Trust Your Heart [Completed]

Chapter 27

Yibo လှစ်ခနဲ ပြေးဝင်သွားတာမို့...ကျွန်တော် လှမ်းရိုက်တာ မမှီလိုက်တော့...။ အဲ့ကောင် လက်ရဲဇက်ရဲနိုင်ပုံက တကယ်ထိန်းမနိုင်...အခန်းထဲကို ဘာရယ်မဟုတ် ကြည့်လိုက်မိတာ... Xiaozhan ကိုအတင်းကို ဖက်နမ်းနေတာမို့ မျက်နှာမြန်မြန်လွှဲလိုက်ရတယ်...

ထိုအချိန်... Li Wei မုန့်ထုပ်တွေနဲ့ ပြန်ရောက်လာပြီ..

" ကော...ဘယ်လိုလုပ် အပြင်ရောက်နေတာလဲ..ယုန်လေးရော..."

" အထဲမှာ Yibo ရှိလို့..."

" ဟမ်..အဲ့ကောင် ဘယ်လိုလုပ် ပြန်ရောက်လာတာလဲ...သွားမောင်းထုတ်ဦးမယ်..."

ကျွန်တော့်မှာ သူ့လက်ကို မနည်းလှမ်းဆွဲထားလိုက်ရတယ်...

" စိတ်လျှော့ပါ...ကော မေးထားပြီးပြီ...ညက ကိစ္စက နှစ်ဦးသဘောတူတဲ့..."

" အော်..ဟွန့် ဒါဆို သူတို့ အဆင်ပြေနေကြပြီပေါ့..။ ဒါပေမယ့် အဲ့ကောင်ကို နည်းနည်းတော့ ဆုံးမရမယ်...ဘယ်လိုပဲ သဘောတူတူပေါ့...နေမကောင်းတဲ့အချိန် လုပ်စရာလား..."

" အရမ်းမပြောနဲ့ဦး... Xiaozhan ရှက်သွားဦးမယ်..."

" ဟုတ်...ယုန်လေးအကြောင်း သိပါတယ်..။ Yibo ကို နည်းနည်း ရန်စချင်လို့...။ ကောလည်း ဝင်ခဲ့လေ...ကျွန်တော် ကောအတွက်ပါ..မုန့်ဝယ်လာတယ်..."

" အင်း..ခဏနေ ဝင်ခဲ့မယ်...။ ကော ဖုန်းပြောစရာရှိလို့..မင်း ဝင်နှင့်တော့..."

" အာ...ဟုတ်..ဟုတ်.."

ကျွန်တော် သူတို့သုံးယောက် လွတ်လွတ်လပ်လပ် နေလို့ရအောင် ရှောင်နေပေးလိုက်တာ...။ သူတို့တွေက ကျွန်တော့်ကို ကြောက်နေကြတယ်လို့ ခံစားမိတယ်... Yibo ကလွဲရင် Xiaozhan ရော Li Wei ရောက ကျွန်တော့်အနားဆို ခန္ဓာကိုယ်တောင် ကျုံ့သွားကြသလို...အနေအထိုင် ကျဉ်းကျပ်ပုံပင်...။ သူတို့ ကျွန်တော့်အနားနေရတာ သက်တောင့်သက်သာ ရှိဖို့...အများကြီး နူးညံ့ပြဖို့ လိုဦးမယ် ထင်ပါတယ်...။ ကျွန်တော် မနူးညံ့တတ်ခဲ့တာ ဆယ်စုနှစ် တစ်စု မကခဲ့တော့ဘူးမလား...

" အ့..Li Wei မင်း ငါ့ကို ရိုက်လားနှက်လားနဲ့နော်...။ ငါ ပြန်ရိုက်ရင်သေတော့မယ်..."