- مالك يا رغد فيكي ايه حساكي متغيرة اليومين دول على طول ساكته ومسهمة ودي مش عادتك.
نظرت رغد لوالدتها التي اقتحمت خلوتها فجأة وسارعت تمحي دموعها النازحة من مقلتيها حتى لا تلاحظ بكائها وتبدأ معها رحلة طويلة من سبر أغوارها لمعرفة ما بها وهى حاليًا ليست في حالة تسمح لها بالتحدث، لكن والدتها وعت جيدًا لتلك العبرات وعلمت أن هناك معضلة كبيرة فرغد لا تبكي الأ إذا تألمت، جلست بجوارها وضمتها إليها بحنو تمسد عليها بخوف.
نيهال: مالك يا حبيبتي بتعيطي ليه؟
شهقت رغد وهى تدفن وجهها في صدر والدتها: هو انا وحشة يا ماما؟
ابعدتها والدتها عنها قليلا ثم احتضنت وجهها بيديها متأمله به عن كثب: مين الغبي اللي قالك كدا، دا مش بس غبي واعمى كمان بقى العيون الخضرا والوش اللي زي طبق القشطة والشعر البني الحرير ده وتقولي وحشة انتي بسم الله ماشاءالله جميلة الجميلات يا قمر.
نزلت دموعها مجددًا : طيب هو ليه مش حاسس بيا.
نيهال : هو !!!!! ....... هو مين ده؟!!!!
رغد بحزن: رصان العُمري يا ماما.
نيهال بتعجب: وانتِ عوزاه يحس بيكي ليه؟
رغد: عشان بحبه وهو بيتقل عليا.
نيهال : ايه اللي بتقوليه ده يا رغد في بنت متربية تقول كدا؟
رغد: وفيها ايه يا ماما طالما حبي ليه مفيهوش حاجة غلط.
نيهال: المفروض لما تحبي متحبيش غير خطيبك اللي هيكون جوزك فاهمة.
رغد بتعجب: انتِ يا ماما اللي بتقولي كدا !!!!!!، مش انتِ اللي كنتِ بتقربي ما بين بيجاد ومهينار بنت طنط زيزي بردو وكنتِ ديمًا تجيبيها هنا عشان تلفت نظره.
حرج اعتراها وهى تبرر ما كان منها سابقًا: بصي يا حبيبتي انا بعترف اني كنت غلطانة طبعًا واللي كنت بعمله ده حرام، اني ادي فرصة لبنت وشاب انهم ينفردوا ببعض ويكون الشيطان تالتهم، بس الحمدلله بيجاد طلع اعقل مني وكان بيرفض حتى يبص ناحيتها ويسبنا ويلزم اوضته طول ما هى موجودة عندنا، عشان كدا مش عايزاكي تكرري غلطي وتفوقي لنفسك.
رغد بحزن: بس انا اتعلقت بيه خلاص ومش عارفة اطلعه من دماغي.
نيهال: وده حصل أمتى يا حبيبتي دا انتِ مشتغلتيش هناك غير عشر ايام بس، معقولة لحقتي تحبيه وتتعلقي بيه كمان، فوقي من اوهامك يا رغد اللي بتقوليه ده مش اكتر من أنك شوفتي حاجة وعجبتك وحابة تضيفيها لمجموعة مقتنياتك مش اكتر، وبعدين تخيلي رد فعل اخوكي او بابا لما يعرفوا اللي انتِ بتعمليه.
رغد بلامبلاة: هيكون رد فعلهم ايه يعني بابا بيحبني ومش هيأخر ليا طلب وبيجاد كمان عمل كدا مع فرح لغاية ما خاطبها.
أنت تقرأ
عهد الغادر
Misteri / Thrillerالعهد كلمة منا من يستخف بها ومنا من يقدسها قدسية الحياة فلا يعاهد أحدكم أحداً بعهد أن لم يكن قادرا علي الوفاء به حتي لا يدمر بها حياة هذا الإنسان دونا أن يدري الاب عندما يعد الابن بشئ ويفشل في تحقيق وعدة بذلك يدمر القدوة والمثل الأعلى له والحبيب عند...
