ما بيننا كان اعظم للكاتبة إسراءالجميلي

الفصل السادس عشر

#ما_بيننا_كان_اعظم
الفصل السادس عشر
#بقلم_اسراءالجميلي
#مدونة_نور_قلبي

مرات الهدية تكون على هيئة اشخاص يفرحونه و يسعدونه طول حياتنه ..
بأبسط الامور و اكبرها ..
بسمة هدية الرحمن اليه ..
ردت انفرد بيها مرهمت ..
المهم تغدينه سوة و كملنه ..
گامت بسوم سوتلنه چاي ..
ابوية : اي خيال شوكت تفرحينه بالحفيد السادس ..
ماكو بابا لسه الله ما قسم ..
امي : اصلاً بعد لا تتئمل حفيد منها ..
باوعت الماما : ليش ؟
ابوية : ليش عود ؟
لان ضرتها حامل بعد شيسوي بطفل منها ..
ابوية : هههه يعني ابن اخوية حيصير اب ..
و بنتي حتبقه بس مره بلا ام ..
عامر : و هذا الموضوع يضحك ياب ..
غير تتمنالها الله يرزقها ..
بسمه ادغ عامر و تسكت بيه بس ما يفيد ..
انت انجب و لا تحچي ..
بعدين هي لو بيها خير چان جابتله الولد چان مصارت ضره ..
هسه هي ضره فارغة ..
مثل البستوگة مال قبل جايبينها خاليها تحفه بالبوفية لان بعد ما يتخلى بيها مي ..
عامر : ياب حرام عليك هيچ تحچي ترى هاي بنتك ..
نظراتي تتنقل بينهم و كلمه يگولها تنزل على جرحي مثل الملح الخشن الي ميذوب بسرعة ..
يبقه على جرحي و ياكل بروحي ..
ابوية باوع على امي : جهالج ممتربايين و يرادلهم فلقة قبل تعدل اخلاقهم ..
عامر : اي مو اني عمري سته ..
ابوية گام و راح على عامر يريد يضربه ..
امي وگفت بينهم ..
ابوية يعيط : انت واحد عاق و ناقص و الظاهر مثل ما اختك مو مره ..
انت مو رجال لهذا ادافع عنها ..
عاط عامر : ليش يابه مو رجال اشايف عليه ؟
هههه لو رجال چان خلفت مو صار الك كم شهر و ماكو طفل ..
عامر : الله اكبر تعترض على حكم ربك ..
امي : فدوة يوم كافي اسكت ليش تسون مشكله من لا شئ ..
و الله راح اموت من ورى مناگركم ..
وگف عامر يم باب المطبخ ..
اطلع احسلي ..
و طلع لحگته بسمه مدري شحچت و رجعت ..
ابوية يحچي وي امي و يأشر عليه ..
هاي البومه وجها بيه كل المشاكل و الفگر ..
عافنه و راح الغرفته و بس يرگع بالبيبان ..
امي اجتي عليه ..
ميهم يمه ابوچ من قهره عليچ اني اعرف بيه ..
يريد يصير عندچ طفل و يفرح بيچ ..
ابتسمتلها بكل القهر الي بيه ..
اي يوم ادري يحبني و كلش يحبني ..
سامحيني لان حچيت و الله هي طلعت من حلگي مو قصدي ..
عادي يوم كلام تعودت عليه منه و من غيره ..
باستني من راسي ..
رجعت وجهت الكلام البسمة ..
وين راح رجلج ؟
گعد بالسيارة بره ..
حلفته ميطلع بيها خفت عليه يروح يندعم بسبب عصبيته ..
اي يمه عفية عليچ اروح اشوف عمچ ..
بسمة : اي خالة الله يهدي النفوس ..
راحت بسمه جابتلي مي ..
اشربي و ارتاحي اروح ادخل عامر ..
راحت جابته و اجت ..
بالگوة قنعته يدخل عبالك ممتعود على عمي جديدة عليه ..
گمت توجهت عليه ..
و الله مچان اكو داعي اتجادله ميفيد مراح يتغير ..
صفن عليه شوية بعدين جرني من رقبتي قربني عليه ..
لو حتى انتِ تغلطين و اني مستبعد هذا الشئ ..
بس لو صار همين ادافع عنچ ..
لان غلطچ من ظلمه عليچ ..
الله كريم حبيبي مشي يمعود ..
يلا روح اصعد نام ارتاح جاي تعبان و فوگاها فار دمك ..
مشى رادت تصعد وياه بسمه ..
حچه وياها بصوت ناصي ..
ابقي يمها خطيه تبقه وحدها ..
باسته من خده ابتسم الها و الي و صعد ..
بقينه وحدنه بالمطبخ ..
اصبلچ چاي ؟
لا ما اريد ..
ظلينه وحده تباوع على اللخ فترة يمكن عشر دقايق ..
هسه ممكن تحچيلي شنو الخبر بلكي تغيرين نفسيتي ..
و منو گال الخبر حلو ؟
لا عفية لا تگولين هيچ ..
ضحكت بسمه ..
الله يعني حلو الخبر احچيلي فدوة ..
ما ..
لا عفية عليچ الله ..
ههههه اتوسلي بعد ..
ترى سويتيها بلا ملح ..
ههههه خوش ..
اليوم ايهم معزوم يم ثامر على العشى ..
گمت وگفت ..
لا بربچ بداعت احبابچ صدگ تحچين ؟
نسيت كل الي صار ..
ذكر ايهم دومه يغير حالي الى احسنه ..
اي و الله مرة ثامر گالتلي ..
زين البيت يدرون ؟
لا محد يدري ..
بس ردتها تطلع ويايه للسوگ ..
گالت اليوم ثامر عازم ايهم على مشاوي ..
و لازم ابقه بالبيت و احضره ..
هاااا زين و شعجب رضى ؟
و الله ما اعرف هي گالتها بنص الكلام و اني سمعتها و بس ..
لازم افكر و اسوي خطة حتى اشوفه ..
ليش تريدين تشوفيه ؟
اريد اتأكد من مشاعره و احاسيسه تجاهي ..
هاااا و شراح تستفادين ؟
ما اعرف ..
بس ترى غلط الي دتسوي ؟
نزلت راسي و مجرأت ارفع عيني بوجها ..
اعرف صح تحچين ..
بس اكو شئ مهم محد يعرفه يخصني اني و مهند ..
تقربت عليه لزمت ايدي ..
ليش متگوليلي شنو بيچ يجوز الگالچ حل ؟
لا ما اگدر احنه متفقين ما نحچي ..
زين المضموم شعليه بـ أيهم ؟
لان اذا عرفت ايهم بعده يريدني و ممكن يتزوجني ..
احاول اطلگ من مهند بالسر الي بينه ..
و تعتقدين عمي يقبل لو حتى مهند أو ابوه ؟
ما ادري احاول وياهم ..
اني اشوف لا تروحين و لا اتعبين نفسچ ..
ليش ؟
لان نيتچ مو زينه خيال ..
لا يمكن الله يوفقچ ..
رفعت راسي عليها بنظرة عتب
ليش هيچ تگولين ليش اني شنو رايده ؟
اني رايده السعادة الي الله كاتبلياها ..
منو گال ما الله كاتبلچ السعادة وي مهند و انتِ رافضتها ؟
لا ما اعتقد و الا چان عشتها صار فوگ السنتين اني وياه ..
وينها السعادة ..
بسمة لا اني اطيق مهند و لا هو يطيقني ..
مهند حاله حال ابوية ..
البي طلباته اسمع كلامه اصونه بغيابه ..
و روحتچ لـ أيهم معناها دتصوني ؟
هاي وين عقلچ ؟
نسيتي قيمنا و اخلاقنا و الي تربينه عليه ..
بدت دموعي تنزل ..
ليش تبچين فدوة ؟
اني مناسية شئ ..
بس كلها نست شرع الله من زوجتني مهند ..
الرسول صل الله عليه و سلم يگول ( لا ارى للمتحابين الا النكاح ) ..
احنه چنه متحابين في الله ..
لا الغاية و لا شئ ..
لا حبني علمود عيون الغزلان ..
و لا حبيته علمود طوله غصن البان ..
و لا حبني لاجل فلوس الوالد ..
و لا حبيته طمع بالاملاك ..
احنه مجرد روحين التقت حبت بعض ..
بدون سبب او اي شئ لاخ ..
بس ارجع و اگول انتِ مرة رجال ..
و اني اذا سعادتچ ممكن الله ميرضى عليه ..
يابه اني حشوفه وحدي ..
بعدين منو گال حگدر اكون وحدي وياه و احچي عادي ..
عفيه صح كلامچ يجوز فعلاً متگدرين و تطلع روحتچ بلوشي ..
ها هيه بسمه فهمت خلص ما اروح ..
خليني عايشة وي مهند بجسدي ..
و عايشة وي ايهم بقلبي و عقلي و روحي بس خيال و فقط ..
الظاهر حياتي مثل معنى اسمي خيال في خيال ..
الله يعوضچ و يرزقچ بالذرية الصالحة حبيبتي ..
عوجت حلگي و باوعتلها : ان شاء الله ..
مرت تقريباً ساعة سوالف و ضحك غيرتلي جو ..
بعدها نزل عامر ..
شنو رئيكم نطلع ؟
اني و بسمه بنفس الوقت ..
اي و الله يا ريت ..
ضحكنه كلنه ديلا لبسو بسرعة ..
لبسنة دنطلع گعدت امي ..
وين على خير ؟
يمه افر البنات شوية و اجي ..
صعدنه بالسيارة ودانه اشترينه موطه ..
بعدين افترينه شوية ..
بسمه : يلا خلي نرجع كافي اشو دخت من السيارة ..
عامر بخوف و اهتمام و حنية ..
ليش حبيبتي شبيچ ؟
ما اعرف عموري بس ماكو شئ لا يظل بالك ..
رجعنه قبل ما انفوت بشارع بيت اهلي ثاني بيت يصير بيت ثامر ..
گتله الـ عامر بدون اي تفكير ..
ليش ما ننزل نسلم عليهم ..
بسمه باصرار : لاااا مو اني تعبانه ..
و باصرار اقوى من قبلي : مو مشتاقتلهم اني من سبعتكم اخر مره شفتهم ..
اهنا عامر رضخلي ..
يلا ننزل شوية نشرب چاي و نرجع للبيت ..
نزلنه اني و بسمه دگ تلفونه ..
شاله يجاوب ..
اني وصلت الباب و بداخلي هسه وكتك تتصل منو مچنت انت ..
اشو عامر فتح جامة بسمة ..
اني رايحة شغلة صغيره و ارجع ..
بسمه بخوف من الي ممكن يصير ..
وين يمعود ؟
صديقي رايد مني اوراق تخص شغلنه لازم هسه اوديلهياه ..
و همه يحچون دگيت جرس الباب ..
بسمه : لعد رجعنه وياك شعدنه وحدنه ..
فتح الباب ابن ثامر احمد ..
هلوو عمه و حضني راساً ..
باوعتلنه بسمه مستسلمه ..
ديلا روح عامر بس لا تتاخر ..
اوكي حبيبه حاضر ..
راح عامر دخلت و ابتسامتي تقره مليون فرحه ..
شفت نبض القلب بالحديقة وي اخوية ..
الي بشوفته بعد ما اشوف غير شئ ..
سلمت على اخوية ما اعرف شلون و شنو گلت ..
و طلعتنه زوجته تهلي بينه ..
خوش وقت اجيتوا الولد يشون بره ..
تعالوا نفوت انحضرلهم المواد ..
اما نبض قلبي فـ جاوب سلامنه بهدوء و نزل راسه ..
دخلنه المطبخهم وي خلود ..
حضرنه الكباب و التكة مال اللحم و الدجاج و الاجنحة ..
خلتهم بصينية ..
انطتهم لاحمد يوديها ..
لا خلي اوديها اني ..
بسمة صافنه عليه و مرتبكة و اني و لا دايره بال ..
اخذتهم وديتهم الهم ..
اتفضلوا ..
انطيتهم المواد و گعدت يمهم على المرجوحة ..
ثامر : هاي شنو وين الطماطة و البصل ؟
هاا ما اعرف خلود انتطتني بس ذولة ..
لعد اروح اجيبهم ..
انطه المهفه الـ ايهم ..
هاك هفي بين ما اجي حتى لا يطفى ..
مگمت من مكاني و لا گتله اني اجيبهم ..
ايهم بقه مستغرب من وجودي يمه ..
يباوع منا و منا بس عيونه ترجع عليه دوم ..
لحظات و حچه ..
ليش جيتي ها ؟
ان شاء تريدين تشكين و تبچين ..
و ممرتاح و زوجي تزوج ..
عايفني وحدي ممهتم بيه ..
بقيت اباوعله بتعجب ..
تعرف كل اخباري ؟
ليش انتِ متعرفين اخباري ..
لا ما اعرف محد يقبل يحچيلي ..
ههه يعني مگلولچ امي خابصتني تريدني اتزوج حتى بلكي انساچ ..
و اني اي بنية بعدچ مدا تقبلها عيني ..
مگلولچ اكلي عبارة عن وجبه وحده و اموت روحي بالشغل حتى ما افكر بيچ ..
مگلولچ ليلي مدا انامه من كثر تفكيري لارضاء امي و بنفس الوكت ما اگدر لان روحي متعلگه بيچ ..
اني يومية تذبحني الذكريات ..
لانچ بيها بس مو يمي ..
اذا اجه احد و گلچ ممبين عليه اثر فراگچ ..
گوليله جذاب ..
وچ من عفتچ كلشي بيه تغير حتى دگات قلبي صارت غير ..
و ابتسامتي بس بالقهر ..
كاره روحي ..
ردت اكمل نص ديني و حيضيع الثاني مني لان ما اخذتچ ..
الظاهر من يگولون الحلال صعب ..
مو لان اسمه حلال ..
بس حتى بعيشته صعب مو بس من تريد تحصل عليه ..
گومي منا فدوة قلبي و اخذتي مني بعد شتريدين ؟
هو يحچي و دموعي تكت ..
شوكت تبطل دموعي جري اشو دجله بطل جريان و حينشف و عيوني ما بطلن دمع ..
ليش تكبر جروحي فدوة ؟
و اللچ مو انتِ بروحي ..
اسمعني خلي احچي فدوة ..
و اجه ثامر ..
خليت ايدي على عيوني ..
شبيچ خوخه ؟
دخل رماد بعيني ..
اروح اغسلهم ..
دخلت جوة فرحانه بعده يحبني مقهورة منه لان بس بقه يسبني ..
و يمكن لو سابني چان ارتاحيت اكثر من كلامه ..
اني لازمة قلبه بدية و خايفه عليه مثل المية بالصينية ..
و هو جاب خنجر و نچخه بقلبي و حطه بين اديه ..
وصلتلهم للمطبخ ..
اخذت استكان و غسلت عيوني حتى تمشي تمثيليتي ..
بسمه : ها شصار ؟
اخرتلچ ثامر بلي اگدر عليه ..
ضحكتلها : ادري بيچ لازم توگفين ويايه ..
هستوني دا اهون عليه و احچيله سري حتى شوية يرتاح ..
و چان يجي ثامر ..
يلا هسه احنه باقين نسهر يمهم بلكي ترهم تحچين وياه مرة لخ ..
الله يسهل ..
دگ تلفوني شلته استاذ مهند ..
انتِ وين ؟
ها ابيت ثامر ..
زين ديلا جايج هسه ..
ليش ماكو داعي عامر يرجعني ..
كافي تاخرتي و اني قريب على فرعكم ..
خوش ..
سده گمت اطرگ ..
و اللچ راح يجي و هسه يشوف ايهم يگلبه عليه سودة مصخمه ..
دسكتي گولي يا الله ..
يا الله ما عندي غيرك ..
خمس دقايق دگ عليه ..
يلا اطلعيلي ..
حاضر جايه جايه ..
طلعت و اني امشي اباوع على جهة اليسار حديقتهم و احچي وي ثامر ..
اجه مهند خالتي متخربطة و لازم اروح وياه ..
گام على حيله ..
مشه ورايه ..
فتحت الباب لگيته گاعد بالسيارة ..
صعدت راساً و هو مشغل السيارة مباشرةً حركها و الحمدلله ملحگ بينه ثامر ..
اه الحمدلله يا رب ..
شعجب ابيت ثامر چنتي ؟
مسوي شوي و عزمنه ..
خطيه راح عليچ الشوي ..
يحچي باستهزاء ..
يلا بسيطة هسه ادزلچ على شيشين هههههه ..
لا شكراً اصلاً ممشتهيه اتعشه ..
شبيهم عيونچ حمر ؟
دخل بيهم رماد الشوي ..
غير اديرين بالچ يا عيوني انتِ ..
يحچي و يضحك الاجرب ..
وصلنه البيتنه الحمدلله خلصت من كلامه ..
سلمت عليهم و صعدت فوگ ..
بدلت و اخذت هدومي و غسلت ..
رجعت الغرفتي و بداخلي نوع فرح مينوصف و كأني حبيت ايهم بالجديد ..
فرحتي من عرفت ايهم بعده يحبني ...
قررت لازم اخلي مهند يطلگني ..
اكون حره و اتزوج الي اريده و احبه و يحبني ..
اتمددت على فراشي و اني الفرح اسرني و مقيدني من الحركه ..
بقيت ما اعرف شگد بالغرفة ..
اخر شئ صارت صنطة بالبيت عرفتهم نامو ..
باوعت لگيت الساعة بـ ١٢ و ربع بالليل ..
شوية و سمعت شخطت السيارة ..
گمت اباوع من الشباك لگيت سيارة مهند ماكو ..
يا ستار شبيه هالولد خطية ..
فتحت الباب نزلت جوه البيت هادئ ..
لعد هذا شبيه ..
يلا ان شاء الله ماكو شئ ..
شربت مي و رجعت صعدت ..
النوم جافاني من السعادة الي اني بيها ..
بس حرامات ملحگت افرح ايهم ..
يلا خلي لان هو اذا يحبني يتزوجني عادي ..
بس هو بكلامه مو يحبني يعشقني ..
هيچ دا افكر و انفتحت باب الغرفه بقوة ..
فتحت التيبلام الي بصفي ..
شفت مهند جاي بس مو على بعضه ..
شبيك مهند خوفتني ..
يتقرب عليه و يحچي ..
ليش خيال ليش ؟
شنو ليش شصاير ؟
گمت ارجف هذا شبيه بس لا عارف ايهم هناك ..
زين شلون عرف منو گله ..
ليش هيچ تسوون بيه ؟
يحچي بكلام متقطع و گوة افهمه ..
معقولة اني استاهل هيچ ؟
هالگد اني مو خوش ..
شبيك يا عيني فهمني ؟
صار قريب عليه شميت بيه ريحة شرب ..
ليش مهند شكو ليش شارب ؟

فالقصة صدمة العمر لخيال