه حـيجي يـوم وتـشوفـيـ فـيه يـوم عـلى اللـي داروه فـيك
لـكل شـخصيـن يحـبو بعـض ارـجوووكـم رجـاااااء خـاص طـرف تـالت لا🙅🏻سـواء مـتزوجيـن او مـخطـوبيـن حـلو مـشـاكلـكم بـرووحـكم انـي متـأكـدة إنـهـا حـتنحـل بـس بـوجود الّشخص الـتالت الأمـور بـتزيـد تتـعقد أكتر وأكـتر👌🏻 عمـركـم مـاتسـمحـو لـشخص يـتمنالـكم السـوء يـدخل فـي حـياتكم و لأنـه وقـتها حـتكـون فـرصـة لاتـعـوض أبـداً
اهتـمو بـنفسـكم اصنعـو لـنفسـكم شـي يخـصكم حيـاة لـيكم تخـصكم شـي يمـيزكـم عـن غـيركم❤
حلـمكم اللـي ديـما تحلـمو بيـه خلـوه هـدفكم فـي الحيـاة💪🏻عمـركم مـاتتخـلو عـن احلامـكم واهدافـكم بـس أعـرفـو كـيف تحققـوه وماديـروش زيـ ميس وتسـكرو راسـكم😂
عـمـومـا شـكرا لـي مـتابعـتـكم لـيا😍وشـكرا لـكل مـن شـجعـني❤ووقـف مـعاي سـامحـونـي لـو اتأخرت علـيكم دمـتم فـي رعـاية الله نـتلاقـو فـي روايـة تـانـية مـختلـفـة كـل الإخـتلاف💗 بـعد مـاتقـرو تفـاعلـو وقـولولـي رأيكـم 😍#حـنـو