مشاعر💔 ( روايات ليبية )

حلقة 16🔥

رواية #مشاعر 🌷
( خيال ممزوج بلواقع )
للكاتبة : #حنو
الرواية بلهجة الليبية
حلقة  16🔥
.
.
عنـد ثـمارة
جـابت بعـد جهـد جـهيد
سليم..ددككتورة شن صار
الدكتورة..الف مبروك جاكم ولد و المدام حالتها كويسة الحمدلله و البيبي صحته كويسة
ام سليم تركها زغروطة..روروروروررورورورورورورورورورورري😍😍
سليم تغمر امه وهو فرحان ودموع الفرحة في عيونه
سليم..يما فرحان اني مش مصدق😍😍
امه..الف الف مبروك عليكم ياوليدي
سليم..الله يبارك فيك يااام خلي نتصل بعيلتها
اتصل سليم بهيثم وبي خواتي الا اني مارديتش عليه !! واتصل ببوه وباقي عيلته
وطلعو ثمارة ودخلوها للدار
امه..خش انت الاول ولدي تو نخشلها اني😘
خش سليم ع ثمارة لقاها راقدة شد يدها وباسها ع راسها فتحت ثمارة عيونها وشافت سليم قدامها..حبيبي❤❤
سليم..يارووحه
ثمارة..وين البيبي
سليم..البيبي في الحضانة تو يجيبوهولك
ثمارة..كيف حاله
سليم..الحمدلله صحته كويسة بكل
ثمارة..شفته؟
سليم..لالا جيتك انتِ طول
ثمارة..باه برا شوفه هيا😢
سليم..حاضر غير خليني نشبع منك
ثمارة..تي نوض برا شوفه وصورهولي
سليم..حاضر ياهمي
وقرصها من👃🏻 ومشي
ثمارة..يابارد
خشت عليها عزوزتها وقعدت تزغرط وفرحانة وتحمدلها ع سلامة💕
.
.
وسن..أسيد حبيبي نوض هيا اسودي هيا نوض اختي جابت نبي نمشيلها
ولا تحركتله شعرة راقد ومستمتع
وسن سكرت ودانها وعيطت..أسيييييييييييييد نووووض عطيك ماينوضك ارزيني فييييك نوووووض ليا سااااعة نخبط ونوض فيك وانت تقول واكل منوم
ناض أسيد جي واقف من العياط
أسيد..تو شن نديرلك نقتلك والا نعلقك في ترية والا نلوحك من روشن والا نشربك وراكينة شننننن نددددير
دبلت وسن عيونها وقعدت تشوف لعيونه..افة
أسيد ارتخي وتنحت عقدت حواجبه وشافلها..مهبولة انتِ وهبلتيني معاك
وسن..باه هيا نوض نمشو
أسيد..وين نمشو وين ؟؟
وسن..اختي ثمارة جاابت ولد😍
أسيد..خلي غدوا توا امخر خلاص
وسن قعمزت..اففففف
أسيد طيحها ع سرير..ارقدي خلاص
وسن..😑

وكلهم بما انهم سمعو امخر قررو يجو تاني يوم الصبح
.
.
عندي اني
كنت مشعارفة روحي وين ولا عارفة شن يصير كنت تعبانة وبسسس
كان شيخ يجي يوميا ويقرا علينا وناخدو في كل تعليماته لينا بدينا يوم عن يوم نتحسنو💕
اهلي فقدوني وحسو ان اني غايبة عليهم هلبا لدرجة ماجيتش لثمارة!!
ميسم..الو السلام عليكم خالتي فاطمة كيف حالك
فاطمة..وعليكم السلام الحمدلله بنيتي شن اخبارك
ميسم..الحمدلله بخير بنسئلك ميس وين؟
فاطمة..ميسس ميس مريضة الفترة هدي
ميسم..مريضة!! قصدك مش بردة عادية؟
فاطمة..جتها بردة قوية وتو بدي حالها يتحسن شوية شوية
ميسم..لاحول ولا قوة الا بالله وكيف ماقلتولناش؟ كنت جيت قعدت معاها لين تحسنت
فاطمة..عادي بنيتي واحني شن نديرو هيا قاعدة عندي الفترة هدي واني مهتمة بيها ماتشغليش بالك هلبا حبيبتي
ميسم..صحيتي بارك الله فيك
فاطمة..العفو ميس بنيتي هدي
ميسم..سلمها ربي يحفظك ليهم
فاطمة..امين يارب
ميسم..غير متصلة بنقوللها ثمارة اتصلت بيها اكتر من مرة ماتردش بتقوللها ع سبوعها في صالة وعازماتك حتى انتِ
فاطمة..ان شاءالله تو كانا حالها باهي نجي اني وياها بإذن الله والله متحشمين معاكم وهيا تقول اختي جابت ومامشيتلهاش
ميسم..لا ياودي عادي ياخويلة المهم صحتها وتنوض مابيهاش بس الباقي كله يتعوض
فاطمة..سلمها يارب
ميسم..هي بالسلامة توا خويلة وطمنيني عليها بالله
فاطمة..سلمك يوصل ان شاءالله حاضر
سكرت منها وحطت الفون وهي تشوفلي كيف راقدة
فاطمة..ربي يفرجها عليك يابنيتي ويجبر بخاطرك بنية يتيمة زيك شن يبو منها بس💔حسبي الله ونعم الوكيل فيها الله لا تربحها يارب
خش محمد عليها في دار
محمد..يما
فاطمة..نعم وليدي
محمد..كيف حالها💔
فاطمة..الحمدلله بخير قالت بترقد جسمها كله تعبان
محمد..باه
فاطمة..انت خيرك نضت تبي حاجة
محمد..لالا بنطلع نغميت
فاطمة فرحت..باه وليدي
محمد..لما تنوض كلميني يما
فاطمة..حاضر
طلع محمد ع رجليه يتمشى وهو يتفكر في كل لحظة بيني وبينه💔وقعد يخمم هل اني بعد مانصح حنسيبه او حنقعد معاه!!؟
.
.
.
حناي..ها ميسم شن قتلك؟
ميسم..قتلي انها مريضة بردة جتها قوية هدا باش مش قادرة ترد ولا تتكلم
حناي..وكيف هكي مفروض قالولنا راه مشينالها
ميسم..قالتلي عادي هيا قاعدة عندي واني مهتمة بيها
سارة..ماتشغلوش بالكم امس وقت مشيت باهية بدت صحتها كويسة شوية اكيد حتجي للسبوع
حناي..ان شاءالله طمنتيني يابنيتي
سارة..😊
ميسم..ايه ياحناي ماتنشغليش عليها اكيد كويسة بس تعرفيها انت ميس وقت تمرض تبدا تدلع😂
حناي..ماتدلعش تحس في الدي يناري بنيتي
ميسم..وووك مش راضية فيها دقة شوكة😂
سارة..🤣😂ربي يحفظها
ع خشت فدوة..من هيا؟
سارة..ميس مريضة هدا باش ماجتش
فدوة شبحتلها وقالت..ان شاءالله ماعاد تنوض😏
وخشت لدارها
سارة نصدمت اول مرة تسمع كلام هكي من فدوة
ميسم..احمم ااا سارة عادي فوتيها ماتعدليش عليها ديما عمتي و ميس مش في الابيض
سارة..اااه لا ربي يهديها صدمتني بس😐
.
.
.
منى..اففف خيرها هدي لا عاد اتصلت ولا دورت زعما غير تمشي فيا وخلاص؟؟ باه كيف هكي كلامها ليا نتع وحدة مصدقتني
كانت منى ادور في حوشها وهي تفكر شن صاير بيننا هل فعلا صارت مشاكل والا اللي داراته هباء!!؟ علاش ماسمعتش لحد الآن طلاقي !!؟ كله يدور في راسها ومزال مشعارفة شن ادير!!؟
خش أيوب..خير ادوري شن في؟
منى ارتبكت..ءء لا شي🙂
أيوب..شكلك مدايرة شي من وراي
منى..شن بندير سلم ولدي لا ياودي غير نفكر في اختك ثمارة جابت واسبوعها قالت عمتك الاسبوع جاي ومزال ماكلمتنيش ولا قالتلي
أيوب..امممممم
تلوح ايوب ع الكنبة وفتح TV وهو عارف امه شن مدايرة وفي شن تخمم ولكن كان عنده مشاغل اهم من انه يتفرغ للي ادير فيه امه!!
.
.
.
تـسريع للأحـداث
بعـد أيـام رجعتـلي صـحتي وبـدينـا الحمدلله كـويسين انـي و مـحـمـد
محمد خش لدار اللي اني قاعدة فيها كنت نسرح في شعري..ميسو صباح الخير
اني شفتله..صباح النور نعم
محمد قعمز ع سرير وشافلي..هيا خلينا نرجعو لشقتنا وحياتنا
اني..بس اني هكي مرتاحة وفرحانة اكتر
محمد..بس اني مش فرحان ومش مرتاح ومش واخد راحتي في شي
اني..شن قصدك؟؟
وقف و قرب عليا محمد وكانت تفصل بيني وبينه شعرة بس شد خصلات ممن شعري ويشوف لعيوني..قصدي ان خلاص يكفي اللي صار فينا خلينا نبدو من جديد
اني وجهي والا احمر وحسيت جسمي كله والا نار و نزلت عيوني طول
محمد قام راسي ليه ودار صبعه الصغير..نوعدك من اليوم مش حتشوفي الا اللي يفرحك❤
نزلت دمعتي..بس اللي درته فيا مش شوية💔
محمد..ماكنتش بوعيي والله💔انت عارفة شن صاير
ابتسمت وشفتله ودرت صبعي الصغير وحطيته ع صبعه..😍ونوعدك حتى اني انـ نكونلك انت بس ومستحيل نكرر اخطائي
محمد حضني..ربي يحفظك ليا كنت خايف بعد تنوضي تسيبيني بسبب الضرب والاهانات وكل شي جاك مني
اني..كنت مش بوعيك وعذرتك
محمد..نحبك❤ميس
اني..حتى اني❤
طلعنا من دار والإبتسامة مالية وجهنا❤
فاطمة..صباح الخيرات
محمد ابتسم..صباح النور يمي
اني..صباح النور امي
فاطمة ابتسمت..هي تعالو افطرو
جينا قعمزنا فطرنا ونهدرزو وفرحانين وكانت الفرحة ماليتنا💝
فاطمة..اتصلت يا ميس اختك هما كلهم يتصلو ويعاودو واني قتلهم مريضة بردة المهم اختك ثمارة مدايرة اسبوعها غدوا كان بتمشي😘
اني حطيت يدي ع يدها..لو بتمشي معاي نمشو
فاطمة..ان شاءالله حاضر
محمد..احم يما بنركبو شقتنا خلاص قعدنا هلبا
فاطمة..بالعكس والله فرحانة بوجودكم عندي
عمي..خلاص خليهم يركبو حوشهم شن مزال بتشديهم ماشاءالله عليهم ولو😂
فاطمة بحزن..باه براحتهم
اني ضحكت..حننزلك كل يوم ونقعد عندك لين تملي😂
فاطمة..باه المهم تنزليلي
اني..حاضر
.
.
.
ثمارة..سليم ماتهبلنيش خليني مانبيش
سليم..ياحبيبتي هدي امك كيف هكي
ثمارة..سليم لآخر مرة نقولك امي ماااااتتت امي شنوو ماتتت خلاص انسى ان عندي ام
سليم..بس انت بتكوني عاق لولديك
ثمارة..بابا الله يرحمه مات وهو راضي عليا بس هدي مش ام يا سليم😭والله ما ام اللي تلوح بناتها مش ام اللي ماتسئلش ع بناتها تي والله نكرهها نكره ان عندي ام زيها
سليم..خلاص اششش براحتك خلاص
ثمارة..اوعدني انك معاد تجيبلي سيرتها
سليم حضنها وحط يده ع راسها..حاضر وعد
مسحت ثمارة دموعها وقامت ولدها يزن❤وقعدت ترضع فيه
سليم يشوفلهم..نحب نشوفك وقت ترضعي فيه محلاه الشعور اللي نحس بيه
ثمارة ابتسمت..ربي يحفظك ليا💕
سليم..ويحفظكم ليا❤
.
.
.
عند ميسم..خالد هدي بطاقة لعيلتك لو يبو يجو غدوا
خالد..تمام تو نعطيهالهم
ميسم..معش كلماتك هديكا
خالد..من لما غيرتها شفرة معش اتصلت
ميسم..باه
خالد..سامحيني ميسم سامحيني ع كل شي سببتهولك
ميسم ابتسمت..خلاص صفحة وطويناها
خالد..😍ربي يحفظك ليا انتِ يا ام صغاري ويحفظ صغارنا لينا يارب❤
ميسم..امين يارب
طلع خالد وشافتله ميسم بهزوة وهو ماشي ورجعت قعمزت توتي في حجاتها لتاني يوم وهي في راسها مية خطة وخطة🔥
.
.
.
عند وسن
وسن..أسيد هدا شن
أسيد..شن
وسن..تي أسيد شنو هداااا
أسيد..تي خير فيتك انتِ تعيطي شن هوا اللي شن
وسن..تي صورك هدددددم
أسيد..صور شنو يابنت خيرك
وسن..😂😂😂😂حي حي عليك كيف كككنت😂😂😂😂😂😂ووووووووووه جنااااابي
أسيد جبد منها الصور طول..شن مسسك في خصوصياتي
وسن زادت في ضحك..😂😂😂😂خصوصياتك صار😂😂😂😂😂😂ووووووه عليا بطططني
أسيد طالع من دار..هيا عاد لقت حاجة تشدها هي ووووووه عليا طيحة سودة نودة ع راسي
وسن وقفت تلعلع..سووووودة نوووودة ع راااااسي انييييي رضيت بيك من الهم بسسس رااااهو وانت واخد في روحك مقلب 😂😂لكن قوي اللي مصورك يبي جائزة 😂😂 اقوا حاجة خنانتك في كل صورة مدايرة رقم 11 😂😂😂😂😂
طلع أسيد نازل لحوشهم وهو متعفلق من وسن
.
.
.
عـنـدي انـي فـي لـيل
ركبنا لحوشي وخشينا
محمد..جبت مبكري خضرة وفواكه ولحم وكل شي جبته كان تبي اديري حاجة
اني خشيت طول لدار..بنشوف شن بنلبس غدوا قبل
محمد..باه امـي وخواتي ضموها الشقة مافيش شي ماتعبيش روحك😘
اني..باه
فتحت دولاب وقعدت نشوف
اني..محمد شن بنلبسس😓
محمد..وين نعرف اني😒
اني..مافيش فايدة منك☹
جي محمد وراي من رايي امممممم البسي هدا😉
اني..اممممم ايه قنين❤
محمد..قيسيه
اني..خلي غدوا
محمد..لا توا😍
اني..غدواااا وبنمشي مزين يكون في علمك🙄هدي اولي مناسبة
محمد مبتسم..حاضر وشن تاني؟
انب غطيت وجهي بيديا..عش تشوفلي هكي توتر فيا
محمد ضحك..امباه حاضر
اني..تي شن صارلك انت كله حاضر
محمد..تبي نقولك لا؟
اني..لالا حلو هكي
محمد..باه اني طالع للشباب تو نروح
اني..باهي
طلع محمد واني قعمزت كسدت خديت فوني واتصلت باللي متصلين بيا الايام اللي فاتو
.
.
.
ميسم بخبث..خالد
خالد ارتبك وحط فونه في جيبه..انعم ياعيون خالد انتِ
ميسم..اي ياخلودة خيرك نحس فيك زي اللي مضايق
خالد متوتر..لاااا شي حبيبتي شي 🙂
ميسم..اممممم باه حبيبي بما اننا احني حنعيشو ديما اهني وماتندري ع الدنيا شنو فيها تخيل لو صارتلك حاجة شن حيصير فينا احني
خالد عدل تقعميزته..شنو صاير شن في
ميسم..كذا مرة الحق نحلم بيك ان في شي حيصيرلك😭😭والله ماعارفة شنو حندير اماليك وخوتك مايحبوناش واول مايصيرلك شي طول حياخدو مننا كل شي ماسد كسرتنا فيك ماسد حننكسرو في حياتنا وحق صغارنا حيمشي هباء😭😭
خالد عقد حواجبه..مفهمتش خيرك تفاولي عليا هكي
ميسم خشت في حضنه..مانفاولش عليك اني بس خايفة عليك والله بنموت كل يوم هكي انوض ع حلمة اعي اقل شي اكتب الشقة هدي بإسم صغارنا والا بإسمي هكي نكونو اني وياك مرتاحين لو صارلنا شي انت عارف اهلك كيف يعاملو فينا😭😭😭
خالد قعد يفكر ولقي انه حل مناسب..امممم تو نشوف خلاص اسكتي معش تبكي حبيبتي اششش
ميسم ابتسمت ابتسامة شر..نحبك
خالد..نموت فيك
.
.
.
وسن..أسييييد اسودي
أسيد وهو منتبه للTV يتفرج ع المبارة..ها ها
وسن..تو خيرك دراه انت تتفرج ومخليني بروحي
أسيد..تمم تعالي معاي هي
جت وسن قعمزت جنبه قعمزها في حجره وحط رجليها الزوز بين رجليه وسكر عليها..توا تتفرجي وفمك ساكت ولو قلتي حرف جنبي لصقه حنلصقلك فمك
وسن..يامجررررم نحييييي
أسيد..اسف حبيبتي انت اجبرتيني
خدي لصقة ولصقلها فمها وتكاها ع صدره ووالا يتفرج👏🏻
وسن مصدومة وتشوف وخلاص معش عندها ولا حل😂
.
.
.
تاني يوم كلنا نضنا بكري وكل وحدة فينا ادير في حاجتها ع سريع باش تفضا لروحها طيبت الغدي وكملت وحطيته في سفرة وخشيت نبدل
خش محمد..السلام عليكم
اني..وعليكم السلام هي حمادي تعالى كول باش ترفعني
محمد..تم
اني..صليت؟
محمد..ايه في جامع
اني ابتسمت..ربي يتقبل منك يارب
محمد.. اميين وانتِ؟
اني..الحمدلله اي
محمد..ردي بالك تنسي اللي مقايلك عليه الشيخ
اني..مش ناسية ولا دعاء ولا سورة و لا شي
محمد..ربي يحفظك ليا خلي نفتكو من الشي هدا وحسبي الله ونعم الوكيل فيها وحنعرف كيف ندفعها الثمن
اني حطيت يدي ع يده..ربي يحفظك ليا ويديمك سند ليا ياااااارب
كملنا ماكلة ونضنا طلعنا
محمد..ساعة كم نجيك
اني..تو نتصل بيك مانعرفش لانة
محمد..اوك
اني..حنلبس ونوتي روحي اهني جيب معاك عميمة وانت جاي
محمد..تمام
خشيت ومشي محمد 🚘
.
.
.
فات الوقت وكملنا كلنا وبدلنا وطلعنا مشينا للصالة
خشيت اني وعميمة فاطمة واسينا روحنا ع المراية وبعدها خشينا داخل وقعمزنا كانت الصالة اكتر شي بي عيلة سليم جو خواتي وحناي وسارة قعمزو معانا
وباقي نساوين عمي دارو طاولة اللي جنبنا وقعمزو فيها كانت عيلتنا محدودة
وسن..ميسم خيرك جوك مش ع بعضك نحس فيك
ميسم..لو تعرفي بس
وسن..شن في
ميسم..خالد رجع يخون فيا
وسن حطت يدها ع فمها..هيييي كيف؟؟
ميسم..والله ماني عارفة علاش وكيف معاش عرفته يحبني حق والا يمثل قدامي بدي كل ماناخد فونه يجبده مني جبد وكل مانجي جنبه وفاتح فونه يدسه فهمت ان في شي يومها وهوا راقد خديته وخشيت بيه الحمام ولقيت فيه بلاوي سودة صح بكيت في وقتها بس خلاص معش يهمني زي قبل 🙂
وسن..وشن اللي مقعدك معاه؟؟!
ميسم بإبتسامة شر..تو تعرفي
وسن ابتسمت..لي شنو تخططي يابنت
ميسم..حتعرفي بعدين
وسن..ان شاءالله خير بنوض نرقص اني😍
اني..وسن كتافك بروحهم يرقصو نوضي ارقصي
وسن..تعالي معاي
اني..هي سااارة تعالي معانا عروستنا نبو نشوفوك عاد😍
سارة ابتسمت..حاضر هيا ميسم نوضي
ميسم..لالا برو ماخاطريش
سارة..اوك
مشينا جنب زمزامات وقمناها بالهياجة معاهم
رقصنا وهيجنا كان اكتر يوم نفش فيه غلي من كل شي صار معاي😂
سارة..هيا نقعمزو عييت اني
وسن..هي حي ع امي حي أسيد قالي ترقصي نهارك احرف
سارة..علاش حامل؟
وسن..لالا مافيش اعراض لعند توا
سارة..اهااا معناها هدا زي عمك😂😂
وسن..تي عمي هدا من لما خدي اختفي قوليله قالولك صحيت
سارة..علاش خيره😂😂
وسن..تي لا عاد ينشد ولا عاد يتكلم ولا عاد نمشو غادي نشوفو فيه نهار بيض خديتيه بكل انتِ😂
سارة..🤣😂😂حرام عليك ديما يقول مقصر معاهم لكن الخدمة واخدة كل وقته وحاضر تو نقوله
وسن..وصليله كلامي بالحرف تو يشوف والله زعلت منه
سارة..حاضر حنقوله
اني جيت لحقتهم وقعمزت..ياكلاب خليتوني بروحي
وسن..😂😂والله انت طايحة فيها شطيح شن بنديرولك حني عيينا الحق
اني..ياعيني يا وسن شن الجمال هدا كله بتهبليه اليوم
وسن دارت شعرها للخلف بطريقة عفوية وشبحتلي وغمزتلي..وانتِ شنو يا ماما
اني ضحكت..🤣🤣شورها اموركم مية مية😉
وسن..قداش لينا
اني..باهي طيب فيكم😂
وسن..وانتم
اني..بإذن الله اليوم حتكون مية مية😂😂
وسن..غبارتك زقحة قاعدة زي مامخليينك لليوم يناااااري ع ولد الناس
اني..🤣🤣
وسن..قداش ماتحملك فعلا انك كارتة ويستاهل جائزة ع صبره عليك
اني..تي ماكنتش نحبه او كنت نحبه ومش معترفة لي نفسي اني ماعترفتش لنفسي بحبه قبل لا نعترفله هوا اصلا وبعدها صارت ضروف ومواقف خلتني نعترف غصب عني ان نحبه وهدا اللي صار
وسن..شن صار وشن سبب اختفائك هدا كله !!
اني..تبيلها تقعميزة تعالو عندي مرة تانية ونهدرزو
وسن..لالا بتجو عندي اني😌
اني..🤣باهي ياستي حاضر
وسن..ايواه تو نكلمكم تي هي وينها فرخة ثمارة معش خشت
اني..قالو توا بتخش تصدقي لعند اليوم ماريتاشي البيبي
وسن..اهوا مصوراته
اني..بالحق تراااه😍
قعدت نتفرج ع صور وعيوني قلوب قلوب😍
وسن..ميس ميس اهيا ثمارة بتخش
اني..صح😍هي تعالي نوقفو جنبها
وسن..هي ميسم تعالي
نضنا احني تلاتة ووقفنا نصورو فيها و نشوفولها
ثمارة كانت فرحانة وفرحتها مش سايعتها 👏🏻
كمل اليوم وكان يوم حلو علينا كلنا
.
.
.
تسريع للأحداااث👀
ثمارة بدت حياتها احلا واحلا بوجود ولدها يزن و اما سليم فكان فرحان بيهم❤
وسن عرفت انها حامل وأسيد حنشوفو ردت فعله شنو!!
اني مشت حياتي حلوة و محمد كان معاي في كل خطوة وبديت نقرا في اخر سيم اللي معش يبي يتم💔
ميسم كانت تخطط وتنفد وكل خططها تمشي زي ماتبي بزبط💪🏻 وحنشوفو شن حيصير💗
.
عند ميسم..خلودة شن صار في اللي قتلك عليه
خالد..كتبت الحوش بإسمك وهدم الاوراق وكل شي وهكي بإذن الله مش حيقدر حد يطق جيهتكم🙄
ميسم..ياروحي احسن مادرت😢
خالد رن فونه ارتبك وقت شاف المتصل وسكر طول..ءء اني توا بنطلع ماتستنينيش ع الغدي تمام؟
ميسم..اصلا من امتى قعدت تتغدى معانا بديت ديما هكي تغيرت انت بكل
خالد قرب وحط يديه ع خدودها..اسف غير شغل بس
وطلع خالد وهو مش فاهم نفسه شن يدير او شن اللي يبيه بس اللي متأكد منه انه مايقدرش يعيش منغير بنات💁
ميسم ابتسمت..هه توا يا خالد نبدالك في المرحلة التانية😉مش اني اللي ينضحك عليها😈
.
.
.
عند وسن..أسييد
أسيد..نعم
وسن..بنقولك خبر حلوووو😍😍
أسيد شد يديها..قولي😍
وسن حطت عيونها في عيونه وقلبها يرف..أسيد اني حامل❤
أسيد..شنوو؟؟؟
وسن استغربت..خيرك! قتلك اني حامل😍بعد 9شهور حنجيبلك احلا بيبي❤
أسيد وقف وطلع طول
وسن نزلت تجري..أسيييد أسييييد خيرررك!!!😭😭😭
قعمزت وسن في دروج وهيا تبكي خيبة امل صابتها كبيرة كانت متوقعة بأنه يفرح او حتى يبادلها بنفس شعور
جتها سميرة عزوزتها..وسسسن شن فيي خيرك تبكس بنيتي بسم الله عليك خيرك
وسن..مافرحش ياعميمة مافرحش😭😭
سميرة عقدت حواجبها..شنو من اللي مافرحش وشن في اصلا؟؟
وسن..اني حااامل😭وهوا مافرحش اول ماقتله عقد حواجبه وطلع يجري علاش خيره مايبيش صغار مني والا شنو مفهمتش علاش هكي دار😭😭😭
سميرة وقفت وبعدت يديها من عليها وعقدت حواجبها..انتِ قلتي حامل!!
وسن..ايه حامللل
سميرة..توا تركبي لحوشك ومعش نبي نشوف وجهك لين يجيك راجلك بسررررعة
وسن..شن في خيرككككم
سميرة..قتلللك اركبييي
اما اماني حاطة يدها ع فمها وتشوف لوسن ومصدومة
ركبت وسن وهي مصدومة من تصرفاتهم الغريبة!!!
قعمزت ع الكنبة وهي تبكي بحرقة💔💔
.
.
.
اني..ايوا حمادي هيا كملت اني وين انت!!؟
محمد..في مكتبي تعالي
سكرت منه وطلعت من القاعة مشيتله خشيتله وسكرت الباب وراي
محمد..حبيبي كملتي؟
اني..ايه كملت هي مزال؟
محمد..نكمل الاوراق هدم بسس ونطلعو هي
اني..تمام
قعمزت ع الكرسي ونتفرج عليه
لين ماخشت ...#يتبع
.
.
.
ان شاءالله تكون نالت اعجاااابكم
😍🔥وتوقعااااتكم شن حيصيير وقولوا رايكم😍😘 #حنو