مشاعر💔 ( روايات ليبية )

حلقة 10🔥

رواية #مشاعر 🌷
( خيال ممزوج بلواقع )
للكاتبة : #حنو
الرواية بلهجة الليبية
حلقة  10🔥
.
.
وسن..ارجوووك بالله عليك لو عندك خوات خاف عليييهم وبعد علييييا
كانت وسن تقاوم فييه بأشد الطرق لقت جنبها حديدة خدتها وضرباته ع راسه بيها
وقف شوية وطاح ع الارض بدمه
أسيد قلبه قعد يعصر فيه وحاس ان في شي صاير خش من الباب المردود وسمع عياط قعد يقرب من صوت
طلعت وسن تجري بعد ماشافاته طاح ولقت أسيد قدامها جت تجري حضناته وتبكي وكانو حوايجها مبهدلين ووجهها كله دموعها وكحلها الي نازل ع وجهها من عيونها كانت حالتها صعبة بككل
أسيد..قوووولييي شششن صااااير علاااش حالتك هككي
وسن..قتتتتلتتته
أسيد..منوووو
وسن..قتتتلته يا أسيد قتله اني مايقربش مني هوا ماباش يسمع قتلللته😭😭
أسيد..تي منننننني منننني
وسن..خششش شوووفه
خش أسيد يجري وشاف واحد طايح ودم نازل من راسه ع الارض
أسيد..تي منوووو هدااااا
وسن..😭😭😭مااانعرررفش طلعت للمخزن واني جاية بنطلع منه لقيته قدامي😭
أسيد حط يديه ع راسه ويشوف لوسن ويشوف للراجل
وسن..سااااعدننني😭😭😭
قامها أسيد وركبها في سيارة وطلع بيها
وسن كانت منهارة وتبكي وأسيد يفكر ومش فاهم شي من شي
وصل بيها للإستراحة خشش سيارة للداخل ونزل ونزل معاه وسن
وسن..ويين جبتتني
أسيد..استراحتي هدي هني خير
وسن حضناته وقعدت تبكي وتبكي وحالتها كانت بالويل
أسيد قامها ودخلها لداره
قعد يهدي فيها ويسكت فيها
أسيد..خلاص حبيبتي خلاص والله الي تبيه نديرهولك بس فهميني راهو دماغي مستك مش فاهم شي ومشعارف حتى كيف جبتك اهني وسيبت الحيوان غادي
وسن..كانت ماما باعتتني لدار الخزين ناخد منها بخارة هيا جايبتهالي ع اساس دورت عليها ومالقيتهاش وشوية ونحس بحد وراي وكان ملتم وقعد يحاول يقرب مني ويحاول يغتصببني😭😭😭😭
أسيد نزلت عليه الكلمة زي السيف
وسن..بسس ماقدرنييش قعدت نعيييط ونقاااوم فيه وهوا زي المجنوون لين تلفتت ولقيت حديدة قمتها وضربته بيها ع راسه😭😭ومانعرفش شششن صااارله طلعت نجري ولقيتك قداامي😭😭
قرب منها أسيد وحضنها حضن الام لبنتها ووسن تبكي في حضنه💔
.
.
.
عند امهم
الام كانت مقعمزة وتشرب اي تشرب وصلت بيها في مرحلة شرب وهي الي مخططة هدا كله لانها كانت حتربح فيها مبلغ كبير فباعت بنتها للتاجر..💔
ايوب روح لقي الباب مفتوح خش لقي دم في جنان وقت قعد يقرب للدار لقي فيها دم خاف وخش يجري للحوش لقي امه راقدة وريحة الحوش تقرف
أيوب..يمااا يمااا شن في شن صاير اهننني
امه..اااه راااسي شن فيي وين اختك تلفونها هدا
أيوب..تي شن صار خيرك هكي وخيره الحوش مفتوح ووين وسن ؟؟
امه ارتبكت..ءءء اااه مممانعرفش
ايوب..يما راك تقعدي دايرة شي من وراي
امه..مااادرت شييي اني خيرك انننت
أيوب..علاش شاربة يام خيرك هكي قلنا حاجة نبيعو فيها ماناخدوش منها
امه..جي في خاطري
أيوب غمض عيونه شوية وشافلها..وسن يام مادرتيش شي وله
امه..شن مادرتش شي خيرها وسن
أيوب..يام قلنا وسن وسسسن ع الموضوع هداكا نسيتيه
امه ارتبكت وناضت طول وعطاته بظهرها..احني محتاجين فلوس ولازم ماندير هكي والا مصطفى حياخد مننا كل شييي بس مانعرفش شن صار قعدت نشرب باش ننسى ان بنتي تتعذب وان بيصير فيها شي
أيوب قعد يعيط ويخبط..علاااااش علاااااش خيرك انت خييييرك احني زوجناااهم بالسيييف باش نطلعوهم من كل ملعوب نديرووو فييييه تمشششي ادخليييهم فيه ادخلييييهم خييييررررك وينها هيا وسن وووين لا وسن ولا الولد ودنيا برا دم شن فيييي قوليييي
امه قعدت تبكي..وووووه بنتتتي ويييين
ايوب..وين نننندريييي اننني ووووين
امه..اتصل بي راجلها بلكي جي والا مشعاااارفة بلكي معاه هيا اتصلل دير روحك تسئل
خدي ايوب تلفونه واتصل بي اسيد
.
.
كانت وسن راقدة ع صدره وهو يفكر كيف هكي وشن الي صاير وفهم ان ايوب وامها وراهم موضووع
وفجأة رن الفون وكان ايوب عرف من اتصاله هدا ان هما وراء الشي هداا لانة من امتى تهمه وسن !!
ناض أسيد وطلع من الحوش للجنان
أسيد..الو
أيوب..ايوا أسيد شن جو
اسيد..لا جو لا نو تعرف وديني ومانعبد وربي العزززة يا أيوب لما اندمكم ع الي درتووه الله العظيم لما ندير فيك ايام عمرك ماريتهم
أيوب..غير اهدا بس شن في
أسيد..لا شن في لا واحد تراه دايرلي روحك بريئ انت وامك تي برا يا#**&%-؛# والله لما نوري&'#&*::+ ومانبدا أسيد كان ماجبته الحيوان الي حاول يدير في مرتي هكي
وسكر أسيد عليه وحط الفون في جيبه و قعد يدخن ويفكر كيف يدير وواجعاته وسن واالي صاير فيها
سكر ع وسن الباب وطلع بالسيارة يجري ومايشبح في شي قدامه غير ايوب
.
.
ايوب..قتلللللك قتللللللك مادخليهمش في الموضوع هدا علااااااش درتي هكككي فسدتتتي علينا كل شي مخططينه
امه بإستهتار..عادي يعني ولو دارلها شي😏ما هي متزوجة اصلا يعني مش زي البنت🙂
ايوب..تي شن تقوووولي شننننن خيرك انت وليتي هكككي خييييرككك وربببي لو طلع ماسها او دايرلها شي تشوفي مني الي ماعمرك شفتتتتيه احني زوجناهم باش مايطق فيهم شي من الي نخدمو فيه تجي انت توا بدخليهم في شي هما ماذنبهمش فيه لالالا
وهما يتعاركو يخش عليهم أسيد
أسيد..انتم وراها وله
ايوب..يا اسيد فهمني وسن بخير!!
أسيد..تككككلم انتم صحح شن انتم قولولي ماعندكمش ذرة العيلة ماعندكش انت ذرة رجولة ونخوة اختتتتتك هدددددي اختتتتتتك عرضضضك وشرففككك تكككلم علاش سااااكت
ايوب..يا اسيد اني من الاخير مالياش علاقة في الموضوع كل الي مدبر الموضووع هدي الي قدامك الي اسمها امي اني مادخلللليش ومستحيييل نديرهاااا مهما كنت كلب وحيوان مستحيل نددديرهاااا كنت طالع وروحت لقيت الجنان دم والمخزن دم وماريتش حتى واحد خشيت لقيتها راقدة ووسن تلفونها اهني وحجاتها اهني ولكن مهناش عرفت ان هيا دارت الي كنت رافضه اني مادخليش وشن بدير دير
طلع ايوب وهو متعفلق
أسيد..تعرفي هي كانت ماتبيش تجيك واني الي قتلها مهما كانت هدي امك ومفروض تمشيلها كانت فرحانة وجبتهالك نكلمها من صوتها متغير جوها وحسيت ان درت شي صح بس وقت نجي نلقاها بشكل تاني ولولا ستر ربي ولحقتها لكانت الله اعلم شن صاااير فيها لكن وربي وعليا الطلاااق ماعاد عافستلك فيه مرتي ولوكان متي يا:#&#-
وطلع وهو عروق رقبته قريب يطلعو ركب سيارة وسطرب وطلع يجري ومشي لوسن
.
.
.
عندي اني
حناي..مش كأن نسمع في عراك في حوشكم
اني..تلقيه ايوب وامه
حناي..ااااخ بس لولا البنات والله ماهم قاعدينها في هالحوش
اني..الله غالب
حناي..مشعارفة حتى كيف خديتهاله بوك اني
اني..الحية ماتبانش تلقيها تمتل باش توصل بعدها توريك وجهها االي كان مختفي
حناي..فكني منها ومن سيرتها تراه امتى بتمشي غدوا
اني..مع صبح خير
حناي..ايه خير
اني..حناي خايفة
حناي..من شن خايفة يابنتي
اني..خايفة من حياتي الجديدة
حناي..ماتخافيش انت بنية ماشاءالله عليك شاطرة وعارفة وراكزة وعاقلة وتعرفي كل شي يعني ماناقصاتك حاجة خلاص معناها علاش بتخافي
اني..مشعارفة
حناي..كانك ع حميدا نضمنهولك اني ان مافيش زيه يابنيتي ماشاءالله عليه
اني..ان شاءالله
فاتت ايام وبديت كل يوم نطلع للمركز ومهتمة بنفسي هلبا لاني مكملة كل شي بس التفكير والارق اللي صايرلي مش فاهماته وبذات ان عقلي مشووش ومشعارفة هل بديت نحب محمد والا قاعدة في عبدو 💔
.
.
بعد فترة اسبوع معش سمعنا ع وسن شي ولما نكلمو أسيد يقوللنا مريضة شوية وتو تجي في العرس استغربناها وحناي كانت تحسابها حامل💔 مابيناش نشغلوها وقلنا تو تجي في العرس ونعرفو شن صاير لانة نحسابو أسيد مايبيش يجيبها ولا خطر ع بالنا ان صايرلها شي
.
.
محمد مع هيثم وصحابه
ابراهيم..ياراجل اسمع مني البدلة والله الا مليحة هيا قيسها
محمد..هكي رايكم؟
هيثم..تي هيا اني خديت وانت قاعد احرف من البنات
محمد شبحله..ضم فمك انت خديت حاجتك وقعدت تنق زي حناي
يوسف كان يتكلم بالفون وبعدها جاهم..ها شن صار معاكم !! قصدك محمد مزال انت تي مزال في هلبا حجات راهو هيا يانفخ انت حتى العروسة نحس فيها مادارت زيك
هيثم..والله ماتعبت معاها اكتر ما هوا تعبني😂
محمد..برو روحو امشو تو ناخد بروحي😏
هيثم..اهيا الي طلعها ابراهيم مليحة راهو والله قاعدة احلى من متاعي
محمد..خودها كان تبيها
هيثم..لالا خلاص اني خديت هيا انت خش قيسها ونشوفوها معش في وقت
محمد..هي
خش محمد قاسها وطلعلهم
كانت طالعة عليه تهبل❤
ابراهيم..مش تعرفو ذوقي بس لولاي شن كنتو درتو
محمد..هاهاها ماشي حالها
يوسف..لالا والله ماعندك ماتقول فيها مع تخفيف لحية هكي وشعرك تطلع احلى من العروسة
محمد..نفختهم انت ممن بكري عروسة عروسة
هيثم..لا بنت خوي احلى منه😏
محمد غار وتعصب..اهو بدي هي ضم ياراجل خيرنا عاد😤
هيثم ضحك..باهي باهي هيا خش غير ونمشو ناخدو باقي الحجات
خش محمد وقعد يغير وهو متعصب منهم
ابراهيم..رقاله يالاه جبنا سيرتها
هيثم..😂خليه خاطري نعفلقه فيه جو
يوسف..ان شاءالله ربي يهنيكم يارب وعقبالي
هيثم..ان شاءالله
ابراهيم..شن بنقول اني عقبالي للتانية؟ 😂😂
هيثم..ضم فمك بنت الناس مشعارف كيف متحملاتك نفخك ونكدك وهمك
ابراهيم..باه خلاص مسحت بيا الارض
يوسف..يناري اشبح شن مدايرة في حياتها باش طاحت في مصيبة زي هدا
ابراهيم..توا سيبتو محمد وجيتو عليا اني خلو امي في حالي
وقاعد ماكملش دوته ويرن فونه طلعه طول ورد
يوسف..حكوومة يااا ماقدرش حتى يستنى شوية
ابراهيم..ايواا
مرته..حبيبي وينك الغدي واتي من بكري
ابراهيم..هيا اهو نكملو باقي الحجات ونروح
مرته..معطل؟
ابراهيم..مزال شوية كيف خدو بدالي الرسمية
مرته..اهااا باهي ماشاءالله اسمع اني درت بزيادة قلت مرات تجيبهم معاك
ابراهيم فرح..تو نشوفهم كان يروحو معاي تو نبعتلك مسج تمام عيوني
مرته..اوك حبيبي
ابراهيم..تغدي انتِ وزيزو واني امتى مانروح نتغدا
مرته..تمام عيوني
سكر منها وجاهم لقاهم كيف بيطلعو من المحل
ابراهيم..ها شنو شريتها
محمد..ايه مية مية هي وين توا نمشو
يوسف..تعرفو جعت خلاص هي في مطعم نعرفه نمشوله
ابراهيم..لا والله اليوم اني عازمكم
هيثم..عازم منو
ابراهيم..عازمكم انتم ع الغدي
محمد..اوووه في اما مطعم هي اني جاهز لاني بنموت من جوعي
هيثم..بعدك حتى اني خلاص
يوسف..صار باهي الي تكلمت😂😂
ابراهيم..لا مش مطعم في حوشي
هيثم..هفت روحك ياراجل اتعب في بنت الناس علاش اهو اول مطعم ناكلو ونكملو مشاويرنا
ابراهيم..اني قلت عازمكم والا؟ خلاص والمرا اصلا من البداية مدايرة احتياطها ودايرة بحسابكم ف ماعندكم ماتقولو
يوسف..والله مانقدر نقول لا ماكلتها ماشاءالله
ابراهيم..هي معناها نروحو نتغدو ونروقو بي طويسة شاهي ونطلعو نكملولكم باقي حجاتكم
الكل..تم
ركبو سيارة ويوسف بدي يسوق
وابراهيم بعت مسج لمرته ان هما جايين في طريق
ناضت مرته جري سخنت الغدي وفتحت الصالون الخارجي و بخراته لانها منظفاته من صبح وحطت صفرة الميا مصقعه وطلعت وتت الغدي في صواني كانت مدايرة بيتزا ومبطن وبوريك بالمفروم وشربة عدس و رز بلاو ودجاج مشوي
اتصلت بي ابراهيم
ابراهيم..ايواا
مرته اسمها هناء
هناء..نسيت نقولك جيب مشروب بيبسي وانت وين واصل توا
ابراهيم..باهي تمام واهو في شارعنا اني
هناء..اووك
سكرت وخدت صفرة حطت فيها صواني و طلعت بيها للصالون ستفتها كلها ع طاولة وحطت طواسي المشروب وزعتها ع كل صونية و ودارتلهم جو وطاولة بروحها تفتح نفس💕😭(جعت #حنو)
وخشت وقت سمعت صوت سيارة درست قدام الحوش وسمعت اصواتهم خشت طول قبل مايشوفوها
زياد كان يعيط
هناء..اهو جيتك يا ماما هي ياروحي
زياد..ماماا وينت
هناء..خلاص ياروحي كنت برا خلاص هي
وخشت بيه للمطبخ وقعمزاته في كرسيه
سكت زياد وضحك لما شاف بوه
ابراهيم خش وحضنها طول من الخلف وباسها ع رقبتها
هناء..هومي روحت
ابراهيم..يعني ماسمعتيش اصواتنا توا
هناء..ههههههه ايه سمعت
ابراهيم..شن اديري في صالون ريحتك كانت عالقة فيه علاش باخة بارفان اااه قولي
هناء..تو خيرك ادقق انت هلبا يا هومي ما كنت انحط في الغدي ع طاولة
ابراهيم..هما خشو واني جيت اهني طول قصدك حاطاته كله
هناء..ايييه
ابراهيم..امالا اهو المشروب
هناء..ارفعه معاك هونا طواسي غادي وصبو بروحكم اهو سبات الخبزة بس نسيته
ابراهيم..شن دايرة انتِ
هناء..تو تشوف برا امشي تو يكملوه عليك😂😂
ابراهيم..والله المفجوع يوسف نحس فيه كمل طاولة كلها هي تو نمشي وتيلنا بعد الغدي شاهي
هناء..حاااضر درت حتى بسبوسة
ابراهيم..سلمها ياربي مرتي
طلع ابراهيم وهو ضحكة مالية وجهه وخش لقاهم مقعمزين وياكلو وفايتينه
يوسف وفمه معبي..وين كنت ياتافه
ابراهيم..😂غير كول الي في فمك وانت مفجوع صحة صحة شباب
محمد..هي قعمز وهنينا
قعمز ابراهيم وبدو ياكلو مع بعض و بشهية مفتوحة وبذات انهم طالعين من صبح وكل مرة في مكان
يوسف..اااه الحمدلله ماشاءالله الحق
هيثم..الحمدلله الله يبارك
محمد..الحمدلله والله ماعندنا مانقولو شهادة لله انك واخد مراء بنت ناس وامها عرفت تربي وتعلم
يوسف..اي والله ماشاءالله الحق
ابراهيم ابتسم من قلبه..تسلمو شباب صحتين وعافية ان شاءالله
يوسف..بالله كان عندها خوات قولي لما نبعت امي غدوا
ابراهيم..😂😂😂متزوجات هدي الصغيرة للأسف
يوسف..مش نقوللكم حظي عافس عليه طراطوري
محمد شرق بالمية وهيثم نفلق بالضحك وابراهيم قعد يخبط في محمد
محمد..نعنشكلك مرة وحدة ياحيوان ماك تشبح فيا نشرب
يوسف..شن درتلك اني نتكلم من فمك والا شنو بالزبط
طقطق الباب ونفتح كان زياد ولد ابراهيم
زياد..سلام عليتم
يوسف..اوووووووه الباشااا جي
زياد..عمووو تي سن جو
يوسف..😂الحمدلله يابرو شن جوك انت
زياد..مية مية يا قدر
ابراهيم..زيااااد شن قلنا احني مشعاارف من معلمهاله
هيثم..من يعني معلمهاله غير يوسف ولدك كان ديما بتخليه جنبه بيفسد😂😂
محمد..اصلا يوسف مستحيل نخليه يقرب من صغاري
يوسف..غير يولد ويسموه انت تو بعدين تشوف😎
محمد..سبحان الله ديما كلمته ع لسانه
زياد خبط ع جبهته..حييييعلمي نسيت
ابراهيم فنص..خيرك تو شن الكلام هدا
زياد..بابا تبيك ماما قالت كان كملتو تعال خود شاهي
ابراهيم..به هي تعالى خش معاي عيب خلي عمو يرتاح
زياد..انلا نبي نقعد مع عمو يوسف
يوسف..خليه مبردك الزفت
ابراهيم..باه فكنا من الالفاظ هدي ياراجل خيرنا
يوسف..به برا وكون مطمن
طلع ابراهيم وخدي سفرة خش حط فيها الماعين ورفعها للمطبخ وخدي الحلو والشاهي ومشي بيه قعمزو شربو شاهي وكلو حلو واستريحو شوية وناضو مشو
زياد..بابا ابي امسي معااااك😭
ابراهيم..لا قلنا وله اقعد مع ماما انت راجل توا وتقعد مع ماما تخليهاش بروحها
زياد..امباه حاضر
دخله ابراهيم لي هناء
هناء..ها شنو حبيبي عجبكم الغدي
ابراهيم دار روحه متعفلق..هدا غدي اديرييه خيركك شن خداتك عين والا شني
هناء..هيييي خيره
ابراهيم..🤣😂نبصر وانتِ ماتصدقي بعدين ماشفتيش كيف صواني فاضيات هدا يعني ان عجبهم
هناء..باهي الحمدلله
ابراهيم..نبي نفهم شن صارلك علاش دايرة هدا كله
هناء..شي نضت متشهياته قعدت ندير ونايضة بكري وبذات دجاج مشوي والله حتى اني كليت لين شبعت منه
ابراهيم قام يديها وباسهم..ايه ماشاءالله سلم يدياتك حبيبتي
هناء..نحبك😍
ابراهيم..نموت فيك هي خلاص اني طالع
هناء..اوك دير بالك من روحك
ابراهيم..حاضر هي سلامات
طلع ابراهيم وهو هايم في هناء وتمنى ان مايطلعش من جنبها بكل ركب سيارة وهو فرحان
يوسف..تو شن دارتلك باش تطلع هكي فرحان وهايم اني كان نويت نتزوج ف هوا من جفاف الي نحس فيه من ابراهيم
الشباب..😂😂😂
ابراهيم..سوق وضم عليا فمك وانت ماتخليش الواحد فرحان شوية
يوسف..لازم لازم مانخرب اللحظات الرومنسية دورولي ع وحدة نتزوجها والله لما نسيببكم ماعاد شايفين وجهي
ابراهيم..😂😂
كان يوسف الكوميدي فيهم ويضحك فيهم ويغيرلهم في جوهم وفرحان بصحابه بيتزوجو وكانت صحبتهم صحبة العمر💙
.
.
.
عندي انـي
كانت حناي توتي للعرس وكان في ناس بايتين عندنا اقامة لين يتم العرس💔
بعد فترة بدي اسبوع العرس وبدت وسن تجي
اني..وسن فيك شي!؟
وسن..لالا
اني..بس واااضح عليك راهو انك مش وسن الي تغيرت وتعودنا ع ضحكتها
وسن..مش ديما نكونو نفس الاشخاص احياناً الدنيا تغيرنا وتتغير علينا
ناضت من جنبي ودمعتها حسيتها في نص قلبي 💔 مفهمتش شن صاير او خيرها ومكانش عندي فرصة ندوي معاها اكتر كان الحوش معبي بالناس وكان فاتحين مسجل ودايرين جو
.
.
.
فاتو ايام وقرو الفاتحة
ميسم..روروروروروروروروروروروروي الف الف الف مبروووك حبيبتي
اني ابتسمت..الله يبارك فيك😊
قعدو يسلمو عليا ويتغمرو فيا بلبسة البودري وبعدين بدو يدربكو ويغنو ويرقصو فيا
وخش هيثم وهو فرحان سلم ع حناي وباس على راسها وقعدت فرحتنا ماتنوصفش❤
بعد يومين
نضت بكري
فطرت وبعدها خشيت دوشت وبدلت وقعدت مقعمزة نتفرج ع داري طلعت الكل راقد نخش للديار والمطبخ وكل مكان مش قادرة نسيب المكان هدا😢شميت ريحة وشق طلعت للجنان لقيت حناي كيف حطاته في روشن وقعمزت في جنان وتفكر
جيت حضنتها من الخلف..حناي يا حناي ان شاءالله طول العمر معاي❤
حناي شدت في يديا..ااااه يابنيتي هدا وين تهنى بالي تهنيت عليكم انتِ وهيثم الحمدلله ربي عطاني العمر وشفتكم عرسان❤
اني جيت قعمزت مقابلتها..وحيعطيك العمر وتشوفي صغارنا
حناي..ان شاءالله ياااااارب
اني..خايفة
حناي..ماتخافيش يابنيتي حميدا زي وليدي ونعرفه كويس ماشاءالله عليه بس يعني هكي واعر شوية وانتِ ع كل حاجة ماتعانديشي خليك متساهلة شوية بس تتفاهمو
اني..يصير خير ياحنينة ماتشغليش بالك بس
حناي..ايه ربي يفرحكم وتقعدو دوم فرحانين
اني..ان شاءالله يارب
ناضو الناس وفطرو وكلهم طلعو روحو واني رفعني هيثم للمزين ومشي لصحابه
المزينة..بروحك ؟
اني..لالا بتجي اختي بعدين بتلحق
المزينة..تمام هي
.
.
.
ميسم..اسمع الصغار وين بنخليهم !!
خالد..قصدك تبيني نقعدلهم؟
ميسم..خليهم معاك اني مش فاضية
خالد..تو خيرا مامشتش وسن ماعندها حد
ميسم..ارفعهم لأمك
خالد..اياح علينا عاد ارفع جيب حط
ميسم..هدا واجبك يابابا
خالد..افففففف به به تو نرفعهم لأمي هي وتي روحك
لبست ميسم ولبست لي صغار وكانت تتكركب مع بطنها😂جتني للمزين
اني..شرفتي
ميسم..وووه عيييت امتى بنجيب
اني..هانت هانت
قعمزت ميسم ووتتفرج عليا والمزينة بدت فيا
وفات الوقت ومرو الساعات زي الدقايق وكل ماتفوت ساعة كل ماقلبي تزيد دقاته خايفة من الي جايني وخايفة من كل شي يعني في نهاية مانعرفاش الا ان هو دكتور يقري فيا بس كيف بنتفاهم معاه زعما صاعب زي في جامعة والا شخصيته في جامعة بروحها اااخ ياراسي معش نبي تفكر في شي والي بيجيبه ربي اهلا وسهلا بيه😌
قعدت كل مرة فكرة تجيبني وفكرة ترفعني لين كملتلي كل شي ولقيت ميسم حتى هيا مكملة وواتية لبسوني الفيلو وكل شي ولبستني ميسم الكاب كانو يتكلمو واني مانسمع في حد تفكيري كله في حياتي كيف بتكون كيف بنواجه حياتي جديدة واني قلبي قاعد معلق في الماضي كيف وكيف وكيف وكيف لعند لقيت روحي في سيارة كيف وصلت اهني
ميسم..يا ميسس خليك معاي من تبي يخش معاك!
اني..من بيخش معاي يعني🙂مافي من يخش كل شي بروحي اني خلي حتى هدي نبيها بروحي
ميسم..به
كمال..من قال بروحك يا ميسو ندخلك اني
ميسم..عينك انت ولد عمها راك مش خوها
اني..تي عادي كيمو اصغر مني خليه يخش معاي
ميسم..هكي تقولو
كمال..ايه شن فيها
ميسم..اوك معناها توا وقت نوصلو ندخلوها بتخش معانا لانة عطلنا نواسوها ع سريع وتخش
كمال..باهي
مشينا للصالة وخشينا
خشيت لدار العروسة نسمع في زغاريط البنات ونشبح في كيمو شاداته امه وخواته يسلمو عليه ويصور معاه وهو مش فاهم شي يناري 😂
والاغاني والزمزامات
ساوتني ميسم وماخلت حد يخش يشوفني
ميسم وعيونها دمعو..ربي يباركلك في زواجتك وان شاءالله يااااااارب يهنيك وتكون حياتك احسن مني ربي مايوريلك الي ريته ياااارب يكون ولد حلال ويصونك
اني دمعو عيوني..اسكتي خير مانقول معش نبي راه اني مزال مش جاهزة نحس في روحي مزال نحب عبدو
ميسم قعدت تمروح ع وجهها باش دموعها ماينزلوش..هههههه لا عاد خلاص انت حرم محمد الـ... معش فيها توا😂
اني وقت قالتها حسيت جسمي رعش قلبي يدق بقوة يعني اني مرته اني ليه هوا وهوا ليا ياااارب حياتنا تخليها حلوة ويتفهمني ونتفهمه ياااارب
ميسم..تي وين سرحتي يابنت خيرك اليوم كله سرحانة فيقي عيشي لحظة هدي مش حتتعاود
اني..باهي هيا عييت راني 🙂
ميسم..يابرودك هيا اشربي العصير هدا حتى تروقي وخودي امية رقيه واطلعي هي
شربت الي قتلي عليه ومشت فتحت الباب وطلعت وراها
كمال قعد يصفر..تي وين وين يا بنت العم كان نندري راه خديتك اني
قمر..ياتافه تحشم😂مرا متزوجة توا كان يندري عليك راجلها يدبحك
اني لفيت يدي ع يد كمال..يدبح عينه ماناقص غير كيمو يمسهولي
شمس..هيا خودلك هي😂😂
ميسم..هيا برو قعمزو انتم وقولو للمنسقة وحدة منكم
مشو خوات كمال
ومشت ميسم وانطفي ضي
وخشيت اني وكيمو وهو كل مرة يبلط كلمة يخلي فيا خلاص بنضحك ومش قادرة
كمال..تي شن هدا كلهم يفنصو فيا
اني..خلاص كمال وربي خلاص معش نقدر
كمال..خيرك شن معش تقدري غبارة شن بنقولو للناس اسمعي مالياش علاقة فيك ايواه بتخليني في نص طريق وبتلغي العرس لا راهو
اني..تي معش نقدر نشد ضحكتي ضم عليا فمك
كمال..ريتي غيرتلك جوك كنتي منكدة تقول جنازتك اسمي قالك مرة في نملة زمطت حمصة قتلها بوها ع خاطر يحسابها حامل
اني وجهي والا احمر وبنطربق من ضحك ودموعي من ضحك في عيوني شديتها بالسيف..باهي خلاص ياهمي😂
كمال..اسكتيلي خلي ندورلي ع طرف
اني..نزل عيونك لوطة حشمتني يافرخ
كمال..امي تبي تفرح بيا اسكتيلي
اني..😂😂ياربي خلاص
وصلنا وتلفتت والناس فعلا كلها تشوفلنا والي هدا يدوي في شي الي تقول حلوة والي تقول مش طالع عليها ميك اب والي تقول كيوت والي تقول باربي والي هدي تحكي في شي ومحور الموضوع اني
اما عند البنات ف كل وحدة كانت لاهية بي كيمو الي كان فعلا طرف مطرفش😂
اني..هي اطلع ياتافه شن مزال واقف جنبي
كمال..هدي نهايتها تلزي فيا عنبوك يابقرة
اني..عروسة اني مفروض تسلم عليا وتفرح
كمال..😂😂تي بري امشي منكدية وماشية لي منكدي احرف منها ااااي ياربي قداش بنتحمل اني قداااش
اني ضربته ع كتفه ضربة خفيفة..تي هفت عمرك متفهك
جت ميسم ووسن وثمارة..اصبرو نصورو مع بعض قبل
قعد كمال صور معانا وجت امه وخواته وامه مكبشة فيه جو نتع هدا ولدي😂
صورنا مع بعض وشد كمال في يد امه وطلعاته وتزغرط عليه وهي بطير بيه
قعمزت اني ونشبح فيهم كل مرة وحدة تجيني جتني حناي قعمزت جنبي تهدرز وفرحانة وصورت معاي ونزلت للناس
اني..ميسم وين عبدو
ميسم..عند بوه جاب البنات بس
اني..ياريت جبتيه ستاحشته
ميسم..تو نجيبهولك لما بتطلعي
اني..به
وفات الوقت بسرعة عليا وجو امالي محمد طلعت اني برا للدار وقعدت واقفة متوترة فرحانة ومش فرحانة قلبي يدق يديا يرعشو مش فاهمة شن يصير فيا 💔
شوية وطق الباب وخش وسكر الباب وراه تلفتت طول لقيته هوا واقف بكااااااامل انااااقته لحيته الخفيفة شعره عيونه طوله عرض كتافه🔥فصلته تفصيل بعيوني
تقدملي محمد وقعد يشوفلي شوية وبعدها شد يديا..مبروك علينا
اني بصوت يادوبه طالع..ءءالله ييبااارك فييك
محمد كان زيني متوتر ومشعارف روحه شن يدير او شن يقول فجأة خشت علينا المصورة وانقدتنا احني الزوز
وبدت تصور فينا وكنت مفهمتها تفوت لقطات بايخة والحمدلله مادارتهاش😂وقعدنا هكي شوية وطلعنا خشيت اني وياه
محمد..عمري ماكنت نتوقع نخش للصالة مع العروسة
اني..هاك خشيت
محمد..كيف قدرتي تقنعيني بسسس
اني غمزتله..مادرت شي
محمد..الباين انك بتعبيني
وصلنا واحني نهدرزو وقعدنا واقفين شوية وقعمزنا وقعدت مصورة تصور و العيلة يجو يصورو معانا وبعدها جابو تورطة وقصيناها😍 ووكلنا بعض ومشي الجو حلو وروحنا
.
.
.
تاني يوم الصبح
نضت دوشت وبدلت وطلعت لقيت محمد راقد ع الكنبة حاولت نذكر امس شن صار قعمزت ودمعو عيوني ع طول ياربي علاش درت هكي اني المفروض تكونله احلى ليلة بس قلبتهاله نكد للحظة اذكرت عبدو وان اني توا لشخص غيره يعني علاش هكي طول عرسي متناسياته اذكرته ليلة دخلتي😓خربت عليه ليلته كل الي نعرفه ان اني مش حنقدر نكون لحد غير عبدو ومش قادرة نخلي محمد يقرب مني💔 او ان نعطيه فرصة💔
ناض محمد ع صوت حركتي سمعته جاي للدار مسحت عيوني طول ودرت روحي انضم في دار
خش وقف شوية يبي يفهم شن صار اذكر كل شي درته امبارح خش طول خدي حوايجه وخش للحمام (حشاكم) وهو مش طايق يشوفلي🤦
وقفت نشوفله كيف ماشي للحمام
............. #يتبع
.
.
.
ان شاءالله تنال اعجاب الكل يااااارب وتكون قد المستوى الي متعودين بيه😍 #حنو