مشاعر💔 ( روايات ليبية )

حلقة 6🔥

رواية #مشاعر 🌷
( خيال ممزوج بلواقع )
للكاتبة : #حنو
الرواية بلهجة الليبية
حلقة  6 🔥
.
.
عنـد ثـمارة
سليم..شن في
ثمارة..عازمينا ع الغدي اليوم شن رايك؟
سليم..حبيبي انتِ عارفة ان يوم الجمعة الوحيد الي نتغدو فيه في حوش جدي خلي بعد الغدي نرفعك واقعدي لا وين ماتبي ونروح بيك
ثمارة ابتسمت..شن نبي غير راحتك اني تمام توا نكلمها
سليم..اسف غير انتِ عارفة قوانين جدي
ثمارة..ولا يهمك عادي
اتصلت بيا اني
اني..ايوا شن صار اكيد جاية؟
ثمارة..لالا بنجي بعد الغدي قتلك اني اليوم يلتمو في حوش جدهم كلهم فهمتي ف بعد نتغدو نجيكم
اني..خساارة باهي خلاص عادي تعالو حتى بعد الغدي توا ندير كيكة
ثمارة..ما اتعبيش روحك توا ندير اني كيكة انتِ منك القهوة
اني..تمام
سكرت مني وشبحت لي سليم
سليم..تعرفي قداش ما محظوظ بيك
ثمارة..علاش
سليم..كنت نحسابك بتزعلي وبتضايقي
ثمارة..لا عادي حبيبي
سليم..خلي نخش نلبس وقت باش نمشو
ثمارة..اوك
قامت ثمارة الماعين واتصل فونها وهي في مطبخ طلع سليم شافه لقاها امها
سليم..رورتي امك تتصل
ثمارة..خلي نكمل ونرد عليها
سليم..ماتجيش عيب امك بري ردي عليها توا نحطهم اني في غسالة
ثمارة..تمام
خدت ثمارة فونها ومشت للدار ردت عليها
ثمارة..ايوا
امها..خير يابنتي بلكي تقولي عندي امي نتصل نشوفها شن صاير فيها وانتم كل وحدة روحت لمكان وفاتتني
ثمارة..مش هدا الي تبيه افتكيتي مننا خلاص اقعدي توا بروحك
امها..ضمي فمك ياحيوانة توا تجيني فاهمة
ثمارة..سوري ماشية لي امالي سليم مش فاضية
امها..ايه ايه زيدي زيدي طحطحي بيهم
خش سليم للدار ويسرح في شعره
ثمارة..ماما قتلك ماشيين لي حوش جد سليم خيرك عاد
امها بدت تعيط..مادخليييش اني وبعدين شن زي الخدامة عندهم وين مايقولولك بري تمشي ياحمارة نكدي عليه وقوليله لا وتغدي في حوش اماليك مش في حوش اماليه و بعدين كي..
وفصلت ثمارة عليها الخط وقعمزت شادة راسها بيديها وكانت حاسة بدوخة
تلفتلها سليم..حبيبي خيرك
ثمارة شافتله..نحس روحي دايخة
سليم..شن في باه علاش دختي اكيد تعصبتي
ثمارة..لا شي😔
سليم حضنها..اشش خلاص الله غالب هدي امك ياروحي بالسيف بتتحملي كل شي منها
ثمارة..تعبت سليم تعبت وقت نشوف امك كيف تحن ع خواتك وكيف فرحانة بيك وبيهم نقول علاش اني امي مش هكي والله حرام عليها
سليم زاد حضنها..الله غالب ياروحي اهو قريب تجيبي بيبي وتحبيه وتفرحي بيه وتكوني امه و كل شي فاقدتيه حتعطيهوله
ثمارة..نحبك لولاك مشعارفة شن حندير
سليم..واني نموت فيك ومعش تقولي هكي اني امك واختك وبوك وخوك وكل شي اني راجلك وحبيبك وصديقك❤
ثمارة..ربي يحفظك ليا سليم💘
سليم..ويخليك ليا يامرتيي هيا ألبسي ياروحي
ناضت ثمارة طلعت لبسة ولبستها خش عليها سليم وهي تلبس في وشاحها
سليم..غيريها سورية قصيرة
ثمارة..بس توا بعد لبست ياسلييم
سليم..غيريها قلت😬
ثمارة..باه
ولت للدولاب وطلعت لبسة تانية واطول من الاولى ولبستها ولبست وشاحها وطلعت ركبت سيارة
شد سليم يدها وحطها ع مارشة وبدي يسوق
ثمارة..اخطم ع محل نشرو حاجة اول مرة نمشو
سليم..باهي مش ناسي
نزل سليم لمحل خدي خضرة وخدي عصائر ومشي للكوشة خدي خبزة وخدي حلويات وركب سيارة
سليم..تمام هكي
ثمارة ابتسمت..ايه تمام
سليم..😘
وصلو للحوش نزلو مع بعض ونزلو الحجات في يدهم
سليم..خلي انزله اني ماتمسيش رزين عليك
ثنارة..باه انزل الخبزة والحلويات بس
سليم..به
خش سليم وخشت ثمارة وراه
.
.
.
عندنا احنـي
حناي ناضت وجتنا في المطبخ..شن صار يا بنيتي ثمارة بتجي؟
اني..قالت يوم الجمعة يمشو حوش جده
حناي..اهاا ايه في من ناس ضروري جمعة يتغدو مع بعض وفي من ناس عادي يعني مش روتين مدايرينه
ميسم..ايه صح لكن والله حلوة اللمة راهو
حناي..ايه امالا شنو هوا في احلى من لمة العيلة والاحفاد يبدو يهدرزو ويضحكو مع بعضهم
اني..لكن هلبا تعب ياحنينة تو زينا احني بعد يتغدو كلهم ينزلو احسن من غدي لانة اماعين ودنيا تحوس
حناي..كله يهون في جرت لمة العيلة والله لكن عادي حتى بعد غدي ينزلو يشربو شاهي بالعالة و قهيوة و الي هدي تنزل حاجة حلوة كويس مش بطال
اني..هههههه حناي شكلك خاطرك في جو عيلة كلها وهكي
حناي بفرحة..ومن يكره يابنيتي لكن عادي المهم متهنيين في حياشهم خلاص
ميسم..اي والله وين عمتي
فدوة كانت واقفة في باب المطبخ واحني عاطيينها بالظهر
حناي..اهي خليتها جاية وراي خشي فديوة بنيتي
فدوة..يما وين خوتي
حناي..تو قريب ينزلو بيمشو للجمعة
فدوة..وهيثم؟
حناي..اهو تو تمشي ميس تنوضه
اني..حاضر حنينة هي
فدوة تشبحلي بكره وساكتة
تغاضيت شبحاتها وطلعت من جنبها وخليت ميسم تقرض في البصل وخشيت للدار عند هيثم وسكرت الباب وانوض فيه واني متوترة من ردت فعله كيف بتكون
اني..عمو نوض
هيثم..صباح خير
اني نطربق في صوابعي ومتوترة..هيا نوض قتلك حناي باش تفطر براحتك و ادوش وتمشي جمعة
هيثم..ساعة قداش؟
اني..ساعة 10ونص
هيثم..باهي مزال بكري
اني..لا ماهو في عندنا ضيوف
هيثم..مني
اني..اطلع شوف بروحك هيا نوض
ناض هيثم وطلعت اني وخايفة منه شن حيدير؟!
خشيت مطبخ وقعدت ندير اني وميسم في الغدي اكيد مداما عمتي اهني معناها الكل بينزل وقعدنا نهدرزو اني وميسم خش علينا هيثم
هيثم..ترا ميس ديريلي قهوة
اني..قهوة ع ريق ع الاقل خود حاجة قبلها
هيثم..ديريلي باه اي حاجة نفطر ومعاها قهوة
اني..به
هيثم..ميسم من عندنا الشريرة هدي مابتش تقولي
اني زمطت ريقي وسكتت وميسم شافتله وشافتلي..اااه ميس ترا خودي من عليا هدي خلي نشوف عبدو يعيط صوته
وطلعت طول من مطبخ وخلتني اني حاصلة
هيثم..علاش تتهربو؟ شن في؟
اني..خش صالون تو تعرف
ناض هيثم طول وخش للصالون وشاف اخته مقعمزة وولدها مقعمز وامه نصدم وقت شافها وقعد واقف ومش قادر يتكلم
هيثم..فدوة!!
فدوة رفعت راسها وشافتله بثقة..هيثم😌
هيثم..شن جيبك؟!!!
فدوة..هدا حوش بوي والا ناسي!؟
هيثم..توا تفكرتيه حوش بوك؟؟؟توااا بعد ما بعتينا وبعتي شرفك توا تفكرتيه؟؟؟
فدوة..الزم حدودك وضم فمك وماليكش الحق تتكلم معاي هكي
هيثم وقف قدامها بتحدي..وشن حديري يا ماما
وقف داني..خالي مش هكي الكلام
هيثم دارله بيه نتع اسكت..كيف بيكون الكلام !! وحدو سيبت كلام خوتها وخلت امها ومرضتها وجتها جلطة ع خاطرها و عاندتنا كلنا باش تاخد واحد -&#& كيف تبيني نسكت تراه قولي
فدوة..ماليكش علاقة فيا فااااهم ماليكش دخلل
حناي..اسكتو شوية خلاص
هيثم..يما انتِ عارفة هدي منو صح؟؟ معقولة سامحتيها بعد الي داراته فينا كلنا بعد ماوطت راسنا وهربت معاه؟؟؟كيف يام كيييف تقبلي بيها بعد هدا كله؟؟
حناي..هدي بنتي ومانقدرش نلزها وهدا حوش بوها وعندها حق فيه
هيثم..صار هكي هيا الدوة مية مية
كنت اني وميسم في مطبخ واقفات ومصدومات من الي سمعناه ووقت شفت هيثم خاش للمطبخ..عمي اهيا قهوتك
هيثم..مانبيش لا قهوة ولا شطان اني طالع وماتستنونيش
طلع هيثم وهو بيطربق
.
.
عند ثمارة
خشش سليم الخضرة وكل شي
حناه سليم..رروروروروروري ماشاءالله ماشاءالله عليكم الحوت الحوت
ثمارة ابتسمت وخدودها توردو
جت سلمت على حناه وباست راسها وسليم نفس شي و كملو سليم يسلم ويوري فيها
سليم..هدي مرت عمي هدى
ثمارة..تشرفت بيك مرت عمي
هدى..بيك اكتر ثوثو
سليم..وهدي بنت عمي بشير أية وهدي امها خولة
ثمارة ابتسمت وسلمت عليهم
سليم..وهدي اناغيم وهدي انغام وهدي رنا وهدي فدوة هدم بنات عمي اناغيم وانغام خوات وفدوة اخت أية
ثمارة ابتسمتلهم وسلمت عليهم جت اخت سليم
اخته..بلكي تطلع ياسليم تقول بناكلوها توا نعرفها اني ع الباقي
ضحكو كلهم
امه..خليه فرحان بيها ياوخيتي ربي يحفظهم😍
اخته..بنبدا نغار راهو
حناه..وتغاري من سلومة وليدي الغااالي هيا خلي الراجل ومرته في حالهم
اخته..تي باهي ياحناي شن قلت اني ههههههه
ثمارة..ههههههه شكلها تحبك
سليم..مني حناي؟
ثمارة..ايه
سليم..طفلها المدلل اني احم وهدي نورس مرت ولد عمي بشير وهدي حياة مرت ولد عمي احمد عزوزتها هدى
ثمارة سلمت عليهم وفرحت لقت من يونسها
سليم..حتى هيا وقت جت كانت زيك 😂 توا تنطلقي زيها تبدي حتى تهزبي
حياة..شن قصدك ياتافه اااه
سليم يضحك وفاتها..وهدي عمتي فاتن
ثمارة سلمت عليها وابتسمت..ايه نعرفها
فاتن..سلمها مش ناسيتني مرت الغالي
سليم..وهدي امي
ثمارة..ههههههه باه الي قلتلي تعرف
سليم ضربها ع كتفها بشوية..اهي بدت في برادة معقولة يا حياة من نظرة بس دعيتيها
حياة لوحت عليه زلباحة ولدها..تعرف تطلع والا ماتعرفش
سليم..😂😂طالع ياهمي اصلا بنمشي نصلي جمعة اسمعي سناااء عرفيها ع الي في المطبخ
ثمارة شبحتله..قصدك مزال في😳
امه..عيلتنا كبيرة توا تتعودي عليهم شوية شوية
ثمارة ابتسمتلها وقعمزت جنبها شوية وطلعو الي في مطبخ و سلمو عليها
.
.
عندنا احني بعد ماتغدينا في العشية روح هيثم ورقد في مربوعة
اني..هيييثم تي نووض مبردك
هيثم لوح عليها المخدة..ضمي فمك ضمي خلي الواحد يرقد الزفت
اني..تييي نوووض مبرد وجهك
هيثم..استانستي يابنت انتِ
اني..نوض هيا نبي نطلع في حجات بنحجز فيها ماكملتش راني
هيثم..وين بتطلعي من عقلك
خشت ميسم..بش بتجي ثمارة !
اني..اييي حق خلاص باه مش طالعة تي هيا نوض يادراه حناي قتلك نوض بلا دلاع
ناض هيثم وقعمز باه مبرد فيتك بري اقلبي عليا هي
طلعت اني وميسم من مربوعة واحني نضحكو عليه
اني..😂😂هبلته تو يشوف
ناض هيثم وخش دوش وطلع لبس بدلته العربية وشياطين ينطو فوق راسه
اني..عموو حبيبي
هيثم..اسكتي خيرلك يا ميس
اني..على الي يعبرك كنت بنقولك حاجة مليحة لكن ماتستاهلللش
هيثم شافلي..قولي الي بتقوليه واطلعي من راسي
اني..كلم محمد بنمشو غدوا تخطبو اخته سارة
هيثم..لمنو؟
اني..والله في واحد قاعد عزري قلنا خلي نشقو بيه ونجوزوه من يعني غيرك
كريم..في اني😊
اني..انت هني عظامك تراه
هيثم..باهي توا نكلمه امتى غدوا
اني..حييي يعني موافق روروروروروروري
هيثم..ايه ياحصلة ضمي عليا فمك امتى بتمشو
اني..ههههههه اكيد غدوا العشية بنمشو
حناي..ياسعدي بوليدي ياربي هدا وين بالي تهنى
اني..هههههه
فدوة..من هيا سارة هدي
هيثم شبحلها..وانتِ قاعدة؟؟
فدوة..يا هيثم اني مالياش مكان غير اهني الله غالب الي فات مات وتوا بنبدا نعيش اهني اني مافيش وين نقعد
هيثم تأفف وسكت
حناي..بري معانا غدوة يا فديوة
هيثم تكلم بصوت حازم..لااا والف لاااا والا والله
حناي خافت من نبرة صوته وقطعت عليه كلامه..ءءء باه الي تبيه وليدي
فدوة خشت للدار وهي متكنطية من خوها
.
.
.
عند وسن ناضت بكري دوشت وبدلت وبعدين ناضت تصلي سلمت وشبحت يمين لقت أسيد نايض ويشوفلها قعدت وسن مركزة فيه وفي ملامحه كان جذاب وهو كيف نايض وشعره جاي ع وجهه
أسيد رفع حاجبه وشافلها..في صورة!
وسن..نحاول ناخدلك صورة لكن للأسف منظرك زي القرادة الميتة بش عارفة علاش شايف روحك
أسيد..شكرا يا مرتي مش حتقدري تعفلقيني وتنزعي مزاجي الرايق من صبح
وسن..باه باه نوض دوش وصلي هيا جيعانة نبي نفطر
أسيد توتر..ااه به انزلي تو نلحقك
وسن..مش نازلة الا معاك مانعرفش حد ولا عمري جيت لفندق باش نعرف شن في وشن مافيش بالمختصر بروحي نخاف وهيا نستنى فيك
ناض أسيد طلع حوايجه وخش يدوش اما وسن قعمزت تقرا في قرآن لين كملت وسكرت المصحف استغربت ان لتوا ماطلعش وتسمع في صوت الميا وخلاص ناضت واست الفراش وضمت الدار وفتحت روشن طلعت في بلاكونة قعمزت شوية وهيا تستنى وهو شي ولا قال نطلع جت طقت الباب عليه
وسن..أسييد خيرك عطللت هيا وقت توا يقيمو الفطور ساعة 9ونص راهو
أسيد..باهي طالع قتلك انزلي اني
وسن بصوت بيبي وزعلان..لا مش حننزل بروحي☹
وجت قعمزت تستنى فيه
شوية وطلع أسيد لبس بسرعة وخدي تلفونه وجي بيطلع
وسن..تي تعالى وين طااالع خيرك
أسيد..كيف مش جيعانة؟ هيا
وسن..تعالى صلي قبل وبعدها ننزلو نقدر نستناك عادي
أسيد..نضت بكري قبل صليت الفجر والصبح ورقدت مش زيك مخمدة راقدة
وسن..كيف صار امتى نضت والا ماتصليش يا أسيد؟؟
أسيد ارتبك..قلنا صليت خيرك انتِ جاياتك عليا من صبح ربي
وسن..شي شي هيا انزل حتى اني فاضية
نزلو مع بعض ووسن تفكر بإنها رغم انها مغصوبة وتحاول تتفهمه زاد عليها ان مايصليش وكانت متأكدة من ارتباكه قدامها وهو نازل ومتوتر منها بكل خشو للمطعم وقعمزو فطرو وكل واحد فيهم يفكر في حاجة شاغلاته لين ما اتصل تلفون أسيد
أسيد..هدي عمتي
وسن..به رد عليها خيرها
أسيد..اكيد بتسئل
وسن..شن بتسئل😳
أسيد..شن صار امبارح يعني شن بتسئل
وسن..وهدي حاجة خاصة مايسئلوش عليها مفروض
أسيد..اسكتي خلي نرد ايوا عميمة كيف حالك
وسن رفعت حاجبها و ع شوي ضحكت عليه وقالت بشوية..عميمة! شن دلوع هدا😣
أسيد..الحمدلله شن اخبارك شن اموركم
عمته..الحمدلله ايه طمني شن صار امبارح مشت الامور
أسيد..احم ااه ايه الحمدلله
عمته..روروروروروروروروروري الف مبروك ياوليدي
أسيد تحشم وقعدت جبهته تصب عرق..ايه الله يبارك فيك
وسن وفالقينها مع بعض شن العار هدا شبحتله وسن بتقزز..شبعت
أسيد..هي عميمة توا نكلمك نفطرو
عمته..تمام ياوليدي صحيحة
أسيد..سلمك
عمته..وقول لي مرتك بعدين تكلمني باهي
أسيد..ان شاءالله
سكر منها وحط الفون
وسن..شن العار المعرعر العرعوري هدا!
أسيد نفلق بالضحك ع كلمتها ومعش قدر يسكت
وسن تحشمت من ناس الي تلفتولهم..اسكت عطيك بكشه اسكت حشمتني الله يحشمك شن هدا عيلة منغير فرينو تي اسكت يا مهبول
أسيد سكت وشافلها..خيرك به علاش قلتي هكي ؟😂
وسن..قصدي كيف عمتك تسئلك شن اللقطة البايخة هدي قصدي حتى كان بتسئل ع الاقل تسئلني اني مش انت عيب مافيش فرينوات شورا الي هناك في الطبق انتم
أسيد..هدي عميمة قريبة مني هلبا هدا باش
وسن..عطيك مايرفعك ان شاءالله شن عميمة شن راك مش فرخ راك كبير ومتزوج شن عميمة هدي ياهمي حتى اني مانقول فيها
أسيد..شن بنديرلك كانك متوحشة وغجرية ومش ناعمة ورقيقة رغم ان من برا يبان عليك نعومة لكن شكلك لا ياودي طوبو طحت فيه
وسن..وممن حتلقى يرضى بيك زيني يعني اني يالله نتحملك هالدقيقتين
أسيد..مكتر دوتك الزفت كولي كولي نفاخة ربي يصبرني
.
.
.
بـعد الغـدي
عندنا ثمارة💕
مقعمزة ومتحشمة شوية ومش قادرة تخش فيهم
سناء..تعالي ثمارة قعمزي معانا
ناضت ثمارة من جنب عزوزتها ومشتلهم
طلعو للجنان دارو طاولة وقعمزو كلهم
حطو الشاهي والقهوة و الحلويات وكانت كل وحدة مدايرة حاجة
ع طلعة الاولاد من مربوعة لقوهم مقعمزين كلهم ويضحكو ويهدرزو
سليم..اووووه مقعمزيين اهني ماتقولوش حتى بالكدب🤣
سناء..خلاص توا انت تزوجت شن نبو انادو فيك😏
أناغيم..هدا سواء تزوج او لا العقل يجيبه ربي
انغام..اسكتي بلكي مرته مش راضية فيه
سليم..مرتي ماترضاش فيا امالا شنو
ثمارة ضحكت..😂😂ايه امالا شنو الا راااجلي
وقعدو يضحكو كلهم
فدوة..الله غالب علينا احني نمصو الليم
سناء..وين الاولاد خيرهم قعمزو بعيد علينا
سليم..شوفي من معاهم هدا ولد عمك الثقيل
اية..تغلطش في خوي ايواااه
سليم..ماقلنا شي لكن بكل مثقل دمه
سناء شافتله وقعدت تتأمل فيه
سليم..بلكي خلاص ؟
سناء انتبهتله..شنو
سليم..عيونك عارفهم وين يمشو اني راه قصريهم
سناء..تي برا روح امشي مبردك
سليم شبح لي ثمارة وطبس عليها..هي شنو حبيبي اني عندي مشوار بنطق فيه تطلعي توا والا نمشي ونجيك
ثمارة..لالا ارفعني توا ميس من بكري تتصل
سناء..خيركم شن في
ثمارة..ااه لا شي غير بنمشي حوش جدي😅
فدوة..حيي خسارة
أية..امالا حتى انتم تلتمو كل جمعة
ثمارة..لالا مش ديما غير مامشيتلهمش من بعد عرس اختي وكلموني بكري يبوني نجي قتلهم خلوها بعد الغدي
سناء..بري ياحنة مربوحة
ثمارة..خسارة كان خاطري نقعد لكن فات فيا وعطيت كلمة لخواتي
سناء..ايه عادي عادي توا الجمعة جاية تقعدي لليل والا في ليل تعالي روحي اهني نسهرو
ثمارة..كانا هكي تمام كان روحنا بكري
فدوة..سلميلنا عليهم
نورس..سلميلنا عليهم يا توتو
ثمارة..ان شاءالله يوصل هي بالسلامة
حياة..حتى اني بنوض بنمشي قالي هيا
فدوة..خيركم عاد
سناء..ماقعدنا كان حني😂
حياة..لا والله غير اختي جايبة وامي تبي من يساعدها جايينها عيلة راجلها اليوم وهدا اول بيبي
البنات..مبروك عليها❤
حياة..الله يبارك فيكم
.
.
ركبت ثمارة السيارة هيا وسليم وطلعو
ثمارة..حبيبي
سليم..ياعيونه
ثمارة..عادي تخطم ع محل تاخدلي كيكة غير مادرتش وقلت لي ميس تو ندير
سليم..تمام ياعمري حاضر
مشو لمحل حلويات و خدالها حلويات وكيكة و طلعو وخدالها حجات تخش بيهم لانة اول مرة كانت ليها وبعدها رفعها لينا
خشت ثمارة وخش وراها سليم لبست اني وشاحي وطلعتلهم
اني..يا اهلا يا اهلا بالعرسان
ثمارة..ههههه شن جو ستاحششتك
اني..والله الحمدلله بخير شن اخبارك انتِ
ثمارة..مليح
اني..شن جو سلييم شن اخبارك
سليم..مية مية الحمدلله
اني..شنو اختي مش متعباتك وله كان زعلاتك قولي
سليم..لا ماشاءالله عليها
اني..ايواه اصلا نعرف اختي قايمة القدر خش تفضل
سليم..لا صحيتي مرة تانية ان شاءالله اني طالع ثمارة امتى مابتروحي كلميني
طلع داني وشاف ثمارة وقال بشوية..احم شورها عيلة كلها طروف🙂
سليم شافله من فوق للوطة وشاف لي ثمارة بإستغراب
اني..ءء هدا ولد عمتي فدوة داني ويا داني هدا سليم راجل ثمارة🙂
داني مد يده..اهلين
سليم سلم عليه وهو مش عاجبه..اهلا بيك
داني..تفضل خش
سليم..عندي مشوار مرة تانية🙂قتلك كلميني وقت بتروحي وهي خشي داخل🙃
ثمارة..اوك حبيبي
طلع سليم وخشيت اني وياها نضحكو ونهدرزو
اني..ترا قولي من في حقا
ثمارة..منو
اني..شخص قدااااااااااااش ليك معش شفتيه
ثمارة..تي منو ياهممي
اني..كريييم يا كرومممة
نزل كريم يجري..شن في اوووووووو ثماااارة
ثمارة فرحت وعيطت..كريييييم شن جووو
كريم..تي مية مية يا بطة شن اخبااارك وين وين ع الغيبة هدي معقولة نجي نلقاك متزوجة
ثمارة..ريييت ههههههههههه الحمدلله شن اخبارك انت وشن امورك
كريم..الحمدلله بخير والله استني انادي ع البنات خليتهم يلبسو وبينزلو يستنو فيك تجي
ثمارة..تمام وانزل حتى انت ليا قداش ع الهدرزة معاك
اني طالعة بسفرة متع الشاهي والنسكافيه والقهوة..ثمارة ديري الكيكة الي جبتيها في صواني ومع الحلويات وتعالي للدار هي
ثمارة..تي امالا وين العيلة حناي وميسم وصغار وعمتي؟
اني..صغار مع هيثم رفعهم و ميسم وحناي وعمتي😑 اهما في دار غير ماسمعوكش
خشيت بالصفرة
ميسم طلقت السلام وقامت الصلاية..شن عياط هدا؟
اني..تقبل الله هدي ثمارة جت وتلاقت مع كريم تعرفيهم عاد انتِ
ميسم..هالبنت حتى تزوجت قاعدة كيف ماهي اكتر مازادت هبال
اني..هههههههه شكله سليم مش مخليلها ثانية كل الوقت يعلم فيها في الهبال
حناي..منو جي يا حنة
خشت ثمارة..اني يا حنينة جيتكم ونورت الحوش بجيتي
فدوة تشوف ومش طايقتنا
حناي..روروروري جتني بنيتي الحمدلله الي جيتي وشفتك
ثمارة تسلم..علاش ياحنينة والله بنجي غير اهو روحت طول العرس بدي وماقدرتش نجي وتوا اهو هدي جيتي من حوش جد سليم
حناي..نبصر عليك يابنيتي كيف حالك شن اخبارك
ثمارة..الحمدلله بخير والله
حناي..الحمدلله شكلك متهنية الهني باين ع وجهك
ميسم..ايه واضح ماشاءالله عليها
ثمارة..ايه الحمدلله شن جو الحمل معاك
ميسم..اهو متعبني
ثمارة..ان شاءالله ع خير يارب
اني..وانتِ شنو قالت ميسم في بيبي😍
فدوة..وانت شن دخلك تسئلي وتقصقصي
اني..الصبر ياربي اختي هدي وبنسئل عليها
حناي فنصت في بنتها..شن الكلام هدا يافدوة خلاص عاد فكونا من مشاكل
ثمارة قلبت عيونها عليها وتلفتتلي..ايه ميوس حامل
اني..ع خير ياروحي😍
نزلو نساوين عمي و البنات وهدرزنا وضحكنا ولعبنا وغيرنا جونا لكن مرة مرة نسمع في كلام من عمتي فدوة وكنت فايتتها ومش مدايرتلها حساب😏
.
.
عند مرت بوي
منى..ريت ريت اوووو يا ايوووب اختك قتلها تعاليلي مابتش تجيني وقتلي مش فاااضية وشوف هااا جابها راجلها وجابت معاها ماكتب الله لي حوش جدك واحني فاتتنا ولا كأن عندها ام تسئل عليها
أيوب..تو كان شفتها لما نضربها
منى..ايه شدها امرجها والنبي ناقص غير تمشيلهم وتضحك عليا نساوين عمامك وعمتك
أيوب..غير توا فكينا منهم
منى..شن في دفعة جديدة؟
أيوب رقصلها حواجبه..ايه والمرة هدي بطيرنا فوووق فوووق الدفعة هدي
منى ابتسمت بخبث..بنولي فلوس واخيرا
أيوب..تي تبدي انتِ الامر والناااهي في كل مكان صبري بالك شوية بس
منى..سلمه وليييدي سلللمه
أيوب..تعرفي ارتحت وقت جوزتهم كلهم بدينا ناخدو في راحتنا في الحوش حتى ندوو براحتنا
منى..ايه فتكينا لكن قلبي يغلي ع الي اسمها ميس هدي كله منها هيا عبت راس البنات عليا نفكر نخربلها عرسها والي خاطبها
أيوب..تو تجيها ضربتها هديكا صبري بالك شوية بس
منى..صابرة حتى اني لكن دير في بالك معاش نقدر نتحمل وجودها ره
أيوب..خليني نرقد يام توا بعدين ندوو في موضوعها
منى..ارقد سلم وليدي ارقد
خلاته رقد وخشت دارها تفكر وتخطط
.
.
.
عند وسن
أسيد..غدوا بنمشو حوشنا نسلمو ع العيلة وبعدها نمشو للمطار
وسن بخوف..وين بنسافرة
أسيد بهزوة..شهر عسل ع قولتهم
وسن..باه بنمشي حتى اني لي حوشنا
أسيد..بالله عليك لمنو ماشية غادي تره وهما ماصدقو فتكو منك😏ولوحوك ع خاطر كمشة ورق وفلوس😏
وسن..معش تقووول هكككي نبي نمشي لي حنااي وخواتي نبي نسلم عليهمم حرام عليك😭وبعدين شن ورق وفلوس شن تقول انت؟؟
أسيد..قلنا جو نمشي خواتي وابصر شنو لا هدي وله
وسن..باه هما حيكونو غادي ارفعني توا اكيد غادي هما
أسيد..وين وين
وسن..حوش جدي هوا حوش اماليا اني مانبيش غيرهم😭
أسيد..افففف بلا بكي الزفت نوضي هي
وسن سبلتله عيونها..عطيني نكلمهم قبل
أسيد..هاك علقت فيك اني
خدت تلفون وسن وكلمتني اني ع طول
اني..الو
وسن..ميسووو ستااحشتك
اني..وسسسن كيف حااالك
وسن..الحمدلله شن اخباركم
اني..الحمدلله تمام شن دايرة
وسن..كويسة الحمدلله ميسو نبي نجيكم قاعدين
اني..ايه قاعدين تعالي حتى ثمارة كيف بتروح توا نقولها تقعد
وسن..اصلا بنجي نسلم عليكم لانة غدوا مسافرة شهر عسل
اني ابتسمت..ايوا ايوا شهر عسل شنو امور هانية جو حلو؟
وسن..عادي كويس
اني..تمام تعالي هيا نراجو فيك
وسن..اوك
لبست وسن ودارت شوية ميك اب و طلعت هيا وأسيد
أسيد..غير لانك عروسة بس ره انسيهولي اللبس هدا والي مدايرتيه في وجهك
وسن..اففف به معش فهمتك اني مرة دلوع ومرة داير روحه عصبي😏
أسيد..شن قلتي
وسن..شي قتتلك به
ركبو سيارة ومشو لي حوشنا
وسن..بنخشلهم هكي؟
أسيد..كيف
وسن..اني اول مرة نجيهم مانقدرش نخشلهم فاضية
أسيد..افففف باهي توا نشوف محل
نزل لي محل حلويات خدالها بكلاوة وطلع بيها شوية ووصلو
أسيد..ساعة بس نمشي ونجيك
وسن..به
نزلت وسن ولقت الباب مفتوح خشت طول وهيا فرحانة لقت هيثم قدامها تغمراته طول وقعدت تبكي
هيثم زاد حضنها وقعد يمسح ع ظهرها
وسن..ستاحشتك ياعمي
هيثم..سامحيني ماقدرتش ندافع عليك ونوقف الي كان يصير
وسن ابتسمت..نصيبي ورضيت بيه الله غالب ياعمي عارفاتك لو تقدر ماتقصرش واني مانقدرش نغضب امي الله غالب
هيثم..هي خشي تفضلي
خشت وسن كسدنا هدرزنا قعدت ثمارة شوية وروحت
ثمارة..جتنا وسن
سليم..اها باهي كويس
ثمارة..ستاحشتك
سليم..حتى اني ياروحي
ثمارة..وين مروحين حوشنا والا لحوش جدك
سليم..حوش جدي نقعدو شوية و ناخدو امي بوي من بكري روح
ثمارة ابتسمت..تمام😊
وصلو لحوش جده وقعمزو البنات هدرزو شوية وناض كل واحد روح حوشه
.
.
وسن..هي بالسلامة توا
اني..خيرك ماقعدتيش
وسن..ساعة بس عاطيني
اني..اياح خيره هدا
وسن..معليشي بنتحمل
حناي..سيورة يتغير ويلين معاك انت بس ماترديش دوة سلم بنتي ع راجلك وخليك معاه في الحلوة والمرة
وسن ضحكت..تي ياحناي يقول لأمه ماما وعمته عميمة شن تقولي والله واكلة هم حياتي كيف بتمشي معاه هدا بيصرف عليا و بيوكلني ويوكل صغاري!! قصدي مشعارفة والله مايعتمدو عليه🙂
اني..😂😂يعطيهالك عادي في من ناس هكي لكن تلقيهم حنينيين وكويسين
وسن تنهدت..اوك اهو يبيب برا توا نكلمكم
طلعت سلمت ع عمها وركبت سيارة ومشو
عندي اني بعد فضي علينا الحوش وميسم رقدت هيا وصغارها خشت حناي قعمزت مع بنتها واني قعمزت في جنان ومع النسمة كان الجو حلو بكل💙قعدت نشوف للنجوم وخطم عليا طيف محمد تفكرته وتفكرت لقطاته معاي تفكرت الكف الي عطيتهوله ضحكت طول
اني..الي يبي الورد يتحمل شوكه😌ويستاهل مايجيه مني
داني..منو هدا؟
اني نخلعت نضت طول وخشيت للحوش ضميت واتكيت ع سرير واني نفكر في المصيبة الي جتنا هدي عمتي وولدها وفي ولدها الي واضح مش ناوي خير🤦
بعد ايام درت بياني وفضانيتي واصبح رسمي خطيبي وعمي هيثم ماخلاشي يخش لبستلي امه الدبلة وطلعت لبست القفطان الي جايبينهولي وكان بيان حلو وكبير😍
فدوة..علاش الحفلة هدي كلها😏
حناي..هدي بنيتي ميس نطلعها زي مايبي بوها واكتر😌
فدوة..غير زيادة مصاريف
حناي..هيا توا بتضميلي فمك وبتطلعي للناس الي برا والا تقعمزي وتهنيني
فدوة..طالعة😏
مشت فدوة خشت دارها وقعدت تتكلم بالفون
فدوة..خيرك مش جاية للبيان؟
منى..اني نجي لبيان الحربة هدي !؟ شن هبلت اني والا بعقلي؟
فدوة..علاش شن صاير
منى قعدت تحكي لي عمتي في كل شي صاير
فدوة..ريتي ريتي بنت الاجنبية اوووو
منى..ايييه لكن شن بندير خوتك وامك ناصرينها علينا وحدة ماتنفعش ديري بالك من ولدك منها راهي تغريه والا حاجة والله ماتصلح
فدوة..تو تشوف وجهي الجديد وحدة زي هدي من قبل لا نبيها ولا نحبها
حناي..فدووة؟؟ تو مش قتلك اطلعي للناس!!
فدو ارتبكت..ااه طالعة طالعة
سكرت فونها طول وطلعت مدايرة روحها فرحانة وهي من داخلها تغلي غلي🔥
.
.
وتحدد عرسي بعد 3شهور باش نلحق نوتي روحي
اني في داري ونمسح في الميك اب خشت عليا ميسم وعيونها دموع
اني..مييسم خيرك
ميسم..شي بس فرحانتلك
اني..ياروحي
حضنتها طول وقعدنا نهدرزو سهرنا للفجر اني وخواتي الا وسن💔
.
.
.
وسن..ملييييت اني ملييييت منك ومن عمايلك السودة النودة هدي
قعمز أسيد بكل برود ع الكنبة ويضحك..ماعندي مانديرلك اني هدم عيلتي وهكي جوي معاهم
وسن..فهمني كيف هكي جوك معاهم تراااه انت توا راجل مصنع امنع متزوج وفي شهر عسل متعك يمشو يلحقونا حتى هما في اما قانون هدا بالله علييييك قوولي توا
أسيد..تي مـ..
وقطع عليهم صوت الباب مشت وسن بكل غضب فتحت الباب بقوة لقتها بنت خالته وهي لابسة هديكا اللبسة الي تحشم وخشت تدلع بصوتها ومشيتها وكلامها وقعمزت بحدا أسيد
وسن من صدمتها قعدت واقفة وتتفرج وفاتحة فمها
أسيد..ءء
وسن فنصت..هي هي يا ماما شنو هدا الي اديري فيه انتِ وين تحسابي روحك نوضي اطلعي من داري
بنت خالته بدلع مصطنع..أسودي شن البيئة هدي خيرها هكي تدوي😏
أسيد وهو متوتر ويطربق في صوابعه ويشبح لي وسن كيف ملامحها والغضب الي ع وجهها
وسن..قلت اطلعي اني
بنت خالته..اوف يا بيبي شكلها حرفة خلي نطلع نتلاقو غدوا ع الفطور
وباساته ع خده وهي ماشية وتدلع حطت وسن رجلها قدام بنت خالته وهي كانت تمشي وتدلع وهوووب تعتر في رجل وسن واطيح طيحة شينة
بنت خاله..ااااااا
وسن..اااه سوري يا بيبي مكانش قصدي
أسيد شد ضحكته ع تصرف وسن وجي مدلها يده
ناضت بنت خالته وشبحت لوسن شبحة متع غل وطلعت تجري
وسن..والبطل السيد أسيد قامها و انقذها وهيييي👏🏻👏🏻
أسيد قرن حواجبه..ضمي فمك وخشي انخمدي في دار
وسن..مانيش وماليكش علاقة برا الحق السندريلا اكيدا شعورها انجرح
أسيد..افففففف الصببببر بس
طلع وخبط الباب قعدت وسن تضحك
وسن..والله لما نربيك انت وعيلتك التشر
نزل أسيد لوطا وقعد يدخن شافاته وسن من الروشن..ههههههه طلع يعرف يدخن عديم المسؤلية تفففف ياريتها عقمت ولا جاباتك ياريتها طاحت في دروج المستشفى عليك عاهات تعاني فيهم ليبيا ياربي امتى بنستريح بسسسس😩
خدت فازو نوتيلا وقعمزت تاكل فيه وتتفرج ع فيلم وكان شواربها كلهم شكلاطة وملبزة روحها وتاكل وتضحك شافت من روشن من جديد لقت بنت خالته مقعمزة معاه وتتلصق عليه
قامت الكاشيك وحطت في فمها كتلة من الشكلاطة وقعدت تاكل بي غل غلها..تافهين واحد غبي وحمار عنده وردة زيني اني ماشي لي عفينة زيها هيا وووع سكرولي النية من ماكلة جت قعمزت وقعدت تتفرج ع فيلمها
بعد ساعة وخش أسيد فتح ضي لقي فازو شكلاطة ع الارض ووسن راقدة وفمها ملبز شكلاطة وشعرها طايح ع وجهها
ابتسم أسيد وقامها حطها ع سرير وخدي وايبس وجي يمسحلها في فمها حسها بدت تفيق قعد يمسحلها بقوة
وسن..اااه اااه حول ياباااااارد تفو حيوان
أسيد..شن شن قلتتتي
وسن..قلت حيوان شن قلت🙂
أسيد..لسانك نقصيه يافرخة مش ناقص ام امي هم ع همي
وسن..والنبي حول ولد امه حبيب الماما وبنت خالتو😊ترا طفي الضي وخيرك راكب كملت سهرتك مع بنت خويلة
أسيد لوح عليها المخدة وسكر ضي وطلع وهو متنرفز منها ونفس الوقت حاس بي غيرة وسن عليه وهو حاس بشعور اتجاهها حلو ومش فاهم هيا علاش تعامل فيه هكي رقد هوا ع كنبة وين ماكانت هيا راقدة وخدي شكلاطة وقعد ياكل منها ومرة مرة يبتسم ع حركات وسن الطفولية لين رقد
.
.
.
عندنا احني
نضنا تاني يوم ضمينا الحوش ودرنا الفطور فطرنا مع بعضنا وفرحانين
ثمارة غمزتلي..ميس شن شعورك
اني..بنسبالي عادي مش معدلة يعني
ميسم..اهاا يعني عادي هكي فيش حتى نقطة شعور متحركة
فدوة..😏
اني اذكرت الايام الي تلاقيت فيهم معاه سواء في الجامعة او اهني وابتسمت شوية ووقت اذكرت الكف ضحكت
ثمارة..تي لا هدي طايحة فيه ميتة موت
اني..شن تقولي يا تافهة والله لا
ميسم..الكدب الكدب باين من لمعة عيونك
اني..ياسرو مبردكم قلنا لا وله خلاص
فدوة..وعلاش لا؟غاصبينك عليه؟شكلك اشبح شن مدايرة معاه
اني عرفتها ادور معاي في مشكلة باش تبيني نتكلم بس فتت..هيا بنمشي انكلم حناي عطلت
ميسم..عمتي ميس لا غاصبينها ولاهي مدايرة شي غلط ميس بنت متربية ومحترمة وخير حتى مني ف بلاش كلام فاضي لو سمحتي معش تجرحي اختي بالكلام
فدوة قعدت اطربق في المستيكة وقلبت عيونها عليهم
.
.
خشيت لقيت حناي كيف قايمة الصلاية وجايتنا
اني..تقبل الله حنينة
حناي..منا ومنك صالح الاعمال يابنيتي
اني..هي تعالي افطري معانا
حناي..هيثم ناض!
اني..كيف خليته خش يدوش
حناي..به هي وين صغار سمعتش دوشتهم اليوم
اني..قالت ميسم ان خداهم بوهم امس واليوم بيردهم يبي ياخدهم كل خميس يبيتهم عنده وجمعة يجيبهم وخلاص
حناي..يعلم الله قداش ماحاملة همها هالبنت هدي اكتر وحدة تنكدت يا نويرتي عليها
اني..الله غالب هكي نصيبها حنينة
.
.
#يتبع ان شاءالله تكون نالت اعجاب الجميع 😍 #حنو