ما بيننا كان اعظم للكاتبة إسراءالجميلي

الفصل الثاني عشر

#ما_بيننا_كان_اعظم
الفصل الثاني عشر
#بقلم_اسراءالجميلي
#مدونة_نور_قلبي

مرت الايام و قبل يوم من حنته الصبح اجه عليه و اني دا انظف بالبيت وي رغد ..
هاچ امچ على التلفون ..
هلو ماما شلونچ ؟
ها ما اعرف ؟
هسه اسئل مهند و اردلچ خبر ..
حاضر تدللين ..
مع السلامه حبيبتي ..
سلمينه ..
اني احچي و هو عيونه عليه يقره عيوني قبل ما يسمع كلامي ..
خير شتريدين تگوليلي ..
ماما تگلي تعاي باتي يمنه كم يوم خواتچ جايات ..
ليش مراح يجون للعرس ؟
لا شلون اكيد يجون ..
رجعت اچلف بالسيراميك مال المطبخ ..
انت بكيفك اذا متريد ترى عادي ..
ديطلع من المطبخ و حچه ويايه ..
خلي يجي عليچ اخوچ اني مشغول اكيد تعرفين ..
حاضر ..
اتذكرة شلون اگول الاخوية ..
وگفت بالباب مال المطبخ و صحته ..
مهند ؟
اندار عليه : نعم ..
بلا زحمة انطيني التلفون دا اگول الـ امي حتى يجيني عامر ..
هوووف شوكت اخلص من موضوع التلفون هذا ..
لعبتي نفسي ..
حقك ..
يمكن اشتري واحد ..
اي ترى لازم تشترين باچر عگبه بالغرفة وي مرتي ..
و يدگون عليچ ..
شلون بالله اجيچ و اعوفها ..
لا يمعود ماكو داعي ..
هسه انت مو انطيتني فلوس ..
اگول الـ عامر يشتريلي ..
اي و الله تسوين فضل ..
حاضر تدلل ..
ههه اي صح هواية مدلل عليچ اني ..
اخذت التلفون دگيت على امي گتلها و اتفقنه بعد ساعة يجيني عامر ..
رجعتلهياه : شكراً مهند بعد ساعة يجي عامر ..
خوش الله وياچ ..
مشه و عافني ..
رغد : فدوة شلون تصرفين وياه ؟
علميني حبابه مخبلني ابو عدوله ..
ههههه حاضر عود من ارجع ..
بس زين سوو اهلچ مو مال تبقين بهاي الايام ..
شگد يقسه وياچ من يجيب ذكر ذيچ الجگمة ..
بس لو اعرف ليش دا تسكتين من يجيب سيرتها ؟
لو من يتسفزچ بيها ..
لو خايفه تأذيه عيني ؟
حبيبتي رغوده :
اكو فوق چبير بين ما اسكت حتى ما أاذي بكلامي ..
و بين ما اسكت حتى ميأذيني اكثر بجوابه ..
اووووف ميفيد كل واحد و حظه بالدنيا ..
و حظي قليل ادري بيه ..
لا و الله عقلچ قليل ..
هنيالي هستوني اگلچ علميني ..
لا خاله لا علمي روحچ احسن ..
ههههههههه صدك رغد اني مسألتچ عليها !!
شلونها حلوة محلوة ؟
عوجه فلجة ؟
بيضة سودة ؟
ههههه ما اگلچ هسه تجي تعدل هدومها و تشوفيها ..
خوش عيني خوش ..
كملت على السريع وياها ..
رغد : ديلا روحي غسلي و بدلي بسرعة حيجي اخوچ ..
اوكي يلا حصعد ..
صعدت بسرعة و جهزت نفسي و اخذت كم لبس بجنطة صغيرة و فلوسي ..
اشتغل و احچي وي نفسي ..
چنت احسه سندي وخذلني ..
مو بضرورة يكون حبيب او زوج ممكن اخ اب صديق ..
مات شعوري بالامان وياه ..
ماظلت اله مكانه عندي ..
صرت ماتمناله لا الخير و لا شر ..
للاسف صعب هالشي من يموتون اشخاص بنظرنه همه على قيد الحياة ..
ويتركون كسر وفراغ بداخلنه ..
كملت و دا انزل الدرج و اسمع صوت نسوان ..
وصلت الباب المطبخ ..
خالتي : هلا هلا بنوارة بيتنه ..
هاي عيني خيال زوجة مهند الاولى ..
وحدة مرية تطلع بگد امي و مربربه و بيضة و حلوة ..
هلا بيچ يوم ..
اتقربت عليه رادت تگوملي ..
لا خالة گعدتي ..
بوستني و مبينه كلش طيبه و حبابه ..
بس وياها اثنين بنات ما اعرف شلون يباوعلي ..
هلو عيني شلونچ ؟
مدو اديهم سلموا عليه عود ميرودون يبوسوني ..
خالتي : يمه هاي ام ريم و ذني خواتها ..
رنا و ري ..
جايين يعدلون ملابسها ..
اهلاً بيكم شرفتونه ..
بقيت واگفه و يسولفون بينهم و اني بس اباوع منا و منا ..
سمعت صوت هورن مال سيارة بره ..
عرفت عامر اجه ..
اييه الحمدلله اجاني الفرج ..
چنت اتمنى ابقه وياكم بس اخوية اجه عليه ..
ام ريم : الله وياچ يمه ..
طلعت و اني حامده ربي مليون مره ..
اجتي وراية رغد ..
شفتي خيه خواتها شلون يباعن ..
ان شاء الله تنفگس عيونهن و عيون اختهن ..
ابتسمتلها گوة ..
ههه لا تدعين حبي كل لشة تتعلگ من كراعينها ..
دروحي ام المثاليات ..
فتحت الباب صعدت وي عامر ..
السلام عليكم ..
هلا بعصفورة بيتنه ..
اتقرب عليه باسني من خدي ..
هههه اليوم اني نور و عصفور ..
انتِ كلشي حلو بحياة اي واحد يعرف قدرچ ..
الله يخليك خويه ..
ديلا امشي ..
حرك السيارة و بقه يحچيلي على بسمة و امي و خواتي ..
و ابد مسألني على مهند او عرسه ..
كأنوا زيارة اعتيادية الهم ..
وصلنه قريب بيتنه نزل يم ابو اسواق امي و خواتي موصيه على غراض ..
تريدين شى خوخه ؟
لا حبيبي تسلم ..
نزل بقيت اباوع عليه لحد ما اختفى داخل الاسواق ..
و بدت بنات عيوني تنزل ..
اصعب شئ من تسوي كل شي لناس وتحترمهم وتحبهم من كل قلبك ..
وبالمقابل يخذلوك بأبسط المواقف وتحس انو انت لا شئ بالنسبه الهم ..
اليقهر أكثر انو ممسويلهم غير كل خير ..
يعني اني مراديتك بس معاملتك احسن معاملة ..
هالاحقارة بالتعامل و عدم الاحترام و الاستفزاز المستمر ليش ؟؟؟
هو انت متريدني بس مو اني ممقصرة ..
ليش بكلماتك تضربني ابر سم ..
لييييش ؟
محسيت الا باب السيارة الورى انفتح ..
عامر : ملگيت حليب كاكاو البنت افنان ..
مسحت دموعي على السريع ..
ميهم عيني عود شوف بغير مكان ..
حط الچياس و رجع المكانه شغل السيارة باوعلي ..
ها شبيچ ؟
مدري شدخل بعيني ..
بسيطة من نوصل حطي استكان مي بيها ..
اي ان شاء الله ..
عفية عامر بلكي من يصير عندك مجال تشتريلي تلفون ..
غير تجين ويايه !!!
لا يمعود ماكو داعي هو اني صار سنتين ما عندي يعني كلشي ما افهم ..
وصلنه الباب البيت وگف السيارة ..
باوعلي : انتِ كلشي تفهمين لا تگولين هيچ ..
ههههه صح عموري الله كريم ..
ردت اساعدة بالغراض مقبل ..
دخلت سلمت عليهم ..
تلگوني بوس و احضان قوية ..
فرغت بيه شوية من همي ..
ابد محد اطرق بيهم على موضوع زواج مهند ..
بس بعيون كل واحد بيهم الف كلمة و كلمة ..
و شنو فايدة الكلام ..
اذية بس ..
اتونست وياهم و حاولت اتناسه الي ديصير ويايه ..
اجطلنه بالهول كلنه الظهر ..
بعدها گعدنه نشرب چاي ..
اجه عامر عليه ..
گومي خوخه بدلي ..
وين اروح ؟
كومي تعاي ويانه ..
وين ؟
دنطلع اني و بسمه و حتى اشتريلچ تلفون ..
ما بي حيل عموري خليها على باچر ..
عاد و امي و البنات ..
يلا معوده ..
گومي غيري جوو ..
و الله بسمه تونس و حبابه ..
جرني عامر من ايدي ..
عقچ حواجبه عود عصبي و يحچي بعصبيه ..
دگومي لچ اني اخوچ الچبير و دا أامرچ ..
گامو يضحكون كلهم ..
هههه حاضر حگوم ..
گمت لبست على السريع و نزلت وياه رحنه البسمة ..
طلع مگايل الها اني وياه ..
نزلت گعدت ليورة ..
يمعودة وين تعاي ابقي اهنا ..
لا هذا بعد مو حقي مدام مرتك حضرت خطية ..
الله يخليچ يا ام عقل الچبير ..
دگ الها هورن فتحت باب بيتهم شافتني ..
تخبلت بس تضحك مثل الهبلة ممتشاوفين اني و هيه من يوم مهرهم ..
تبوس و تحضن و تشم بيه و اني نفس الشئ ..
شوفت الناس الي الهم مكانه بقلوبنه ..
تمحي هواية هموم و اذا متمحيها فتخفف من عبها على قلوبنه ..
گعدت ليگدام بس منداره عليه كلها ..
و اني گاعدة بوسط الكشن الخلفي و متقربه عليها ..
عبالك جهال و التقو بالخط بعد العطلة الچبيرة ..
بقت تسالني شلونچ و اخبارچ ؟
و عامر ساكت بس يبتسم و يضحك ..
يمكن مرت شئ نص ساعة ..
گام يتنحنح ..
سكتنه اثنينه باوعنه عليها ..
شلونچ عيني بسمه ؟
بقت صافنه عليه ..
اشو مسلمتي عليه ..
طلعتي تحبين اختي اكثر مني ..
طگيناه بضحكة قوية ..
لزمته من جتفه لا يا عمري شعندي غيرك بس غير صار كومة مشايفته ..
يلا ميهم راح امشيها لان احب خوخه اكثر من روحي ..
حبيبي الله يخليك اليه ..
بقينه نسولف لحد ما وصلنه المطعم نزلنه گعدنه وصانه على گهوة هسه جايكم اني ..
بسمه وگفت : وين رايح حبيبي ؟
هسه شوية عندي شغله ..
الله وياك گعدت گبالي ظلينه وحده تسال اللخ على اخبارنه ..
بعدها سكتنه نشرب بالگهوة ..
بقت صافنه تباوع عليه ..
احچي بسوم شتريدين تسألين ؟
ها لا ما اريد شئ ..
على ايهم مو ؟
چانت منتچية على كرسيها ..
رجعت اتقربت على الميز ..
بعدچ تحبيه ؟
اي مرات تحاول اتعافى منه ..
ليش تريدين تتعافين منه ؟
لان تعبت و احس ماكو امل ..
وَجعي يومية يزيد ..
لان مدا اگدر ابطل عن حبه ..
و ما اگدر اكون وياه ..
المي مثل المذبوح بسچينه عميه ..
بس اني احسچ تتمنين تسمعين صوته ..
ههه اي حتى ارجع استنشق الهوى عدل ..
تدرين شنو احس الي بيني و بين ايهم ..
احس بينه عقد ملكيه ..
هو مالك قلبي ..
و اتمنى بعدني مالكه قلبه ..
عبالك اني كُلي اله بكل جزء بيه ..
و هو نفس الشئ ..
اني اخاف لا تسقط هاي الملكية و يصير الغيري ..
بس مو انتِ صرتي الغيره ؟
جاوبتها بسرعة بدون تفكير ..
اني مصرت الغيره ..
فتحت عيونها : لعد شلون عايشة وي مهند ؟
هاا اقصد عايشة بس جسد بس روحي وي ايهم ..
بس ترى حرام عليچ ؟
اي اعرف ..
ادعيلي اشفى ..
ليش ايهم مرض ؟
لا حبه هو المرض ..
اذا تزوج تنسيه ؟
ليش من تزوجت اني نسيته !!!!
تدرين شنو اتمنى ؟؟؟
اتمنى كون انضرب اني و وحده براسها ..
ليشششش ؟؟؟
حتى اتنازل عن ذكرياتي وياه الها و تكوم تحب بنفس طريقتي و اني اخلص ..
هههه امنيه غريبه ..
اي غريبه ..
هو الحب نفسه غريب ..
طز بالحب الي يأذينه ..
لا و الله طز بينه احنه الي مرات من نختار ما انفكر بعيد ..
باوعتلي بسمه ..
ليش هو احنه نختار الحب ؟
اوووف لا و الله هو يختارنه و يكسر رگبتنه ..
اسم الله على رگبتچ حبيبتي ..
شفت عامر ديجي من بعيد ..
الله كريم بسومتي ..
اجه عامر ترى ..
سؤال سريع ..
متعرفين عنه شئ ..
و الله كلما اسأل اهلي ميجاوبوني او يغيرون الموضوع ..
صار قريب عامر كافي ..
اجه انطاني چيس ..
هاي شنو ؟
الك يا حلو هدية ..
بمناسبتيش ؟
بمناسبة اني اخوچ و احبچ ..
هههه شكراً اخوية ..
فتحتها طلع جايبلي تلفون ..
لا عموري يمعود غالي عليك ..
بسمه :ما يغلى عليچ شئ ..
الف عافية حبي ..
علمني عليه و تعشينه و رجعنه و كلش تونست وياهم ..
و فعلاً نسيت افكر بالي ديصير ..
اخر شئ وصلناها و رجعنه ..
لگيتهم نايمين صعد عامر الغرفته ..
رحت بالمطبخ
اسوأ شعور من توصل المرحلة ما تعرف بيها منو انت و شتريد و هدفك بالحياة شنو ؟
اصلاً انت ليش انخلقت ؟
اه من عقلي.

فالقصة صراع على الفارغ