Trust Your Heart [Completed]

Chapter 1

2019 ,February 14

ဆောင်းရာသီရောက်နေပြီကိုတောင် မိုးကတဖွဲဖွဲရွာ‌နေတုန်း။ ဒီလိုမိုးရွာနေတာမျိုးတွေကို ကျွန်တော် မကြိုက်တတ်။ နာကျည်းချက်တွေ ရှိနေလို့တော့ မထင်လိုက်ပါနဲ့။ မိုးရွာပြီဆိုလျှင် ကျွန်တော် လုပ်ချင်တဲ့ ဆိုင်ကယ်စီးတာ စကိတ်စီးတာတွေကို အိမ်က လုပ်ခွင့်မပေးကြလို့ မကြိုက်ချင်းသာ...

အခုလည်း မနက် အိမ်က ထွက်လာတည်းက မိုးတွေရွာနေလို့ အိမ်က လိုက်ပို့ပြန်ပြီ။ အဲ့ဒါတွေ မကြိုက်တာပေါ့။ တခြားအချိန်တွေသာဆို ကိုယ့်ဆိုင််ကယ်နဲ့ ကိုယ့်ဘာသာကိုယ် လာလို့ရတယ်။ မုန်းလိုက်တာ...

ကျွန်တော့်နာမည် Wang Yibo..အနုပညာမေဂျာ က ဒုတိယနှစ်ကျောင်းသားတစ်ယောက်...။ ကျွန်တော့်ကိုယ်ကျွန်တော် ချောတယ် မသတ်မှတ်မိသော်လည်း ...လူအများအမြင်မှာတော့ ချောတယ်တဲ့....။ ထားပါတော့...ချောတာ မကြိုက်တဲ့သူ ဘယ်သူရှိမှာလဲ...

ဒါပေမယ့် အဲ့လိုဆိုပြီး တစ်ချိန်လုံး လိုက်ကပ်နေတဲ့ မိန်းကလေးတွေ ...ယောင်္ကျားလေး တွေကိုတော့ အရမ်းစိတ်ရှုပ်မိတာ အမှန်ပင်...။ အခုလည်း လာပြန်ပြီ...ငြင်းရလွန်းလို့...လူက အချေမင်းသား ..ကြီးကျယ်လိုက်တာတွေလို့ သတ်မှတ်ကုန်ကြပြီ...

တကယ်တော့ ချေမိုးနေတာ မဟုတ်..။ မကြိုက်ရင် မကြိုက်ဘူး...ပွင့်ပွင့်လင်းလင်း ပြောတတ်တာ...လုပ်ပစ်တာ ကျွန်တော့်အကျင့်...

စောင့်ကြည့်နေ...ကျွန်တော် ဘယ်တော့မှ အိမ်ထောင်ပြုမှာမဟုတ်ဘူး...။ ကိုယ်လုပ်ချင်တာတွေ လုပ်သွားပြီး တစ်သက်လုံး လူပျိုကြီးပဲ လုပ်မှာ...

ဆေးပေးမီးယူ...ကူဖော်လောင်ဖက်ဆိုတာတွေ Don't care ပဲ...

"ကောကို ကျွန်တော် ချစ်နေတာကြာပြီ..ကျွန်တော့်အချစ်ကို လက်ခံပေးပါ..."

ဒီနေ့က Valentine day လေ...။ ဒါနဲ့ဆို ကျွန်တော့်ကို propose လုပ်နေတာ..သုံးယောက်ရှိပြီ..။ အရှေ့နှစ်ယောက်က ကောင်မလေးတွေ...

လေပူတစ်ချက် မှုတ်ထုတ်လိုက်ပြီး..သူ့နားတိုးသွားလိုက်ကာ..သူ့လက်ထဲက ချောကလက်ဘူးလို့ထင်ရတဲ့ လက်ဆောင်ပုလင်းလေးကို လှမ်းယူပေးလိုက်မိသည်...