ما بيننا كان اعظم للكاتبة إسراءالجميلي

الفصل السابع عشر

#ما_بيننا_كان_اعظم
الفصل السابع عشر
#بقلم_اسراءالجميلي
#مدونة_نور_قلبي

اني شارررر رب ..
اني خاااااوووووش وللد ..
انيييي ااااخاف من الله ..
اتقربت عليه حاسه بخوف منه يمكن عرف شئ ..
و خوف عليه ليش يشرب ؟
فعلاً مهند مشارب ابد حيصير الي سنتين و نص وياه و هو مطاخ الشرب ..
شبيك الخاطر ربك فهمني ؟
متريدني ريم ؟
شنو ليش شصاير ؟
اتگلي اتتتت مت مت مت متحبني ..
يأشر بيده على نفسه بغباء و ثول الي شارب و ميدري وين يخلي ايده ..
اننني ما اريدها ؟
جريته گعدته على الچرباية ..
بس ارتاح شوية ..
اننني اممموت على التتتراب الي تمشي عليه رجليها ..
هي سعادتي خيال ..
اهدئ شوية ليش متفوت تغسل بلكي ترتاح ..
ما ما ما ارتاح ..
اني اذا ما انام على ريحة جسمها ما ارتاح ..
رفع ايده اثنينهم و حضن نفسه بيهم ..
اااذا ما اخليها بحضني ما اضوگ طعم النوم ..
باوعتله بحزن و الم و گمت ابچي ..
ابچي عليّ و عليه ..
شلون صرنه زوجين و احنه غرباء ..
تدرين اگعد الصبح قبلها اباوع عليها ..
بس هي هم تحبك و تريدلك الرضا ترضى ..
تتتتخيرني بينچ و بينها ..
الله حسيت حتفرج عليه قريباً ..
اكيد حيختاره لان يحبها الها ..
اتگلي انت ماخذها ..
بس انت مماخذني و الدليل ما فد يوم اجيت يمي من اتزوجتها لسه ..
الا علمود ترزلني لو تنطيني فلوس ..
گام يبچي و يگهد ..
مما ما تصدددگني ..
اتتتگلي كذاااااب ..
اااني كككذاب خيال ؟
لزمته من چتفه اهدئ فدوة انت حبابه ..
اصلاً هي اكيد گالتلگ حباب و انت مسمعت زين ؟
قققصدچ اني ااطرش ..
لا يمعود انت احسن واحد بكلشي ..
گلت خلي اگله هسه بلكي يرمي عليه اليمين ..
زين صدگ انت ليش ما اطلگني و ترتاح ..
اااني ممما اااگككدر اطططلگچ ..
يمعود معليك بـ ابوية اني احلها وياه ..
و اللچ ابوية قسم عليه ..
ااااذا بيوم طططلگككتچ لازم اطلگ ريم هم ..
و گام يبچي اقوه ..
و اني بلياها اموت ..
ان چنت ممرراات و انتِ ناييمه اتتتخيللچ هي ..
بس انت لازم اطلگني ..
اشو هذا هاج مثل الثور ..
يحچي بصراخ و صوت عالي ..
و يهزني بجتافي قوي ..
انتن شنوو اني مو بعينچجن تريدون تعوفني ؟
شو انتن مصتصغراتني كلساع وحدة تگول طلگني ..
اااني ررررجال و بكيفي اااططلگ لو لا ..
خفت منه متت رعب ..
لا يمعود انت وين اكو منك ..
اني اقصد حتى هي ترتاح ..
و اني ارتاح ليش عايفني معلگه هيچ ..
اني معايفچ ..
اشو نبرت صوته تغيرت و صارت عيونه مليانه شر ..
گام يدفع بيه على الچرباية ..
اي اعرف بس وخر ايدك حباب چتفي اذاني ..
ما اعوفچ بعد ..
الا اشوفچ شلون انننني رررجججااال ..
لا عفية شنو قصدك ؟
حباب روح ..
گمت ابچي و احچي بصوت ..
الله يخليك عوفني ..
ههههه هههه خلص اليوم انتِ الي ..
خلي اسوي شكها صحيح ..
عفية و اني شنو ذنبي ..
گام يدفع حسيته اسد جاي على غزاله يريد ينهشه ..
گمت ادفع بيه و هو يدفعني ..
نومني على الفراش و گعد على رجليه على زروري ..
حسيتهم انشلوا ..
بحيث ابد ما اگدر احركهم ..
ارفع بنفسي يضربني و يرجعني ..
عرفت دينتقم من ريم بيه ..
گمت احس بخشمي و حلگي يجري ..
صار الدم بحلكي ..
عيطت سد شفايفي بيده اليسره ..
و ينهش بجسمي بيده اليمنه ..
عضيت اصابعه بكل قوتي ..
وخر ايده و وياها عيطه ..
ايا بببت الكككككلب ..
باوع اصابع گامت تجري دم تخبل نار بدت تطلع من عيونه ..
متريدوني مو الا اعلمكم ؟
لزم دشداشتي و شگ عليه ..
چنت لابسه اتگ جواها ..
گمت اغطي نفسي بالباقي من الدشداشة ..
و هو يجر ايدي و يكفخني و يضربني راشدي ..
بده يضربني و اني اضحك مثل المخبله ..
ادعي من الله اگعد من هذا الكابوس و اتفل على اليسره و ميتحقق ابد ..
بعدها فقدت كلشي ما حسيت ..
اغمى عليه ..
بالحلم اني بقصر عالي و اني باخر طابق ..
اباوع من الشباك ايهم واگفلي و ماد ايده يگلي انزلي ..
و اني اخاف انزل لا اموت ..
اجاني نسر من بعيد كلما اقدم روحي على الشباك ..
يضربني بجناحه و اني اعيط ..
و ايهم جوه شايل عوده و يحرك بيها يريده يروح بس هو كلش بعيد عليه ..
الى ان اجه النسر و اني قريبه كلش من الشباك ضربني قوي بجناحه ..
من الالم عطت ..
فزيت ما بيه احرك نفسي من الالم الي بكل جسمي ..
يوجعني جسمي ..
باوعت الفجر هستوه دي يطر ..
حسيت نفسي امبللّ من يم اسفل جسمي ..
حاولت ارتچي على اديه اه كل اصبع بيه المه شكل ..
اه بس اتاوه و رفعت نفسي بقدرة قادر ..
باوعت شفت الچرچف كله احمر ..
لاااااااا حسبي الله علللييييك ..
الله يااااخذ حقيييي يا مجررررم ..
عسسسسساها ابختك و ابناتكككك ..
اه ربي كون بعوني ربي ..
ابچي و اعيط بهالكلام ..
بس محد يسمعني ..
العوبه سويتها بعيد و رغد همين سويتها بالجهة الثانية ..
و غرفتين بصفي فارغات مال خطار ..
گمت الم روحي عايف الباب مفتوحه عليه ..
رحت بالگوة اسدها ..
بكل ما املك من قوة گمت نزعت ..
شنزع هو اني شلابسه كله متشگگه عليه ..
فتحت الكنتور جريت دشداشة لبستها و لبست عليها عبايتي و شالها ..
خليت ملابسي المشگگه بعلاگه و الچرچف همين و اخذتهم ..
دا اطلع من الباب ..
شفت وجهي بالمرايه صاير خريطة ..
دم يابس على دموعي المالحة على ورم بعيوني الي دا اشوف بيهم غواش ..
گمت امشي و اتچه على الحايط ..
لحد ما وصلت سويت رغد ..
دگيت الباب مرة مرتين تلاثه فتحته رغد ..
شافتني لزمتني راساً ..
هاي شبيچ منو سوالچ هيچ ؟
يعني منو اكو غير الشريف حماچ ..
حسبي الله .. الله يكسر ايده ..
حبابه گعدي محمد يوديني الاهلي ..
قبل ميكعد عمي حبابه ..
صاحت محمد شافني تخبل دتعاي ادخلي ..
احچيلنه شنو الصار ؟
گمت ابچي و احچي بهمس ..
عفية اذا تحب الله و رسوله وديني الاهلي حباب ..
ما اگدر احچي شئ و الله ..
اخويه الي صار مينحچي صدگني ..
رغد : استغفرالله .. الله يكسر ايدك يا مخبل ..
باوعلها محمد خزرها ..
محمد : اول تالي نضرب مره احنه ..
شنو حلبة مصارعة داخل يا غبي ..
اني بس ابچي ..
دگومي خيتي يلا ..
نزلت ويايه رغد تسندني ..
صعدتني بالسيارة سدت الباب ..
حچت ويايه من الجامه ..
چان جيت وياكم حبيبتي بس خاف عدوله يگعد ..
لزمت ايدها ..
لا عادي بوسيلياه ..
الله وياچ حبي تنحل ان شاء الله ..
مشى بالسيارة ما اعرف شلون وصلت البيتنه ..
محمد : خيتي چان نزلت وياچ بس الصدگ ما عندي عين اشوف بيها اهلچ على الي سواه اخوية الچلب ..
عادي ابو عادل ..
شكراً لان وصلتني نزلت بالگوة ..
اجي اساعدچ ..
اشرتله بيدي لا ..
نزلت فتحت باب بيتنه بالسيم الي خاليه بره ..
مشيت بخطوات عبالك باب المطبخ تبعد الف ميل ..
وصلت ادگ ادگ محد يفتح باوعت من الشباك على الساعة ..
بعدها بالسته الصبح مو هسه يگعدون زين وين اروح ..
اتقربت على سيارة عامر ..
خليت ايدي على يدة الباب و الله انفتحت ..
صعدت گعدت ليورة ..
كل جزء بيه يون و يبچي عليه ..
اه ربي معقولة اني استاهل الي صار بيه ..
اول تجربة الي بالحياة الزوجية هيچ تصير ..
حتى الحيوانات احسن مني ..
دموعي تنزل على جروحي و تزيد الالم بروحي ..
جروحي غميجه حيل ماتنلم و لا تتخيط ..
و لا تشفه ابد ..
اباوع على وجهي بالمرايه و على اديناتي و الالم الي بافخاذي ..
كلها تشفه بس الي بالروح شلون يشفه !!!!!
حياتي عباره عن حفلة تنكرية كل واحد لابس وجه شكل ..
بس اني الغبية حضرتها بوجهي الحقيقي ..
و بالتالي كلها عرفتني و يومية واحد ياخذ مني جزء و يأذي بيه ..
الى ان اجه الحقير البارحة و نهاها للأخير ..
تمنيت يجون يلگوني ميته ..
مر ما اعرف شگد وقت انفتحت باب المطبخ ..
شفت عامر ديطلع منها و يحچي وي بسمه ..
حبيبتي بس اشغل السيارة حتى تحمه بين ما اتريگ ..
اندار على السيارة و شافني ..
هاي شنو منو بالسيارة ..
اتقدم عليه و امي و بسمه طلعوا وراه ..
فتحت الباب تقربلي تخبل ..
لچ هاي شبيچ منو سوالچ هيچ ؟
گام نزلني و اني اتألم احاول ما اگول اه و تطلع من كيفه من شدت جروحي ..
سد الباب برجله قوي ..
نعل على صفحت اهله للناقص ..
گام يعيط ..
لكم هذا هم رجاااال الي يتسبع على مره ..
ساكته اني ..
امي تخبلت بس تدعي عليه و تبچي ..
بسمه عيونه متروسة دموع و متعرف شتسويلي ..
دخلوني جوة ..
عفية اريد اتمدد ودوني للهول ..
ودني اهناك تمددت على القنفه ..
ركضت بسمه جابتلي مخده و غطه ..
عامر گعد يمي بالگاع ..
شيوجعج خيتي احچيلي ؟
اوديچ للمستشفى ..
اشرتله على قلبي ..
يگدرون يشفون هذا ؟
عيونه غورگت ..
يأشر على غرفة اهلي ..
چان گدروا يشفون عقل الجوه ..
لزم ايدي ..
حضنت ايده بأثنين اديه و گمت ابچي ..
الله يخليك عامر بعد لا ترجعوني عليه الله يخليكم ..
و اباوع على امي بتوسل ..
مترجعين لو على گص رگبتي ..
و الله ميستاهلني و الله ظالم و وحش ..
حاضر حبيبتي حاضر ماكو رجعه الذاك الزمال ..
سمعت صوت رج دماغي ..
منووووو مترجع ؟
عامر : خيال مترجع المهند ابد ..
و انت شعليك عود من اموت انت احكم البيت ..
و همين مو انت ثامر يحكمه ..
گمت عدلت نفسي و ارتچيت على يدة القنفه ..
صارت بينهم مباراة منو صوته يصير اعلى ..
و امي بينهم كالعادة ..
بس هالمرة ويانه ..
امي : حربي انت دتشوفه شمسوي بيها ؟
يابه اسمعني خيال مترجع الـ مهند و الا احرگ البيت و اكتل روحي ..
دولي لك ولي ..
دفعه العامر ..
طلع عامر من الهول ..
ابوية : شسويتي من عمله چبيره حتى رجلج هيچ سوة بيچ ..
و النبي مسويت شئ هو حقير ..
تعارك وي مرته الي يحبها و اجه فرغها بيه ..
انعل ابوچ لابو غيرتچ هسه مثل الكرته ترجعين ويايه ..
و گام يجر بيه من ايدي ..
نزلت على رجله ابوس بنعاله ..
الله يرضى عليك يابه ما اريد ..
دفعني برجله رجع ظهري على حافة القنفه ..
شعرت ظهري انقسم نصين ..
فتي البيت عمچ بالبدلة البيضة ..
تطلعين منه بالچفن الابيض ..
كل ضرب مهند بچفة و فعلته السودة ويايه ..
و ضربة ابوية و حچايته بچفه ثانية ..
دخل عامر شايل جلگان بانزين و جداحة ..
وگف بنص الهول ..
دا اتشوف ابو ثامر هذا الي حسوي و روح ذب بنتك للچلاب ..
فتح الجيلاكان وسط عياط امي و بسمه ..
اني عبالك دا اشوف فلم و لا عايشه بواقع ابد ..
و ذب كل الي بيه على راسه و جسمه ..
ها ياب افتحها ..
يهدد بـ ابوية ..
ابوية بقه صافن و خوف بعيونه مو طبيعي اول مره اشوفه ..
مشه ابويه اندار ديطلع من باب الهول و حچاها بعياط و بقوة ..
طز بيكم خلوها تبقه بس طلاگ ماكووو ..
و الله طلاگ ماكو ..
اخر عمري يسمون بيتي بيت المطلگه ..
ضرب الباب برجله قوي كسر خشبها من قوة الضربه ..
و اني عيوني تتلفت بينهم ..
راحت بسمه ركض على عامر حضنته و تبچي ..
امي اجت عليه تگومني ..
الله ياخذك يا مهند كون تترملين و نرتاح ..
جرته بسمه تعال اغسل بين ما انظف الگاع ..
مشه وياها ..
رجع اندار عليه طول ما اني يمچ و اشم الهوى ما ترجعين ابد البيت عمچ ..
غسل و كمل و نظفت بسمه الهول و راح جابلي مضمد ..
عالج الي گدر يعالجه ..
و انطاني ادوية و خلالي كانوله علمود الابر ..
مرت ايام و مهند لا اجه و لا سئل ..
ابوية ما بطل تصجيمه اليه من ما موجود عامر ..
لهذا اني گمت احاول ما التقي بيه ابد من عامر ماكو ..
مهند نساني طبعاً اني مو مهمه عنده ..
بس رغد ابد و لا گطعت بيه و من تجيب سيرته اسكتها ..
فتعودت ما تجيب سيرته ..
بس شنو تنقلي كلشي عن حياتهم ..
تدلل عليه يلبي طلباته كتلتنه بوحامه يومية يم اهلها ..
بس الصراحة تحبه موت و قايمه بواجباته مثلچ و اكثر ..
شلون عيني الاكثر ؟
مو وياها دلع و حبيبي و حياتي ..
و خيه ما عده حيّ ابد ٢٤ ساعة تبوس و تحضن گدام ياهو الچان ..
اي غير تحبه الله يهنيها بيه ..
و الله انتِ خوش ضره خيه ..
ضحكت و هكذا چانت مكالماتنه ..
بديت اعود نفسي على الي صار ..
و اصبر روحي بجملة ايهم بيوم العقد ..
لو تزوجين عشره و تعوفيهم اتزوجج بعدهم ..
ايهم مچان يعرف مهند مماخذني فلا اگله و لا شئ ..
اذا يقبل بيه و يريدني اهلاً و سهلاً ..
ميردني خلص بعد الي شفته كلش كافي ..
بس اني يحز بنفسي الي صار بيه ..
و هكذا عايشة بدوامة حنفصل حتزوج ..
بعد اكثر من شهر وجودي يم اهلي اندگت بابنه رحت فتحته ..
جايين عمي و محمد و مهند ..
سلم عليه عمي باسني من راسي ..
محمد همين سلم ..
مهند ما سلم ابد و شايل خشمه عليه ..
اني همين و لا درت بال ..
دخلتهم بالصالة ..
ابوية اجه ركض عبالك مدري منو اجه ..
اني خليت بسمه تصيح عامر ..
اجوي و صارت نقاشات بينهم ..
عمي و محمد قافلين الا ارجع ..
مهند كل شوية ابوه يدغه يحچي ..
اخر شئ عمي اقترح نگعد اني و هو وحدنه ..
اول شئ رفضت بس عامر گلي : خليك وي العيار لحد باب الدار ..
صدگ دخلنه بالهول ..
اجه گعد گبالي بقه ساكت و اني ساكته ..
بعدها باوعلي ..
شوفي مال تريديني اعتذر على الي سويته فتحلمين ..
كلشي يصير بين المراءة و رجلها ..
و المره الاصيلة الي تتحمل و تسكت لاجل بيته ..
هههه يا بيت يا مره ؟
شنو محفضيلكياها و جاي تحچيها ؟
احترمي نفسچ ..
الظاهر انتِ يرادلچ تربية بعد ..
هههه اسالك سؤال ؟
جواب ست السان ..
لو ريم هيچ تگلها من تروح تصالحها ؟
اشو هذا ذاب بس جبت اسمها ..
جاوبني بسرعة بدون لحظة تفكير ..
ليش اني گدرت على زعلها ..
شوف يا ابن الناس الغاليين عليه دوم لو مدري شيصير بيني و بينك ..
اي عيني ششوف ..
چنت اعبر كل الكلام و التجريح مالتك اليه ..
و اگول هاي فدوة و ذيچ انساها ..
گدام اليسوه و الميسوه و اگول حقه اني ممنطيته حقوقه الزوجية ..
و كافي محترم ارادتي الي هي نفسها راداته و ممتقربلي ..
بس بعد الي صار و الطريقه الصار بيها ..
كافي بعد حيبقه بيني و بينك الله ..
شيريد الله راح امشي اني بيه ..
الله الي اذيتني گدامه هو ياخذ حقي ..
هو بقه فاتح عيونه عليه ميعرف شنو يجاوب ..
صدكني مهند بعد الي سويته حتى لو باچر عگبه نتلاگه اني و انت ..
ادير عيوني عنك تدري ليش ؟
اخذ نفس و بزفرة النفس گال : لللليييييش ؟
لان عيوني غالية عليه ما اريدها تشوفك و تذكر الي صار بيه من وراك ..
عيونه انملت دمع عافني و راح للصالة ..

فالقصة سفر لغالي