Trust Your Heart [Completed]

Chapter 28

2020, Feb 14

ဒီနေ့က ကျွန်တော်တို့နှစ်ယောက်အတွက် အရမ်းအဓိပ္ပာယ်ရှိတဲ့နေ့လေး တစ်နေ့...။ မနှစ်က သူနဲ့ ဒီ Valentine day မှာ ကျစ်ဖန်းနောက်လိုက်ပေးရင်း စတွေ့ခဲ့တာ...

ကောက ကျွန်တော်တို့နှစ်ယောက်ကို ‌ကျောင်းပိတ်ထားတုန်း မြန်မြန်လက်ထပ်စေချင်ခဲ့ပေမယ့်...ကျွန်တော့်ကျန်းမာရေးကြောင့် ဟိုရွှေ့ ဒီရွှေ့လုပ်ခဲ့ရတယ်...။ အခုတော့ Dr. ဖုန်းမြင့်ကျေးဇူးကြောင့် တော်‌တော်လေး ကျန်းကျန်းမာမာ ရှိသွားပါပြီ...

ကျောင်းပိတ်ထားတဲ့ရက် တော်တော်များများကို ကျွန်တော့်မှာ အိပ်ရာထဲမှာပဲ နေခဲ့ရတာမို့...ကိုကိုရော ကောရောက ပွဲကို မလုပ်ခိုင်း‌တော့ပဲ အနီးကပ်ပြုစုခဲ့ရတာ...။ ကျစ်ဖန်းတောင် တစ်ခါတလေ...Yibo မလာနိုင်တဲ့ ရက်တော်‌တော်များများကို လီအိမ်မှာ လာစောင့်အိပ်ပေးနေခဲ့ရသေးသည်...

အခု တတိယနှစ်တောင် ပြန်စတက်နေရပြီ...ကျွန်တော်လည်း အရင်လို တော်တော်လေး ကျန်းမာတဲ့သူ ဖြစ်လာခဲ့ပြီ...။ အပြီး မပျောက်နိုင်တဲ့ ရောဂါမို့...ဒီလိုလေး ကျန်းမာပြီး နေလို့ကောင်းနေတာကိုပဲ ကျေးဇူးတင်နေမိတော့တာပါပဲ...။ မဟုတ်ရင် ကိုကို့ခမျာ..အရမ်းကို ပူပူပင်ပင်ဖြစ်နေရှာတာ... မသိရင် သူမွေးထားတဲ့ ကလေးလိုပဲ...။ ကိုကို အချစ်ကြီးပုံကလည်း ကြက်သီးထဖို့တောင် ကောင်းတယ်...

Wang Yibo Roချက်ကို တကယ် လိုက်မမှီနိုင်တော့...။ ပွဲကို ရွှေ့ရင်း ရွှေ့ရင်း...ကျောင်း‌တောင်ပြန်တက်ပြီး အာရုံတွေများနေတော့မှ...ကောက်ကာငင်ကာ ကျွန်တော်တို့ စတွေ့ခဲ့တဲ့ အမှတ်တရကို အမြဲမှတ်မိအောင် အခု Valentine day မှာ Wedding လုပ်ကြရ‌အောင်ဆိုပြီး...အကုန်လုံးနဲ့ တိုင်ပင်ကာ တစ်ခုပြီး တစ်ခု ထစီစဉ်နေတော့တာ...

ကျွန်တော့်ကို ပင်ပန်းမှာစိုးလို့ဆိုပြီး...ဘာမှလည်း ပေးမလုပ်...ပွဲနေ့ကျမှ ပွဲထွက်ရုံပဲ လုပ်‌ပေးရင်ကို ရပြီဆိုပြီး...တကယ့်ကို ကဲကဲလှုပ်ဖြစ်နေတာ...။ လမ်းတောင် ပေးမလျှောက်ချင်တဲ့ပုံ...လူလယ်ကောင်လည်း ကောက်ကောက်ပွေ့နေတာမို့...ကျွန်တော့်မှာ သူ့ကြောင့် ရှက်ကြောတောင် ပြတ်တော့မလို ဖြစ်လာပြီ...။ ပြောမယ့်သာ ပြောတာပါ...သူက တကယ် ချစ်ဖို့ကောင်းတဲ့ ကျွန်တော့်ရဲ့အိမ်ဦးနတ်ကြီး...