مشاعر💔 ( روايات ليبية )

حلقة 18🔥

رواية #مشاعر 🌷
( خيال ممزوج بلواقع )
للكاتبة : #حنو
الرواية بلهجة الليبية
حلقة  18🔥
.
.
.
أسيد..وسونتي
وسن شافتله بعيون دامعة..مزال ليك عين حتى تقولها
أسيد قرب منها وشد يديها..سامحيني بالله عليك سامحيني والله مانعرف شن صارلي بس اي حد مكاني كان حيدير هكي
وسن..كداب مكانش حيدير هكي كان حيزيد يتأكد من روحه يزيد يشوف اماكن يزيد يعاين مش طول هكي يشكك في مرته ويطعنها في شرفها ياريت وقفت عليك انت بس حتى ممن امك واختك اللي كنت نحسابهم حيوقفو معاي مهما صار فجأة هكي نقلبو تي كنت عايشة في كدددبة اني كدددبة
أسيد..سامحيني يا وسن بالله عليك سامحيني😔
وسن نفضت يديها منه..برا يا أسيد اطلع برااا
أسيد وقف..بتحرميني من اول فرحة!!
وسن..قتلتها الفرحة اللي كانت انت قتلتتتها برا يا أسيد ارجوك براا😭😭تعبتتتني اليوم والله تعبتتتني
ناض أسيد..اخر كلام هدا
وسن شافتله..اخر كلااام ايييه
طلع أسيد وهو مهزوز وروح
كان هيثم في بلاكونته يدخن ويشوف
طلعت وسن وقامت راسها لقت هيثم شافتله وابتسمت..مستحيل نرجع الا لما ناخد حقي💪🏻
هيثم..تتربايتي مامشتش بلاش😉
خشت وسن فرحانة ان الحق بان في ساعات فقط هدا يعني ان ربي معاها لحظة بلحظة صلت وسن صلاتها وقعمزت تدعي 👐🏻
.
.
.
عندنـا احـني بـعد روحـت سـارة ركبـنـا وكـل واحـد خـش لـحـوشه
نحيت وشاحي وقعمزت نفكر شن انديـر خـديت شيتاتي وتربعت وقلت خلي نقرا كلمتين🤦
واني كيف قعمزت وقلت بسم الله طق الباب استغربت مني!! نضت شفت من عين الباب لقيتها سلافة فتحت الباب طول
سلافة وهي متكنطية..نقدر نرقد عندكم ليلة😤
اني..اكيد غر خيرك شن في
سلافة..خليني نرقد بس غدوا نحكيلك
اني..ماعندكش قراية غدوا
سلافة..لالا
اني..اوك تعالي
رفعتها لدار ضيوف فيها سرير وهكي خشت وسكرت الباب ونسمع فيها قعمزت تبكي بكل ماعندها جيت بنفتح الباب وبنخشلها سمعت الباب نفتح
محمد وهو خاش..السلام عليكم
اني..وعليكم السلام
وليت قعمزت في مكاني ولميت شيتاتي الباين مش صاير من قراية🙂
محمد..شن صوت هدا
اني..ءء صوت شن!!؟
محمد وهو ماشي بإتجاه دار..في حد يبكي
اني شديته من يده..خليها تبكي وتريح نفسها وبعدين نفهمو منها
محمد..مني
اني..سلافة خليها وراس حميدا
محمد..باهي ماقتلكش شي خيرها!؟
اني..ماقالت شي قتلي غدوا ندوي لكن توا خليني بنرقد عندكم
محمد..ان شاءالله خير
اني..ان شاءالله نحطلك عشاك؟
محمد..لالا ماعنديش نية
اني..باه
طق طق طق طق
شفنا اني ومحمد لبعضنا وناض محمد فتح
قيس..شجوو
محمد..مية مية وتلفت فنصلي
نضت طول للدار
قيس..تي بلا تفنيصات حناي تراه جبتلكم بسبوسة😒رد بالك تاكل منها لي ميس بس انت ماتستاهلهاش
محمد فنص..تي خير امك انت ابرا ياراجل
قيس..غير خود خود😋بنة وصنة سلم ميسس اللي عطتني الطريقة
محمد..يااااربي صبرررني
قيس..هي هي مع سلامة وانت مش نافع في شي زي قلتك🙄مشعارف كيف متحملاتك مرتك ياوخيي
وهو قاعد يدوي سكر عليه محمد الباب💥
قيس..ديما مافيش حد يسمعلي ويسمع لي كلامي غير ميس🙄مافيش حد يقدر شخصيتي غيرها
خش قيس لحوشه
محمد..ميسسس
اني طلعت من دار..نعمم
محمد..بسبوسة جابها قيس
اني..حيييي دارها😂😍
قعمزت طول وخديت منها طرف وقعدت ناكل..الله الله تجنن دارها احلا مني😍
محمد وهو يشد في غضبه..سلافة وين!
اني..معش سمعت صوتها رقدت شكلها
محمد بنخش نشوفها
اني هزيت بي راسي وكملت ناكل..الله محلاها لازم نعرف شن زايد عليها فيها بنة زايدة😋
.
.
.
عند ميسم
ميسم..عبدو خش حمام قبل لا ترقد وسكر البلي هدا قداش مرة نقولك فيها
عبدو..باهي نكمل لعب بس
ميسم..عبدووو ماتعصبببنيش
عبدو ناض وسكر البليستيشن
ميسم شافت ساعة لقتها 12 ومزال خالد ماروحش قعدت مقعمزة وتستنى وهي عارفة ومتأكدة انه مع وحدة من اللي يعرفهم###
خش خالد مع ساعة 2 ولقي الحوش مظلم..اها رقدو احسن شي خش خالد وهو يتسلل وميسم تشوف فيه فتحت الضي وقف طول وشاف بصدمة
خالد..خللللعتينيييي
ميسم..وين كنت لتوااا!!!؟؟
خالد..ءء ككنت كنت عند امي اي عند امي مرضت شوية وقعدت معاها خيرك انتِ!!؟
ميسم ودمعة في عينها..وتكذذب!!
خالد حط يديه ع كتافها حبيبتي خيرك والله كنت عند امي
جت عين ميسم ع رقبته اللي واضح روج نفضت يديه..كذاااب كذااااب خاااين
خشت للدار وسكرتها بالمفتاح وقعدت تبكي قعمز خالد ع الكنبة وحاط يديه ع راسه
ميسم مسحت دموعها وقامت راسها فوق..مايستاهلشش دموعك خاااين مايستاهلكش اصلا والله حندمرك يا خالد حنوجعك زي ماوجعتني 👌🏻 رقدت ميسم وهي تخطط انها تقرا في كورس باش تحصل شهادة وتخدم 💪🏻
.
.
.
بعـد مرور شهـريـن
بدت ميسم تقرا فـي كـورس حلـويات وتورطـات وكـانت تمـتل علـى خالـد باش تقـرا وتتعلـم 💪🏻
اما وسـن فـ كـانت فـي الشهرين هدم مـع حنـاها وجوهـا مليـح بكـل واللي تـشرطه ع أسيد تلقاه قدامها طول وكانت مستمتعة بعقابها ليه
اما اني ف طول هالشهرين كانت علاقتي بمحمد حلوة وجو فيها جميل بكل و كنت غارقة في القراية ومش قادرة نقيم راسي منها💔
اما ثمارة الغايبة عن الشاشة تعالو نشوفوها🤣
.
.
ثمارة..سليم صدقني والله ماقلت لعميمة حاجة والله مابقصصدي😭
سليم..شن هو اللي ماقصدككش شنووو شوفي ثمارة كل شي مسموحلك بيه بتتعاركي انت وخواتي بديري بتفعلي بين بعضكم ومالياش علاقة لكككن امممي خطط احمممممر فااااااهمة امممممي خططط احممر😠
ثمارة..والله العظيم مادرت حاجة والله يا سليم😭سوء تفاهم صار وبين بعضنا انت علاش خشييت بييننا
سليم قعمز ويهز في رجليه ويديه ع راسه..تي معللللية صووووووتك عليهاااا اني اللي ولدها مانعليش فيه بتجي انتِ تعلللليييييه
وقف سليم وقعد ماشي جاي ويطربق في صوابع ويفكر..كيف بس كيييف معقولة انتِ هكيي اديرييي
ثمارة تبكي..والله ماعليييته يا سليم والله ماعليييته😭سمعتني انت باش تقولي عليتيه؟؟؟ تي انت حتى ماسمعتش شن صاير اصلا علاش هككي علاااش😭
يزن..😭😭😭😭
خشت ثمارة وسكرت الباب عليها وقعمزت تسكت في ولدها وتبكي معاه
قعمز سليم ويفكر و يأنب فيه ضميره وقلبه يوجع فيه لانه دار هكي لكن كلام بنت خاله قاعد يرن في ودنه
ناض سليم وخش للدار وقف لما شاف ثمارة ترضع في ولده ودموعها ييقطرو ع خد ولدها قامت راسها شافاته تكلمت بصوت مخنوق..لو بتزيد تعيط ع الاقل نرقده بس ونجي
سليم ماردش عليها وقعد يشوفلها
كملت ثمارة وحطت ولدها ع السرير وطلعت من جنبه شد يدها بقوة وطلع هوا وياها
ثمارة..سليم يدي توجع فيا يا سلييم
فتح سليم الباب ونزلو لأمه
خششها سليم قدام امه وخواته
وبنت خاله🐍
سليم..اعتذري من امي توا وبوسي راسها
ثمارة تشوفله بكسرة خاطر وخيبة امل
سليم..قتلللك اعتتتذرييي منها وبوووسي راااسها
امه استغربت..علاش شن دارت ثمارة باش تعتذر مني اللطف خيرك سليم؟؟
سليم..يما مادرقيش عليها شي عرفت كل شي
سماح..شن عرفت خيرك اصلا ماصار شي !!
سليم..ريتي بعد اللي درتيه مزال يدرقو عليك ومايبوش علاقتك بيا تخرب واني هكي زدت اصراري اعتذري من الكككل توااااا
ثمارة دموعها ينزلو..بس اني مادرت شيي علاش هكي درتو انتم هو سوء تفاهم وحليناه😔
سليم..هههههه تبيهم يسكتو يعني تعلي صوتك ع امي ويسكتوو؟؟؟
ناضت امه..تعالى معاي تعالى
طلع سليم مع امه
سماح..تي شن اللي صاير خيركم
ثمارة تشوف لبنت خاله..في حد فتن بيننا وقال كلام كذب كله وفتنة يا سماح اني عليت صوتي ع عميمة!؟؟ اني قتلها كلام غلط؟؟؟ قوليلي😭
بنت خاله علت صوتها..اييييييييه درتتتتي وتكلمممتي علاااش تكدددبي والا هه خفتتتي من انه يطلقك ويردك للزبالة اللي جيتي منها
ضربتها سماح كف..صوتك اهني مايعلاش لا عليا ولا على كنة الحوش هدا وتوا لمي روحك وكلمي حد يروح بيك
طلعت بنت خاله تجري تبكي
ام سليم..خيرككك شن اللي صارلك انت وعلاش تبيها تعتذر مننا تكلم
سليم..يما ماتهبلينيش علاش ادرقو عليها تي علت صوتها عليك وقالت كلام ماينقالش كيف باه اني شوفي انتِ خط احمر ومستحيل نمشيهالها
امه..احترم نفسك وتكلم مع امك زين ولو في شي يكون بيني وبين كنتي انت ماليكش علاقة والمشكلة مش صاير بيننا شي سوء تفاهم ونحل طول وهدرزنا وضحكنا وكيف ركبت بتجيب يزن فجأة تجوني هككي!!
وفجأة تطلع سهام بنت خاله..عممتي شوووفي هااا يالاه قلت الحق ضربوني بنتك وكنتك
سليم..وهدا شن تقولي عليه يام!!!
امه..اني حنكلم خوي ويجي يلمك من عليا وكنتي عمرها ماغلطت ولا دارت شي غلط وبنتي احسن مادارتلك ولو زدتي اطاولتي اكتر حنعطيهالك اني الطريحة
طلع سليم بعد ما امه قتله اطلع وشوية وجي خاله وحرشت فيها اخته ع اللي داراته طلعت سهام وخش سليم بعد ماناداته امه
امه..اسمع ياولدي كل اللي صار ان بنت خالك سهام هدي ادور في الحس وادور في مشاكل واستفزت سهام ثمارة وثمارة ماقدرتش تتمالك نفسها وعيطت عليها اني هديتهم الزوز و ع اساس تسامحو وقتلهم مافيش كلام ومافيش عياط في حضوري او منغيره عموما هدي دوة نساوين ماليكش علاقة فيها انت كيف عرفت
سليم..كلمتني سهام ووقت قعدت نقول الو مارد حد وسمعت صوت ثمارة معلية صوتها وفصل الخط وبعدها جاني تلفون من جديد واني كنت راجع للحوش وحكتلي ان انت وثمارة تعاركتو وهي علت صوتها عليك وقالت كلام غلط وعيب بكل ليك كيف تبيني ندير يعني وزيديها زايد المكالمة وقت رديت كان صوتها عالي
امه..ريتي ريتي الفتااانة😦حي حي عليها والله يجي بوك بس لما نمشي ونحكي لبوها شن دارت واني نعطيها طريحة عقاب الوقت تبي تخرب بيت وليدي الله لا تسامحها هيا وامها العقرب اللي عمرها ماخلتني مرتاحة وهي ديما تجري جرتي
سماح تهدي في ثمارة اللي تبكي وكانت واجعتها من سليم كيف صدق بنت خاله وكذبها كانو في دار سماح
ثمارة..نبي نبات عندكم مانبيش نركب
سماح..لكن هكي بتزيد المشكلة تكبر
ثمارة..خلي تكبر اصلا كابرة تي عيط عليا لين ماسدني فوق ماخلا ماقال ومنزلني يهين فيا قدامكم كيف تبيني نديرله☹😭
تغمرتها سماح..خلاص اشش عندك الحق والله لو يشوفك بوي هكي حيوريه
ثمارة مسحت دموعها..حسبي الله فيها الله لا تسامحها لقتنا فرحانين وملتمين لبزت علينا
سماح..خلاص فوتيها ماتعدليش عليها تبي تفتن بينكم هي من قبل تبي سليم وسليم مش عاطيها وجه الله غالب مقهورة منك😂
ثمارة..مقهووورين من الملكة
سماح ضحكت..🤣😂😂غير منين جايبتها تفاهة ونكد مع بعض
ثمارة..من اختي وسن تخيلي مدايرة الويل في راجلها
سماح..حق شن صار فيها روحت؟
ثمارة..تؤ تؤ مابتش تروح مورياته الويل يستاهل
سماح..البنت صغيرة لكن عقلها كبير واضح يموت فيها
ثمارة..ايه بس غلط معاها وغلط في حقها
سماح..تي كلهم هكي يبو مرض عليهم
ثمارة..🤣😂😂عندك علم مرات تكلم فيه ساعة 3 تقوله خاطري في فراولة🤣🤣 ولو ماجابهاش اديرله بلوك اسبوع😂
سماح..😂😂😂😂😂😂تي وحقربي كارتة اختك
ثمارة..هلباااا
سماح..الحمدلله نحلت المشكلة
ثمارة..ايه
طق طق طق
سليم..نخش؟
رقدت ثمارة وتغطت..قولي راقدة
سماح..اوك احم خشش
سليم عقد حواجبه وقت شاف ثمارة راقدة..رقدت!!
سماح..ماسكتت الا بالسيف خليها ترتاح
سليم..تي نوضيها ترقد فوق ع الاقل خيرها
سماح..قالت مش حتربك تو نركب ناخد يزن يرقد معانا
سليم..اااه ثمااارة ااااه
طلع سليم من دار وهو متعفلق ركب فوق طلعت وراه سماح وركبت معاه خدت يزن ونزلت بيه ورقدو مع بعض
اما سليم فكان نادم ومشعارف شن يدير باش يرضيها
.
.
.
عنـدي انـي
اني..يامحمممد هدي مممش اول مرة اددديرها مش اوول مرةةة وقفها عند حدها ارجوووك محمممد ارجووك😤
محمد..كيف تبيني نديرلها وحدة تاعبة زيها زي غيرها مالياش علاقة فيها اني مريضة هدي مريضة
اني..وكااان مررريضة وكااان تجي ترمي بلاها علينااا؟؟ محمد بالله عليك وقفها عند حدها
محمد..باه حاضر ياروحي بس هدي اعصابك شوية
اني..درهتلي كبدي لانها والله يامحمد لو ماتكلمها انت اني حنكلمها
محمد قرب مني وحضني..باهي خلاص والله حاضر اللي تبيه حاضر بس خلاص معش اضايقي روحك حبيبي
اني..تمام😌
خشيت للدار واني متوترة شوية من اللي صار اتكيت ورقدت طول اما محمد طلع نزل لأمه تغدا معاهم
فاطمة..وين ميس يا محمد
محمد..كيف روحت بيها تعبانة شوية قالت تو تنزل بعدين
فاطمة..اهاا امالا يا سلافة خليلها من الغدي
سلافة..حااضر
محمد شاف لي سلافة..حقا تعالي
فاطمة..اني خلي نمشي نصلي ونجي
سلافة..ننعم
محمد..قبل شهرين جاية تبكي ومابيتيش تحكيلي شي فهميني شنو في وع فكرة كذبتك انتِ وميس مامشتش عليا
سلافة وجهها والا اصفر..تي خيرك انت هوا هداكا اللي صار تعاركت مع صاحبتي الانتيم واني اول مرة نتعارم معاها بس
محمد..تي باهي باه بري توا حطي الغدي تو نتفاهمو
مشت سلافة حطت الغدي وهي ترعش وخايفة من خوها
مرو ايام وليالي ومحمد وقف البنت اللي تضايق فيا و تتلصق عليه عند حدها واستغربت كيف وشن دارلها لدرجة حولت من القسم مرة وحدة!!
.
.
.
عند وسن
وسن..الو يا انت
أسيد..ها حبيبي بتروحي😍
وسن..في عيونك مش نروح وحباتك القرادة ان شاءالله مش حبيبتك
أسيد..تي علاااش النم خلاااص عاد قلنالك غلطة وسامحينا عليها شن القلب اللي عندك هدا
وسن اتكت وهي تبتسم..تحسابها ساهلة يا أسيد !!
أسيد خدي دخان وولعه وقعد يدخن..عارف ياروحي مش ساهلة بس خلاص عاد والله غلطت ومنك السماح
وسن..🙄وين نصرفها هدي توا اني
أسيد..باه علاش متصلة مدامك ماتبيش ترجعي
وسن..هدا ياحلو تعرف انت نتوحم وهكي والمرة هدي خاطري في حاجة لو جبتهالي نرجع معاك
أسيد قعمز وقعد يسمعلها بتركيز..اطلبي اللي تبيه
وسن..تمام سكر هي تو يوصلك ع فايبر
أسيد..مية مية
سكرو وفتحت وسن وبعتتله تاكم ذهب وبعتتله صورة سيارة
أسيد..شنو هدا
وسن..تاكم ذهب مش غالي رخيص نوعاً ما
أسيد..وسيارة هدي شني🙄
وسن..سيارة يسوقو فيها شني يعني اسمعني اهني
أسيد..ردي ردي ع الفون
اتصل ووسن ردت وهي تضحك
أسيد..شن حضرتك قلتي
وسن..التاكم اللي بعتتهولك والسيارة شن قلت يعني
أسيد..خلي التاكم ع جنب نجيبلك احسن تاكم اوك بس شن دوتها السيارة هدي
وسن..والله نبي نسوق يا بابا بالك بتردني ولا شيئاً لم يكن
أسيد..قلنا غلطت يا وسن لكن ماتلويش ايدي هكي عاد تاكم نجيبلك ذهب نجيبلك كسوة مرة تانية🤦 غير فكينا من دسكة سواقة ماسواقة هدي اهو اني خيرني نرفع ونجيب شن ندير
وسن..والله اللي عندي قلته وهي توا تعبت بنرقد تصبح ع خير😚
أسيد..تي يانعن نكلم فيك انييي
وسكرت عليه وسن طوط طوط طوط
وسن..تو نوري جد امك اني اااه خلي نرتاح توا😌
ورقدت وسن وهيا فرحانة ومتأكدة مليون في المية ان أسيد حيدير اللي قتله عليه👌🏻
.
.
.
عند ثمارة تاني يوم ناضت معاهم
سليم نزل بي توته..ثمارة ألحقيني
ثمارة..بندير الفطور مع عميمة بعدين نركب
سليم شاف ساعة..مش عندك محاضرة!؟
ثمارة ضربت يدها ع راسها..حي نسيتها
سليم..هيا اركبي حدديلي حوايجي وقت عليا وعليك
ثمارة..دقيقة بس عميمة يا عميمة
ام سليم..ايوا في المطبخ
ثمارة..بنركب اني طلع عندي محاضرة وناسيتها
ام سليم..خلاص بري اجري لحقي
ثمارة..و يزن!!
سماح..خليه عندي بري انتِ
ثمارة ابتسمت..ان شاءالله مانفقدكم يارب
وطلعت ثمارة ركبت ورا سليم
خشت ثمارة طول طلعت حوايجها وحوايج سليم حددتله حوايجه وهو طلع من دوش طول خداهم ولبسهم
اما ثمارة خشت دوشت وطلعت لبست
سليم وهو يلبس في ساعته..فطرتي؟
ثمارة مابتش ترد عليه ولبست وشاحها
سليم وقف قدامها..نكلم فيك اني
ثمارة..😏
سليم..باهي خلاص عارف روحي غلطت ياروحي اسف والله مانتحمل زعلك🙁
ثمارة..انت مافكرتش حتى تسمعلي تبيني توا نسمعلك ترا سليم حول هيا وقت علينا احني زوز
طلعت ثمارة ونزلت وخلت سليم وراها
ثمارة..سماح وينك
سماح..اني هني في داري
ثمارة..هدا حليب يزن وان شاءالله مش حنعطل
سماح..خودي راحتك مكسدة اصلا
ثمارة..اوك
طلعت ثمارة ووقفت جنب سيارة لين ماجي سليم وشاد مق القهوة تبعه ركبو سيارة وطلعو
قعد سليم يناشب في ثمارة ويضحك فيها لعند ماتصالحو قبل مايوصلو للكلية💕
.
.
.
عند وسن جي أسيد وكان جايبلها تاكم ذهب وكان جاي بسيارة جديدة
شرين فون وسن ردت عليه
وسن..ايوا
أسيد..اطلعي
وسن..وين بنطلع🙄
أسيد..غير اطلعي لجنان تو تعرفي
وسن..باهي
سكرت وسن وطلعت لجنان لقت قدامها أسيد واقف قدام سيارة وشاد في يده باكو احمر قربت وسن وهي فرحانة بشوفته وكان مش هامها اللي جايبه كل اللي كانت تبيه انها حتشوفه لو دار المستحيل باش يرجعها او لا وهل يقدر يتخلى عن مبادئه ويدير اللي هيا تبيه او لا!! وفعلا دار اللي تبيه هيا💕
وسن..نعم شن جاي تبي
أسيد ابتسملها..ستاحشتك وربي الكون ستاحشتك شن درتي فيا يافرخة بس
وسن..مش فرخة اني حامل بولدك لعلمك يعني😏
أسيد ضحك..زايدة محلوة
وسن ابتسمتله..امممم باه شنو هدا
أسيد..هدا التاكم اللي جاي في خاطرك❤وهدي السيارة اللي تبيها تبي حاجة تانية مدام وسن!؟
وسن..ايه😍
أسيد..شنو
وسن..تعلمني السواقة😍😎
أسيد غمض عيونه..حاااضر
وسن عيطت بفرحة ونقزت وتغمراته
أسيد ضحك وقعد يدور بيها وعرف انها سامحاته😍
أسيد..نحبك نحبك نحبك نحبك نحبك نحبك
وسن..نموووووت فيييييك
هيثم وهو طالع..كح كح احممم احممم
نزل أسيد وسن ووقفو جنب بعض..احم احم
وسن رفعت خصلة من شعرها ورا ودنها ووجها احمر..ءء اممم ءء عمي هدا أسيد جي
هيثم شاد ضحكته وداير روحه عاقد حواجبه..اهاا اممم كويس
أسيد حط يده ع رقبته..ااه اي جيت نروح بي وسن😅
هيثم..ومن وافق باش تروح وسن!!؟ موضوع زي هدا مايمشيش بالساهل
وسن..عمي أسيد جابلي سيارة شوف😍وجابلي تاكم ذهب😍😍
هيثم ابتسملها..مبروك لكن لاززم مانحكو اني و أسيد قبل
وسن ابتسمت لعمها..تمام اني خاشة
خشت وسن وهي تضحك ع حصلة أسيد بين عمها
قعدو هيثم وأسيد يدوو وبعدين طلعت وسن بحجاتها وركبت مع أسيد وروحت لحوشها💕
.
.
.
اما ميسم فهيا تقرا ومهتمة بحوشها وصغارها اما خالد ف كانت فايتاته ومش معدلة عليه وكانت تعود في نفسها انها تقعد منغيره💪🏻
.
فاتو شهورة وتميت سيمستر وتخرجت
يوم تخرجي كانو الكل موجودين كل اللي نحبهم موجودين❤ واولهم حمادي❤ كان معاي خطوة بخطوة ماسيبنيش ولا لحظة حبيته اكتر وحبيت اهتمامه هدا💕
كملت الحفلة وروحنا كلنا وكنا مدايرين في الحوش عزومة عشي🌷 كان يوم حلو ونفس الوقت متعببب #يتبع
.
.
.
ان شاءالله تنال اعجابكم😍❤ #حنو