هلوو اوك هاي اول قصة اكتبها هنا اتمنى تعجبكم
______
_بأختصار اني احب واحد متزوج
_سارة هاي شدتحجين لخاطر الله وين اكو بنية تحب واحد متزوج وعنده بنية ما تخافين من الله يعاقبج على هاي السواية
_والله قابل اجذب وبعدين مو بيدي شسوي اذا اني احبه خوما اكول لكلبي لا تحبه مو بيدي والله مو بيدي
-دكولي يا الله اني اعرف بيج عاقلة سارة مو انتِ اللي تسويين هيج
_فاطمة هذا اللي عندي مو زين كتلج وطلعت اللي بكلبي غير اني اثق بيج وحجيت لج لا تكبرين السالفة
_شنو لا تكبرين السالفة انتِ دسمعين شنو دتكولين
وكعدت فاطمة تصيح على سارة لحد ما سمعوا الباب انفتح قوي على ايد ام فاطمة وام سارة
_هايي شبيجن بس تصيحن فضحتنة
واول ما انفتح الباب ركضت ام سارة لبنتها سارة كاعدة تبجي بالكاع وفاطمة تصيح ودموعها تجري
_يمة سارة شبيج ليش تبجين انتِ وياها خوما تعاركتنة
_لا يمة لا ما تعاركنة بس هيج
_شنو تضحكين علية انتِ وهاي دموعجن شنووو يلا احجي
ضلت ساكتة سارة وما تنفست حتى رجعت باوعت ام سارة لفاطمة
_بنيتي انتِ احجي هاي اذا قفلت ما تحجي بعد
اخذت فاطمة نفس وباوعت لسارة بنظرة قهر ورجعت كالت
_عمة سمعنة خبر صديقة سارة مريضة وبالمستشفى وهي ما تحملت وبدت تبجي وتصيح
_شنو القضية ما بيها غير العافية ان شاء الله ميحتاج بجي وصياح يا روحي
سكتت سارة وكامت تغسل وجهة وراحت فاطمة وراها وبقن بس امهاتهن بالغرفة
_يااا صارلهن ساعة يتبجبجن ويعيطن تاليها ع هاي السالفة بنات آخر زمن حساسات كولش
ام فاطمة هيج كالت وردت عليها ام سارة
_خية عوفيهن بحالهن هن هم جهال وما يتحملن
_جهال شنو كل وحدة شطولها عمرها 17
_ايي بس هم مو كبار عوفيهن ولو اني معبرت علية سالفة الابنية والمستشفى بس شسويلهن
ايي مثل ما قريتوا اني سارة واني حبيت واحد متزوج بسس انتوا بعدكم ما شفتوا شي من قصتي شوية شوية راح تعرفون اني منو وفاطمة منو وليش هيج صار
_____
هذا مو بارت هذا بس بداية
القصة منقولة عن قصة حقيقية لبنية اعرفها بس بيها تغيرات شوية من عندي
اذا ما فهمتوا كلمة او شيء
اسئلوا واني راح ارد واشرح
بايي
أنت تقرأ
أراكَ لاحقاً (رواية عراقية جريئة)
רומנטיקהهسة اكيد فرحتي من عرفتي بهالخبر موو؟ ومنو كال اني مهتمة اصلا رواية قصتها حقيقية باللهجة العراقية عن عشق إثنين بين فتاة عزباء و شاب متزوج فهل يا ترى سينصرهم القدر ام كما يقال لا تجري الرياح بما تشتهيه السفن.
