رواية #مشاعر 🌷
( خيال ممزوج بلواقع )
للكاتبة : #حنو
الرواية بلهجة الليبية
حلقة 12🔥
.
.
طلعنا اني ومحمد وركبنا مع قيس ومشينا للمطار سلمنا ع قيس وخشينا نستنو
شوية ونادو علينا مشينا ركبنا في طيارة وكنت اول مرة نسافر خااايفة ومشـعارفة كيف حندير وقت بتركب طيارة🔥
محمد..تعالي قعمزي داخل جنب الروشن واني جنبك
اني..بببه
قعمزت وركبت الحزام وقعمز جنبي محمد وقعدنا شوية وبعدها بدت طيارة تمشي وبدت تقوي في سرعتها لعند ركبت بينا كنت نقرا في داخلي في ادعية وقرآن وماحسيتش بخوف وقتها فرحت💙وتكيت راسي ع الكرسي ونتفرج من روشن😍شعور حلووو❣
محمد شافلي..مش خايفة!!
اني تلفتتله..لا
محمد..مسافرة قبل؟
اني..لا
محمد مستغرب..امممم غريبة ماخفتيش
اني..علاش بنخاف!
محمد ابتسم ع جنب..شي شي
.
.
.
بعد أيـام
عند وسن
كانت تهدرز مع أسيد وناضت خشت للدار بتاخد فونها وتلقا الفرشة مبزع عليها قهوة وكانت الفرشة بيضة
وسن..أسيييييييييييييييييد
أسيد ناض يجري وفتح باب الحوش ونزل يجري
سميرة..اللطف خيرا الولد يجري
اماني..أسيد خيييرك
أسيد يلبس في سبيدروه وهو واقف وينقز يجري..مش وقتكم اسسس
طلعت وسن لقت باب الحوش مفتوح نزلت تجري..الله لما تغسسسسلها اننننت يا اسسسسيد علااااش هككي
أسيد تلفت لقاها نازلة بالفرشة تجري..وووووووه
طلع يجري ركب سيارته وسطرب وطلع
وسن في جرته..غير تروووووح ببببس😠
سكرت وسن الباب وخشت للجنان لقت سميرة واماني يضحكو ميتين بالضحك عليهم
وسن..ولدك هدا والله يا نقتله يا يقتلني
ولوحت وسن الفرشة ع جنب وركبت
سميرة..ااااه جناااابي 😂😂
اماني..🤣🤣🤣🤣تي والله مهبببببلة هههههههههه كيف تجري وراااه ووووه علياااا😂😂😂
سميرة..بيهبلوني اني هدم😂😂
ركبت وسن وصلفقت الباب وهي حاقدة ع أسيد خدت فونها واتصلت بيه ماردش عليها
لوحت الفون ع الكنبة..تي والله لما نوري فيتك🙂
.
.
عند ميسم
خالد..السلام عليكم
ميسم..وعليكم سلام
خالد..خيرا وجهك اصفر
ميسم..مشعارفة شكلي بنجيب
خالد..نرفعك؟
ميسم..لالا خليني قاعدة نتمشى
خالد..ببه
ميسم..محلاك وانت تمتل في دور انك خايف عليا😏
خالد قعمز ع الكنبة..بشن تبي نحلفلك ان سيبت السكير وسيبت كل شي غلط وحرام ونحاول نصلح من نفسي ونخلي حياتنا كيف ماتبي و ان اني خايف عليك جديات مش كذب او وهم
خالد هو يدوي ويشوف لطاولة ومش قادر يرفع عيونه فيها بسبب اللي دايره فيها
اما ميسم كان طول فترة كلامه وهي تحس بوجعات قوية وكانت مش معاه نهائي وتبكي بدون صوت
عبدو..ماماااا خيييرك
انتبه خالد وشافلها لقاها شادة بطنها وتبكي وشبح لرجليها لقي نازلة منها المية سندها عليه وحطها في سيارة وصغار يجرو وراه سكر الحوش وطلع بيها وكانت ميسم تبكي وتعيط
خالد شاد يدها..خلاص هي شوية ونوصلو هي
ميسم..معششش قااااادرة😭😭😭
خالد..اششش خلاص هي وصلنا
وكان خالد يجري بسرعة خيالية وصغار يبكو مع امهم وصلو ونزلها وجو الممرضات يجرو خدوها منه ورفعوها للولادة طول
كان خالد ماشي جاي ومش عارف كيف يدير وشن يدير وصغار مقعمزين ع الكراسي ويشوفو في بوهم قالق وهما خايفين ع امهم
رانيا..بابا ماما خيرها!
عبدو..اسس تو يكشخ عليك بابا
سكتو البنات و يشوفو لبوهم وعبدو كان حاضن خواته من جيهتين ويسكت فيهم ويصبر فيهم كانو تصرفات عبدو اكبر من عمره💔
الأخ سـند والله❤
.
.
.
عند حناي
فدوة..طالعة اني🙂
حناي..وين طااالعة وييين وانتِ يوم وراء يوم طالعة طالعة وين تطلعي وين ادوحي؟
فدوة..ماليكمش دخل بيا اني مراء كبيرة وبولدي عزري هكي كبره بتجو بتحاسبوني؟!
حناي..بتركبيلي ضغط وسكر انتِ
فدوة..خل يركب
وطلعت وركبت سيارتها ومشت
حناي..ااااخ هالبنت بتقتلني اريتها قعدت غادي وماروحت
شمس..خيرك حناي شن في
حناي..عمتك هدي مولية بكل
شمس..ربي يهديها ياحناي
حناي..شنو امالا عطلة؟
شمس..ايه شن تبي حنينة نضملك حاجة
حناي..شوفي كان بتمسحي المكاتب رايحات غبرة
شمس..باه حاضر
قعدت شمس كل مرة ادير حاجة وتوقف تسرح وتفكر وبعدين تكمل وتجي تشوف لحناي وتولي تكمل
حناي..تعالي تعالي هدا كله مش من فراغ قعمزي جنبي شنو فيه من مواضيع ادوي😊😉
شمس ابتسمت..تي قلتها اني مافيش زيها حناي
حناي..تي حافظاتك ياحنتي ادوي هيا
شمس..هوا عندي هكي موضوع
حناي..اي به
شمس..من الاخير يا حناي اني نحب واحد وهو يحبني
حناي..باااه
شمس..ويبي يتقدملي
حناي..باهي ماشاءالله
شمس..والحق اني ماعرفتش كيف نقول لماما تعرفيها كيف تقصقص وكان تندري نكلم فيه تقتلني
حناي..ماكم اديرو في عمايل سودة وبعدها تقعدو تتعقلو من مطراح لي مطراح😒
شمس..تي باهي حناي جيت نبيك تلقيلي حل مش تهزبيني🙂
حناي..احكيلي هي شن اسمه وشن لقبه وشن يخدم وادوي عليه كل حاجة تعرفيها😊 باش نعرفو شن انديرو
شمس..ياريتا كل العزايز زيك تي انت حناي متفهمة اكتر وحدة وتحبينا وتعرفي شن نبو وشن مانبوش
حناي..باه هي خرفيلي شن من وين عرفتيه
وبدت شمس تحكي لحناي وهيا كلها فرحة وضحكة مالية وجهها
.
.
عند ميسم وخالد
خالد..شن صار يا دكتورة بالله عليك😣
دكتورة..مبروك مرتك جابت ولد وحالته كويسة بكل
خالد..ومرتي كيف حالها!!!
دكتورة..الحمدلله كويسة بكل وشوية ويطلعوها هيا والبيبي
خالد بفرحة..الحمدلله ياااارب الحمدلله😍
عبدو..بابا شنو وين ماما
خالد نزل لمستواه..ماما جابتلنا ولد زيك😍
عبدو..حييي وماما وين
خالد..اهو شوية وتطلع ماما هي
والا عبدو لخواته وقاللهم ماما جابت بيبي
فتح خالد فونه واتصل بعيلته وخبرهم ان جاه ولد وبعدها بيتصل بينا اذكر هيثم مهناش جرب يتصل بفون حناي وقعد ينادي وتسكر قعد يحاول معاها لين ردت حناي
حناي..الو السلام عليكم
خالد..وعليكم السلام كيف حالك
حناي..الحمدوولله منو انت ياوليدي
خالد..اني خالد راجل ميسم
حناي..اااه كيف حالك وكيف حالها بنيتي
خالد..الحمدلله يا حناي جابت اهي توا
حناي..ماشاءالله ماشاءالله شن جابت
خالد..ولد ياحناي ولللد😍
حناي..الله يبارك ماشاءالله وين انتم في اما مستشفى خلي نقول لفدوة ترفعني
خالد..في مستشفى الـ....
حناي..مبروك عليك ياوليدي يتربى في عزكم ودلالكم هي بالسلامة تو نجو هي
خالدد..الله يبارك فيك تمام
.
.
عندي اني
اني..يامحمد هدي مش معاملة راااه معقولة هكي حتى كلام ماتتكلمش معاي زي المتوحدة مقعمزة بين حيوط وكان طلعنا لعشي والا لغدي قصدي مش لهدرجة تستكردني
محمد..كملتي
اني..خيرك هكي شن البرود اللي نزل عليك تقول عليا خايناتك اني حكيتلك اللي في قلبي بكل صراحة تمشي تنقلب عليا هكي😠
محمد..صوتك نقصيه ومعاش نبي نسمعه عااالي تاني حاجة هكي اني مزاجي يوم نضحك يوم نكشخ شن دخلك بيا مالك ومالي اطلعي من راسي تراه بتطلعي هونا شارع قدامك ماشديتكش انيييي😡
اني..صار هكي كلامك؟؟
محمد..ايييه هكككي
اني..اوك به
كان وقتها ليل وامخر هلبا خشيت للفراش وتغطيت وعطيته بظهري وقعدت نبكي بصمت
محمد مسح على وجهه وقعد يستغفر فتح البلاكونة وطلع قعد يدخن ومشعارف روحه شن يدير حاس روحه في دوامة خش وسكر البلاكونة لقاني واخدني نوم زاد غطاني وخش دار عليه المي وطلع قعد يصلي ويدعي لربي
كنت حاسة بيه ونسمع في صوته وقت يصلي كان راحة ليا مش طبيعية كأنه دواء ليا خلا دموعي يجفو وراحة خشت لقلبي صوته في القرآن فضيع❤ جسمي كله قشعر وبعد كمل قعمز خدي المصحف وقعد يقرا في القرآن
نضت قعمزت نتفرج عليه وهو يقرا وكان مش حاس بيا ان نضت ونشوفله لين كمل تلفت لقاني مقعمزة نشوفله ومبتسمة💚
محمد..من امتى انتِ نايضة مش رقدتي!
اني وليت اتكيت وتغطيت وفته ماخاطريش نتعارك معاه تاني
محمد..ياااااااارب صببببرنييي
سكر محمد الضي وجي رقد حتى هوا
شرين فوني فايبر قمت الفون لقيته شمس خلعتني قعمزت طول ورديت عليها..ايوا شمس
شمس..كيف حالك ميوس
اني..الحمدلله خير شن في
شمس..سامحيني خلعتك غير ماقدرتش نصبر ومانقولكش
اني..شنو في
شمس..ميسم جابت ولد
اني..الله😍الف الف مبروك عليها الحمدلله يارب كيف حالها توا
شمس..الحمدلله حناي مشتلها امبكري
اني..باهي مبارك عليها تو غدوا نتصل بيها
شمس..اوك هي ولي ارقدي😂
اني..خزي عليك خلعتيني
شمس..هههههههه هيا باي
سكرت منها وحطيت الفون جنبي
محمد..مني
اني..شمس بنت عمي قتلي ان ميسم اختي جابت ولد
محمد..اهاا ماشاءالله مبارك عليكم
اني..الله يبارك فيكك
رقدت واني فرحانة لميسم انها جابت ع خير❤
.
.
.
عند شمس وحناي
شمس..شنو ياحناي يعني بتساعديني
حناي..قصدك تبيني نكدب ونقول اني جايبتهولها
شمس..مافيش حل غيره ياحنينة😭
حناي..افففف منكم بتخلوني نكدب عقاب عمري
شمس..بتكدبي لصالح اتنين يبو بعض وياخدو بعض وانت ديري روحك المرا الواعرة وقولي ياتاخده يا مافيش بكل المهم افرضي رايك عليهم
حناي..ايااااه
شمس..ايه🙂والله ننزل كل يوم نضملك
حناي..قعمزي في مكانك مانبيش شي اني غير امتى بيجو
شمس..تو نسئله ونقولك هي شوية
حناي..جيل معاد يستحي ولا يتحشم بكل
شمس..اوك تمام حناي قالي بعد غدوا يعني الخميس
حناي..باه مرحبتين بيهم ربي يقدملك اللي فيه الخير
شمس حضنت حناي ع طول..تي نحبها ياااناااااس
حناي..هي بري اركبي خير ماتشدها جرتك امك اسئلة
شمس..به
.
.
.
عند وسن وأسيد
خش أسيد مع ساعة 1 للحوش لقاهم راقدين ركب بشوية باش مايفيق حد وخش لحوشه خش للدار لقي وسن راقدة ارتاح وبدل حوايجه طول وخش رقد
تاني يوم الصبح ناضت وسن بكري هلبا لقت أسيد راقد فكرت في فكرة نطت تجري🏃
وسن..تو نوريك اني
خدت نشافة وحطتها بين صوابع رجليه وولعت فيها نار وتشبحله ومربعة يديها وهي تضحك
ناض اسيد ع ريحة الشياط شبحتله وسن لقتها بتوصل صوابعه وبدي عمكم أسيد يرقص هندي🕺
وسن..🤣😂😂😂😂😂وااااااااك ياربي جنااااااابي
أسيد..وووووووووه شن درتيييييللللي وووووووه عليا رجليييييييي تي والله غير نطلعلك بسسسسس
خش يجري حط رجله تحت الميا وهو حتى من دموعه نزلو ممن شدة الحرارة🔥
طلع وهو يعكز ع رجله
وسن..😂😂😂😂اااااه خلاص تعرف بطني لين وجعتتتني من ضحك واااك😂😂😂كيف قعدت تنقز هكي😂🤣🤣😂
أسيد شبحلها بتفنيصة ومشي يدور في كريمة الحروق
وسن..اهيا عندي الكريمة😂😂
أسيد..هاتي جاي واني تقول راقد مع صاحبي مش مع مرتي😡شن خطر ع دمنقلك اديريها
وسن..باش معاش ادير عمايل سودة زي امس عادي بيب تكبر وتاكل غيرها😁بنمشي نوتيلك فطورك
أسيد..فكيني خير مانتسمم
وسن..عيب عاد خلاص خديت بتاري😂😂😂😂
أسيد..مانيش ماشي للخدمة
وسن..ووووووه بتقعدلي زي الشباني المتقاعد مقعمزلي اهني لالا برا اخدم ع راسك خليك احرش مافيش حاجة تهزك ع خاطر حرقة زي هدي بتفوت العمل😒مصحك
أسيد لوح عليها المخدة..تعرفي تقلبي وجهك من قداااامي والا ماتعرفيش!!؟
وسن مشت تجري وهي تضحك عليه وتت الفطور وجي أسيد فطر ومشي لبس وهو يعكز ع رجله
وسن..حقا استنى اختي ميسم امس جابت ولد بنمشيلها بعد ماتروح
شافلها وطلع
وسن وهي تشوف فيه من روشن..هو صح تافه وعديم المسؤلية بس والله نموت فيه ونعشقه❤❤
.
.
ميسم..وين ولدي
خالد..تو يجيبوهولك ترضعيه مزال شوية
ميسم..حالته كويسة مافيشي شي!
خالد..الحمدلله اموره تمام
ميسم..الحمدلله وين الصغار
خالد..روحت بيهم اختك ثمارة قبل بتروح بيهم حناك لكن شدهم سليم وقال لا تو نروحو بيهم احني
ميسم..باه خير من قعادهم اهني
خالد..ايه الف الحمدلله على سلامتك ياروحي
ميسم قاعدة ماتبيش تسامحه..باه😏
خالد..خلاص عاد هلبا راك عاقبتيني ساد وله خلينا نبدو بداية جديدة مع ولدنا وصغارنا
ميسم..نفكر قبل🙄
خالد..باهي براحتك ياحنة هاني قاعد نستنى شن وراي اصلا
ميسم بتضحك وشدت روحها..ايه
أنت تقرأ
مشاعر💔 ( روايات ليبية )
Romansaللكاتبة :حنو تدور الاحدات حول قصة حب بين الطرفين يتبعها الكتير من الاحدات المشوقة فما نهاية هذا الحب ?
