ما بيننا كان اعظم للكاتبة إسراءالجميلي

الفصل الرابع

#ما_بيننا_كان_اعظم
الفصل الرابع
#بقلم_اسراءالجميلي
#مدونة_نور_قلبي

اجه يوم الحنه الي مفروض يكون نفسه يوم العقد مال المحكمة ..
حجيت وي بيان تكلهم لازم اروح لصالون ؟
ليش شعجب ؟
مخنوگه بيان اريد اشم هوى قبل لا يحبسوني بقفص بيت عمي ..
و الله انتِ حتموتين روحچ قهر ..
ميفيد الحچي وياية ..
قافله و مفتاحي يم ايهم ..
و ربي حتخلينه نكره الـ ايهم ..
ساعة السودة يوم الي خليتچ تروحين تشوفيه ..
حبنا مكتوب بيان ..
و المكتوب ما منه مهروب ..
و زواجج من مهند مكتوب ..
هو الي راح يصير و مراح تگدرين تهربين منه ..
هسه بس وافقيني ..
زين عيني و منو راح يودينه من الصبح و يا صالون الي يفتح بالسبعه ؟
خابرة بسمه من تلفون امي اتفقت وياها تعرف وحده ..
نفسها الي رحناله بيوم حفلة التخرج ..
هااا خوش ..
و يودينه خالو عباس ..
گتيله ؟
لا هسه اگله و هو ميرفضلي طلب ..
خوش ..
حچت بيان وي امي و اقتنعت ..
و اني خابرة خالي و اتفقت وياه ..
اجانه الصبح بالسته و نص ..
بيومها باتو يمنه بيان و افنان ..
بيان اختي الچبيرة بس هي الاقرب القلبي ..
رغم افنان اقرب بالعمر ..
لبست عباية اسلامية ..
و صعدنه بالسيارة ..
اني ليگدام و بيان وره ..
عافت بتها يم امي و افنان ..
باوع عليه بنظرة حزينه ..
ها خالو شلونچ ؟
شلوني خالو دا اموت بكل لحظة من يومي ..
لزم ايدي تخلص خالو ..
قدر و انكتب ..
هسه تندلين الصالون ؟
اي خالو ..
الصالون بنفس المنطقة ..
گمت اوصفله و يمشي وصلنه الفرع بيت خالتي ام امجد ..
باوعلي بتعجب ..
هاي شنو ام الصالون بفرع بيت خالتچ ؟
لزمت ايده بـ أثنين اديه اتوسل بيه ..
فدوة خالو اريد اشوف ايهم اخر مره ..
بيان : لچ هاي شبيچ تخبلتي و الله يذبحنه ابوية ؟
انداريت عليها و اني بعدني لازمه ايد خالي ..
فدوة لتعرضين ..
الله يخليكم اريد اشوفه ..
هاي اخر مره و يجوز ما اشوفه للموت ..
خالي : خالو و الله مترهم ابوچ مستعد يقتلنه كلنه ..
مخبل و تعرفيه ..
لاف السيارة ديريد يرجع و چان افتح الباب ..
و الله اشمر روحي اذا ما وديتوني عليه ..
بيان لزمت چتفي و تعيط ..
يمه عزه بعينچ ..
وچ شتريدينه انروح بالرجلين ؟
وگف السيارة خالي و خله راسه على الاستيرن و ظل يستغفر و يكول اووووووف ..
تالي رفع راسه ..
باوعلي و بعيونه الدمع ..
عشر دقايق لا غير ..
ضحكت و جريت ايده ابوسه ..
جر ايده مني ..
لا يابنتي شجاج ..
بس ها من الباب ..
اي حاضر ..
بيان : لا خالو فدوة يروح احد يعرف ..
خالي اندار عليها ..
احنه رايحين البيت خالتچ ..
و اذا احد وصل خبر اني اگول صار بنچر و احنه چنه قريبين عليهم ..
گامت ترجف و تگول : يا ربي سلم يا ربي سلم ..
وصلنالهم ..
نزل خالي دگ الباب ..
طلعت خالتي ..
شافتنه انصدمت ..
خير شكو ؟
اريد ايهم ..
و البنات ليش وياك ؟
مو اليوم حنة خيال ..
اي هسه اريده وينه ؟
فوگ بغرفته ..
يعني نايم ..
بچت امه ..
ليش هو شاف النوم ..
حسبي الله و نعم الوكيل على كل ظالم ..
هسه معلينه وخري اروح اشوفه ..
دخل خالي ..
باوعتلنه خالة من جامت خالي ..
متنزلون يمه ..
اني لگيتها حجه ..
نزلت راساً ..
بيان : وچ اوگفي شگال خالي ..
مدرتلها بال ..
نزلت حضنت خالتي و دگ بچي اثنينه ..
جرت ايدي و اني امشي وراها ..
همه بيتهم الهول بالبداية و بصفه الصالة و المطبخ صاير بالاخير ممر على يسرتنه و نوصله ..
دگت الباب مال الهول الخارجيه فتحولهياها البنات ..
حلا : هاي شجابها ؟
امها اشرت براسها خلتها تسكت ..
الباب كدامها باب مباشره مقابيل الدرج ..
اتقدمت شفت خالي نازل و و وراه ..
ايهم دا ينزل يمشي على ضلوعي ..
شصاير بيّ جوه عيونه اسود و ضعفان ..
بالگوه يمشي ..
شافني تخبل ..
فتح عيونه الحلوات على وسعها ..
وچ هاي شجابچ اهنا ؟
اتقرب عليه و يحچي ..
و مثل كل مرة من اشوفه اختفوا كل البشر ..
بقه بس هو و صورته و رسمه و اسمه ..
جسمي گام يرجف ..
انتفض مثل ورقة شجر يابسه ..
و جتها هوية قوية ..
مو اليوم عقدچ ؟
مخبله انتِ ؟
اي مخبله ..
مخبله بيك ..
جرتني بيان گعدتني على القنفه ..
حسيت على وجودهم ..
گعد گبالي و خالي بصفه و امه و خواته على يسرتي ..
دخيل ربچ ليش اجيتي ؟
و الله ما بيه اسمع صوتچ و لا اشوفچ ..
و الله الجروح ماكلتني اكل و قلبي متحطم ..
دفعت ثمن حبي الچ كلش غالي ..
وچ صار الي اسبوع ما انام ..
يحچي و يبچي و اني ابچي وياه ..
و كلها تبچي ..
حتى خالي صارت مسابقه بين ايده التمسح دموعه و عيونه التنزله ..
الاكل ما ضايگه ..
منو گلك اني ضايگته ؟
منو گلك جفني غمض و ديجهزوني حتى ما اصير الك ؟
اتقدم گعد على طرف القنفه ..
عله صوته بالم و حسرة روح ..
تدرين من ابوچ رفضني و اني ايدي على قلبي !
يوميه ادعي ربي ما افارگچ ..
بس الظاهر الله رايد غير شئ ..
الله ما رايد هاي الزواجه ..
اني مجبره ..
هاي الزواجه حرام ..
حتى لو ابوية رضى ..
اني چبيرة و افتهم ..
و شيفيد خيال ..
بالتالي حتزوجين ..
لا ما اتزوج اذا قنعت انت و سويت الي راح اگلك عليه ..
خالي : شنو الي حيمنع زواجج خالو ؟
ليش اجيتي خيال ..
اجيت انطيك الفرصة الاخيرة ..
خالي : شنو شدا تحچين ؟
فدوة خالو انطيني فرصة احچي ..
باوعلي ايهم بنفاذ صبر ..
يعني شنو ؟
يعني جيت اعرض عليك نفسي و نروح هسه اني وياك نعقد بالمحكمة ..
خالتي ضربة على صدره ..
عزة العزاج خيال ..
عقلچ راح يمه ..
اي خاله راح ..
گمت احچي بقهر و ضيم ..
بيوم حبيت ايهم و بعدوني عنه راح عقلي ..
گمت كعدت جوة رجله ..
ابوس رجلك اقبل ..
رفعني من جتفي و هو صافن ..
انتِ دا تعرفين روحچ شنو دا تگولين ؟
لو و انتِ نايمه حلمتي و قررتي هيچ تسوين ..
لزمني خالي من جتفي ..
خالي : خالو و الله هاي تصير عليها دموم و و متنتهي تبقه اجيال ..
گعدت بالگاع الطم على راسي ..
لعد شلون ؟
و الكم شلووون اخلي احد يلزمني و اني ما اريده ..
و الكم شلون انام الليل بحضن غير ايهم ..
و الكم اه ه ه ه ه يا نار قلبي ..
اتقربوا اختي و حلا حضنوني ..
بيان : خيال معناها كلنا نروح بالرجلين ..
رجولتنه يطلگونه جهالنه يتاذون ..
باوعتله اي و الله خيتي حقچ ..
هذا الزمن كلمن يحود النار الگرصته ..
كفختني على راسي ..
وچ يا نار هذا عرض ؟
ابچي قوي اريد اطلع الالم الي بداخلي ..
اجه ايهم اتربع بالگاع اگبالي ..
لزم ايدي اثنينهم ..
بقيت اباوعله و اجهش بالبچي ..
انتِ قبل متصيرين حبيبتي و كل دنيتي بت خالتي و عرضي ..
تعتقدين لو چان احد غيري حابچ ..
ارضى عليچ ترخصين روحچ هيچ اله ؟
اني كلي ارخصلك مو بس روحي ..
ابوية مخلالي مجال اتنفس ..
باوعت ال بيان ..
اكو احد بينه خلاه ابوية يختار شريك عمره لو حتى شهادته لو اي شئ يخص حياته ؟
بقت تبچي و تهز راسه لا ..
گمت افر براسي عليهم كلهم ..
احنه مدا انسوي حرام دنتزوج على سنة الله و رسوله ..
مو صح خالو ؟
بقه خالي ساكت ..
خيال اني ما ارضى عليچ و لا على نفسي الي دا تريدي ..
احنه راح نهجم بيوت كومة علمود نفسنه ..
ترضين اناذي العالم كلها حتى بس بيتنه يعمر ؟
هاي اذا عمر ..
اذا ما قتلوني و قتلوچ ..
شراح نستفاد ؟
ترى هاي حياة مو فلم هندي ..
نصيت صوتي ..
بس اني احبك و ما اگدر انطي روحي الغيرك ..
و اني احبچ و اشهد خالي و اهلي ..
ما اتزوج غيرج لو صار عندج عشره ..
حبچ و بس يبقه بقلبي ..
و يضرب على صدره بقوة ..
اسمعيها مني حچاية : الي ما بيه خير الاهله ما بيه خير الحبيبه ..
ريحي ابوچ و لا تكسرين رگبته ..
و الله يحلها من يمه النه ..
يا اب ايهم ..
الاب الي ابدال ما يصير خيمه على راسي ..
و حايط استند عليه من ظلم الايام و قسوته ..
صار يتهدم عليه طابوگة طابوگة ..
بكل طابوگة يكسرلي عظم شكل ..
بعد هذا التكسير كله ممكن يبقه حب مني الابوية ..
خيال الام و الاب مو بدينه نحبهم ..
غصباً ما علينه نحبهم ..
اني و انتِ ما قصرنه ..
حاولنه بكل الطرق ..
حتى ننجمع و ابوية كم مرة نزل راسه الابوچ و خالي و ما فاد ..
مو هسه نجي و نكسر اهلنه و اخوتنه و كل عوايلنه و نقسم عشيرتنه نصين ..
الله ما يرضى بهيچ ظلم ..
هاي قسمتنه السودة الي ما نعرف شوكت تبيض ؟
هذا الله و هاي حكمته ..
عطت ابچيه قوية ..
عفية لا تگول هيچ فدوة ..
الله ما يرضى بالظلم و الله ما يرضى بالظلم ..
و دنگت راسي على رجله ..
اجه خالي رفعني منه ..
جروني يودوني بالسيارة ..
بقيت اباوعله و اگهد و ابچي ..
محد طلع ورانه كلها بقت تباوع من الشباك علينه ..
ايهم مچتف ايده و يباوعلي و يبچي ..
و صعدنه بالسيارة ..
رجعوني للبيت ؟
بيان : و شنكول ليش ما اتمكيجتي ؟
معزلة ام الصالون ميته اي شئ ..
الله يخليكم ودوني للبيت ..
وصلنه البيتنه و فعلاً مدري ابيش اتحججوا ..
صعدت و خواتي يمكيجوني و يلبسوني ..
و الله حتى ما اتذكر شلبست بيومها و يا لون !!!
الجرح الي بقلبي ..
ديخلي عيوني تنزف دم و عماها و مدا يخليها تشوف غير ايهم و بس ..
عمري كبر بالهم و التعب و القهر ..
و لا چن عمري ٢١ عبالك بالسبعين ..
رحنه عقدنه و من سالني القاضي و مفروض اگول نعم بقيت صافنه عليه ..
القاضي : بنتي اذا مموافقة كلشي ينتهي ..
باوعتله و بعيوني الدمع و اتذكرة كلام ايهم ..
اهدم بيوت خواتي و گرابتي ..
حچيتها بهمس ..
ابوية يباوعلي بخزرة عين ..
موافقه ..
مهند اصلاً مباوعلي و لا عبالك موجودة ..
كاموا يهلهلون و يطشون چكليت اول مطلعنه من غرفة القاضي ..
يصيحون بمهند تعال بارك العروستك ؟
اجه تقربلي ..
مبروك بت عمي ..
ما رفعت راسي عليه ..
ترى مرايدچ بگد ما انتي مرايدتني و يمكن اكثر ..
بس هذا حظنا و نصيبنا الاگشر ..
اعترف اني متظاهرة بالقوة و بداخلي كل جزء بيه يبچي ..
يبچي على منو ؟
يبچي عليه لان حيروح الغير الي يريده و يتمناه ..
رجعنه للبيت واني منتهيه من القهر ..
ثاني يوم العرس البيت متروس ..
من ديلبسوني البدلة احسهم ديلبسوني چفن ..
اني ميته و عايشه وياهم ..
ميتت قلب و عقل و روح ..
ماتت حتى البسمة على شفافي ..
بس جسمي يتحرك و بلا فايدة ..
چنت اعتقد نفسي اقوى من النصيب ..
و ممكن احدد قسمتي ..
بس القدر و المكتوب چان اقوى مني.

فالقصة زواج صعب تنفيذه
..