Trust Your Heart [Completed]

Chapter 18

နေ့‌ရောညပါ လိုအပ်တဲ့ ဆေးကုသမှုတွေအောက် ရှိနေတဲ့အတွက် Xiaozhan မျက်နှာလေး ပန်းသွေးရောင်တောင် နည်းနည်း ပြန်သမ်းလာသလိုပင်...

ကျွန်တော်တို့အားလုံး ရောက်နေကြပြီ...။ မနက်လူအားလုံး စုံနေတဲ့ချိန် ဒေါက်တာကျန်းဖုန်းမြင့်တစ်ယောက် ခြင်ဆီစစ်ဆေးချက်အဖြေကို စပြောပါတော့တယ်...

" လူနာက...သွေးကင်ဆာ "

" ဗျာ...."   " ဘာ..."    " ဟာကွာ...ကင်ဆာတဲ့လား.."

ကျန်းဖုန်းမြင့် တစ်ယောက် တစ်မနက်လုံး roundနေရတာကြောင့် ရေတော်တော် ဆာနေတာနဲ့ စားပွဲပေါ်မှာ သောက်ရေသန့်ဘူး တွေ့လိုက်တာမို့ မနေနိုင်တော့ဘဲ ဖောက်သောက်လိုက်တာ...။ ရေသောက်လို့မှ မဆုံးသေး ဘေးက သုံးကောင် နားစည်ကွဲမတတ် အော်ချလိုက်တာကြောင့် ရေတွေထသီးပြီး

" အဟွတ်....အဟွတ်... သွေးကင်ဆာ... မ..မဟုတ်ဘူးလို့ ...ဟွတ်...ဟွတ်...အောင်မလေး ရေသီးပြီး သေတော့မယ် "

" သေပါလား အစမရှိ အဆုံးမရှိ ရေထသောက်ရင်း ဆေးစစ်ချက် အဖြေပြောစရာလား ...."

" အင်းလေ ဒေါက်တာဖုန်းမြင့် ရေသီးပြီး မသေဘဲ ကျွန်တော်တို့ လန့်ပြီး သေတော့မယ်... "

" တော်သေးတာပေါ့ ကင်ဆာမဟုတ်တာ ..."

" အေးပါ...အေးပါ ငါတစ်မနက်လုံး ဒီ သွေးရောဂါအထူးကု တစ်ဌာနလုံးကို round လှည့်ကြည့်နေရတာ ပင်ပန်းလာလို့ ...ရေဘူး မြင်ပြီး ရေဆာလွန်းလို့ ထသောက်လိုက်မိတာပါ ..."

" ဟုတ်ပါပြီ...ဆရာရယ်.. ဒါနဲ့ အဖြေက...."

" သူက Aplastic Anaemia  လို့ခေါ်တဲ့ ရိုးတွင်းခြင်ဆီခန်းရောဂါ   ဖြစ်နေတာ... "

" ဟင်..အဲ့ဒါက စိိုးရိမ်ရလား..."

" ကုလို့ရလားဆရာ..."

" မစိုးရိမ်ရဘူးလို့တော့ ဘယ်ပြောလို့ရမလဲ ..။ ကုလို့တော့ရတယ် ... ဒီရောဂါက သွေးနီဥနည်းပြီး ဖြစ်နေတဲ့ ရောဂါဆိုတော့ နှစ်ရှည်ဆေးသောက်ရတာတွေရှိလာမယ်... "

" အဲ့လိုဆို ကျွန်တော်က ဆေးသောက်နိုင်တယ်ဆို ရင် ကုနိုင်တာပေါ့နော်... "

" ဟုတ်တယ် သား...။ ဒါပေမဲ့ သွေးနီဥက အရမ်းနည်းနေတော့ လစဉ်သွေးဖောက် စစ်ဆေးမှုတွေလုပ်ရမယ်...။ တစ်လတစ်ခါ သွေးသွင်းဖို့ လိုတယ် ...။ သွေးသွင်းပြီးတိုင်းလည်း ဒီတိုင်းနေလို့ မရဘူး ပိုးသတ်ဆေးတွေ ထိုးရမယ် ...။ ရိုးတွင်းခြင်ဆီခန်းရောဂါကို အထိရောက်ဆုံး ကုသဖို့ အတွက် ATG (Anti-thymocyte Globulin) ဆေးသွင်းရမယ် ..."