ادعموني بتعليقاتكم و تصويت *ڤوت*
________
مرن يومين واني على هالحال افكر بس بمفاجأة محمد شراح يسويلي شمحضر
وطبعا اني لان ما احب الحلويات ولا احب الكيك كلت لماما تسويلي دولمة بدل ما يجيبون كيك ومرت اخوية هم مو بالبيت يعني ما اريد اتعبها كعدت الصبح دزيت لأمي رسالة كلت الها
_ماما مو تنسين الدولمة
سارة
لان هي وصتني اذكرها واني دزيتلها الرسالة ورحت للدوام وعاد هي بكيفها شوكت تكعظ وتقراها اول درس عندي امتحان اثنين من صديقاتي انطني هدايا قبل الامتحان وباقي صديقاتي اصلا ما شفتهم ...
لان احنة امتحاناتنة الشهرية تكون جدول من المدرسة محضر لكل المراحل يعني كل يوم لمدة اسبوعين اول درس امتحان وقاعات والي يكعدون يمي من غير مرحلة وكذا
طبيت اني للقاعة والحمدلله مو وحدي اية وياي كعدنة نراجع سوة قبل لا نمتحن وبعدين اجت المُدرسة كالت يلا طلعوا الكتب برا لو حطوها يمي امي كمت وخليت كتابي ع الميز مالتها ورجعت لرحلتي وامتحنت
خلص الامتحان وبدت الدروس عادي واحد ورة الثاني واني كلام محمد ما طلع من بالي ولا لحظة جنت افكر شنو هي المفاجأة الي محضرها
ولمن شفت غسق و افنان حجيت وياهن
_شوفن اني ما اكدر اضم ع لارا شي وهي صديقتي خطية خلي احجيلها
سارة
_والله يا سارة بكيفج احنة نعرف لارا كلش زين اذا غلطت ما تعيد الغلطة مرتين
غسق
_ايي اصلا اذا ما كلتيلها هي راح تشك بهالموضوع لان انتِ مدتمشين ولا تحجين وياها
افنان
_ماشي لعد بالفرصة الجاية راح اجمعكم واحجيلكم شصار
سارة
_ماشي
غسق
_اوك
افنان
مر الوكت وصدك اجت الفرصة الي لهذا اليوم اتمنى ما سويت هيج بس خلص فات الأوان وبعد ماكو رجعة
جمعتهن تلاثتهن بالفرصة وكعدنة بفد مكان غسق و افنان مقابيلي و لارا بصفي كاعدة
بديت احجي بموضوع عادي بعدين كلت ل لارا عن علاقتي بمحمد كلتلها وردة فعلها مجانت فد شي واو
اصلا سوت روحها ما مهتمة ولا كأنما اكو شي واني همين ما اهتميت وعادي
خلص اليوم و رجعت للبيت بدلت واكلت الدولمة الي محضرتها امي الي وبعدين لزمت الفون بديت احجي وي محمد وهو عايدني واني احس روحي تريد تطير
أنت تقرأ
أراكَ لاحقاً (رواية عراقية جريئة)
רומנטיקהهسة اكيد فرحتي من عرفتي بهالخبر موو؟ ومنو كال اني مهتمة اصلا رواية قصتها حقيقية باللهجة العراقية عن عشق إثنين بين فتاة عزباء و شاب متزوج فهل يا ترى سينصرهم القدر ام كما يقال لا تجري الرياح بما تشتهيه السفن.
