مشاعر💔 ( روايات ليبية )

حلقة 4🔥

رواية #مشاعر 🌷
( خيال ممزوج بلواقع )
للكاتبة : #حنو
الرواية بلهجة الليبية
حلقة  4 🔥
.
.
مشت وخشت لحوشهم
ماما..وينهاااا
وسن..قالت مانيش جاية
ماما..تو نمشيلها انييييي
وسن شدتها من يدها..خلاص يكفيك خلاااص دمرتينا كرهتينا في عيشتنا كرهنا حياتنا بسببك وبسبب كل انانيتك خلاااااص كاااااافي بجدددد يكفي كل شي صارلنا من تحت راسك انتِ وولدك ياريتك انتِ الي متي مش بوي ياريتتتتت لو كان بوي عايش ماكنتيش اديري هدا كلللله حسبي الله ونعم الوكيل فيك وفي ولدك الي دمرتولنا حياتنا تبو الحوش يفضالكم باش اديروه شن تبو وله انتم ناس حرايمية وماتنفعو مليم ياعصاااابة
ويجيها كف رياحي من امها
وسن..هه شوق ماضربتي فيا خلاص معش نحس
ومشت ركبت تجري وقررت انها توافق ع الي جاها مرات تتخلص من العذاب الي هيا فيه وممكن ان ربي بعتهولها باش تتخلص من الي هما مدايرينه فيها واشارة من ربي انها ارتاحت وقت صلت
.
.
.
خالد..توا تمشي تخطبيلي
امه..باهي قتلك حاضر وين بتحطها
خالد..في حوشي😌
امه..ومرتك وصغارك
خالد..بنطلقها
امه..هيييي وصغارك
خالد..يصير خير
امه..والله لما نجيبهالك بنت سيدهمم تي اما ميسم هدي والله لما نجيبهالك ملكة جمال وفلاحة ونظافة تقيمك وتقيمني تراه فكنا منهم عيلة شرشوحة من الاول مانبيهاش اني انت الي علقت فيها
خالد..الي صار صار توا وريني فلاحتك وجيبيلي وحدة
امه..ساهلة ساهلة هدي
اتصلت الام بي بنتها واتفقو انهم يمشو يخطبوله البنت الي في بالهم
جت اخت خالد وهي متشمتة في ميسم
روان..وينها😊
خالد..عند اماليها
روان..قصدك بطلقها؟
خالد..ايه امالا بعد الي صار تبي نخليها؟
روان..غبي كانك طلقتها
امه..شن تبيه يدير امالا يمشي يردها ولا كأن صارت حاجة
روان..يس هدا الي المفروض يصير
خالد تفكر كلام هيثم وولا شافلها..لالالا مش حنردها
روان..ياغبي افهمني ردها ودير روحك نادم وتزوج عليها وهيا حاضرة خليها تنحرق وتتفتفت هكي وبعدين كل مرة ديرلها شي اسحنلها كبدها بالطرف واماليها امنعها عليهم
خالد يفكر..اممممم
امه..ايه نبي نطلع من كبدها طريحة الي عطاهالك عمها
خالد..تم خليها هكي اسبوع وبعدها نردها
روان..ايواااه
امه..هي نوضي نمشو للناس راه يستنو فينا
خالد..تي مسرع
امه..بنخطبلك بنت خالتك😊
خالد..اين منهم لالا اخطي العيلة مانبيش
امه..بنت خالك حواء وكيف ماتبيش من العيلة
خالد..اني هكي قلت من العيلة لاااا والف لااا
امه..شن بنقول لخالتك توا
خالد..انتِ شن قلتيلها
امه..قتلها بنجوكم بنهدرزو وبنفتح معاك موضوع
خالد..افتحيلها اين موضوع المهم انسي انك تخطبي من العيلة
امه..به به
روان..اهي بنت سلفي ماشاءالله عليها
خالد..قلنا حد نعرفوه لا
روان..باه تو نشوفلك اني ساهل
خالد..ايواه
مشو روان وامها لحوش خالتهم وخالد متكي ويفكر كيف بينتقم من ميسم
.
.
.
ميسم..عمي
هيثم..انعم
ميسم..نبي نطلق
هيثم..كيف
ميسم..ايه مانبيش نرجعله اني عارفاته حيبهدلني اكتر من الاول وسمعت انه بيخطب
هيثم..هكي قولك؟
ميسم..ايه
هيثم..وصغارك تقدريهم بروحك؟ والي في بطنك؟؟راجعي نفسك يا ميسم اني حوشنا مفتوح ليك لكن الطلاق مش ساهل
ميسم..ان شاءالله خير
هيثم..ونقولك خليها تجي منه احسن شي باش تاخدي الي فوقه والي تحته
ميسم..مانبي منه شي نبيه يحررني منه بسسس
هيثم..حيصير الي تبيه لو معش فيه فايدة
ميسم..تمام
خشت ميسم طيبت الغدي مع حناي ودارت حجات تانية معاه وروح بيا اني عمي خشيت شميت ريحة الغدي
اني..الله اليوم شن صاير
عبدو..ميسوووو
جاني يجري تغمرني وركبته في غمري..ياعيون ميسو انت
عبدو..تاااحستك
اني ابتسمت..حتى اني ياقلبي
خشيت بيه للمطبخ لقيتهم يوتو في الغدي وبيحطوه
هيثم خش وحاط يده ع بطنه..هيا جيعان بنموت
حناي..بعيد السو عليه وليدي اهو ميسم بتحطه اني خلي نمشي نصلي
اني..هي نبدل ونصلي ونجي نعاونها
ميسم..لالا عادي متعودة برو انتم تكملو تلقوه واتي
وفعلا مشيت اني وحناي كملنا جينا لقيناه واتي وهيثم يشوفلها ومش فاهم شن الي مخلي خالد يدير فيها هكي وهيا كل المهارات عندها !!!
ميسم تلفتت لقت عمها سارح فيها..عميي هيا قعمز
هيثم..ااه هي
قعمز هيثم وجينا احني لقيناها موتية كل شي قعمزنا وتغدينا مع بعض
حناي..تعبناك يابنيتي
ميسم..عادي ياحنينة ع الاقل انتم تستاهلوه تعبي خير من التانيين
حناي..ربي يحفظك ويفكك شرهم
اني..امين يارب عبدو حبيبي انت
عبدو..حويلة حبت ني
اني..حتى اني ياقلبي
هيثم..بدو في فقرة العشق
اني..ههههههه
حناي..يا ميسو
اني..نعم
حناي..احتماال يجونا ناس اليوم
اني..كيف
حناي..خطابة يعني
اني..حناي شن قلنا احني نكمل قرايتي بعدها ساهل
حناي..لأمتى بيستنو
ميسم..منو هدم
هيثم..صاحبي
ميسم شافتلي مبتسمة..وشن خاصك كان طحتي في صاحب عمي😉
هيثم..قوليلها قولي وهي مسكرة دماغها زي العبد
اني بنفاد صبر وقلة حيلة..يسهل ربي
كملت غدي ونضت اني وعبدو رفعته غسلتله فمه ويديه وقعدت نلعب فيه لين رقد وقعمزت نقرا وميسم وحناي وبناتها مقعمزين في جنان يهدرزو ويضحكو ونزلو نساوين عمي ونسمع فيهم ضحك وجو واني مقعمزة نقرا شوية ونسمع في ميسم تقول تفضلو تفضلو انستونا
خبطت اني ع راسي واذكرت ان في حد جاينا وهما ماوقضونيش نضت نجري درت دوش ع سريع درت شعري بسرعة كعكة وشفت قفطان حلو لبسته و ولبست اكسسواراتي ودرت من بارفاني وطلعت لي اماليه💔تمنيتهم امالي عبدو جاييني يخطبو فيا الله غالب هكي ربي رايد
خشيت لقيت نساوين عمي مقعمزين في صالون وكانت امه واخته مقعمزين جنب حناي وتهدرز عليهم خشيت بالقهوة ويديا يرجفو شوية
اني..تفضلي
امه..الله يفضل عليك الله يبارك😊
اني..تسلمي تفضلي
اخته..الله يفضل عليك😊
حطيت سفرة ع طاولة وقعمزت وكنت خاااايفة شعور هدا ماينوصفش ولو كانت معاي ماما لكنت واثقة من نفسي ومطمنة
لاحظت امه ادور ع امي بس ماتكلمتش
امه..مواليد كم انتِ
اني ابتسمت..93
اخته استغربت..قاعدة تقري!!
اني..ماهو كنت موقفة الحق وتوا وليت الحمدلله وهوا سيمسترين بس قعدولي
اخته..اهااا ايه ربي يوفقك ان شاءالله
امه..ياحنة وليدي دكتور في الجامعة اسمه محمد مواليد الـ 89 ويكون صاحب عمك هيثم من هما وصغار ربي يحفظهم و انتِ تعرفيه
اني تشرعو عيوني فيها كيف قالت دكتور وفي جامعة مايكونش نفسه دكتورنا!!
اخته فهمت اسئلة الي في راسي..دكتور يقري فيك مع العلم😊
اني زادت صدمتي..ااه اممم اي
قعدت شوية ونضت طلعت واني صدمة مالية وجهي معقولة دكتورنا الي كل يوم نشوف فيه يطلع هوا الي خخطبني؟؟واني نقول علاش يشوفلي هكي وعلاش يسئل فيا اكتر وحدة وعلاش مركز عليا اني بس وتاريته مغرم بيا😳
قعمزت في المطبخ خش عليا هيثم
هيثم مبتسم..شن صار
اني..علاش ماقتليش هوا نفسه دكتوري الي يقري فيا
هيثم..علاش بنقولك؟ قلت لو صار نصيب تو تعرفه وكنهدا ماعندي علاش قايلك
اني..تي باهي به
هيثم..ايه شن صار
اني..صار الي تبوه شن صار؟؟
هيثم قعمز مقابلني وسكر باب المطبخ..ياعمي افهميني مانبي كان مصلحتك اني ومانبيلك كان الخير راهو عبدو خلاص مات وشبع موت وغلط الي اديري فيه هكي مع ربي حرام ادعيله بالرحمة وهو اكيد فرحان انك بتبدي في حياة جديدة انسي الماضي مانقولكش انسي عبدو لكن انسي الماضي وذكريات وابدي صفحة جديدة حلوة والله صاحبي ونعرفه وماتلقي خير منه يا ميس
اني..ان شاءالله خير😔
هيثم..باه هي اطلعي معاي
اني..وين
هيثم..الراجل يستنى فينا برا في المربوعة هيا
اني..بس كيف
هيثم..تي هيا يابنت بلا تسكير راس وتشحوير
اني تنهدت وقمت السفرة ورفعتها وطلعت وراه
خشينا للمربوعة وكنت نرعش وخايفة هلبااااا كانت ريحة بارفانه معبية المكان زدت خفت شوية وتقدمت وعطيته القهوة وقعمزت جنب عمي
هيثم..احم ايه كيف حالكم
محمد..😂باه ممكن لو سمحت يعني تخلينا بروحنا استاذ هيثم😏
هيثم..الصبر وخلاص تمام
شافلي هيثم كيف مكبشة في يده وشوشلي..مش هارب راهو شوية وراجع
رخيته وطلع واني قعدت مقعمزة قابضة يديا في الكنبة و عيوني لوطة وخايفة
محمد وبصوته الرجولي..احم ميس
اني مش قادرة حتى ننطق خايفة وبس
محمد..ميس خيرك اشبحيلي
اني قمت راسي وشفتله وبصوت متقطع..نعم
محمد ابتسم..ماشاءالله عليك
اني..شكرا
محمد..ارخي روحك خيرك خايفة
اني..ءء شي
محمد..عموماً عرفتيني اني دكتورك
اني..ايه قالي هيثم
محمد..به توا اني مش دكتورك يعني خيرك خايفة مني نحي الجانب متع الدراسة ع جنب وخلينا في المهم
اني..اوك دكتور
محمد..هههههههه محمد اسمي محمد مش دكتور خليها في جامعة هديكا بس
شفتله كيف يبتسم فترشلي قلبي❤
اني ابتسمت..به
محمد..اوك يا ميس اني محمد مواليد 89 نخدم دكتور في جامعة وقاري برا و نحب شغلي هلبا هدا اول شي تاني شي الحق اني نبيك كيف ما لقيتك ومانبيش نشرط او نغير فيك شي هدي شخصيتك وانتِ حرة فيها لكن شي واحد بسس وقوف ع ولاد في الكلية مانبيشي تماام؟والباقي ماعندي مانقول فيك صراحة ويشهد عليا الله انك بنت خلوقة ومتأذبة وبارك الله في البطن الي جاباتك الحق ينقال راقبتك كذا مرة في الكلية و شفتك كذا مرة غير الحاجة الوحيدة بس الي قتلك عليها انك تكلمي ولد ان شاءالله حتى ع ابصر شنو يبي منك كراسة يبي منك شيت الي هيا فوتيها الله يربحك نشبح فيهم كيف يتحججو بي شيتات واوراق وكذا مرة لين قريب نهبل ونهدي في روحي بروحي
اني..صراحة مش بقصد غير مانحبش نكسر بخاطر حد ولما يطلبو مني في مذكراتي الي نكتب فيهم في المحاضرات او شيتاتي يصورو منهم مانقولش لا نعتبر فيها مساعدة ونكسب فيهم اجر بس
محمد..اكسبي فيا اني الاجر ومعش تخلي حد يوقف عليك
اني..ههههههه به ان شاءالله خير
اني عجبني احترامه ليا واسلوبه معاي لدرجة انه مش من الناس الي تتأمر من اول ماتخشيله وهوا يتأمر عليك تقول جاي بيشري وبيطلع يركبك كيف مايبي ويمشي لالا حسيته مختلف
محمد..ايه وين رحتي ماتبيش تعرفينا عن نفسك
اني..اااه ايه اني ميس مواليد93 كنت موقفة قراية بسبب خوي وهكي من بعد وفاة بابا معش مشيت بكل والحمدلله عمي رجعني لقرايتي وحياتي الاولى و ايه صاحبات ماعنديش الا وحدة ومسافرة معش جت اهني وحتى اتصالات معاها مش هلبا و بديت عايشة عند حناي اهني لظروف خاصة و شن تاني تبي تعرف وهوا هدا ايه واني مدللة بابا الله يرحمه
محمد ابتسم..ومدللتي اني ان شاءالله ❤
اني ابتسمت وسكتت
خش علينا هيثم وقعد يصفق..هيا يا خونا عطلت راك شن هدا تقول تحكي في قصة حياتك
محمد غمزلي وشافله..ماينملش من الهدرزة الصراحة
هيثم فنص فيا..وقدامي عليك صحة وجه من قالك بنعطيك بنتنا اني قاعد نفكر
اني نضت وطلعت طول وكانو خدودي موردين وحاسة براحة كبييييرة في قلبي💕
طلعو الناس وروحو
وقعدو نساوين عمي يهدرزو
اني..مرت عمي وين شمس و قمر (بنات عمي توامة)
مرت عمي..يقرو ماعاد طلعولي من دار يابنيتي شن هدا
اني..هدا الطب يامرت عمي ربي يوفقهم ان شاءالله وتشوفيهم دكتورات
مرت عمي..ان شاءالله يارب ويوفقك في قرايتك حتى انتِ ونشوفوك عروسة
اني ابتسمت..امين
حناي..شنو يا ميس شن قررتي
اني تحشمت..حناي عاد
مرت عمي..خليها يا عمتي يومين هكي تصلي وتفكر وبعدها تجاوبك
اني..انقدتيني ههههههه
خشت ميسم بالفواكه وقعمزت تقرض وتعطي فينا
ميسم..الصراحة عيلتهم عجبتني
مرت عمي..ايه امه واخته ماشاءالله عليهم
ميسم شبحتلي..حتى الولد ماشاءالله عليه
اني نقشر في الليم..إلتهيي بي بنتك تراه
قعدو يضحكو عليا كيف متحشمة من الموضوع