مشاعر💔 ( روايات ليبية )

حلقة 13🔥

رواية #مشاعر 🌷
( خيال ممزوج بلواقع )
للكاتبة : #حنو
الرواية بلهجة الليبية
حلقة  13🔥
.
.
خشيتلهم وحاولت نتظاهر السعادة والابتسامة بس مهما كان ضروري مايكون في شخص مش حيصدق الكذبة هدي واللي هيا الام💔
سلافة..ميووس😍شن مدايرة يابنت كل مرة تزيدي تحلاوي😍
هبة ضربتها ع راسها..تحلوي مش تحلاوي😂وصلِّ ع النبي يابنت🙄
الكل..اللهم صلِّ وسلم على سيدنا محمد❤
فاطمة ام محمد متباهية بكنتها قدام سلفاتها والعيلة كانو الكل جايين متغديين عندهم..تعالي ميس نعرفك على اللي ماتعرفيهمش
اني ابتسمتلها..حاضر عميمة😊
قعدت تعرف فيا على خواتها وعلى بنات خواتها وعلى امها و نساوين خوتها واني بالسيف نجامل ونضحك وفي قلبي هم وغم ونبي نمشي بس لحناي و نبكي في حضنها لييين نفضفض كل اللي في قلبي💔
قعمزنا تغدينا كلنا وكانت ام محمد تشوفلي وعيونها يقولولي حاسة بيك
كانو ياكلو واني نلعب بالماكلة لعب ومرة مرة ناكل
حناي طبعا حناه محمد بنقوللها حناي..كولي بنيتي خيرك ماتاكليش
اني شفتلها..ااهو نـ..
اتصل فوني وكأنه انقدتني رنة الفون شفته لقيتها ثمارة
فاطمة..ردي بنيتي
اني..الحمدلله سفرة دايمة
نضت ورديت ع ثمارة..ايوا
ثمارة..يا هلا ياهلا بالعروسة نورتي ليبيا
اني..نور نورك حبيبتي
ثمارة..شن جو
اني..الحمدلله كيف حالك انتِ وحال عويلتك
ثمارة..كويسين الحمدلله شن امورك
اني..الحمدلله
ثمارة..شن دوشة جنبك وين
اني..في الحوش مع العيلة
ثمارة..اهاا باه اتصلت بنسئلك بتجي حوش جدي؟ كنهدا حتى اني بنمشي
اني..ايه بعد شوية ان شاءالله
ثمارة..تمام معناها خلي نقول لسليم
اني..اوك هي توا لازم نسكر
ثمارة..سلامات
سكرت منها وخشيتلهم
فاطمة..منو!
اني..اختي ثمارة تسئل فيا بنجي والا لا!
فاطمة..اهاا ستاحشوك يناري
اني..هههههه ايه
قعمزت جنبها وقامو السفر الغدي وغسلو الماعين وحطو الشاهي والقهوة والحلويات وتغير جوي مع البنات نوعاً ما وحبيت جوهم
لعند ما اتصل بيا محمد
اني..ايوا
محمد..هيا اطلعي
اني..اوك
سكرت طول ونضت نسلم عليهم كلهم ولبست عبايتي وكانت عميمة فاطمة معاي في كل دقيقة لعند سقدتني فم الباب
اني..تو وقت نروح نخطم عليكم يا عميمة
فاطمة..بنتي ردي بالك تشكي لحد وخليك زي مادرتي توا ديري قدام اماليك ولينا تقعميزة مع بعض غدوا يطلع محمد الصبح يخدم نجيك نهدرز عندك ونفهم منك
اني..علاش شن في عميمة مافي شي ره
فاطمة..ماتحاوليش ادرقي عليا راني حاسة وفاهمة لمعة الحزن اللي في عيونك هدي
اني تنهدت وهزيت راسي بمعنى باه..هي بالسلامة عميمة توا
فاطمة..بسلامة بنيتي في الحفظ والصون ان شاءالله❤
طلعت وكنت نسمع في اصوات الاولاد والضحك والرجالة ونسمع في صوت محمد..هي ماشي شوية وجاي
يوسف..ماقعدت غير اني😒 نمشي نقول لأمي ادورلي حتى ميلودة بنت جيرانة وخلاص🙄
ابراهيم..ضم فمك الرجالة يسمعو فيك تو يقولولي خيرك جايب ولدك معاك زي العواويل ارزن ارزيني فيك🙂
يوسف..ماليكش علاقة🙄
.
.
ركبت سيارة لما فتحهالي محمد من بعيد ودارلي براسه نتع اركبي ركبت طول وقعمزت فيها نستنى فيه
قعد شوية واقف ونسمع فيه يهدرز وبعدها جي وركب وقيس فتح باب الحوش طلعنا وكلكس لي قيس ومشينا
محمد..اييه شن الاموور
اني ملفتة وجهي للروشن..كويسة
محمد..شن رايك ندهورو وغدوا نرفعك لحوش جدك؟
اني..لالا يستنو فيا كيف كلموني توا
محمد..اممم باه
اني..ماكلمكش هيثم؟ماتعرفش امتى مروح؟! بكري اتصلت بيه ماردش
محمد..قال الاسبوع الجاي مروح توا كنا نكلمو فيه توا
اني..اها باه
محمد..ايه
فتح محمد المسجل وحسيت ان جوه مليح بكل مفهمتش شن غير جوه هكي!! ممكن ان تلاقا مع صحابه وعيلته !! الله اعلم💁
خطم شري حجات وبعدها مشينا للحوش نزلت ونزل معاي الحجات لقيت أيوب قدامي..اوووووووو ميييس
اني شفتله من فوق للوطة وتجاهلته مشيت خشيت للحوش طول
ايوب..محمد شن الامور
محمد..الحمدلله شن امورك انت
ايوب..مية مية الحمدلله شنو ميس معاك كويسة والا شني!
محمد..الحمدلله
ايوب يتكلم وهو باين واكل شي..اسمع اني خوها ومني ليك راه نقولك اختي مش تمام واي شي تشده عليها مزبوط مية في المية وياما واكلة طراايح منيي هههههه يعني ليك الاذن تضرب وتكسر ادير اللي تبيه
محمد نصدم..مرتي ونعرفها ومستحيل ادير العيبة تاني حاجة استحي على عمرك اللي تدوي ع اختك هكي مصح وجهك كان مش عيب توا نخربطلك وجهك وحي عليك حي مرة تانية تجيب سيرتها على لسانك
ايوب..مش اختي هدي بنت الاجنبية بنت حرام😏هدا ماناقص غير هيا تكون اختي هه اني عندي 3خوات بس ميسم ثمارة وسن بس وهي سلااام🙄
محمد معش تحمل حط الحجات اللي في يده ع الارض وشده وطاح فيه ضرب طول ع خشة أسيد بالسيارة ومعاه وسن وقف طول وسيب سيارة وجي يجري مع محمد وقعد يضرب معاه كبده دم عليه ع طلعة كريم وسليم من مربوعة جو يجروو وقعدو يفكو فيهم من بعض
محمد..مزال تجيب سيرتها ع لسانك نقرضك تقريض يا#$&#* اشرف منك ومن امثالك يا###
أسيد..حوول خليني قداش ليا ندورله فيها😠
كريم يمسح ع راسه..استهدو بالله شن في بسسس خيركم
محمد..واحد حقير
أيوب يمسح في دم من فمه..حنتوااجهو يا محمد ويا أسيد👌🏻
طلع ايوب وهو يدعدع من ضرب
سليم..شن في ياراجل وانت خيرك خاش بدال ما تحز تضرب
أسيد..قداش ليا ندورله فيها غالط معاي هلبا
كريم..لا حول ولا قوة الا بالله محشمنا ياراجل مش مخلي حد مش محشمنا معاه نتحشم نقول ولد عمي الزفت
أسيد تلفت..دقيقة بس
ركب سيارة وعدلها ولقي وسن تبكي
أسيد..تو علاش تبككي
وسن..خوي هدا مهما كان
أسيد..استغفرالله العظيم انزلي انزلي وردي بالك تنطقي بحرف مداما ماكلع حد اكيد مافيش حد يندري باللي صاير
دخل كريم الحجات اللي جايبهم محمد
وخشو سليم و أسيد و محمد لي المربوعة
.
.
اني..خيرك وسن شن في
كريم..مافي شي شورها متعاركة مع راجلها
اني..اففف خيرهم عاد
وسن..سوء تفاهم عادي خلي نخش دار نواسي روحي قبل
اني..باه كيمو شن جو ليك وحشة
كريم..ماشية اهو شن اموركم
اني..اهو الحمدلله
كريم..خلي نطلع نقعمز مع رجالتكم لعند يجو عمامي
اني..قاعدين قصدك
كريم..ايه
اني..اوك تو نبعتولك عصير وشكلاطة كم واحد انتم
كريم..خالد ماقعدش عندك اسيد وراجلك و سليم واني بس
اني..تمام
خشيت لقيت وسن خاشة ومسلمة ومقعمزة شادة ولد ميسم وتلعب فيه
اني..ياوخيتي محلاه الكتكوت هدا🤤
حناي..نشوفوه عندك وعند وسن يارب
وسن ضحكت..امييين
شفنالها اني وميسم وثمارة
اني غمزتلها..امتى صار
وسن..حناي زودياهم يتحشموش هدم
حناي..هيا خيركم ع بنيتي
اني..شمس والنبي قال كريم حطيلهم عصير البرا راجلي وراجل وسن وراجل ثمارة
شمس..اااااه ياربي امتى بيكون راجلي معاهم
اني..كيف صار يابنت
شمس..هكي صار😂نوضي قمر حطيلهم خلي نحكي قبل لا تجي امي
ناضت قمر
وبدت شمس تحكي بإختصار
حناي..وقاعدة امها مسكرة راسها حرقتلي دمي اسمعي يابنت راني بنحكي لبوك خلاص
شمس..احكي معاش فارقة معاي معقولة امي توقفلي في فرحتي والله تعبتني تخيلو ع خاطر حالته المادية مش قوية هلبا قالت لا ولد اختي فلوس بكل هو اللي بتاخديه😢💔
لفيت يدي عليها وحضنتها..تخافيش حيكون نصيبك بإذن الله
ميسم..معش تبكي يادرويشة مداما حناي واقفة معاك معناها خلاص
وسن..تي اهو عمي هيثم مزاله اسبوع ومروح اول مايروح اجبديه بروحه واحكيله تو تشوفي اليامات السود اللي يديرهم😂😂😂😂
اني..ايواه اهي لقتلك حل
ثمارة..اني مجربة يا شمس عمي هيثم هو اللي وقف معاي وبسببه خديت سليم لولاه راه لبزها ايوب
اني..ايه الحمدلله
حناي..لالا تو نحكي لبوها اني قلت لكريم وكريم سئل عليه وجي قالي مافيش حد ماشكراش وهو بروحه عجبه ف تو نحكي لبوها لواه بتضيع نصيب لبنيتها زي الوردة الوليد
اني..بالحقاا شفتيه
شمس..طلعنا اني وقمر بالسيارة وطلعنا حناي معانا تلاقينا معاه وهدرزت معاه حناي😂😂
اني..اووووه حناي من ورانا والله مانعرفك هكي
حناي..امالا شني تبيني نسكت اوو ضروري نعرفه منو ونعرف شن تهدريزه اني عندي نظرة نعرف الشخص من عيونه
شمس..ومن بعدها حناي قالت خلي الموضوع عليا اني ومايكون الا ليك انتِ
وسن..مليح الحمدلله
ثمارة..تخافيش كلنا معاك
قمر..قتلها حتى اني كلنا معاك
شمس..ربي يحفظكم ليا
قعدنا نهدرزو ونزلو نساوين عمي ودرنا العشي مع بعض وكانت الفرحة مالية قلوبنا ع خشة منى🙄
منى..لمة منغيري كيف هكي !
اني..اعودو بالله
منى..خيرك شفتي شطان والا شني!😏
اني..حاجة زي هكي🙂
خشيت طول قعمزت جنب حناي
حناي..هدي شن جابها
اني..وين نندري
فدوة..يا اهلا تفضلي قعمزي
منى..مافي من مرحب بيا غيرك يا حميتي
فدوة..علاش اللطف كلنا مرحبين بيك
منى..اي باين😊ميسم اعطيني حبيب حناه نشوفه
ميسم ناضت وعطتهولها
وسن..هي بالسلامة
منى شافتلها..غير سلمي ع امك قبل
وسن..بالسلامة حناي
اني..هي حتى اني محمد كلمني
حناي..والعشي لمن دايرينه
اني..اهو الحاضرين هلبا ياحناي😊مرة تانية ان شاءالله
منى..توسعي علينا😏
فدوة..هههههههههههه يعطيهالك يا منى
وجعتني من عمتي كيف واقفة معاها وناسية بنت خوها اللي من لحمها ودمها💔
منى جت وراي..صدقيني مش حتتهني وزي ماراجلك ضرب ولدي حنوريه نجوم الليل في عز القايلة شكله نسيبنا مايعرفش ان احني روس كبيرة🙂ونقدر بأي لحظة نخفيه من الوجود بسلامة بنتي😊
اني..ايدك وماتعطيك وديري اللي بديريه وحنشوفو من الرابح😉
خشت منى داخل طول
تعكر الجو عندهم اني خشيت داري لبست عبايتي ووشاحي خانقتني العبرة اني ووسن
اني..اني عارفين علاش مانطيقهاش انتِ هدي امك كيف اديري هكي
وسن ودمعة في عينها..خليك مش عارفة شي احسن يا ميس
طلعت وركبت مع اسيد وطلع طول بيها
اني..ربي يستر من اللي جاي يارب🙂 الو
محمد..ايوا
اني بصوت مخنوق..محمد نبي نروح توا
محمد ناض طلع من جنبهم..شن في
اني..نبي نروح حمادي ارجووك
محمد انشغل..اطلعي اني برا هي
طلعت طول للسيارة ركبت ونزلو دموعي
محمد شد يدي طول..شن في تكلمي!!
اني..اطلع بيا من اهني قبل 😢
طلع محمد بالسيارة من الحوش وطلعنا من شارع
محمد..هيا ادوي
اني..محمد اني خايفة والله خايفة😭
محمد درس ع يمين وتلفتلي..شن فيي خييرك
اني..مرت بوي هدي تبي تخربلي حياتي قعدت توا تهدد فيا بيك انت شن درت لأيوب☹😭
محمد..وحدة وحدة فهميني بالحرف شن قالتلك
اني تنهدت وشربت اميا..قتلي .....الخ
محمد ضحك..ياخوافة
اني..توا في شي يضحك؟؟
محمد..تخافيش منها هدي وحدة جبانة
اني..شن قصة ايوب امتى تعاركتو
محمد بدي يسوق..مبكري بعد خشيتي
اني..كيف ماسمعت شي اني
محمد..قعد يدوي في كلام طالع نازل وخلطها في بعضها ماتحملتش طحت فيه وعلى خشة أسيد راجل اختك وبدي فيه معاي قال قداش ليا ندورله فيها المهم حزونا سليم وكريم ولد عمك
اني..واني نقول خيرها وسن مبكري خشت تبكي
محمد..ايه
اني..بس وجعني علاش تضربوه
محمد..انتِ مش سامعة الكلام اللي قاله بس عندك حق في نهاية خوك😊
اني..ايه ربي يهديه
محمد..اجمعين
قعد محمد يدهور بيا وبعدها خدينا عشي من برا
اني..خود لحوشكم حتى هما
محمد..اكيد تعشو
اني..لالا خودلهم انت شن خاسر
محمد..حاضر ياستي هي
نزل محمد من جديد وخدالهم
محمد..اهو جبتلهم باهي هكي
اني..ايه باهي 😊
روحنا امخر بعد ماكلينا في سيارة ع البحر وهدرزنا شوية وبعدها طلعنا روحنا خشينا كان الحوش هدوء لوطة ركبنا طول لحوشهم فتح محمد الباب خشيت اني وياه لقينا سلافة وسرور مقعمزات يتفرجو ومدايرين سبول
اني..نايضييين
سلافة..هييي خلعتيني
محمد..شن قاعدين لتوا انتم🙂
سرور..وانت شن قاعد لتوا🙂
اني..هههههههههه
سلافة..شن جايبين
محمد..خدينالكم عشي
سرور..الله سلمه وخيي ياربي
محمد ابتسم..اعطو امي وبوي كان قاعدين نايضين هيا ميس تصبحو ع خير
اني..تصبحو على خير وصحتين
سرور وسلافة..وانتم من اهل الخير
طلعنا اني ومحمد وركبنا الاصانصير اتصل محمد بي قيس ولقيناه قدامنا وقت انفتح الاصانصير..شد هاك
قيس..سلمه ياوخيتي تعرف كيف كنت نفكر شن ناكل
محمد..هي خش تمرقد
وقفت اني قدام باب الشقة ونستنى في محمد شوية وجي فتح الباب
اني..خديت حتى لي قيس
محمد..هدا من الاول حاسبه مانقدرش ناكل عليه شي كبيدتي هدا💙
اني..امممم باه
خشيت خديت حوايجي وخشيت ندوش طول
محمد قعمز وحط يديه ع راسه..افففف لازم نتقرب منها ونخليها تحبني معاملتي معاها هدي غلط في غلط نزيد نخليها تكرهني خلاص اللي فات مات يا محمد وهوا مات ماضي واندفن الله يرحمه اي هدا الصح نبدا بداية جديدة معاها وان شاءالله ربي يساعدني
.
.
.
تاني يوم الصبح نضت نوضت محمد طول ووتيتله فطوره ودرت اني قهوة وقعمزت في البلاكونة ونشرب في القهوة ونتشمس
محمد..خشي داخل
اني..باهي شوية بس الجو حلو برا💕
محمد..يشوفك حد قلنا خشي داخل
اني..تي لابسة المصلية عاد من بيشوفني
محمد..ياهمي وخلاص وقت عليا خليني مطمن خشي داخل
اني..اففف باااه هاه خشيت🙂
جي محمد سكر البلاكونة
اني..تي خليها مفتوحة نبي الحوش يتهوا
محمد فنص..ماتنفتحش هدي خير مانسيب الخدمة ونجيب بومشي نسكرها😡
اني هزيت راسي..مجنون باهي تمام
محمد يساوي في رقبة سوريته ع المراية..تبي حاجة ابعتيها في مسج
اني..تو بنسئلك امتى بيبدا السيم!
محمد..مزال تو وقت يبدا تو انضملك امورك اني ماتفكريش
اني..اوك دكتور محمد😊
محمد شافلي..بطلي مشاغبة يا طالبة🙂
اني..😂خلاص هيا برا عطلت راك
محمد مشي وتلفتلي..زي ماقتلك اااه ماتنفتحش وعندي من يقولي انها انفتحت
اني..افففف قيس هدا اكيد باهي خلاص
محمد..اهو قتلك
اني..مع السلامة
محمد..سلامات
سكرت وراه الباب وقعدت نضحك عليه حسيته تغير معاي وهدا شي ايجابي❣
نزل محمد وركب سيارته ومشي للجامعة طول
اما اني ف قعدت نحوس في الحوش ضميته وقعمزت نتفرج شوية كان الوقت مزال بكري ماعندي ماندير اذكرت ان عميمة فاطمة بتجيني واستغربتها ماجتش نضت طول بدلت و وخديت مفتاح الحوش ونزلتلها
.
.
فاطمة..يا سلافة نوضي عطيك ماينوضك سرووووووور نوووووووضوووووو
سرور..يمااا خليينا نرقدو😴سهرنا امبارح
سلافة غطت راسها بالمخدة..اففففف مامااااا فوتينا
فاطمة سمعت الباب يطق..شوية ونولي نهاركم احرف كان مالقيتكمش نايضين
مشت وهي داهشة من بناتها وراقيلها فتحت الباب
اني..صباح الورد
ابتسمت فاطمة..اهلا اهلا صباح النور خشي
خشيت وراها وسكرت الباب
اني..كيف حالك اليوم
فاطمة..الحمدلله اهو نعااند بروحي هالبايرات مابو ينوضو
اني..ههههههه خليهم عميمة تو يجيهم وقتهم وينوضو بالسيف عليهم
فاطمة..هوا هدا كيف حالك
اني..الحمدلله وانتِ
فاطمة..الحمدلله يابنيتي
ناضت بتصب العصير نضت لحقتها وخديت منها
اني..تو نصب اني معش اتعبي روحك هدي اول حاجة تاني حاجة اني توا كنتك وزي بنتك والحوش هدا مش غريب عليا يعني اني مش ضيفة ياعميمة
فاطمة..ربي يحفظك يابنيتي فطرتي؟
اني..ايه الحمدلله وانتِ
فاطمة..اي فطرت اني وعمك
قعمزنا نهدرزو ونضحكو مع بعض
اني..ايه امس قلتي تبيني
فاطمة..نبيك تحكيلي شن صاير بينك وبين محمد ليش نحس فيكم مش متفاهمين وامس دمعة في عينك
اني..مشاكل ياعميمة في بداية تعرفي واحني مش مهدرزين مع بعض يعني قاعدين نتعرفو ع بعض وقاعدين مانعرفوش اطباع بعض بس اليوم كان كويس معاي
فاطمة..اسمعيني يابنتي محمد عناد واعصاب ومايتحملش من يكسر كلمته ولا من يعانده
اني..واني نفس شي😂😂
فاطمة..حاولي تكسبيه لصفك وماتعانديشي ديما محمد زي بوه طالع حتى اني في بداية تعبت معاه هكي
اني..ربي يحلها ان شاءالله
فاطمة..زي ماقتلك انت حاولي تكسبيه لصفك ووقت تحسيه بيفش غله خليه يدوي وماترديش عليه فوتيه يجي بروحه يعتذر ولما تلقيه يعاند فيك فوتيه قولي باهي حيولي طول 😂
اني..تمام
فاطمة..زي ماقتلك
اني..حاضر حنحاول خلي نركب نوتي الغدي ساعة 11ونص
فاطمة..تمام
اني..ماديري شي عميمة تو نجيبلكم اني اليوم
فاطمة..باه سلم كنتي ياربي😊
اني..سلمك
طلعت منها ركبت طول خشيت للمطبخ طلعت اللحم وقعدت نفكر شن اندير فكرت ان ندير رز بالبصلة احسن شي بديت نطيب واني نغني وجوي حلو
.
.
.
منى..لازم نفكرو في طريقة لااازم
أيوب..الكلب لازم نعلم عليه زي ماعلم عليا
منى..أسيد ماتكلمناش لانة قداش ليه يبي يفش غله فيك من اللي درناه المرة اللي فاتت لكن محمد هدا مش ساهل ويبي خطة راكزة
أيوب..نبي نفرقوهم على بعض ضروري مستحيل نخلوهم فرحانين😈.
منى..ولا يهمك حنفكرلهم غير توا خلينا في دفعة اللي جاية جديدة
أيوب..حصلت مكان نحطها فيه تم موضوعها
منى..دفعة كبيرة هدي لازم ادير بالك
أيوب..عارف
منى..سلم ولدي😈
.
.
.
عند ثمارة
ثمارة..معش قادرة نتحرك نحس روحي زي البطريق🙂
سليم يضحك..😂😂😂
ثمارة ضرباته ع كتفه..تي ياسر يا دراه مبردك راااه
سليم..شن درت توا اني هي ااااه كتفي مشي حتى من يدك ولت رزينة
ثمارة..اففففف سليييم خيرك هكي وليت معش تحبني وتضحك عليا☹
سليم..وليتي بطة وبنتزوج عليك معش يساعدني هكي اني🙂
ثمارة..شن بنددددديرلك ااااه قووول ماااااه اني حااامل بولدددك😡
سليم شاد صحكته..تعليش صوتك لوسمحتي🙂
ثمارة..تي شنو برودة الدم اللي انت فيها هدي
قعمزت ثمارة وبدت تبكي
سليم تلفت شافلها..بسم الله خيرك
ثمارة..انت تحرقلي في دمي 😢🤧
سليم لف يديه عليها..اششش خلاص يا بطتي معش تبكي
ثمارة..معععش تتسهوك عليا😔
سليم..اسف ياروحي نبصر اني والله نبصر تو معقولة بنشوف لوحدة غيرك تي انتِ روحي
ثمارة..نحبك💕
سليم زاد حضنها..واني نموت فيك❣
.
.
.
.
منى..أيووب وليدي
أيوب..شن في من وراك
منى..ميس
ايوب..اففف خيرها
منى..★★★★ #يتبع
.
.
.
ان شاءالله تناااال اعجاااابكم😍❤❤❤ #حنو