مشاعر💔 ( روايات ليبية )

حلقة 14🔥

رواية #مشاعر 🌷
( خيال ممزوج بلواقع )
للكاتبة : #حنو
الرواية بلهجة الليبية
حلقة  14🔥
.
.
منى..أيووب وليدي
أيوب..شن في من وراك
منى..ميس
ايوب..اففف خيرها
منى..فكرت ان نمشي لوحدة نعرفها ونسحروها انت عارف ان عندنا ليها حوايج اهني وعندي صورها
أيوب..لالا فكينا منه جو هوا🙄عندي خطة قاعد نخطط فيها مزال الوقت على تنفيدها😌
منى ابتسمت بخبث..كان هكي باهي
أيوب..تسلفتي منها فدوة؟
منى..ايه ماتخافش قدرت ناخدها باللسان ودرت روحي يناري عليا باش صدقتني وكتبتلي شيك
أيوب..مية مية😈
خشت منى لدارها..والله لما نخلي حياتها جحيم ولما نديرهولها السحر مش حنستناه اني عارفاته قلبه حان لخواته😒
.
.
.
عندي انـي
بعد ماطاب الغدي نزلتلهم منه وركبت نجري من دروج وخشيت شقتي وسكرتها وقعدت نحط في الغدي لاني شفت محمد خاش بسيارته للحوش
ستفته ع طاولة وخشيت بدلت حوايجي و طلعت ع صوت فتحته للباب
محمد..ميس
اني قلبي دق وقت سمعت اسمي..نعم
محمد تلخبط وماعرفش شن يقول وقت شافها لابسة ومتأنقة وعيونها اللي يسحرو فيه كل ماتجي عينه في عينها❤ حط يده ع رقبته من تالي وقعد يشوفلها
اني..ءءءتتغدييت؟؟
محمد..اااه اا لا😊جيعان تعرفي
اني..باه هيا خش صلي الظهر وتعالى
محمد..صليتي!؟
اني..ايه😊
محمد..تمام شن درتي الغدي
اني..هي صلي وتعالى شوف بروحك
خش محمد واني واسيت الطاولة وصورتها نشوفلها بكل حب😂
شوية وجي محمد
محمد..احم شن مدايرة مرتي!؟
اني جسمي كله قشعر وقلبي قعد يدق وجهي احمر معقولة من كلمة يا ميس هكي صارلك افففف لااا نبيش هكي اني😔
محمد..وين سرحتي هيا قعمزي مش حنستناك راه اليوم تعبت هلبا في الخدمة ومافيش وقت قعمزت فيه ناكل حاجة كله ورا بعضه
اني..اااه لا شي اهو قعمزت
بدينا ناكلو وهو كان ياكل بشراهة وحسيت ان عجبه قعدت نشوفله وفتت الماكلة وكان ياكل ومش منتبهلي وقت كمل شافلي
محمد..خيرك تشوفي كولي
اني..اااه شي شي الحمدلله شبعت
محمد..ايه حتى اني الحمدلله
اني..صحتين
محمد..سلمك من مدايره !؟ اكيد امي بعتاته والا وحدة من نساوين عمامي😊انتِ واضح عليك بايرة ومش متع تطييب
اني شفتله قريب لبستله الصونية فوق راسه
محمد..اسمعيني اهني من اليوم معش نبي شي من حد اني علاش متجوز مدامك ماطيبيش وماديري في شي ابدي طيبي خلاص ليك شهر تاكلي من برا ساد🙂
اني حطيت صواني ع طاولة وشفتله بتحدي..اولا انت مش متجوز شغالة تانياً الغدي هدا طيـ...
طق طق طق
محمد ناض وفاتني..هيا جاي
اني..كان مش عيب توا نلوح عليك صواني كلهم😒
رفعتهم للمطبخ وغسلتهم
محمد..اووو قيس
قيس..شن تزوجت خلاص انت معش نشوف فيك🙂
محمد..تي غير خش خش اهو جايك
قيس..تم
خش قيس للصالون وجاني اني محمد
محمد..ديري قهوة قيس عندنا في صالون
اني..وهدا شني زي لصقة هو😑
محمد..شني!؟
اني..قتلك باهي
محمد..تم تعرفي اديريها والا !!؟
اني تلفتتله وعيوني نار..محمممممد نعرف ندير اني والغدي انـ...
محمد..اسسس اسسس شن تسمعي في صوتك والا شني احترمي نفسك ونقصي صوتك معش تعليه😒 وهيا القهوة نبيها توا
اني..حسبي الله وخلاص😤
طيبت القهوة وحطيت معاها بسبوسة اللي درتها وناديته
اني..محمممد
محمد..هيا جيت
جي خدي سفرة وقبل لا يتكلم تلفتت طول وخشيت مطبخ لاني ماخاطريش في دوته تقول عنده انفصال في شخصية كل مرة بشكل 😒
قيس..ماشاءالله بنتها البسبوسة مبدعة فيها مرتك
محمد..كول وضم فمك😒
قيس..اول مرة نجيك في حوشك اعتبرني ضيف الزفت
محمد..مش قادر نعتبرك
قيس..كيف متحملاتك بنت الناس بس
محمد..شن دخلك انت🙂
قيس..تافه من يومك عموما امتى بتنفده التحدي😂
محمد..تحدي شني
قيس..مش ابراهيم ويوسف تحدوك وانت خسرت وطلبو منك طلب امتى بتنفده
محمد..اففففف توا تاكها معاها احتمال كان نقوللها تحطلنا سم في مكرونة ونموتو كلنا😂
قيس..😂😂 لالا نعرفها كنة عمي طيبة
محمد..والله ماعارف ومشكلة هما ليلة كلموني قالولي الليلة بنجو وبناكلوها
قيس..😂😂😂😂حي علمك اسمع اني مش واكل باش نسعفكم
محمد..اسكتلي تراه تعاركت معاها توا اني
قيس..علاش
محمد..قتلها تبدا اطيب في الحوش توا الغدي اشبح من باعته خلي اطيب تراه شن مش ديما امي تبعتلي
قيس..حي ع ام الحمار حي
محمد..خيرك
قيس..تي مرتك هيا اللي طيباته
محمد..شنوو ومنين عرفت انت !!
قيس..تلاقيت معاها وهيا نازلة عطت لأمك وركبت
محمد ضرب وجهه بيده..حي حي ع العملللة
قيس..😂😂😂حمار ديما نقولك راسك ميت فيه ديناصور
محمد..اقلب وجهك نوض ياكلب نوض
قيس..تي ياحيوان قول لمرتك غداك قعد في خاطري مرة تانية قوللها تحسبنا
محمد..برا تزوج شن جايبها باش اطيبلكم اني اووو امشي نوض خلي نخش نعرف كيف نرطب الامور
قيس..اشكرني باهي لولاي راهو ماكنتش عرفت
محمد..تفووه نوووض
قيس اصبر بنرفع معاي صونية البسبوسة حرام نخليها تتلوح
محمد..تي ارفع معاك دنيا كلها غير نوضلي
ناض قيس وطلع وفي يده صونية البسبوسة وياكل ويضحك ومعبي فمه خش شقته اللي مقابلتنا وسكرها برجله
.
.
محمد..ءء ميس
اني نضم في المطبخ..هممم😑
محمد يطربق في صوابعه ومشعارف باش يبدا يتأسف والا يمشي الموضوع ويقوللها ديري مكرونة في العشي للأولاد والا يسكت والا شنو!!!
محمد..هوا وله صحيتي ع الغدي ماشاءالله سلم يدياتك
اني..😏
محمد..ماكنتش نعرف ان انتِ اللي مدايرتيه لانة وقت خشيت حوشنا لقيتهم يتغدو قلت ان امي مدايراته وباعتتلك
اني..باه 😒
محمد..سامحتيني
اني..وعلاش بنزعل منك يعني ع اساس مهم يعني عادي ماهو ديما ادير فيها
محمد..مية مية
طلع من مطبخ وخش للدار رقد ونسي يقولي ع العشي
.
.
.
عند وسـن
نازلة لي حوش عزوزتها بتكسد معاهم
وسن..عميمة كيف حالك
سميرة كانت عاطية بالظهر تلفتت بإبتسامة..اهلا اهلا الحمدلله يابنيتي كيف حالك انتِ؟
وسن..الحمدلله بخير وين اماني
سميرة..مهناش في الجامعة
وسن..اها تبي نساعدك في حاجة؟
سميرة..ديري حويجة حلوة نقعمزو نشربو بيها شويهية
وسن ابتسمت..من عيوني تو نركب ندير وننزلك هي
سميرة..حتى هدا اعتبريه حويشك وديري شن تبي بنيتي
وسن..حاضر بس مانعرفش وين حجاتكم
سميرة..تو انطلعلك اني هي شن بديري!؟
وسن..هاتي ندير سينابون
سميرة..😍😍غالي عليا ديريه
وسن..حاضر
وبدو يديرو مع بعض وكانت وسن فرحانة ان حياتها تعدلت وأسيد يحبها و امه كانت معتبرتها وحدة من بناتها كانت فرحتها مش سايعتها💓
خش أسيد للحوش لقي امه مقعمزة تتفرج
أسيد..يما كيف حالك
سميرة..الحمدلله وليدي وانت
أسيد..الحمدلله
سميرة..وين اختك
أسيد..حطيتها عند حوش خالتي يبوها البنات اتصلو بيها واحني في طريق
سميرة..اهاا باهي تكسد معاهم هي اليوم اخر يوم امتحانات
أسيد..ايه هدا باش قلت حتى تغير جوها
سميرة..باه
أسيد..من في في المطبخ ! صوت اماعين
سميرة ابتسمت..بنيتي في المطبخ😊
أسيد..نخش عادي مش غريب!
سميرة..تي مرتك يا دماغ خيرك
أسيد..وين نندري اني
سميرة..اني مشعارفة كيف بنت الناس متحملاتك بغبائك هدا
أسيد ناض خش للمطبخ لقي وسن لاهية
أسيد..حبيبي
وسن قامت راسها بعفوية..امتتتى جييت😍
أسيد..توا شن اديري
وسن..سينابون عميمة خاطرها فيه
أسيد قدم وباسها ع جبينها..سلمهالي الحنينة ياربي❤
وسن ابتسمت..سلمك
أسيد..اني راكب تكملي الحقيني حطيلي غدي
وسن..حط بروحك بلا تعب بنقعد راكبة نازلة😒
أسيد..بلا طولة لسان يافرخة نستنى فيك
وسن..مدامك قلت يافرخة ماني راكبتلك هي
أسيد..بتركبي رجلك فوق راسك
وسن اطربقت ضحك عليه..😂😂😂😂تي غير قوله صح انت
أسيد..اللي هوا المهم بتركبي
وسن..😛😛ادوي للصبح مش راكبة حط غداك بروحك
سميرة من وسط الحوش..خلي البنت في حالها يا اسيد
أسيد طلع..يما مادرتلها شي اني خيرك
طلعت وسن ودارت روحها بتبكي..يا عميمة راهو مش مخليني ندير ع حالي ويقولي اركبي😢🤧
سميرة..هدا اللي ناقص والله تبكيهالي امشي اركب انتلف مافيك فايدة خلي البنت في حالها تراه
أسيد شافلها وفنص فيها وركب طول
خشت وسن وهيا تضحك عليه كملت اللي ادير فيه وحطاته وقعمزت هيا وسميرة يهدرزو
.
.
.
عند يوسف..هيا شنو كيف طالع اني راه
ابراهيم..نتلاقو عنده ماتخطمش عليا عندي مشوار وجاي بعدها يوسف..مية مية اسمع
ابراهيم..ها يهمي هااا اختصر مش فاضيلك
يوسف..في طرف توا قدامي قولي شن نقوللها مانعرفش نعاكس ياهمي😣اخر وحدة عاكستها عطتني كف يالاه قتلها مساء العنبر ممكن النمبر
ابراهيم..تعرف ان اني واحد فاضي نسمعلك تي اقلب وجهك هدا ماناقصني
سكر ابراهيم في وجهه وهو متكنطي من تفاهته
يوسف..افففف ياربي يقولو الصديق وقت الضيق واني لا لقيت لا صديق لا هم واضح البنت ماتتعوضش شن نقوللها بس خلي نخطم من جنبها والكلمة اللي تطلع تطلع
خطم يوسف من جنبها شافلها غمزلها لفتت وجهها عليه جي جنبها وهيا تمشي..محلاك يا حليب حكاك😍
البنت..ووووووووه عليا يتحررش فييا زودوووولي ووووووووووه عليااااا يانااااس
يوسف..تي ضمي فمك اسكتتتي فضحتييني ياهمي الاغبر اسكتتي
البنت..ياووووووووووووه علياااااااااا تعالوووولللي
يوسف..ماطيحني في الهم اسسس اسسسس
هرب يوسف يجري والاولاد جرته ركب سيارة وسطرب عليهم ومشي
يوسف..اني مزال نعاكس بنت انيييي؟!؟توبة ياربي تووووبة
.
.
.
ناض محمد مع المغرب مخلوع
اني كنت مقعمزة نقرا في كتاب والحوش هدوء..خيرك شن في كنت تحلم!!
محمد..لالا وقت بس
اني بإستغراب..وقت على شنو!؟
محمد..حي علمها نسيت نقوللللك
اني..شنوو
محمد..تو نقولك
خش جري للحمام دوش وطلع صلى المغرب وجي لقاني ندير في شعري وبنلبس الوشاح
محمد..وين ماشية!؟
اني..كساد بننزل لوطة قالو ملتمين
محمد..غير اسمعيني قتلك اني اليوم عازم صحابي وهما توا قريب يوصلو ديري مبكبكة ماتعبيش روحك تشاو
طلع وسكر الباب وراه قبل مانعيط
اني..محمممممممممممممممممممممممد
قيس كان كيف طالع من حوشه وقابله محمد
قيس..هدا شنووو
محمد..اهرب وانفد بجلدك😂😂قتلها عازم صحابي
نزلو يتجارو من الدروج
فتحت الباب مالقيت حد صلفقته لين قريب قلعته
محمد..بنبات عندك اليوم
قيس..قتلك اني مش واكل معاكم 😂😂😂
محمد..🤣🤣🤣
نحيت الوشاح ونفكر شن بنحط شن بندير هدي اول مرة يجو فيها وكيف هوا الغبي مايقوليش ياربي شن هالمصيبة اللي طحت فيها
خشيت مطبخ وبديت نطيب والله لما ندير مبكبكة العتب عليه هوا اللي ماقاليش وحنديرهالهم حارة سم تقطع المصارين باش معش يقولو بنجو الفلاحة مش باهية😠حطيتها ع نار واني نهزب ونغلي غلي عليه و قعدت نحوس في المطبخ اذكرت كلام حناي وكيف تقولي ان مانخلي حد يدوي عليا والا يقول عليا ماتعرف ادير شي
قعمزت اتصلت بميسم
اني..الو ميسم
ميسم..ايوا شن جو
اني..فوتي توا بعدين نحكو غير توا نبيك تنقديني شن ندددير😭
ميسم..شن فييي
اني..تي الحيوان عازم صحابه ع العشي وهدا وين قالي
ميسم..حيييييي كيف بتلحقي
اني..قوليلي كيف ندير معش فهمت حطيت مبكبكة ع نار وخلاص
ميسم..لاااااااا ياغبية هدي اول مرة واكيد عيلته حيعرفو وبيقولو شن درتي شن بتقولي
اني..ومالي وماله هوا قالي امخر
ميسم..اسمعيني اهو نقولك حجات سريعة وكلمي حماتك الصغيرة تجي تساعدك
اني..باهي تو نكلمها قوليلي شن ندير😭
ميسم..ماتوتريش روحك حتى خالد هكي يديرلي ع غفلة لكن بسرعتك تقدري اديري كل شي
وبدت تعطي فيا في طاقة وحماس وقررت ندير بروحي ومش منادية ع حد شفت ساعة وبديت نطيب
اذكرت ان لازم نحطلهم ضيافة وقلت مش حنلحق هكي
اني..الو سلافة
سلافة..تي ايوا شن جو
اني..كويس نبيك فوق اركبيلي
سلافة ناضت وطلعت رصت ع الاصانصير..كيف صار مش بتجي تنزلي تسئل عليك حناي
اني..غير اركبيلي تو تفهمي كل شي
سلافة..هيا راكبة هي
طلعت فتحت الباب خليته مردود ووليت للي ندير فيه ولغيت المبكبكة فتتها وبديت ندير في بيتزا وحجات تانية حارة وكانت في دجاجة طلعتها نظفتها و تبلتها وحطيتها في كوشة ودرت رز بلاو وكل شوية يدي في حاجة وندعي ربي يسترني
خشت سلافة وسكرت الباب..ميييس وينك
اني..في مطببخ تعااالي
خشت سلافة ولقت المطبخ خاش بعضه واني معاه😂
سلافة..هيييي شن هداااا
اني..هدا خوك اللي مشعارفة شن بيقول عليه فمي توا
سلافة..خيره
اني..عازم صحابه وهدا وين قالي
سلافة حطت يدها ع فمه..ووووووه عليييك
اني..ريتي حظي غير اسمعي توا نبيك تحطي العصير وشكلاطة
سلافة نحت وشاحها وجاكيتها وقامت كمامها وبدت ادير في اللي قتلها علي وخلطت نسكافيه باش بعدين تحطه طول وتساعد فيا مرة مرة
اتصل محمد..جو راه نجي ناخد العصير!
اني😠..تعالى خود سمسام انت وياهم
محمد سكر وقعد يضحك
يوسف..الله غالب ماقعدت غير اني جفاف ضربني
قيس..واني معاك وسيفة
يوسف..تعرف اليوم طلعت من طريحة
قيس وهو ياكل في بطاطة ليز..كيف صار
يوسف خدي منه وياكل ويتكلم..درت روحي بنعاكس بنت تي طرف قمر يا راجل قتلها محلاك ياحليب حكاك طاحت عياطات في شارع طلعتني نتحرش فيها
قيس شرق بالبطاطة وهو يضحك وجهه والا احمر
يوسف..اياه علينا عاد حتى انت بتموت لمن بنشكي همي اني لمنننو
خش ابراهيم..تي اعطي الراجل اميا مشي فيها
صبله ابراهيم الميا وشربهاله
قيس..خودوه صاحبكم هدا معش تخلوه جنبي😂😂😂
يوسف..توا اني نشكيله في همي شن قلتله الهم
.
.
.
محمد خش للحوش
سلافة..هاك
محمد..وين ميس!!؟؟؟
سلافة..ادير في العشي
محمد..شن ادير تراه مبكبكة بس راهو
سلافة..قالت مانبيش نشوفه وماتخليشي يخش للمطبخ هيا هيا برا
محمد..تي شن مدايرين
سلافة..مانعرفش هيا برا
محمد..باه مايطلع حد برا احني في شقة قيس
سلافة..تي برا اطلع بلا دراه
طلع محمد وهو يضحك خش لصحابه
يوسف..الشربات الشربات😍زعما بتطلع فالحة زي مرت برهومي والا لا
محمد زمط ريقه واذكر انه قالي امخر ومش متوقع ندير شي
ابراهيم..اصلا مرتي مايجي في فلاحتها حد😏
محمد..ماتنفخش روحك هلبا
قيس..اي والله مبكري كنة عمي ضقتلها بسبوسة تاكلو يديكم وراها ماشاءالله على يديها😍😍
محمد..هيا هيا ضم فمك
يوسف..فكنا منه نفسية هدا تو يلزنا ويقوللنا مافيش عشي
قيس..تي مرات مافيش عشي الفالح هدا وين قاللها ان عنده صحابه متعشيين عنده ف لو ماصارش من عشي عادي تو نطلبلكم ديليفيري😂
محمد..ياكلب شد لسانك الزفت
يوسف..خلي نكلم امي تخليلي من العشي خير مانقعد جيعان لا ديليفيري لا عشي من محمد
ابراهيم..😂😂😂قتلك مش فالحةيا يوسف ماتقارنش خلاص
يوسف..الله غالب بنقعدو جيعانين اليوم
محمد..هيا ضمو افامكم بلا فترشة زايدة واكيد في عشي علاش عازمكم يعني🙄
يوسف..تو نشوفو
وقعدو يهدرزو
.
.
.
وبعد ساعات كملت
وبدت سلافة تستف في صواني واني كنت مندهشة ان درت هدا كله وفي وقت زي هدا
سلافة..فعلا خوي اختار صح😍😍
اني بديت نتكلم بسرعة..سلافة معش تجيبيلي سيرة خوك هدا اني خلاص معش قادرة نتحمل حتى اسمه حتى اسمه خلاص بيجيبلي جلطة بيجيبلي القولون اعصاب معدة كله كله😡
سلافة شادة ضحكتها..اوك خلاص خيرك تمام😅
خش محمد..واتي العشي خلاص جاعو
سلافة..واتي ايه
محمد..شن درتو
سلافة..مش اني اللي درت مرتك دارت اني حطيت نسكافي وعصير بس
محمد..تي باه شن درتو الهم من بكري ادفي فيا حولي بنخش تي شن بدير يعني مبكبكة ويالله اديرها
خش محمد للمطبخ تفاجأ
اني..ارفع هدم قبل
محمد..ءء ههدااا امتى!!؟
اني..محمد مش متحملة ولا كلمة ارفع وانت ساااكت
محمد مصدوم..اوك تمام
رفع الصواني وستفه ع طاولة عند قيس
قيس مبلق عيونه ويشوف
يوسف..اوووه تي عارفها مرت خونا مش حتخلينا جيعانين😍
حط محمد الماكلة كلها
محمد..هيا تفضلو
ابراهيم..اوك زيدي شوية ونكلمك خلي بنتعشو توا
وسكر الفون
يوسف..تخون في مرتك !!!! والله لما نمممشي نقوللهااااا
ابراهيم..اسكت ياحيوان هدي مرتي شن نخون فيها خيرك انت
محمد يضحك..مهبول رد بالك ادير قدامه حاجة
ابراهيم..ماهبلتش اني
محمد..هيا قيس
قيس..لالا قتلك صحتين
يوسف..شن لا هدي الطاولة هدي كلها وتقول لا صحتين
قيس..اني قاعد باش نسعفكم خليني هكي اموري طيبة
محمد..تي بلا جو خامر هيا نوض
ناض قيس وياكل ومخنس حطها في راسه ان بنسممهم حق😂
كملو عشي وقعدو يهدرزو
قيس..بما ان العشي عجبكم ف بنفدو الشرط👀
محمد ابتسم وشافلهم ورقص حواجبه..هيا انت وياه ايدكم ع جيبكم
وحطو فلوس مع بعضهم
يوسف..مزال هيثم بس😎
.
.
.
اني..خلاص تعرفي جهدي طاح
سلافة..الصراحة لو اني في مكانك راه سيبت الحوش وطلعت قصدي لو ديما يجو نقولو اي حاجة ديريها وسقديهم لكن اول مرة يجو لمحمد وهو متزوج يعني كل شي بتحسبيله🙂
اني..غير يروحو نهاره احرف اسبوع كامل بناكل من برا ويحل فمه بحرف نسيبله الحوش
سلافة..🤣🤣🤣الحمدلله ياربي جي من ياخد حقي من خوي تخيلي كان مداير احرف من هكي هدي عاداته راه ماتستغربيش
اني..كارتة خوك راهو مستحيل لا تخيلي يجيني مرة تانية يقولي وتي عشي صحابي برا لما نسممهم حق المرة هدي
سلافة..😂😂😂😂😂😂
اني..خسارة قبل خاطري ننزل نهدرزو لوطة مع بنات عمك
سلافة..تي عادي مرة تانية
اني..ايه مرة تانية وين سرور
سلافة..خليتها لوطة تعرفي انت قتيلي تعالي نضت طول منغير مانقوللهم شي😂
اني..تي عادي ماعندك وين تمشي
سلافة..غدوا ماشيين حوش جدي بش توتي روحك
اني..اااااه عابية ع روحي بنرتاح خلاص تعرفي اول مرة ندير مجهود زي هدا قبل كنت اني وخواتي حتى متزوجات عادي يجو ويساعدو لكن توا مافيش اي ذرة مساعدة خلاص جسمي تكسر
سلافة..اقنعتيني ان اني مانتزوجش ونقهمز جنب ماما
اني..🤣🤣🤣🤣ردي باااالك اديريها
كملنا حوسة المطبخ وقعدو اماعين العشي بس قعمزنا اني وسلافة نتعشو وكنت ندعي ان يكون زي مانبي وقنين
سلافة..الله ماشاءالله عندك نفس ع التطييب تهبل حتى الغدي اليوم ماشاءالله عليك
اني..سلمك😘
سلافة..خلاص يجوني صحباتي انت اطيبيلي
اني..من عيوني
سلافة..الحمدلله تسلم يدياتك يارب خلي ننزل اكيد ركبو للحوش
اني..سلمك استني بس خودي صونية هدي لسرورو وعميمة وعمي
سلافة..عادي والله مالازم
اني..خودي واسكتي
سلافة..صحيتي
اني..سلمك
طلعت من الباب..تصبحي على خير ميسو
اني..وانتِ من اهله
سكرت الباب طول وقت شفت حد طالع قلت اكيد قيس
رصت سلافة ع الاصانصير وتستنى شافت يمين لقت واحد واقف
سلافة..ءءء ممن اننت
يوسف غمض عيونه..اسسف سامحيني ماكنتش نعرف ان في حد
سلافة..اااه لاا خلاص
نزلت سلافة تجري من دروج
طلع محمد..خيرك مستعجل انت طالع انت الاول تقول عليك متزوج بدرقة
يوسف يشوف للدروج ويده ع لحيته ومبتسم
محمد شاف للدروج..خيرك شن في
يوسف فاق لروحه..ااهااا لاااا ششي هيا اني بنروح صحيت ع العشي والله ماشاءالله بنة وصنة ع قولة حناي🙂
محمد..🤣🤣سلمك سلمك
.
.
سقدهم محمد وخش للحوش لقاني انشف في المطبخ
اني شفتله ووليت نكمل
محمد..سلم يديك ع العشي بسم الله ماشاءالله وبجد فاجأتيني باللي درتيه ومكانش في لزمة اتعبي روحك قتلك امبكبكة سادة
اني شفتله..نبقا مش بنت اصل ندير عشي لناس اول مرة يجو
محمد ابتسم..هدا حقك مكافأة ليك😊
وطلع محمد الفلوس وحطهم
اني نشوفله..شن هدم؟؟؟
محمد..قتلك حقك
اني..حق شنو لو سمحت!
محمد قعمز ع الكرسي..الف دينار كان تحدي بيني وبين صحابي وكنت مانبيش نتعبك ف قتلهم تحدي ع امبكبكة و لو عجبتهم كل واحد بيحط ولو عجبتهمش اني بنحط فلوس ف انتِ فاجأتيني باللي درتيه وعجبهم الصراحة ماشاءالله و اني ربحت في التحدي هدا و هدم الفلوس ليك كل واحد فينا لما يتزوج نديروله هكي يعني كأنها هدية
اني..كويس مامشاش تعبي خسارة🙄الف جني خير من وجوهكم
محمد..شني!؟
اني..قتلك اوك بارك الله فيك ونهارك احرف لو تتعاود جهدي طاح اني معش اديرلي هكي بالله عليك😢
محمد ابتسم..حاضر حنقولك قبلها مرة تانية
اني..بنخش ندوش اني 🙄
محمد..اوك
قعمز محمد وهو فرحان باللي درتهوله
شرين فوني ناض خش للدار شافه لقاها ميسم
محمد..الو
ميسم..السلام عليكم
محمد..وعليكم السلام
ميسم..محمد معاي؟
محمد..ايه
ميسم..اني اخت ميس اسمي ميسم
محمد..اهااا اهلا كيف حالك
ميسم..الحمدلله تمام شن اخباركم
محمد..الحمدلله ماشية الامور
ميسم..نبي ميس وينها
محمد..والله كيف خشت ادوش تو وقت تطلع نقوللها
ميسم..تمام عادي مش مشكلة تكلمني حتى غدوا
محمد..اوك تصبحي ع خير
ميسم..وانت ممن اهله

.
.
تسريع للأحداث
بعد فترة روح هيثم هوا وسارة وكانو فرحانين❤
ودرنالهم عزومة كبيرة وفرحنا بيهم
وسن وأسيد يحبو بعض اكتر واكتر ولكن مع هدا مستحيل يتخلو عن بصارتهم على بعض هل حتقعد حياتهم هكي او لا
ثمارة وأسيد عصافير الحب هل ياترى حيقعدو يحبو بعض او حيتغيرو؟!!
خالد بدي يحب ميسم وتغير على خاطرها واللي تبيه هيا يصير وميسم كانت فرحانة بإنتصارها ع خالد وقدرت انها تغيره
اني قاعدة حياتنا زي ماكانت بس محمد تغير عليا هلبا بعد ماكان حنون عليا وبدي يحببني فيه انقلب لشخص تاني شن سبب!!!
كلـه حنـعرفـوه فـي الحـلقـات الـجايـة 🔥🔥
.
.
ان شاءالله تناااال اعجااابكم❤ #حنو