مشاعر💔 ( روايات ليبية )

حلقة 5🔥

رواية #مشاعر 🌷
( خيال ممزوج بلواقع )
للكاتبة : #حنو
الرواية بلهجة الليبية
حلقة  5 🔥
.

.
.
اني..شششن ادير اهنني
محمد..شي نستنى في هيثم يجي قالي خش للمربوعة وجايك سمعت حركة من تالي جيت لقيتك تغني ماقدرتش نقطع عليك😊
اني..اممم
وبعدها استاقضت لروحي اني منغير حجاب نضت طول وكيف بنمشي شدني من يدي ولفني ليه ولصقني عليه وقعد يشوف لعيوني لحظات
اني معش قادرة لا ندوي ولا نتحرك كأنه اشبح شن دارلي
محمد بهمس..نحبك يابنت افهمي
اني قعدت نلكلك..ءء حححول
محمد..والله نحبك
اني دمعو عيوني..خخلاص حووول
محمد تفاجأ بيا كيف بنبكي رخاني طول..اسسف مش قصدي
اني ضربته كف..بش معش تقرب مني😡
محمد حط يده مكان الكف وشافلي وللحظة تحولو عيونه حمر ورقبته بانو عروقه وقبض يده التانية وفنص فيا ويدوي وهو ضاغط ع سنونه..يدك هدي تنكسر فاهمة تنكسر لو مزال تنمد وتوا خشي معش نبي نشوف وجهكك😠
اني خفت منه وخشيت نجري واني خايفة وفرحانة لاني عطيته كف وكله ع بعضه وقعمزت واني مش فاهمة نفسي هل اني نبيه او مزال قلبي معلق في عبدو ياربي معش عرفت نفسي شن نبي😔
.
.
عند وسن
كانت وسن جثة بدون ولا شي يحركو فيها يمين و يسار وخلاص💔
فاتو الايام ونقرت فاتحة وسن وولت حرم السيد خالد الـ.... 💔 انقرت فاتحتها وهيا في المزين كان يوم حفلتها
المزينة..راهو هدي رابع مرة من لما قالولك فاتحتك انقرت وانتِ تبكي ونمسحو ونعاودو قوليلي خيرك وين اختك ماعندكش خوات؟ وين صاحباتك علاش تبكي متزوجة غصب! الي تبيه مش نصيبك؟
وسن هزت براسها بمعنى لا وسكتت
شوية وخشيت اني للمزين لقيت وسن تبكي
اني..وسن
وسن نطت طول وجت تغمرتني وفتحناه عزي اني وياها هيا تبكي واني نبكي لعند ماهديتها وسكتت شوية ودارتلها المزينة كل شي ولبسناها الفيلو
اني..😔كنت متمنية نشوفك بالابيض لكن مش باللي صايرلك هذا كنت نتمنى نشوفك بالابيض مع يلي تبيه ويبيك كنت متمنية نشوفك بالابيض وامك فرحانتلك وعيلتك كلها فرحانتلك وكلهم حاضرينك بس الله غالب ربي يفرجها عليك ياوخيتي مابيدنا شي غير ان ندعولك
وسن مابتش تدوي ولا كلمة غير الدموع وبسس
كانت عارفة روحها ماشية لمكان جحيم اكبر من الاول
شوية وسمعت سيارة تبيب ورن فونها كان أسيد هوا الي جايها كرهته من قبل لا نشوفه نزلتها ومشت ركبت معاه وهي تودع فيا وكأن اخر مرة نشوفها💔
.
.
أسيد..منو هدي
وسن مابتش ترد عليه
أسيد..نسئل فيك اني يا انسة هدي منو؟
وسن..اختي ميس
أسيد..فاتتني كان نعرفها راني خديتها هيا😊
وسن..حسبي الله ونعم الوكيل فيك
أسيد..اياح من اولهااا غير خلي نوصلو
وقوا صوت المسجل ع قوته وقعد يصفق ويغني معاه وداير جو لروحه اما وسن فكانت تحت الكاب تبكي وشادة دموعها باش مايلاحظش عليها حد وصلت للصالة ونزلها ودخلها هوا كانت حفلة مشتركة وامها كانت عازمة ناس بس مش هلبا
ميسم ابتسمت لي وسن وشيرتلها بيدها
وثمارة تشوفلها وشاكة في الي صاير
ثمارة..قوليلي علاش ميس ماجتش!؟؟؟ وعلاش وسن باين عليها الحزن!؟
ميسم..مششش عارفة بلكي لانها ماتبيش تفارقنا ههه
كنا مانبوش نقولولها كانت حامل ونبوهاش ترعش عليها وتتحير عليها سكتنا وخلاص وماقلنالهاش ع شي صاير وخصوصا دكتورها مقايلها ومحذرها ع المشاكل والعصبية
ثمارة بشك..اممم وميس علاش ماجتش
ميسم..متعاركة هيا وماما
ثمارة..لكن ع خاطر وسن
ميسم..مشتلها في المزين
ثمارة..وانتِ علاش قاعدة في حوش حناي شن في؟
ميسم..بنطلق
ثمارة..بجددد
ميسم..والله
ثمارة..تي فوتيه احسن ماديري لانة مايستاهلكش
ميسم..هوا هدا عمي هيثم وقف معاي وقالي الي تبيه يصير اصلا هوا خطب باعتلي كرت دعوة متع عرسه
ثمارة..تبصرري
ميسم..وحق ربي وتبي الحق والله ماتحيرتلي شعرة جايني ويقولي ولي وربي صغارك قتله لو كان توقف ع شعرك ماك ضايقني لا اني ولا صغار وورقة طلاقي توصلني وتو تشوف ميسم جديدة تبوس ع رجليها باش توليلك وماتقدر ضحك بإستهزاء لكن المرة هدي حتى الاستهزاء متعه ما احبطنيش بالعكس زادني قوة واصرار
ثمارة..احسن ايه اسحنيه مرض لهلعيلة التافهة اني معش نقدر نقعد واقفة حتى انتِ تعب عليك ره
ميسم..شوية ونقعمز
ثمارة..خلي نمشي جنب امالي سليم شوية يقولو خلتنا بروحنا😐
ميسم..ههههههههه مش طالع عليك تعرفي
ثمارة..خزي😂
مشت ثمارة وقعمزت جنبهم وقعدت تهدرز عليهم وجوها مليح معاهم
وفات الوقت وجي وقت انها تروح كانت ثمارة خايفة وترعش مع بعضها طلعوها ومشت روحت هيا وياه للفندق خشت وكانت بتموت من رعب 💔
.
.
أسيد..استريحي خيرك واقفة
وسن وهي خايفة..ششي
قعمزت ع سرير وهي اطربق في صوابعها وتفكر كيف بتهرب منه ومن همه
أسيد..خلاص حبي علاش خايفة خيرك
وسن نزلت منها دمعة
أسيد مسحلها دموعها..اشش خلاص مش حنديرلك شي اني وانت مش راضية خلاص اسكتي
وسن شبحتله وفرحت
أسيد..هيا نوضي بدلي ونتعشو
وسن نطت طول للشنطة وأسيد يتبع فيها بعيونه فتحتها و طلعت منها بيجامة حرايرية حلوة طلعت حجاتها ووقفت تشوفله..احمم
أسيد كان سارح..اااه اوك اني طالع شوية وجاي
طلع أسيد ووسن طول نحت الفيلو وخشت للحمام (اكرمكم الله) دوشت وبدلت وطلعت دارت ميك اب خفيف وبخت من بارفانها وطلعت من دار لقت أسيد مقعمز وموتي العشي وواخده النوم ع الكنبة
وسن..أأأسييد
أسيد فاق..ااه رقدت
وسن..ايه
أسيد..هي تعالي نتعشو
تعشو مع بعضهم وقامت وسن الصفرة وغسلتها
طلعت لقت أسيد راقد ع سرير في دار تأففت وخشت جنبه بعدت عليه شوية ورقدت وهيا تفكر 💔
.
.
.
عندي انـي وقت هما في صالة اني وحناي مقعمزين نهدرزو في جنان
حناي..ربي يهنيها يارب
اني..ان شاءالله ياحناي والله حاملة همها صغيرة😟
حناي..ماتخافيش عليها توا في البداية بتتعكل امورها وبعدين تو تتسهل
اني..ان شاءالله
سمعنا صوت الباب نفتح وصوت هدرزة
هيثم..تي تعرف بكل ياراجل عليك بلاد غبرة سودة تي كرهت العيشة اهني
محمد..لو كل واحد فينا بيقول هكي ليبيا عمرها ماحتنقام ولا حتصير دولة تي احني شعبها كرهناها امالا الغريب كيف
هيثم..المشكلة وينك ياواحد يحطوه بيشد البلاد يلهط ماكتب ربي ويشيط مفهمتش اني منين يلقو فيهم مطيحها ليبيا فيهم وخلاص
محمد..الله غالب ربي يفرجها علينا يااااارب
هيثم.. ان شاءالله
خشو للمربوعة ومالاحظوناش لانة كانت دنيا ظلام وضي هارب
حناي..هي نوضي نخشو يابنيتي وديريلهم قهيوة خطيبك هدا خلاص
اني ابتسمت..به
حناي..شنو تطورات هدي
اني..حناااي عاد خلاص
حناي..لا ثمود
اني..واااك حناي خيرك نازلة عليك البرادة والا علمهالك ولد ولدك التافه هدا
وتجيني عنفقة من تالي..من التافه ياتافهة
حناي تضحك..تستاهلي
كريم..قولي
اني..هههههههه تي مش انت خيرك
كريم..ايه ايه توا رقعيها
اني..والله هدا الحق علمتها حناك برادتك كانك قعدت مسافر خيرلك
كريم..قاعدلك توا لين نرفعك لحوشك
اني..ناقص غير نركب معاك يوم عرسي مش مستغنية ع عمري
كريم..تي باهي باه والله لما نروح بيك اني من المزين بااهي بعدين اني وخيك والبنت لازم تحتاج وخي معاها في الظلمات والنور واني معاك في كل وقت وفي كل ثانية
اني..والنبي برا بلا فلسفة زايدة
كريم..فلسفة والا علم نفس
اني..علم نفس والا علم اجتماع
حناي ضربتنا بزقيتها..تي نوضو وهما ابرد من بعض
نضت نجري ونضحك
طيبت القهوة وعطيتها لكريم رفعها لي محمد وهيثم
هيثم..اووووه ولد خوي اهني
كريم..ايه يا عم شن جو محمد
محمد..مية مية
هيثم..طبعا هدا كريم عرفته كان صغير توا راح اطول مني هالفرخ كبرو وكبرونا معاهم
محمد.. ايه ماشاءالله امتى روحت؟
كريم..اسبوع ليا
هيثم..شن رايك اهني والا غادي
كريم لوح المخدة ع هيثم..وتسئل حتى سؤال🙄كان نندري عليها هكي راه ماروحتش اصلا
هيثم..😂😂يناري وجعتني الله غالب عليك
وقعدو يتسهوكو ويهدرزو
طيبتلهم اني عشي بكبوكي وحطيتها وناديت ع كريم
كريم..جاااي يافرخة
اني..فرخة في عيونك يا دراه
كريم..اسكتي خير مانحشمك قدام خطيبك😊ونحكي فضايحك منين كنتي صغيرة
اني..بلا عار ياحيوان
كريم طلع لسانه وخدي السفرة وهرب
اني..بارد😑
هيثم..اووووه بكبوكي
محمد..جت في وقتها ياراجل
كريم..علاش لا ماتجيش في وقتها حتى هيا من حبيبة القلب
محمد تحشم وجهه والا احمر
هيثم..تي روح يابليد روح حيوان تحشمش
كريم يضحك..تي وين روح ياراجل بناكل
هيثم..والله ماك واكلها معانا برا دبر منين تاكل
كريم ناض..تو نقول لي ميسو تحطلي مش ملزوم بيكم😉
محمد يرحي في داخله وساكت
وكريم يغيض في محمد وخلاص
خش علينا كريم ويضحك
اني..كرومة خيره هدا يضحك هكي
كريم..تي تعرفي خطيبك هدا طايح فيك بوجهه
اني..باه ياسر بلا دوة فاضية
كريم..لزوني لاني نتسهوك عليهم قتلهم توا تحطلي ميسو ناكل تي وجهه والا احمر وقريب نقز عليا
حناي ضحكت..وليدي محمد من يومه عيونه في ميس عيونه فاضحينه
اني..باه خلو الواحد ياكل ياهمي😐
كلينا مع بعضنا وكملنا وقمت الماعين غسلناهم اني وكريم وكان جو بيننا ضحك وبس غيرلي جوي
روح محمد وخش حوشهم ويغني
محمد..في عيوونك كلااام ينااادي يقوول دووبني الغرااام وحق الله والبييت الحراام ااه يانا يانا وحق الله والبييت الحرااام كيفكك مااا دوبني حنيني احترت معاااك هيا دبريلي يانا ياناا احتررت معاااك
اخته..ياعيني ياعيني ع الحب والغرااام
محمد..واخيرا يا سرو واخيرا بناخدها والله ماني مصدق بعد فقدت الامل
سارة..ربك ماينسى حد وبما انك حبيتها وطلبتها من ربي ربي مش حيردك خايب😍
محمد..ربي يخليك ليا وخيتي وحقا حتى انت عندي معاك موضوع لكن مش توا لين يجي وقته
سارة..امباه
محمد..خيرك قاعدة لتوا انت
سارة..كنت نسيق في المطبخ وتوا بنخش نرقد
محمد..باه خشي ارقدي ياسرك غدوا بتنوضي بكري
سارة..حاضر
محمد..اسمعي
سارة..ها
محمد..عصا ع ظهرك قلنا قولي نعم😡
سارة..تي نعم ياهمي
محمد..امي قاعدة تبي بنت اختها😐
سارة..ايه قاعدة مصممة ع رأيها لكن حسيتها مش رافضة ميس غير تفضل بنت اختها
محمد..قولها اقتنعي بيها لانه هدي الحب من واني صاحب هيثم نحبها
سارة..تي تحشم قدامي شوية
محمد..هدا الواقع ياوخيتي
سارة..به به خش تمرقد تراه
خش محمد داره ولوح روحه ع سرير وكان معاهد روحه لا يكلمني ولا يتصل بيا لين نولي حلاله وفي بيته❤
تاني يوم ناض رايق دوش وبدل وصلى وطلع من داره
محمد..صباح الخير ياعيلة
سارة..من العيلة اني بس وصباح النور
محمد..وين امي وبوي والباقي
سارة..لوطة عند حناي ماهو كل جمعة عندهم الفطور والغدي والعشي
محمد..اه نسيت توا ننزل
سارة..اصلا انت اول يوم تنوض بكري في جمعة عمرك ماحضرت فطور معانا طبيعي بتنسى
محمد..وعلاش اهني انتِ يا ام لسان
سارة..جيت بناخد الحلو الي درته وبنزله بنحطه في تلاجة بدل مانقعد راكبة نازلة بعدين
محمد..به هيا هيا قدامي
نزلو سارة ومحمد وخشو للحوش لقوهم كيف يقيمو الفطور
محمد..غير وسعو بالكم شوية اني قاعد مفطرتش
حناه..وشن قاعد تتمخطر وانت قريب نعرسولك وقاعد اتنوضلي الظهر
محمد ضحك..تي ظهر شنو ياحناي توا ساعة 9
حناه ضرباته بالزقية نتعها..افطر وانت ساكت عليك جيل😒
محمد..احييي ياحناي خيرنا عاد تو اني حفيدك واول فرحة ليك في احفادك تمشي هكي اديريلي
حناه ضحكت..ملسن ياوخيتي لسان مصري
محمد..بنبدو في الغلط فكينا منهم مصاروة ايواه
دارتله محمد بنت عمه ساندوتش خداه وقعد يفطر
مروة..محمد وين بتسكنو اهني والا بتأجر شقة؟
محمد..وين راقدة انتِ قداش ليا مصينها شقتي فوق
مروة..ماه كنت امتحانات مانندري على حاجة 😂
حناه..هدي بتظفر الشيب وهيا قاعدة تقرا
محمد..خليها تقرا ياحناي ماينفعها كان قرايتها
حناه..واني شن قلت يا ولدي ماقلت شي خل تقرا لكن خيرها ماتقرا في حوش راجلها
مروة..حناي والنبي فكينا منها سيرة هيا
حناه..خيركم عيلة كاملة الي نجيب قدامه سيرة زواج تقول ضربته باليتريك
محمد ياكل وساكت
مروة..ياحناي مش هكي انتِ عارفة ان اني مخطوبة لكن مزال مانبيش نتزوج والله لين نتخرج ياحناي محلاني نقرا وفاتحة بيت ياما منهم يعيطو ع خاطر الي صايرلهم مسؤلية ياحناي راهو يجيك واحد زي محمد ينوض امخر و فطور لين اديريهوله وبخيل وياير و.. ويجيها شبشب طاير من حناها
حناه..الا حمادي وليدي هدا اشخاصك كان خديتي زي محمد
محمد يرقصلها في حواجبه ويضحك
مروة..اححح ياحناي خيرنا عاد وووه في منتصف الجبهة تنفعي تكوني قناصة صراحة
حناه..نوضي نوضي نوضي من قدامي يابنت
ناضت مروة تجري ومحمد يضحك
حناه..باه الي شفنا ضحكتك انت من يوم ماخطبت ضحكتك مش مفارقة وجهك خيرك قبل قالبها علينا واعصاب تالفة وحالتك حليلة
محمد اشرلها ع قلبه
حناه..هالقلب هدا مش مخلي حد في حاله
ام محمد..هيا بسرعة نبو نطلعو بعدين يا محمد راك تنسى خلي نكمل حجاتك متع البيان والسوابيت وووه سريب طويل عريض
حناه شبحتلها..وعلاش وووه ياكبدي بالعكس زغرطي وافرحي بوليدك😒
ام محمد لوت وجهها..واني شن قلت ياعمتي ماقلت شي
طلع محمد من جنبهم يدخن في جنان وشاف ولاد عمه الي هدا يدير في حاجة الي مقعمز فاتح نت والي ينظفو والي يسيق في جنان وكل واحد لاهي في شي هدي اوامر حناهم
.
.
.
عندي اني نضت بكري ضميت الحوش و سيقته وخشيت ضميت داري ونشفتها وطلعت لقيت حناي تصلي
اني..تقبل الله حنينة
حناي..منا ومنك يابنيتي درتي فطور
اني..لالا اهو تو ندير كنت نضم
حناي..ايه لقيت الدنيا نظيفة
اني ابتسمت..ايه ياحنينة
حناي..هي تعالي نديرو الفطور هي
درنا الفطور واحني نهدرزو ونضحكو جتنا ميسم
ميسم..صباح الخير
اني..صباحو ورد شن جو اليوم امس مارقدتيش
ميسم..ايه تعبت هلبا بس باهي الحمدلله اليوم
اني..ايه شن جو العرس حقا
ميسم..كويس اهو
اني..مدايرين محضر اليوم
ميسم..لالا اعتقد مسافرين
اني..ان شاءالله ربي يهنيها يارب
ميسم..ان شاءالله حقا تسلم عليكم ثمارة
اني..حيي القردة قداش ليا عليها خلي نتصل بيها نقولها تجي تتغدا عندنا اليوم
حناي..قوليلها هيا وراجلها
اني..به
مشيت طلعت من مطبخ وخليت ميسم ادير مع حناي
اني..ايوا صباحو
ثمارة..صباحو ورد
اني..شن جو
ثمارة شبحت لي سليم وابتسمت..عال العال الحمدلله ❤
اني..ياعيني ياعيني هههههه شن جو سليم
ثمارة..كويس الحمدلله يسلم عليك
اني..نايضين بكري
ثمارة..ايه نفطرو اهو
اني..به كملو وتعالو
ثمارة..وين
اني..تغدو عندنا اليوم
ثمارة..والله ماعارفة عيلتهم يلتمو هما يوم جمعة نشوف سليم ونرد عليك
اني..تمام
.
.
خشت علينا مراء هيا وولدها ونشبح في حناي نايضة تجري وتتغمر في المراء هدي وقفت بحدا حناي وسئلتها
اني..حنينة منو هدي؟
حناي..هدي عمتك يابنيتي عمتتك😍واخيرا يابنتي جيتي واخيرا نورتي حويشي ليه عليك هكي قاطعتينا ليه الحمدلله ياربي جي اليوم الي ريتك فيه
عمتي..الحمدلله ياميمتي الحمدلله
اني..عمتي؟ وين كانت!
حناي..ايه هدي عمتك كانت مسافرة برا هدا ونفس الوقت صايرة قصة وتو نحكيلك
عمتي شبحتلي من فوق للوطة..وهدي منو يام
حناي..هدي بنت خوك المرحوم
عمتي..معش تقولي خوك هدا بسببه اني معش خشيت للحوش بكل
حناي..توا بتفتحي حجات قديمة!
عمتي..اهااا هدي بنت الاجنبية😏
حناي..لا حول ولا قوة الا بالله ايه بنتها هيا ميس خشي ديريلنا عصير
اني استغربت فيها وفي اسلوبها خشيت للمطبخ وخش وراي ولدها تلفتت شفتله
اني..🙂
ولدها..كيف حالك بنت خالي
اني..من ربي الحمدلله
ولدها..باهي كويس صار اسمك ميس
اني..ايه
ولدها..واني داني
اني..باه كويس برا قعمز معاهم وتو نجيكم
بعد مالاحظت نظراته ليا مش كويسة وزعته وخليته يمشي ياربي على هالعلقة عليك حصلة😓
وتيت العصير وشكلاطة واني طالعة لوسط الحوش ريت شناطي نتع اقامة😣ووووك خشيت للصالون وعطيتهم عصير
حناي..قعمزي بنيتي
اني..عندي قراية حناي تو نجي
خشيت للدار وقعدت نقرا ونفكر من جيهة هدم الي جو ومن جيهة موضوع زواج وكل واحد من جيهة اوووف🤕
خشت عليا ميسم..وينك ندور فيك عمتي برا
اني..في دار شن في ووين كنتي اختفيتي
ميسم..طلعت وراء الحوش كنسته وخليت صغار يلعبو وجيت لقيتهم قدامي
اني..امباه🙂
ميسم..وشن قراية توا وقتها؟ هيا نوضي نطيبو الغدي
اني..والدراه الي برا هدي خيرها هكي وشن قصتها وعلاش تدوي معاي هكي ولاحظت ولدها يشبحلي في شبحات غريبة
ميسم..علمي علمك مانعرف شي الي نعرفه ان عمامي مايبوهاش وحالفيلها ع جي هني ومشعارفة كيف بتكون ردت فعلهم قالت ان راجلها مات وروحت
اني..الصبر هيا اطلعي نديرو الغدي
ميسم..هي
.
.
عند ثمارة
.... #يتبع ان شاءالله تنال اعجابكم ياااااارب😍❤ #حنو